Cinnabon (東薈城名店倉)

营业中

休息中

ROLL-ON-THE-GO(Peanut Butter Chocolate)肉桂味好香，以前唔鐘意食肉桂的我都接受到!!頂層係花生同朱古力，低層係肉桂味麵包，3樣野好match

🤩cinnabon真係好鬼出名㗎，嗰日喺東薈城見到即刻買返一盒返去share下先🥰Cinnabon 。Peanut Butter Choco $36🥜🍫首先隆重介紹我最鍾意嘅味道⋯⋯花生醬朱古力！呢個絕對係世上最完美嘅組合，唔接受反駁🤔濃郁嘅花生醬加上外脆內軟嘅cinnamon roll，真係千金不換🥰。原味肉桂卷$30🍰我覺得原味比較普通，但係你會食到最原始嘅肉桂味，可以真正咁享受糖霜同麵包嘅交融。🥺。raspberry honey $36個人覺得蜜糖同肉桂卷都幾夾，但係可能會有啲過甜😂睇吓你哋嘅口味如何啦🥰我覺得都幾好食嘅，新口味當然要試吓啦⭐️。焦糖蘋果$36🍎呢個口味就不過不失，個人覺得蘋果同肉桂唔係太夾。可能因為我自己唔太鍾意食蘋果類嘅甜品😢Cinnabon (奧海城) (大角咀)大角咀海庭道18號奧海城二期地下G06號舖Cinnabon (東薈城名店倉) (東涌)東涌達東路20號東薈城名店倉2樓298號舖Cinnabon (銅鑼灣)銅鑼灣勿地臣街14號地舖

人氣肉桂卷Cɪɴɴᴀʙᴏɴ不同口味選擇呢個係原味正宗肉桂卷外國風味不太甜很好吃餐廳環境好我亦都試咗咖啡肉桂味咖啡很好飲另外仲有經典朱古力券焦糖咖啡卷芒果沙冰冰凍夠解渴

我仔睇卡通套卡通話呢d 玉桂卷叫痴立立包，上次路過見到有呢間店就試下，我嗌左原味，朋友嗌左店mini 既焦糖脆餅味。一啖咬落去，麵包好有口感，個感覺似食緊刀削麵再淋多dd, 上面白色既醬好香，不過食左幾啖太甜，要係咁飲水，對我黎講，同朋友share 一個就岩岩好啦！焦糖脆餅味就無咁甜，不過對比之下，都係原味最好食，鍾意飲咖啡嘅，可以嗌埋套餐，可以自選一個味嘅肉桂卷加杯咖啡。總括而言，我會再嚟食嘅，我會嗌原味同埋同朋友一齊分享食。

本來想問收銀姐姐買一口4粒嗰款可唔可以唔同款，點知講到一半已經話「一買要買4粒」，咁我都知，個牌寫到明係4粒，但係咁樣未聽完就答，又要答非所問，感覺都幾差，更何況我後面都冇人排隊，relax之後，佢問我係要佢哋翻熱定自己翻熱，咁我答自己翻熱ok喇，本身以為佢都係俾室溫嘅我，點知佢係雪櫃拎，想同佢講唔駛雪櫃嗰啲，不過見佢補一句話「會補醬等叮嘅時候冇咁乾」，當然語氣唔多好，我都廢事再講，買完即走。又或者，佢係店長，所以容許咁嘅面口。

星期六晚送機前，突然之間諗起呢間一口肉桂捲好食，但係已經距離關門仲有五分鐘，即刻跑上去， 好彩佢都仲幫我落order，落完單仲想加嘢飲佢都做畀我臨急臨忙去到機場冇影相， 買唔到一口胡桃卷( 太夜已經賣完)， 就改為買mini， mini畀一口大隻好多， 亦相對比較甜， 不過配上合桃同樣好食有點口渴，買多咗杯士多啤梨yogurt， 45蚊大杯裝，味道唔錯， 沙冰質地， 解渴又健康十分多謝此店舖員工， 原先想過隔嚟買埋珍珠奶茶，但係已經截咗單冇得賣， 因為佢哋令到大家响送別時多咗一份不錯小食

嚟到東涌、當然要去呢間玉桂卷專門店朝聖一下🤤之前都食過一次、今次encore第2次、哈哈哈！😂其實本人唔係好好甜、但都忍唔住買番个🤭去到Cinnabon店、已經聞到陣陣玉桂香味、見到很多人客都是外賣回家品賞、可能沒有晚肆堂食的関係。講番个玉桂卷先、買了一个朱古力味、另一个係花生醬味、朱古力味超濃郁、切開時朱古力醬系爆發出來、極邪惡😍不過徧甜、而花生醬味、切開時醬汁也是爆開、可能本人不大好甜的関係、覺得花生醬味好吃好多、濃濃的花生醬、甜度剛剛好、不大甜👍其實重有好多其它味道、有機會也会試埋其他味道😋最後我覺得肉桂捲價錢偏貴、如果平返啲啲就好啦！😜

叫Set嘅話比較抵 ✌🏻✌🏻食完樓上food court可以留肚 叫埋呢度嘅甜品加杯咖啡就最正啦今次就嗌咗咖啡味嘅肉桂卷 男朋友就嗌咗花生醬肉桂卷相比下就會覺得咖啡味嘅好似冇咁濃味 因為可能花生醬味道太強勁 之後再食咖啡味就會覺得冇咁出建議唔好一路飲咖啡一路食咖啡味嘅肉桂卷😂download佢個app儲分嘅話其實都會換購到一兩個 🤍呢一間有得坐梳化或者如果係一個人嘅話可以喺場邊坐單人吧枱食 唔會話太尷尬呢一間嘅服務同質素都唔錯 甜既份量唔會比得太少😋

之前聽朋友介紹東涌有間好出名嘅肉桂卷舖頭，咁啱今日嚟東涌，即刻去朝聖。本身對肉桂都情有獨鍾，但香港真係比較少有舖頭用肉桂嚟做主打，上網查先知道原來係過江龍，美國品牌，甜品一定呱啦啦有保證—保證好甜好大件好有份量好高卡路里！嘩！一見到啲肉桂卷，雙眼發亮，無諗過佢有咁多款式之餘仲每一款都好有特色、好吸引、好靚同好啱打卡用，睇見都流晒口水！叫人點揀好呀？Why not all? 最後我同老公揀咗4款：朱古力、花生醬、焦糖胡桃同原味。看！多麼的吸引！味道好何？一個字：！花生醬同朱古力中間係流心㗎！一切開，啲醬好似洪水咁湧出嚟，落重本！Guilty pleasure。拎到返屋企，其實已經凍咗，我哋無特別再叮返熱，但包嘅質感仍然好軟熟好新鮮，中間帶有淡淡肉桂嘅清香，唔會好濃味，即使我老公同媽咪都唔係肉桂嘅粉絲，但佢哋都食到舔舔脷，我老公仲食到拍晒手掌，話可以嘅話想每日都食一個，好誇張！特別推薦花生醬味，我哋三個都覺得佢最好食！以後每一次去東涌，都一定會去Cinnabon打卡！

往時經常和朋友經東涌轉車郊遊，東薈城outlet總是有絡鐸不絕的人流，這個下午一身輕裝，在角落巧遇這間Cinnabon分店，散出陣陣肉桂香，有段時間試過自己焗玉桂蘋果酥皮卷，肉桂香總是有種新鮮出爐一般的感覺。買了一個MINIBON set配iced latte，靜靜地坐在面壁的座位吃，小小的份量兩三口就吃完了，肉桂與焦糖甜膩但令人愉悅，商場外下著冷冷的微雨，這個下午心境難得的清靜。

平時經過銅鑼灣呢一間已經會聞到好大浸肉桂味今次行行吓outlet見到 即刻入咗去試吓個Bonbite SetOverall全間店嘅嘢食都幾貴我會話佢幾好食不過未值得咁貴鍾意玉桂味嘅朋友 經過可以買一舊食下💁🏽‍♂️🍽Classic Bonbite + White Peach &Jasmine Cinnafizzies $55Classic Bonbite 📊6.5/10其實就係細細舊嘅肉桂卷 每舊嘅面頭上都有類似奶油溝白朱古力嘅醬係傳統美式甜品嘅甜度 肉桂味濃郁 而包嘅口感都軟糯 整體幾好食😋但係完全唔鍾意甜嘅朋友就唔建議你食了😂White Peach &Jasmine Cinnafizzies 📊6.5/10杯野係light sparkling water + 白桃粒果醬 + Jasmine tea +一片小青檸估唔到嘅係佢整體夾埋又幾match 同埋一啲都唔甜Match埋classic bonbite 出奇地幾夾杯底會食到佢有一粒粒果肉同埋jasmine花瓣 幾清新Overall 🔥6.5/10會唔會再去: 行行吓街經過覺得攰 會想入嚟食返舊肉桂卷🤓

之前都已經試過一次，今次即買即食，買咗一口肉桂卷！一口size一份有四件～肉桂味不算突出，面頭加左自家忌廉芝士糖， 甜到有啲膩！上網睇番先知建議要熱食， 唯有下次再試過啦！

人氣肉桂卷Cinnabon前年登陸香港主打不同口味的肉桂卷，每日新鮮出爐Size有標準、迷你及一口份量今日黎到東涌shopping，早餐一於試下佢先🤣~今次就order左焦糖蘋果肉桂卷同朱古力卷店員會即時幫你翻熱黎食焦糖蘋果肉桂卷面頭有香甜焦糖醬再加上酸酸甜甜既蘋果肉肉桂味濃郁同蘋果味好夾😁麵包口感唔錯一啖接住一啖令人覺得好邪惡呀朱古力卷主要因為唔想叫晒2個肉桂卷所以叫左試下Topping有好多朱古力醬不過個人覺得甜左少少🤪食哂全個有d飽 (估佢唔到) 價錢要40幾蚊個其實都偏貴同價錢可能會有更好選擇呢🙈🙈

去咗迪士尼玩咗一日，跟住去東涌食晚飯，食完行行下經過見到呢間專賣肉桂卷嘅舖頭，上網睇好似幾多好評，聽晚又係美國好出名嘅連鎖店，不嬲都鐘意試新野嘅我，一場黎到梗係唔會放過🙃🙃🙃飽飽地本來諗住叫一件肉桂卷就算，但係見到前面嗰位客人又叫左曲奇，就諗住try try試吓係咪真係咁好味🙈叫咗一個迷你朱古力肉桂卷($32)同一件chocolate chip cookie($29)🍪肉桂卷店員會幫你稍微加熱，塊曲奇就冇🤷🏻‍♀️🤷🏻‍♀️店內都有少量座位同吧枱位可以堂食～唔知係咪期望太高，兩樣野都冇預期好食..🤢肉桂卷得個甜字，食唔到有肉桂味。。好似食緊團鋪滿朱古力醬嘅麵粉咁😥😥件曲奇反而食到肉桂味，但係無論味道同質感都唔出色，實在唔值呢個價！

《Cinnabon》 呢間來自美國嘅肉桂卷專門店係揀好口味後會即場幫你加糖漿、配料！ 口味同size都有幾多選擇！ 如果你怕膩但又心絲絲想試， 咁就可以揀個細粒d既試下！除左揀size，大家仲可以選擇coffee set，中和下肉桂卷嘅甜膩感~🔥 ▪️▪️▪️▪️▪️▪️▪️▪️▪️▪️🔸原味肉桂卷 + Americano ($ 48)呢個係最classic嘅口味~ 食落有好香既肉桂味！而且麵包底好軟熟！表面落左朱古力醬同煉奶，完全唔同越食越口乾！✨🔸焦糖蘋果肉桂卷 + Latte ($ 48）呢個係最近推出左新口味 ！一見到就即刻叫左嚟試！ 小編就覺得呢個比經典口味好食~ 加左蘋果粒之後味道酸酸甜甜🤤而且有蘋果粒咬下咬下🍎 成件事更加有層次🤩以上2款都係minibon，姐係比正常size細粒d架~▪️▪️▪️▪️▪️▪️▪️▪️▪️▪️不設加一服務費▪️▪️▪️▪️▪️▪️▪️▪️▪️▪️