影片
呢间系朋友介绍来食既韩式炸鸡，位置好易揾到 近住 往新世纪广场天桥入口。入到餐厅职员有同我介绍佐自家制韩式酱，有几款可以选既 ，甘选佐最钟意既蜜糖芥末，对酱来讲都好有要求架，试下厨师沟成点，都几期待下另外就叫佐韩式年糕 +鱼片拎佐返屋企过下 已经闻到食物盒传出来既香味🤤速速返到屋企 预埋屋企人一齐食啦~大家都好中意㖞👍 仲话呢间可以再叫来食👍
继续阅读
太子最近帮衬最多的外卖店。男友喜欢食韩式炸鸡，尖沙咀，大角咀，土瓜湾……看见口碑不错也会试，但都不太满意。某天经过这小店，刚好厨师行出来闲谈几句，知道几款酱汁都是特别配制的，便抱著不妨一试的心态。这一试带来的惊喜实在难以形容，之后再介绍朋友及家人，大家都赞不绝口，连不爱食炸物的妈妈也爱上柚子味炸鸡。我则喜欢甜辣味，比在韩国吃的还美味。运动后我最喜欢食韩式冷面，加$15可有2件炸鸡刚刚好。另外试过他们的鱼糕，比尖沙咀韩国街的好吃得多。价钱亦便宜。
继续阅读
食饱饭行过弼街，见到韩国美食大招牌，先发现呢间小店~CHILL-MAN韩式炸鸡，餐牌好多选择…炸鸡，炒粉丝，捞面，年糕…忍唔住食饱都要试一试，招牌炸鸡配自家制酱汁甜辣，柚子，蜜糖芥末唔少得，师傅仲介绍只试完包你毕生难忘，特别调制辣酱，下次一于试试佢另外炒年糕同鱼糕亦系推介之选，入味得黎烟韧有口感，唔似出面一啲小店求其捞酱汁，真系食得出有花时间煮讲番炸鸡本身，外层松脆唔厚粉，鸡肉零雪味之余带肉汁，甚至有少少鲜鸡味，食得出用料靓！酱汁稀杰程度啱啱好，味道好出，自家制真系样样都系心机，咁嘅价钱，可遇不可求…师傅要求所有炸鸡即叫即做，大约等7-10分钟，可以用咁短时间换高质炸鸡，绝对值得👍师傅仲好贴心讲下次可以打定电话落order先，咁就可以黎到唔洗等，真系连服务都做到满分👍
继续阅读
唔打唔撞入咗去门面老实讲真系一啲吸引都冇但系好想食炸鸡🥰🥰🥰就试一试见到佢有一只蜜糖芥茉炸鸡就嗌左外卖拎返屋企打开个盒，真心呆咗点解$55 咁多块鸡，其实有冇得赚？即炸冇雪味，同埋个皮好薄好脆唔会太多炸粉，同埋啲嘢好新鲜配埋蜜糖芥茉酱真系一试难忘🤣旧鸡啲肉汁仲要搞到辣亲只手最衰冇叫到薯条🥲如果唔系仲正老细哥哥态度好好，知我三心两意仲特登送咗一盒甜辣酱俾我🤣真心开心韩式牛肉炒粉丝$48份量都啱啱好个粉丝烟Un同啲牛肉好夹值得一提，牛肉真系几入味冇谂过呢个价钱可以有咁嘅质素咁🤭真心可以试吓😌整体好舒服会下次再嚟
继续阅读
睇ig发现到呢间韩国食店，睇餐牌唔算太多野食，叫咗炸鸡同水冷面都唔伏。虽然我拎左外卖之后成个钟先食，但炸鸡岀奇地仲系非常脆，炸皮好薄，就算食原味都唔会好dry。蜜糖芥末味唔系坊间既咁甜，芥末味偏重。唯一缺点系下次可能会叫多啲汁😂水冷面可以加钱有牛肉/猪肉，但今次无加，先试下佢个面。面质够韧，仲有半只蛋。不过可能摆得太耐先食，搞到太多水😮💨个人觉得好扺食，值得一试。试问香港地仲有边到食到$42一个水冷面👀？以呢个价钱系水准之上👍🏻同埋老板好有礼貌，绝对会回头再试其他食物😊
继续阅读