CHIMAC (連城廣場) (已結業)

沙田連城廣場開咗間CHIMAC韓國炸雞店，近晚餐時間見到好多人堂食及外賣，望見多款炸雞，非常吸引，決定一試。🥰最後我哋order咗韓國原味炸雞、蜂蜜焦糖炸雞、洋蔥芝士炸雞、配炸薯條、酸蘿蔔。😍韓國原味炸雞揀左5件有骨炸雞，炸得甘香可口，好有韓式原味道。😋蜂蜜焦糖炸雞都係揀左有骨炸雞，加上蜂蜜焦糖嘅甜度，小朋友至愛。😋洋蔥芝士炸雞揀左6件炸雞腿肉，啖啖肉完全冇骨，再配合濃郁洋蔥芝士粉嘅味道，令味覺更上一層樓。😋3款炸雞都惹味，最緊要雞肉juicy又好滑好有雞味。😋炸薯條係粗身薯條，香口之餘又有口感，酸蘿蔔好有韓國風味，套餐包埋無糖雪碧就配食炸雞一流。😋

服務態度又差，啲客喺度排隊，淨係喺度包外賣咁不如唔好做堂食。希望貴公司高層睇到跟進下你哋嘅員工嘅服務態度非常之差，叫個客企喺度等個態度都好少少！俾錢仲要受啲咁嘅態度!

近年食炸雞已經無再揀鬍鬚伯伯嘅快餐鍾情呢間韓式炸雞，食完會有翻尋味嘅念頭外賣包裝好穩妥拎到返屋企仲keep到脆卜卜炸雞套餐 跟埋薯條同汽水有6種唔同味道仲可以揀有骨 / 無骨店員好貼心跟埋手套，乾淨衛生✨韓式黑炸醬炸雞呢款醬汁有驚喜．係黑豆醬，加上肉碎．芝麻同蔥花，味道好獨特，無諗過可以同炸雞咁夾✨洋蔥芝士炸雞炸雞上配上洋蔥同大量芝士粉，完全融入香脆嘅外皮之中．熱辣辣 好有份量✨蔥蒜醬油炸雞配上蔥蒜非常香口，淋上醬油好惹味，仲唔會因為咁而令外皮變淋，超脆口食炸雞 配埋韓國汽水，仲有醃製嘅爽口蘿蔔可以中和一下港九新界 都有呢間炸雞嘅蹤跡隨時都可以再Encore

係沙田分店買個二人餐返到屋企打開根本唔係我點既野 不停打電話過去冇人聽 電話要黎擺設？有骨變無骨無啦啦俾多廿蚊🙄最嬲d野唔係我想食既大家買外賣千萬要檢查清楚 反正我唔會有下次 垃圾

之前曾經喺科學園食過呢間餐廳同朋友都覺得好正咁啱見到沙田連城廣場原來都有分店價錢唔貴但係鍾意同屋企人喺屋企睇住電視啜手指咁食今晚就買返屋企吧經過上次嘅經驗自己最鍾意係蔥蒜醬油味道今次試埋甜辣味試埋蔥蒜醬油味睇吓會唔會有驚喜甜辣味嘅原隻炸雞🍗$138Size非常巨型酸酸甜甜好惹味再加上上面有大量嘅芝麻食落去真係超級好味😋就算食好多舊都唔會膩炸粉不會太厚雞肉保留到肉汁個人認為比起科學園嗰間更加好味🤤蔥蒜醬油炸雞腿肉$68完美啖啖肉炸雞腿鍾意佢嘅蒜香味好香濃，上面仲有大量嘅蔥花咁雞腿肉汁Juice仲有粗薯條🍟鍾意佢嘅粗薯條，外賣拎返屋企仲係脆卜卜西瓜梳打$18芒果梳打$18都係比較少有見到嘅罐裝飲品但係我都係情迷忌廉梳打好開心連城廣場真係好多嘢食呢間餐廳打包外賣都冇影響食物質素外賣返屋企，配韓國燒酒更加爽

⭐️ CHIMAC ⭐️📍: 沙田沙田車站圍1號連城廣場1樓108號鋪⏰:11:30am-11:00pm放工唔想煮飯，經過連城廣場發現開左間新既韓式炸雞外賣店，好耐無食韓式炸雞，一於買返屋企試下先🌟原隻炸雞(蜂蜜焦糖) 原隻炸雞有多款口味，我就揀左個甜甜地既蜂蜜焦糖炸雞，即叫即炸既炸雞外層香甜，肉質鮮嫩多汁，而且份量好多，兩個人share食都夠飽🥳🌟炸雞腿肉(細份) (蔥蒜醬油)呢個要私心推介比大家，炸雞腿肉唔會有骨啖啖肉，揀左蔥蒜醬油口味，雞皮好似薯片咁脆，醬油味香濃，特別惹味😋😋😋🌟飲品: 蘆薈樂&可樂食炸雞一定要配汽水啦，揀左杯蘆薈特飲同可樂，蘆薈特飲口感清新，解膩一流🥰💯

連城廣場開左不少新食店，今晚係其中買外賣，主打韓式炸雞的CHIMAC。揀左一份全隻炸雞，口味有六款選擇，我點了蜂蜜焦糖味。份量幾大份，雞肉外層沾了蜂蜜焦糖的醬汁帶點脆身，入口甜甜地，但又不會太甜，而肉質幾嫩滑。鍾意咬下骨，這款就啱晒。另外，炸雞腿肉(細份)，點了韓式黑炸醬味，並有薯條放於炸雞下。未試過這口味，試了一份细，醬料利用大量的黑豆醬作為基底，加入大量的蔬果粒和豬肉，多一份口感。同蜂蜜焦糖味口感不同，這個杰身些，而雞腿肉啖啖肉，方便懶人食，而肉質更嫩滑。下次可以試其他口味。

好少同朋友來沙田食飯 難得見到商場新開左呢個韓國餐廳不停傳來炸雞香味就決定一試🤠🤠🤠唔知係唔係晚市太忙既關係 桌面上污跡冇人清理要我地自己親自收拾 🫤叫左一份炸雞同豬手試一試🤤🤤先講下個炸雞令我地有點失望 叫左洋蔥芝士炸雞 雖然是新鮮炸起但個炸粉有點厚 感覺個雞肉好少是靠炸皮充數咁 而個芝士粉無曬得均 有d雞件會食唔到芝士味🤧也唔覺有洋蔥味雖然炸雞令人失望但個豬手就相對有驚喜 唔會太油 醬油味好夠 包在生菜度食一流😍 食落去滿滿骨膠原feel 但個分量有點少 cp值唔算最好 下次來直接叫全份先會夠飽 半份太少了🤓如果個配菜可以再多少少會更好

呢間韓式炸雞店最近係Citylink開咗分店，舖位唔算大，去到見滿座本來諗住外賣，不過等等下又有位，最後都轉返堂食。 新鮮點都好食啲架嘛！蒜葱醬油原隻炸雞 超大份! 附上手套，唔怕整污糟對手。醬料本身幾稠身，黐實件雞，外皮就唔會超脆，但入口蒜味突出，同時雞肉亦嫩滑。另外上面鋪咗啲葱，賣相都唔錯。蜂蜜焦糖炸雞腿肉 (細份)雞腿無骨啖啖肉，可叉著食。焦糖蜂蜜較稀身，大部分聚底了，表皮脆口帶蜂蜜甜味，另外仲有薯條墊底。餐廳除咗炸雞仲有飯餐選擇，下次試埋佢先

香港越開越多韓式炸雞店🐥在沙田連城都開左間，而且價錢唔貴店內座位唔算多，我選擇買外賣返屋企食🥡買左全隻蜂蜜焦糖炸雞（$138）🍯同埋細份韓式黑炸醬炸雞腿肉（$58）🧅我take away，等左5分鐘左右就有得拎，好快手！佢的外賣盒好靚而且好實正，隔左差唔多1個鐘食，炸雞仲係暖暖地。🥡全隻炸雞好大份，女仔來講，夠2－3個人share，再加d小食就十分足夠！價錢來講只是$138，好抵食！🤑炸雞唔會炸到好乾，外皮鬆脆，本身配合蜜糖香味，味道好夾！🍯而且附上膠手套，食的時候唔怕整污糟雙手！🙌🏻細份韓式黑炸醬炸雞腿肉都有8件左右，雞腿肉特別嫩滑，黑炸醬原來是類似黑洋蔥的配料，食落微甜，同炸雞幾配合。而原來雞腿肉會特別配有細份薯條，配合埋醬汁食，好味！🧅加錢要埋2罐飲品，一罐西瓜sparkling🍉，一罐芒果sparkling🥭，飲落偏甜，配合炸雞可以gur一gur。👍🏻

沙田連城商場內既分店是新開的，店舖堂食座位不到16人，一直想試食下炸雞，因價格比較便宜，圖片上款式亦十分吸引。因初次幫襯，未知水準如何？所以只簡單order了半隻炸雞及一份炸醬麵。原味炸雞半隻（配洋蔥芝士粉）HKD78味道是ok的，炸粉吾厚，但芝士粉太少，但以這價錢來說是可接受的。炸醬麵. HKD58與圖片差天共地，完全不符，更一點不像韓式炸醬麵，十分難食，在超市買仲好食过佢，真的太離譜。😡絕對以後不會再幫襯。😤

一早已經留意到科學園分店，但由於地點唔方便，所以一直無去。最近佢喺沙田連城廣場開左分店，雖然只有炸雞同飯，但自己本身唔中意芝士排骨鍋，所以無需要特登去科學園分店。星期五晚6點前已經到達，但由於小店座位唔多，只有18個，所以當時已經滿座。不過餐廳類似快餐，食客好快食完就走，所以等位唔駛好耐。自己衝著炸雞而來，所以點左一款乾身、同一款濕嘅炸雞。洋蔥芝士無骨炸雞細份 $58由於自己好中意食韓國BHC嘅芝士炸雞，每次去韓國都會食，所以對呢款炸雞充滿期待，但最後卻失望到頂點😥。細份有8件，有大有細，但唔係即炸，食果陣只係微暖，而且炸到好乾、好硬、我咬到牙痛😫。最令我失望嘅係個芝士粉，完全調味、無洋蔥味、根本就係普通巴馬臣芝士粉，而且只係灑係炸雞面，完全無撈過….🙄無芝士粉嘅炸雞就係原味。老實講，我自己買包CP炸雞粒氣炸完，再灑D巴馬臣芝士粉、洋蔥粉都好食過佢。無骨炸雞先配有薯條，而且薯條無得散叫，對薯怪嚟講唔太友好😣。蔥蒜醬油原隻炸雞 $138本身想點半半炸雞，但原來呢度無得雙拼，好可惜…..😩一份有14件，份量真係多，性價比幾高😏。炸雞中心溫度夠熱，仲有煙，雖然未到辣口，但熱過上面果款雞。由於

沙田終於開咗間韓式炸雞🐥🍗全隻炸雞有好多件，份量好多！炸得好香脆，加咗醬汁之後亦都唔會覺得好熱氣，入面啲雞肉仲好滑好Juicy! 舖頭有少量座位，亦好適合買外賣返屋企做Party Food🍖🍗炸雞有分有骨的全隻、半隻炸雞，或者炸雞腿肉🍗🍗底下面仲有少少薯條🍟薯條吸收晒醬汁嘅味道都好好味！蔥蒜醬油味係鹹鹹地嘅，而蜂蜜焦糖蜜糖味好出，好好食真係會食唔停口😆餐廳有提供手套，一路食又唔會整污糟隻手，正！除咗炸雞之外，亦有啲韓式飯餐、豬手等小食，絕對可以再encore😍🔸蜂蜜焦糖炸雞🔸蔥蒜醬油炸雞腿肉

作為沙田搵食友😗😗😗見到最近連城廣場新開左間炸雞店🤩見到價錢唔貴炸雞又吸引望到入面嘅客人差唔多全部都叫炸雞🍗試咗店員推介嘅人氣炸雞—蜂蜜焦糖味炸雞🍯全隻炸雞都只係$128😍而且份量仲一啲都唔少可以同朋友share😍🍯🍗蜂蜜嘅甜味同焦糖嘅回甘恰到好處🤩炸雞個皮都炸得超酥脆好惹味😍😗唯獨就係食得多比較膩🫠但係加$18就可以有汽水同埋小食🥹呢個價錢真係經濟實惠🤙🏻🤙🏻🤙🏻

疫情又嚴重左,減少外出食飯囉,而家最多一星期食3晚外食多左搵外賣店,沙田連城商場樓上有間新既外賣炸雞店,少量坐位所有炸雞都係落單後即時製作,可以選唔同醬汁既配搭有半隻雞或全雞,大肉雞,啖啖肉,炸皮脆口,真心超好食就算凍左個皮都係仍然脆口架!好好食!另外仲有好多款式既韓食,炸雞脆雞脾肉,無骨炸雞比起連骨雞就更脆身,個皮脆到好似薯片咁好食飲品有可樂或韓式罐裝特飲平均消費$200 (2人份) 評分8/10推介之選,夠快又好食,可堂食,可外賣沙田沙田車站圍1號連城廣場1樓108號舖Shop 108, 1/F, Citylink Plaza, 1 Sha Tin Station Circuit, Sha Tin #沙田美食 #CHIMAC #CHIMACHK #韓式 #韓國炸雞 #EOSRP #35MM18