CoCo壹番屋 (已結業)

慕名已來!!!想食此店很久了, 但每次看到門口大排長龍, 便縮沙.剛好今天老細不在, 可以晏d返, 所以便鼓起勇氣到此店食午飯.點了忌廉野菌咖喱蛋包飯 $50 +芝麻醬沙律+湯 (2款 $25)餐湯 - 飲完都不知是麵豉湯or洋蔥湯 - 差沙律 - 生菜+粟米+車厘茄+芝麻醬 - 普通貨色飯 - 咖喱汁夠多, 奄列夠滑, 忌廉太膩, 飯很多 - 果然是招牌菜, ok好味, 但太大碟, 下次再食一定會減小飯的份量

多年不見的朋友，在外國多年，一回來不但把女友帶回港，還迅即結婚，就在coco 與友人一同收你們的喜帖。說過不把coco 放在waiting list的我，每一次也想吃table 18的。可惜今次又多口問有沒有時限，答案依然是一個半鐘，所以最後還是選coco。六時左右來到，做early bird 的我們，當然是不用排隊，還要有卡位坐啦。很明顯地，未入來就已經想到會吃吉列豬扒奄列咖哩飯，還要未吃之前和吃完之後的感覺是一致的，即是合乎預期呢。沒有多留心看分了多種不同程度的辣，店員問起才說出要小辣，吃下去感覺是不夠辣的，咖哩如此溫文，帶不到那香味來，所以談不上有何出色的地方。飯分了多個gram，可以依自己的食量加減飯量，一般男子不加不減，在晚飯來說也會夠飽的，如果女仔吃，可減飯，是減五元的。蛋是這兒其中一個selling point 吧，有如炒滑蛋，半生熟有蛋汁，吃下去還軟綿綿的，這樣的蛋包飯的確是不錯哦。吉列豬扒沒有放在咖哩浸淋，炸得夠乾身而且肉質夠鬆軟，同樣好吃。友人們點的也是差不多，只小試了一兩口，牛肉有點像牛腩，是比想像中淋。加十八元要了一碗例湯和一客甜品，例湯的賣樣很像中式的菜乾湯，

初次試到超辣日式咖喱, 而且有很多主菜選擇, 有肉有素....好特別. 只是order第二最辣的咖喱, 已經超辣, 不是很多地方有的.可跟日式湯及飲品. 如再加錢跟上雪糕甜品, 好正....超飽!!

忌廉野菌咖喱蛋包飯咖喱汁佈滿成隻大碟，初初都怕汁太多，變成咖喱汁浸飯，但食食下又覺得份量剛剛好。蛋是炒滑蛋，是菜式中我最欣賞的。很鬆軟，又滑口，炒既火喉剛好。雖然叫做蛋包飯，但唔好以為同奄列一樣包住D飯，其實佢只係響堆飯上面鋪隻蛋。原來忌廉同咖喱汁係幾夾，意想不到哩! 不過忌廉汁太似罐頭湯味，而且食多會滯。咖喱吉列豬扒蛋包飯朋友仔胃口細，同女店員講要少飯同辣度，但原來蛋包飯已經set好曬份量同辣度，唔可以自己揀吉列豬扒層炸粉都幾厚，不過豬扒都無炸到乾淨淨，而且不會太油膩，算係咁啦!漬物的確好味，我同朋友仔都情不自敢各自拎左幾次，最後發現都拎左1/3樽同時欣賞有得俾客人揀白飯既份量，支持環保!食完真的非常極之十分滯!雖然係幾好味，但價錢認真不值!另外希望部分客人約左其他人既話，就夾好時間先去霸位。我地剛入去時，隔離張二人檯已經坐左個男人，到我地食完，應該都至少大半個鐘，個男人仲係打住機，咩食物都未叫。最後我地結帳，或者佢都知自己樣衰，先至叫個沙律。而同一時間，出面排左至少10個人囉，真係替佢地慘。

其實我不太認識此店，可能本人大鄉里只去過日本兩次都對此品牌沒甚印象，嘻嘻，不過好吃的東西還是會一傳千里的，從OR得知此咖哩店原來大有來頭而且大獲好評，貪吃的我又豈能錯過呢？上星期六下定決心同男朋友一齊前往試菜。我們大概兩點去到，門前當然已有多位食客排隊，男朋友好肚餓多次想放棄，不過我見堅持等候的人不算太多還是忍耐一點吧，20分鐘後終於成功入座！試菜前我當然做足預備功夫，知道此店的奄列蛋包飯造得非常唔錯，早想好要點這個了，我還扮醒目教男朋友如何點菜，例如要先決定飯的份量、咖哩汁的辣度等等，豈料再細看menu，沒見奄列蛋包飯說明可以有自選項目，我倆決定再向店員確定一下，發現原來奄列蛋包飯是不可以自訂飯的份量及咖哩汁的辣度！不過最後我們還是點了個忌廉雞肉奄列蛋包飯跟餐(要餐湯、飲品及雪糕)，我還看見menu上的炸雞沙律看來金黃香脆又要了一客，點菜之時才發現原來沙律汁也可以二選一，店員問我要芝麻醬還是豉油汁，日式沙律當然要我喜愛的芝麻醬汁啦，驚喜！兩分鐘左右，是日的洋蔥湯端來，湯色啡黃帶有數條洋蔥及綠色的parsley碎，男友說他不喜歡我卻覺得還不錯，至少嘗不到味精的味道。再過10分鐘，我的炸

早在openrice看見這裡的咖哩人氣高企,於是今天便抽空和男友冒名而來我們大約六點到達 可能時間尚早 不用等位這裡氣氛不錯 有幾個卡位看落很舒適..和男友點了2個飯 加$15便可以多一杯飲品及甜品 忌廉野菌咖喱滑蛋飯$65~$68 咖喱選了走辣 濃濃的忌廉加上咖喱汁再配合滑蛋及野菌 暖暖的便滑進肚裡吃完第一口後 立刻瞪大雙眼對著男友說 好好味呀物超所值男友點的是泡菜豬肉咖喱飯$60~$65咖喱選了少辣 相比我叫的 他這個便失色得多了泡菜和豬肉還可以 但與咖喱混在一起便怪怪的至於飲品點了2杯蘋果汁而甜品便是2球雪糕: 士多啤梨+朱古力曲奇吃落像dreyers牌還有每桌都放了一罐醃蘿蔔差. 放一小粒入口都覺得很甜很難吃

哩日同觀塘之友試下新開既哩間咖喱, 看openrice 好像好評如潮呢...7時半多我朋友已經o係o個度等緊... 排到去後樓梯... 係咪真係咁好食呀其實睇下個menu, 都唔係咩咁特別. $6x 既飯得d 汁同什麼什菌牛肉粒都應該冇咩人看得上眼. 還是$80 以上的稍叫有點"睇頭". 兩人叫了吉豬蛋包飯, 炸忌廉飯. 另加$15 有野飲同湯.好快就黎晒d 野. 講真, 佢哩度選擇唔多. 全部野都現成. 想唔快都幾難.我飲左個湯, 有好大朕木魚味. 同埋味精. 冇了.吉豬蛋包飯看似不錯呢. 蛋幾滑, 豬扒炸得脆, 但炸粉厚左點. 豬扒又薄了點. 同埋會甩出黎唔夠黐. 炸忌廉都不錯, 好似炸忌廉湯咁, 有點似炸薯餅但較淋身, 奶味幾重. 第一次食炸忌廉覺得不錯. 但想起價錢就有點兒那個.咖哩少辣比不辣好食.兩人食完都唔覺特別飽...食完覺得d 咖喱唔係唔好食, 但真係普通到不能再普通. 真係唔知有咩咁特別要排咁耐, 等就等左個半鐘, 食就食半個鐘唔知有咩咁特別要賣咁貴哩d 野, 試過, 臭過熱鬧就算了.

第一篇食評, 請各位多多指教呢~O u O上星期五晚和男友去了APM隔離的鱷魚中心試了這間CoCo壹番屋~因為在Facebook看見有不少朋友都提及這間食店~說很好吃~所以我就在這裏去看了一下簡介和評分la~~XD看見開業不久, 已經有2X個GOOD~看食物照片又很歡樂的樣子~所以我就拉了男友同我去食了~XDD看店面的裝修和門前的咖喱Display櫃, 頗有日式洋食店的感覺可能是因為星期五的關係, 所以等位時間有點長差不多等了9個字才有位呢@ @看一下menu, 發現這裏的餐配搭都挺多元化的~ 選了基本的咖喱飯後，咖喱汁有七級辣度可以選擇~這樣不論吃辣, 還是不太可以吃辣, 又或是完全不吃辣的人都絕對照顧到呢~O u O飯量也有五種，標準飯量是300g~食量小的叫200g更可以減5蚊~相反加飯就要加錢la~有400g, 500g 還有最大飯量600g~個人覺得非常大份(爆)但這只適用於咖喱飯, 咖喱蛋包飯和焗飯的飯量是固定的~怕不夠飽的人要注意一下呢~//除了這兩樣~還有差不多30款配料可以加錢添加~選擇真的非常多啊~研究了一輪後, 和男友兩人點了兩個咖喱飯餐~我點了忌廉

這棟大廈除了樓上是寫字樓之外... 樓下的差不多都是食肆..今天我們便選擇了在這裡進行午餐!環境是不錯.. 寬敞舒適.. 服務只屬一般.. 因為有漏單情況出現..吃完了整碟飯才送上開胃沙律..咖哩汁偏鹹.. 份量略多.. 飯比較好.. 像是珍珠米般.. 而且又有自選份量..炸豬排和雞排皮脆內熱.. 口感味道不錯.. 整體來說.. 沒有什麼特別.. 價格亦偏高.. 有點兒不成正比!

等了45分鐘才有位，店門近鱷魚恤中心大門口，沒有冷氣，等位期間熱氣不斷由大門攻入，中途真想一走了之。點了少辣咖哩雞扒飯及吉列豬扒咖哩奄列飯，加錢要飲品及雪糕。普通咖哩飯可選辣度及飯量，減飯可以減$5，奄列飯則規定了飯量及是不辣咖哩。我覺得少辣及不辣的辣道差不多，都是微辣。日本咖哩味香濃不膩，味道很好。雞扒香脆不油，但味道絕對及不上吉列豬扒。吉列豬扒同樣脆而不油，豬肉味香，跟咖哩飯味道很搭配，唯稍嫌豬扒薄了一點，沒有啖啖肉的口感。飲品要了檸水，水是支裝V字頭礦泉水，兩個人喝一支也夠。雪糕是士多啤梨味及rockies，味道不錯。整體味道很好多，但價錢稍貴，兩個set埋單要二百多元，有D唔值。如果可以改善等位環境就好，太熱了。

朝早黎這裏lunch..不太肚餓兩個人只要了一份~唔辣的咖喱蕃茄酸脆雞飯..加了沙津野飲~原來真係好好味啊呢度既咖喱!!!雖然要了唔辣, 但好香啊!!!又有我地鍾意既蕃茄...同脆雞!!呢個脆雞完全係我好想食的...其實也是好簡單...煎得好脆既雞...hahah但好鍾意~!佢標榜芝士好似好好味...不過呢日冇試到了下次再試...好味啊呢餐!!

放lunch 去"新開"的COCO試下~記憶中佢同我在日本食過的一間咖哩屋好似...不過...真係好貴我地點了 咖哩牛肉蛋包飯 ($66) 見到Menu 個d 菠菜咖哩飯都要$60..真係不寒而慄正常味道, 唔可以話好好味, 亦同價錢唔相符。同事的水杯...有好多漬...叫waitress 換過杯...成個杯面都濕哂...果然係有洗到=.=食完, 飯氣攻心, 同行4人都眼訓到"温温鄧鄧"...

見網上評價不俗便與友人一試~七點左右去到...嘩 好多人呀等左成個鐘先有位...友人和我分別點了咖喱炸魚和忌廉咖喱雞肉蛋飯 加錢跟飲品及雪糕兩個飯均不俗~ 不過我更喜歡友人點的忌廉咖喱飯份量是女仕份量 唯留意到旁邊的男仕們覺得不夠~飲品和雪糕一般水準不過要留意這裏不太適合久坐聊天...服務生會經常想收盆和上雪糕...有種被趕的感覺和友人離開時已經九點但門口仍有很多人在等候雖然食物不俗但還是覺得貴了一點...

等左一個鐘 終於輪到我地喇 第一次食 見到個meanu既價錢 真係好貴呀 諗住叫下d人explain下跟餐既話 係點喇 但d service好差 講完一句就走左 都無答到我地條問題 最後散叫左個咖哇吉列豬扒飯 (轉左少辣) +咖哩奄列牛肉飯 咖哩奄列吉列豬扒飯,勁多汁正呀 雖然汁多 但係個吉列豬扒無俾佢整到淋曬 而且仲好脆tim 肉同炸粉既比例岩岩好 另一方面 本來以為少辣唔係好辣 但試第一啖 佢既辣味可以停左係喉嚨位呀 勁呀 咖哩奄列牛肉飯d蛋好滑...d牛肉煮到好林 好似食緊中式牛腩咁 好正呀個咖哩汁好濃味 正呀 雖然睇落去d飯好少 但都幾"流"下 正常份量都食唔曬呀 大家可以試下 不過唔係好低食

因迪迪仔13號生日但因他要去旅行所以提一日和他慶祝, 他想吃這間咖哩飯店, 所以同哥哥三個人一起在這裡吃.我自己不太吃飯的但這裡只有飯和沙律, 所以叫了一個吉列豬扒奄列咖喱飯試吓, 飯和咖哩汁的辣度是固定的, 所以不能選擇. 吉列豬扒沒有冇被咖哩汁淋到, 所以仍然好脆而飯亦不算太多, 吃到最後只剩下兩口, 都ok la.迪迪仔叫了一個蜆肉蕃茄奄列咖喱飯, 他亦是和我一樣飯和咖哩汁的辣度是固定的, 但細佬都說好吃呀.最大食的哥哥叫了一個忌廉雞肉奄列飯及鮮菇忌廉奄列咖喱飯, 佢唔吃辣的所以選了不辣, 他都話好味不過d飯太少了根本就唔夠, 哥哥仲吃了煙肉沙律呀!(但吃極都唔肥).雖然好味但若果加d小吃選擇就好了及價錢有點貴呀!