CITY CAFE (已結業)

15-2-2020 (Sat) 朝,同老公俾完嘢女友人WYP後就逛,逛到11點幾食個lunch啦,我哋行到嚟呢喥,見佢好吸引咁睇吓店名,又易咗手,我哋入去試試啦.睇完menu,我決定要$64.00嘅素食英式早餐,飲凍茉莉綠茶,老公要$72.00嘅意大利香草魚柳扁意粉,加$15.00要眼淚咖啡(凍).凍茉莉綠茶先到,呢個兩者味道都飲到,味道較清淡.味道:3分其他嘢食都陸續到嚟.意大利香草魚柳扁意粉,香草味道好濃,扁意粉有少少辣味,食到最後竟然乾爭爭,落唔夠橄欖油? 香草魚柳係外脆,但調味同樣係重手咗,濃.味道:2分素食英式早餐,有煎雙蛋,牛油果,茄汁焗豆,雜菇,焗車厘茄同吐司.雜菇調味又重手咗,辣嘅.沙律菜嘅汁味道怪怪,老公食話係醃酸瓜嘅汁,好cheap.其他嘢就冇乜問題.味道:2.67分而眼淚咖啡(凍)呢?我試吓飲,咖啡味較淡,奶味重,成杯嘢都偏甜.味道:1.5分價錢:收$167.00,但連加一其實係$166.10,咁計法,俾我嘅感覺唔好. 2.5分

難得放假，可以食最愛既All day breakfast 仲有最愛既Egg Benedict好耐冇黎，呢度環境舒服，仲可以坐outside，雖然招牌名改左，但食物水準不變，依舊咁好食

今日放假好遲先起身，1點幾先開始搵食！近近地就揀左係屋企附近一間有西餐全日早餐食！人哋食午餐，我哋食早餐！突然有一日發現呢間改左名，唔知咩原因，但餐牌無轉到，仲係一樣！兩個人叫左兩份餐，份餐真係好大份！一個女仔自己一份係食唔曬既🔸皇室班尼迪蛋 $64就咁望都幾吸引，但食過班尼迪蛋都知第一步要切開隻蛋，等蛋黃汁流出來，不過一下切落去係無嘢流出來，隻蛋已全熟好失望！好在個包都好軟熟，味道都唔錯！🔸田園烤雞扒早餐 $84勁豐富，西多士有兩件、薯餅有兩件、煎蛋有兩隻、牛肉腸、雞扒同雜菇，兩個人食都無問題！好對得住個價錢！全部都熱辣辣，不過薯餅勁油，食落啖啖油，唔得！其他味道都唔錯，西多士就一定要趁熱食，凍左就會覺得好油膩！環境就唔錯，兩個人食下嘢傾下計，氣氛都幾好，仲有室外座位，夏天就當然室內好啦！