Chickee's (西九龍中心)

营业中

休息中

太遲見到前人評語，又係買個時咩都無，又係無講原來要等好耐，買咗等咗45分鐘都未有⋯其實明知要客等咁耐係咪可以講聲⋯🥵🥵🥵（同樣人仍在西九）⋯打完評語都仲未有得食😵

西九一上電梯見到鋪頭大排長龍，睇見佢賣相唔錯價錢都尚可就諗住排黎試下，當時前面都有8、9個人等緊，條隊都郁得好慢，心諗可能佢人手唔夠啦咪唯有等多陣，點知等左半個鐘終於到我啦，結果好多嘢都話賣晒，仲話要等一個半鐘？？排咗咁耐先至講？講真一早知係冇無謂，咁咪食其他囉，而唔係要人地排到戈刻先知原來要等咁耐冇人一早同啲客講聲，或者將貼個告示牌出黎提醒下人都好！我諗應該唔係第一日開鋪第一日咁多人排隊掛？呢間鋪個處理手法真係好差！特登咁樣講出嚟，就係希望唔好再有人中伏戇居居喺度排隊等

未見識過如此垃圾的店員及店舖，要人在門口排隊半小時以上才說食物要等一個半小時以上。然後叫人等就等不等就走。知自己整嘢食要一個半小時就貼出嚟咪要人等咗半個鐘排到去先講。又要人企喺門口排半個鐘唔知等乜又要再等個半鐘先出到嘢食

突然想食意粉，就諗起呢間店，所以決定再試試新口味！不過今次人潮誇張，🕰️ 點餐排隊等半個鐘，取餐更要等足個半鐘，建議預留足夠時間再嚟，唔適合趕時間嘅人。意粉配料相當豐富，大量不同種類嘅菇，帶來多層次口感與濃郁菇香，醬汁味道亦非常濃郁。雖然黑松露味道唔算特別突出，但菇菌本身已經夠香，完全唔會覺得單調。意粉則保持一貫水準，Al Dente 口感彈牙，掛汁度亦剛剛好，每一啖都充滿濃厚嘅菇香與忌廉醬汁。整體味道滿意，今次試咗新款意粉，依然覺得值得一試！下次會繼續挑戰其他口味～😋

早排見到社交媒體有推介，所以收工之後從港島特登過黎食，黎到之後見到前面有幾個人係度排隊等點餐所以就排左喺佢哋後面，然後個收銀（疑似老世）係度行出行入見到啲人排隊粒聲都唔出，係度繼續做自己嘢，前面幾個人都好心等佢忙到咁上下先叫佢落單，條友居然話已經截左單….前面啲人都呆左，乜你見到啲人排隊提早講聲好難咩？叫啲人係度白白等你，搞到真係好嬲。前面幾個人都勁嬲，咁樣既態度真係令啲食客好受氣好唔尊重人，應該都永無下次。

最近去深水埗西九龍中心，見到美食廣場有間叫Chickee's嘅餐廳，主打即煮意粉🍝同西式小食。價錢平民化之餘，款式仲幾吸引，非常適合我哋呢啲鍾意試新嘢又追求高性價比嘅人💸🍽️海鮮龍蝦汁意大利粉 ($53)龍蝦汁嘅味道清淡中帶有鮮甜🦞，能夠食出龍蝦湯底應有嘅鮮味。意粉煮得非常Al Dente，口感彈牙，亦非常掛汁，每一啖都能夠感受到醬汁嘅滋味。不過美中不足係，海鮮略嫌無咁鮮味🦐，如果食材可以更新鮮就更好。 🍽️明太子海鮮爆薯（跟餐加$22）呢款小食真係出乎意料驚喜！外層係薄薄脆脆嘅炸皮，咬開之後入面係滑到入口即化嘅薯蓉🥔，調味適中。最特別係明太子醬汁，充滿香濃嘅明太子味🧈，仲加咗啲海鮮碎粒，令整體味道更加豐富🦑。炸物平時容易做到好油膩，但呢度嘅爆薯既輕盈又濃郁✨，真係令人刮目相看。 以往喺其他餐廳食意粉，經常遇到煮得太腍或者醬汁過稀，但Chickee's嘅意粉完全保留咗意大利原汁原味嘅Al Dente口感🌟，配上掛汁度恰到好處嘅醬料，真係非常用心製作❤️。另外，炸物平時容易做到好油膩，但呢度嘅爆薯既輕盈又濃郁，真係一試難忘😋。呢間餐廳喺價格低廉之餘，仍然保持水準，非常有誠意💯。

等咗一小時都未有嘢食追問嘅時候話仲要再等多一小時如果係有咁多單堆住 知道有排等嘅我相信大部分店家嘅做法係會落單畀你知大概要等幾耐冇理由food court食個飯仲要等兩小時掛希望可以改善服務

食過兩次都係卡邦尼 $42汁 意粉份量同煙肉都好足 隻蛋蛋黃偏深黃 質地有少少似去無敵食到果種溫泉蛋個汁唔係好杰但掛哂汁 滿滿一盆 我見唔算好多人買佢 但希望佢可以做到落去 有心機既美食要支持呢個係出面食大約係70-80蚊既價錢 亦都絕對抵過去深圳食

味道 4.5性價比 4出餐等十分鐘左右 始終唔係快餐 今朝早左起身 過左西九龍食早餐一尼到 未到午市 叫無咩人 就叫左 三文魚 意粉 等佢可以慢慢煮先講結論 三文魚 煎得好香 好夠味磨菇 不過不失 應該係同舊三文魚一齊煮過？ 好似係意粉汁底 優秀 意粉 煮得好香口 令人會不停想食我自己本身就好細食 佢份量真係好多For 發育時期既學生食所以唔洗擔心食唔飽 但可能食到尾會有d 無餸食值得一試 西九food court 同質化 太嚴重 大家支持下焗薯都係一大亮點 女朋友次次都話 今次得自己一個 食唔晒 唔敢叫

西九龍中心另一臥虎藏龍之作。英國特產除咗ADB之外, 第二喜愛就係焗薯。偏偏香港好似淨係得super sandwich 先有，仲要唔明點解一粒薯仔可以賣到五、六十蚊。但竟然畀我搵到西九一樣名叫嘅 爆薯 既東西！本身以為係焗薯啲friend, 原來係薯蓉外面有層炸皮, 上面可選擇唔同口味既醬。《黑松露蛋沙律爆薯$26 跟餐$20》炸起落埋pat醬，黑松露味香氣洋溢，薯蓉勁creamy幼滑，成件事超好食！已經忍唔住返啅左第二次。

朋友試過幾次，特別介紹，透過外賣平台叫外賣，星期日晚餐時段，差不多1小時 （由深水埗送到荔枝角）便送到，不錯！叫咗大蝦炒意粉，加蜜糖雞翼，明太子爆薯。意粉大大碟 （出咗名份量多），好有份量，足夠兩個人食，炒得爽，但係唔油膩，多蝦，又大大隻。蜜糖雞翼不過不失。爆薯係朋友特別推介，明太子嘅執着，加上薯蓉，有驚喜，外脆內軟，口感非常特別，值得一試。如果唔係大食，兩個女仔，一個大意粉，加兩個小食，已經足夠有餘！

性價比吾高系西九food plaza 行左一格圈都搵吾到哩間，最後原來系扶手電梯附近。1450去到，買完飛，後面馬上又有客人，應該吾錯掛。等左10分鐘有齊。老闆都幾好人，set 可以比我加爆薯仲加兩份雞翼添。價錢以food plaza來講可以話比較貴，性價比一般，只不過其他都系亞洲野，佢特別D,所以今次選佢。黑松露蘑菇義粉（$47）4分- 黑松露味道好出，個汁都做得好creamy - 蘑菇感覺好新鮮- 義大利粉如果可以再al dente D 就仲正煙三文魚班尼迪爆薯（set+$26）3分- 比到三分主要係佢地幾悉心，個蓋開窿，可能咁等隻蛋吾會焗硬曬- 隻蛋都大隻同埋幾有蛋味，爆漿咖。- 但個爆薯就比較融曬咁，無質感，無薯仔味。- 一d 三文魚都感覺吾到。黃金雞翼（set+36)2分- 一D黃金（鹹蛋）味都無，- 雞翼就"淋”曬，可能個蓋密封同埋太多汁。-

試左一個 明太子醬爆薯 鐘意食焗薯既會鍾意， 外皮博炸得香脆，包住軟滑既薯蓉， 上面淋特製既明太子沙律醬， 有一粒粒帶子， 口感豐富，唔似外面嘅焗薯牛油味濃， 容易入口。 唯價錢略貴， 意粉配搭套餐會抵啲， 下次可以一試😃

平時喺附近翻工叫咗好多次外賣 嘢食味道唔錯 水準keep得幾好 都算足料 價錢亦唔太貴👍🏻👍🏻意粉嚟講喺呢區算喺幾抵食 今次嗌咗個阿根庭紅蝦意粉 外面唔喺成日見到 但佢個汁食得出喺用大量蝦去做出嚟 好香又creamy 個隻紅蝦都好食$70都唔算平 做呢個水準喺抵食嘅👍🏻👍🏻今次試埋佢哋個爆薯 估唔到都幾特別 食落口感外面夠香脆裡面薯蓉同啲蛋沙律撈埋食好好味🤣不過想講佢外面food court 啲櫈坐得耐有啲唔舒服 唔知喺咪商場有心咁做 我就多數買外賣翻office食 坐過一次食完要即刻走🤣

今日同事請客，行過西九龍中心8樓選擇西九Chickees這間外賣店，叫左個三文魚意粉。味道外觀我見到鋪頭播緊有YouTube 介紹，叫左份爆薯試下，外脆內滑。如果經過深水埗，又諗唔到食咩既話。不防試試。本人推介明太子爆薯蛋沙律爆薯