Check in Tokyo (已結業)

Ig見人個三色雪糕相，去開旺角就過黎試下，三隻味，波子汽水，櫻花同最正常既綠茶，波子汽水都幾似既，櫻花搞笑d，講吾到咩味因為櫻花有味既咩。呢d又係試一次就算，一碌50蚊，其實呢d野，一係影完相一手比隔離個個食，一係影完奶兩奶掉，因為溶得太快

這次等食飯等到好肚餓, 就在附近買個雪糕食下先。這間雪糕一向經過都覺得有點貴, 今日就豪一豪試下。四隻色分別有波子汽水, 士多啤梨, 抹茶及牛奶。波子汽水, 陣味假假地, 但本身波子汽水就是假的, 所以其實挺像。士多啤梨, 夾在其他味中間不太突出。抹茶, 挺有茶味但不夠濃。牛奶, 沒有奶味...事實上跟上個雪糕溶得太快 (好滑), 沒有時間給我分辨品嚐就一口氣把4隻味混著吞落肚。建議大家不要買多過兩隻味, 最後什麼味都沒有分辨出就吞試沒有什麼意義的。價錢: $50 是有點貴的...

好多人都讚呢間，見多有好多人排隊就去左試下。結果好失望，波子氣水陣味好假，食落得個香字都無咩味，價錢都一般般。影左張相之後就滆得好快。朋友就食抹茶味就話唔錯，同埋店員服務態度都好好。

熱到爆的時候，就梗係要食雪糕降下溫啦！之前用HKD39團購價，買左個原價50蚊的rainbow雪糕，今日出開旺角就換來試下啦去到無人，唔使排又唔使等。個雪糕有4款味，分別係波子氣水，巨峰，抹茶同牛奶味。波子氣水味我不嬲都like, 無得輸。巨峰提子味，唔知係佢唔多濃，定係個雪糕溶得太快，我未有時間慢慢品嚐就食左落肚仲要係4隻味一齊食，好可惜丫抹茶都唔錯的，至少我taste到佢的味。雖然都係唔係好濃，但都牛奶味的份量最多，無乜特品。佢個cone好脆抵讚可惜就係溶得太快，我食左兩啖就開始吧吧聲咁流出來流到成手都係下次有機會，我要淨食波子氣水味丫題外話，係我企埋一邊狂吞之制。有個途人問我，你個雪糕係邊度買𠺢係咪好似好好味咁呢

位於旺角 Check in Tokyo ，印象最深係呢到有藍色波子汽水味雪糕!仲有一杯雲集幾種口味色彩繽紛雪糕叫RAINBOW。第一次黎幫襯決定點番穩陣得黎又係我鍾意宇治MATCHA 口味 $33雪糕顏色吸引，第一口嚐到抹茶味，不過味道不強烈，是偏淡的抹茶味。雪糕微甜雖然質地幾滑，可惜一路食抹茶味越黎越少，味道確實令人失望。以雪糕為主，雪糕質素真是有大大進步空間，請繼續努力!

本來覺得買一送一好似幾抵 $34有兩杯巨峰提子味食落開頭覺得唔錯 雪糕幼滑 有奶味亦滲少許提子味但食左1/3杯 感覺好難食 因為漸漸食到藥水味 仲有啲苦味 但望下個杯 仲有禁多 要挨埋佢點知溶得幾快下 食完有1/4杯液體如果唔係買一送一 我諗我都唔會食唔知其他味係點 但巨峰提子就真係麻麻了

上星期六晚，和女友到旺角逛逛，登打士街一帶依然人頭湧湧。女友非常愛吃雪糕，一看到人們拿着色彩鮮艷的雪糕，就忍不住嚷着要吃。我們叫了北海道牛奶雪糕，及波子汽水拼巨峰提子味雪糕。不得不讚是雪糕的質感，非常香滑。個人較喜愛牛奶味，不會太甜或太膩。波子汽水味雪糕味道好出，但比較甜。提子味雪糕味道則一般，兩者不是太夾。

< 玄米茶雪糕 $42 >今日都仲係好熱！決定走去旺角食多轉雪糕！呢隻玄米茶係最新口味！味道有啲似綠茶味呀！隻茶味真係好香！但係可惜做得唔夠濃味而且冰感重，奶味亦幾重，有改善空間！

< 抹茶雪糕 $42 >今日真係好熱呀！又忍唔到走去食返杯雪糕！今次試佢地既抹茶雪糕，揀左樹熊造型！佢地既抹茶雪糕奶味唔會過重，但係抹茶味真係太啖，食落去真係冇乜味，唯一可取既地方就係唔太甜！

味道都可以 顏色取勝波子汽水加巨峰波子汽水味比較難接受 巨峰味唔太甜兩個味⋯⋯有d奇怪店家深明杯雪糕係除左食用外 另一個目的係呃like用所以當我影相時 服務員就拎左塊background岀黎 仲幫我拎住杯雪糕 等我可以影得最好咁細心既服務 太週到了

< 波子汽水雪糕 $42 >雖然我係抹茶控，但係要係佢地三款固定雪糕名單入面，我會覺得波子汽水味係做到最出色，亦見唔到其他地方有，除左以前食過波子汽水粒粒雪糕，不過兩樣黎既，呢個當然比粒粒雪糕正，口感好好多 😋 而且真係好波子汽水味 😍 顏色又靚！

< 北海道牛奶雪糕 $42 >今日好熱呀！好想食雪糕！加上本來未食過佢地原本果 3 隻雪糕，好想呢幾日試哂去！而北海道牛奶雪糕實屬中上程度，唔夠香滑亦唔夠濃，冇驚喜味道一般，食唔到有香到暈陀陀既感覺，有待改進還需努力！

< 玫瑰雪糕 $42 >大約每隔一個月就會出一次款，今次同大家介紹既就係玫瑰味雪糕，我未見過有粉紅色既玫瑰味雪糕，玫瑰味的確係有，但係唔係我食過最濃最出眾，我認為可以最濃啲，不過隻顏色應該俘虜不少女士們既心！

< 牛魔王麥精雪糕 $42 >牛魔王版本麥精雪糕，個樣真係好牛精！個頭果塊朱古力脆脆係退熱貼黎既 😂 然後變左種生幾條貓鬚 😂😂😂 咁兩條桃合多就係牛角，隻眼同鼻係朱古力粒！咁講返杯麥精雪糕先啦，雪糕本身就係牛奶既成份架啦，咁所以佢地呢個雪糕真係好麥精味，我個人黎講真係好中意，甜度適中屬少甜，所以證明左係冇加好多糖落去，食落係比較健康既！咁有野值得講既就係 Check in Tokyo 真係進步不少，以前佢地既雪糕係好易溶！佢地願意聆聽意見而作出改善，呢一點我係好欣賞既，而且佢地每一次既新口味都帶到比人驚喜之餘又好味，真係非常好，而我最欣賞既一點就係佢地既服務態度，好有禮貌！從佢地整齊既制服，友善既眼神，係完全感受到佢地對客人果種真心同真誠，我係非常非常欣賞，繼續加油，期待你地下一次既新口味 🤓

巨峰提子雪糕可能天氣開始熱喇一拎左之後其實已經好快溶....都有D唔開心....要勁快先食到...開頭食頭幾啖 都幾似藥水味架....但食食下就出番啲提子味出黎不過其實冇乜巨峰味架....唧係好似食緊藥水味提子味既雪糕咁....不過慶幸佢份量都夠大....同埋食食下都會接受左隻味...