Chow Chow Cafe

营业中

休息中

第一次帶同狗狗一齊去食野🐶 揀左間有空外座位嘅cafe😙 呢間寵物友善餐廳職員對人都好友善😆叫左兩個下午茶餐 跟餐有杯熱飲chow chow 招牌漢堡 ($58)煙三文魚扁意粉 ($58)另設加一味道來講都唔錯 招牌漢堡都幾多料 包括有芝士🧀 豬柳漢堡扒 蛋🍳 菜 蕃茄🍅 同煙三文魚 漢堡比較軟身 幾易咬😋 另外個煙三文魚扁意粉都正常味道 幾好食🤤如果以cafe 來講 咁樣一個下午茶餐都算唔差😍 不過飲品就係茶餐廳式😂 不過服務來講都幾唔錯😙 餐廳職員幾細心😛 俾餐具個陣仲有俾壺熱水 用保暖壺裝住熱水😳 話用來淥餐具😆 呢點好欣賞 加分👍🏻

星期六lunch 落雞地搵食見到chow chow 12 點3已經爆哂，有d 留左比bk 台我地等一陣，好彩話開多張係轉角位，甘就可以唔駛等甘耐之前黎都係食dinner, lunch 無試過一人叫左一set, 餐湯係蘑菇湯比較多蘑碎，有口感味道都唔錯餐包就外脆內軟，點包食或者單食都ok.鰻魚拌麵，鰻魚量唔算多個拌麵汁底好有 街頭拌麵個隻feel份量唔算多，岩岩好夠飽另一款主食就係蒜辣大蝦扁意粉，大蝦都有3,4 隻扁意粉炒得岩岩好，蒜辣味都夠，有小小辣甘，加埋其他配菜，反而食依個更加飽肚lunch 人均大約$80到～ 比起其他雞地西餐，依間算平少少～但質素都唔錯同埋可以帶寵物黎所以假期真係長期爆滿

平日下午相約朋友下午茶，好耐沒來這間餐廳，大家都想起佢就來個下午茶先！店裡tea set 有很多選擇，見到每款都想食！最後我選擇咗Chow Chow 招牌漢堡包配紅豆冰（煙三文魚、豬柳堡、炒蛋芝士、茄片及蜜糖芥末醬）味道配搭得宜 ，再加紅豆冰襯到絕，建議可以加錢叫紅豆冰好好飲！另外朋友叫了豬扒包配特色冰涼雜果冰梳打，以下午茶質素好高呀！平日又唔多人坐得舒服，服務當然一貫好好！

和友人行完河背水塘坐返小巴落元朗食下午茶，本身想去二悅，但去到個地址發現變左另一間鋪（唔知係咪搬左/執左），想去另一間台式餐廳又排長龍；結果喺附近搵左呢間cafe 試下.有兩個下午茶menu，選擇困難症嘅我最後揀左推介嘅芝士豬扒包配忌廉紅豆冰😍 只係$38 （另收加一）本身重點只放在紅豆冰，因為好耐冇飲，侍應小姐送上黎嘅時候，見到都幾大杯，上面有滿滿嘅忌廉，好邪惡🤤對於只需$38而配紅豆冰嘅豬扒包，老實講，我唔會抱太大期望，只要咬得開就得😅估唔到送到上黎，不但外表得體，塊豬扒煎到金黃色，幾厚身，食落幾juicy，肉嫩，香口，唔鞋，亦唔會有鬆肉粉醃到過淋嘅口感😋😋😋麵包亦好鬆軟，微溫。 旁邊配埋幾粒生果，成個餐即刻健康左🤣另外，要讚賞一下兩位員工，態度好親切友善，會回應客人要求。本身朋友想坐室外，坐左一陣有煙味，於是想調入室內，員工好欣然安排；見到我地有背包，又主動俾個籃俾我地放好；朋友因為電話冇電，問男侍應有冇充電線，佢俾左一個充電器我哋。真心要讚賞佢哋嘅服務👍🏻👍🏻👍🏻今次嘅下午茶，絕對有驚喜😌😊💯

由細個開始就形住chow chow好貴，所以成日都唔會話食佢，可能係不知不覺間，食餐飯普遍都變成哩啲價，於是當見倒個餐牌嘅時候驚覺其實並唔貴，仲幾抵，因為包好多野，服務又好。 哈哈奇奇怪怪咁叫左肉醬意粉，因為真係太耐冇食過「芝士焗肉醬意粉」，突然好想食下。羊架零羶味好味道，隻春雞好厚肉同juicy。最欣賞嘅係佢一個餐包好多野，又前菜又餐湯餐包，仲有甜品！嗰日慶祝生日，播晒背景音樂捧晒蛋糕，插埋牌同蠟燭比我地都唔收切餅費😭

.香港地dog friendly嘅餐廳唔多，帶住狗仔搵飯食都唔係一件易事。早兩日同pocky同hangry去睇獸醫，等待其間就去咗元朗依間chow chow cafe度食，佢係有戶外位得黎同外面嘅路人有板隔住，又有頂摭蔭，都算涼爽，重點係狗主可以同狗狗一齊坐。🥰最值得一讚嘅係，職員都問咗幾次狗狗要唔要水，同埋都睇得出佢哋好鍾意狗。🥰我哋今次叫咗兩個lunch set食。佢包餐湯，餐包同埋沙律杯，仲有個甜品同埋飲品。餐湯係松露蘑菇忌廉湯，賣相無咩特別，但味道唔差，有少少松露香同埋有好多打碎咗嘅菇粒，足料得嚟又有口感，不過忌廉味唔夠濃，算係咁啦。主菜叫咗一個手打菠蘿蝦肉漢堡包（$92)同埋一個all day breakfast($98)。蝦堡個蝦係煎，唔係用炸，感覺無咁熱氣，但食落都唔錯。啖啖蝦肉又夠厚肉，都幾彈牙，個麵包皮食落唔會太淋，都有口感。至於個all day breakfast，都算合格嘅，係正常水準。炒蛋係幾滑，仲有煙三文魚添，而雞肉腸，雞肉漢堡都唔會太油，味道就普通啦。生果杯就有火龍果，西瓜同哈密瓜，無浸糖水嘅。最後甜品就揀咗榛子雪糕，依個有驚喜

出開元朗買野諗住順便食埋個tea先番屋企，見依間d野食好似唔錯仲要有下午茶餐，所以就黎試下。首先係個煙三文魚忌廉汁扁意粉，唔知係米因為係下午茶既關係，佢份量唔算好多，而三文魚都係比較少，得面頭兩片，而菇既份量就比較多，但d菇食落會有陣好似d酒未揮發晒既味。而個忌廉就比較淡，同埋有d似茶記白汁隻味，所以整體個意粉都唔係咁岩我口味。之後仲叫左個蝦堡，依個蝦堡就比意粉好食，佢個包係鬆軟，生菜蕃茄都算新鮮，而個蝦餅調味都適中，唔會太咸，亦唔會調到無晒個蝦味，同埋佢唔係好似快餐店個d係炸而係煎出黎，所以食落無咁乾同熱氣，但個片芝士同個蝦餅就唔係咁夾。而個菠蘿係罐頭菠蘿，所以比較甜，同埋整體食落個味道唔係好襯。另外佢仲有個生果杯，生果味道正常，但枝白色膠叉同成碟食物好有違和感，建議佢另外比好過插係度。佢跟餐仲會有野飲，咁就叫左一杯熱奶茶同一杯熱檸水，但兩杯都麻麻地。佢杯奶茶唔係好香，仲有d茶澀味，飲完會有少少那住個喉嚨。而杯檸水個檸檬都係會澀到那住個喉嚨，所以兩杯都係飲左幾啖就無再飲。總括黎講，雖然份量唔係話好多而且味道都一般，但以價錢黎講都算幾抵食。而環境燈光就偏暗，不過因為晏晝有陽光，所以見到

Enjoyed an alfresco weekend lunch with our doggie here.Was fortunate not to have to wait for a table outside and as our doggie was in a pushchair the staff was considerate in making sure it was in the shade.Little baskets are provided to place your bags and mosquito repelling incense is placed under each outside table (no strong smell). Placed our orders from the menu which had quite a few choices.Before your meal they provide boiling water to sterilise your cutlery.Mushroom soup with bread roll

元朗好多小店，今次同幾位朋友揀左呢間小店。食客可以坐室內或室外，最啱帶狗的朋友去食，又可以帶狗，又可以享受美食，正一入去，可以要求要口罩袋，呢個又係細心的安排室內得幾張枱，但情調幾好，又播下音樂，好啱三五知己傾計食物種類算幾多，亦有沙律餐，好啱健康既人出黎揾食，唔怕街既食物油膩叫左幾款食物，咩都試下。每個餐，都有前菜，鴨胸好味，沙律新鮮🥗還有美味餐湯同熱辣辣的餐包。。。太心急食，影唔切相🤣🤣秘製沙律配燒雞，燒雞好味，好juicy 沙律菜好新鮮🥗🥗🥗🥗🥗鵝肝配牛柳，鵝肝入口即溶，好甘香牛柳7成熟，但仍然好淋，好有肉味，再配上醬汁，好好味。值得一試卡邦尼意粉，好香好好味，唔會覺得好膩餐內還有餐茶，甜品真係好滿足的一餐。

WFH前一於落樓下吃一個精神的lunch ！最愛陽光充沛的日子坐著戶外位置附近的兩張枱都坐著陪主人午餐的哥基仔🦮.set lunch有好多選擇eg沙律、burger、pasta、扒等吃了豐富的湯、主菜、飲品，最後還有甜品！估佢唔到🥞味道都不過不失曬著日光、吹著微風、望著小狗這段疫情日子大概賺到這種久違的相處☺️☀️

去過兩次呢間Cafe，因為貪佢泊車方便😬，每次都係食burger，今次搞搞新意思中華芝麻醬火腿冷麵😌。哈哈哈！估唔到佢哋西式做得好，中日式嘅冷麵做得都非常好，尤其是個麵質，再加埋一啲蘋果絲、紅蘿蔔絲、青瓜絲 ... 真係好味喎😋😋。最後再加上一個焦糖燉蛋，滑脫脫🥳🥳。完美結束呢一餐。追加讚 ... 衛生功夫做得好足，做足探熱，消毒，每張枱餐枱之間保持距離 ... 等等。

上次來食過下午茶，覺得不錯👍🏻這次來試試lunch.....睇下水準系咪可以keep到。來到已經高朋滿座。餐廳有室內，但都可以坐室外，涼風吹過，幾舒服😌今次我地有帶狗狗，所以坐外邊。估吾到狗狗都有提供水。非常岩我地假日帶狗狗出街食飯。都算多野吃，我地叫左3個餐。味道都幾好漢堡包🍔餐料足味夠，我最喜歡系薯條，好飽暖，無咩油益味。呢個中華沙律就相對之下比較差少少，味道不算太突出。個扒有啲蒜蓉香紅豆冰足料

是咁的~今日係同女朋友仔嘅四週年紀念日，Chow chow cafe係對傻妹特別有意思嘅地方所以今次都揀喺呢到食我地嘅週年飯啦！餐廳因為係星期六嘅關係，會限左客人喺兩個時段入：1800同2000，六點對我地黎講實在太早所以就揀八點啦雖然近排香港都受到武漢肺炎嘅影響但chow chow呢到夜晚人流都好旺！全場無論室內定室外都爆滿，不過呢到質素本身都高嘅~爆滿都唔意外Set dinner有埋湯，沙律同餐包~全部都唔馬虎，今日嘅湯係南瓜湯呢到南瓜湯嘅質感控制得好好，稀稠度適中，灑左少少白胡椒粒都令到南瓜嘅甜味更出，唔錯呢到餐包永遠都係有整熱到先上枱，食果陣一定唔會凍冰冰，如果可以再熱d溶牛油嘅效果就可以更好喇不過餐包個質地都軟熟嘅沙律就係少少沙律菜撈最正路嘅胡麻醬啦，值得講下嘅係有幾片腸仔，係用蒜蓉煎香過嘅脆皮蜜糖腸，好味呀我就叫左份煎鵝肝配牛柳跟薯菜鵝肝煎到好香，名副其實係入口即溶，一咬落去果個鵝油香真係正到痺不過呢種食材始終係種唔人道嘅食物我平時都好少食我諗對上一次食應該兩年前lu牛柳我叫左五成熟，靚嘅牛叫五成熟就最能夠食到佢嘅牛味，呢到嘅牛應該係來自美國果邊，美國牛嘅特色係脂肪唔多油香

一聽名就知道係地區小店，可選擇室外室內坐，假日不少養狗人士在元朗遊玩，可以見到好多食客坐室外與狗狗一起放鬆用膳。收工壓力太大想食好啲，去了好順景一帶搵食，幾次經過見到Chow Chow Cafe門外的食客點住燭/燈光咁開心，受人影響，一路想試食，店內由裝修及擺設到音樂，全部都非常貼地，雖然裝潢氣氛普通，但食物的用心及服務殷勤提升了我的評分，兩人叫了一份帶子Risotto及烤雞扒伴薯菜，三粒帶子鋪了半個碟，味道合格，烤雞扒剛好，滑而不老，未食過此店的推薦一試。

Chow Chow Cafe一間位於元朗雞地，難得可以選擇坐室內和室外的一間cafe，因為我比較喜歡坐室外，就決定坐下，環境好舒服，又唔會太嘈可以坐下一邊慢慢食，一邊同朋友傾計。温泉蛋卡邦尼煙肉意粉🍝 -有忌廉的卡邦尼，目的只是讓其味道幼滑香口。芝士和蛋來攪拌卡邦尼已很惹味和香滑，令蛋漿沾滿每條意粉，而又不要令蛋漿過熟變成蛋粒，放煎脆的煙腩肉，真係好好味😋雙重芝士雞扒配菠蘿火腿-雞渣扒厚厚而且非常香口嫩滑面加上香濃芝士，口感十足。加多$8又可以有杯特色咖啡，仲送焦糖燉蛋，簡直超水準👍👍