Chatterbox Express (已結業)

轉左新office後就成日係太古搵食啦今日黎到chatterbox 食dinner唔講唔知 呢間係新加坡文華東方既過江龍黎到緊係要食最出名既海南雞同肉骨茶啦文華海南雞飯海南雞配上三種醬料 清湯同油飯海南雞雞味濃郁，十分嫩滑而且皮薄爽滑，又無骨啖啖肉好正油飯同左泰國米，軟硬度剛好新加坡肉骨茶麵線呢款肉骨茶係比較重胡椒味較少藥材味岩哂唔係好鍾意藥材既朋友排骨肥瘦岩岩好 而且都算幾稔椰子雪糕咖央三文治好有驚喜 椰子雪糕好正好重椰子味配埋咖央飽食一流

無加一抵食新加坡菜，必食椰子雪糕咖央三文治～～～呢間距離公司超近嘅呢間新加坡餐廳，係k11 Musea Chatterbox Café 嘅姊妹店，兩間餐廳嘅餐牌有少少唔同，而Chatterbox Express就行平民啲嘅路線，唔需要加一服務費，小食亦都有好多加配優惠，晚市仲有啲套餐會配埋飲品。🥰～～～森巴辣椒炒麵配蝦及雞絲：辣椒香味辣而不嗆喉，蝦隻爽口，加埋雞絲，番茄仔、花型紅蘿蔔片🥕同菜，整體口感豐富，味道濃而不過鹹，有鑊氣，高質。～～～招牌雞肉喇沙：呢款雞肉喇沙之前喺Chatterbox Café試過，基本上味道都差不多，分別不大，雞肉嫩滑，雞味濃郁，就算湯底香濃都阻止唔到個雞味，冇令人失望。🥢～～～小食方面，我哋試咗馬來特色香煎墨魚餅配多士包同鹹蛋黃雞翼，前者麵包綿密有牛油香，香煎墨魚餅同平時嘅墨魚餅完全唔同，非常特別，望落好似紙狀感，食落軟滑似喇沙味，後者就鹹蛋黃香氣濃郁，沙沙口感令雞翼更添滋味同特色，而且價錢比Chatterbox Café平少少，抵食。～～～椰子雪糕咖央三文治：椰子🥥雪糕椰味濃濃，加埋咖央醬同綿密麵包，整個配搭非常夾，椰子味濃到令人一試難忘，令成餐飯有個完

海南雞飯一直都受香港人熱愛，之前朋友推介左呢間chatterbox比我，話佢地嘅海南雞飯我一定會鍾意，呢日咁啱係太古城附近做完嘢，睇下朋友有無介紹錯先！😏——————————🔸文華海南雞飯 $108呢到最出名嘅當然係海南雞飯，去骨雞肉濃郁嫩滑而且大小適中，配合醬料相當開胃。雞油飯香得黎唔會太油膩，粒粒分明，絕對係我食過數一數二高質嘅海南雞飯！🤤如果雞肉多幾件，會更加開心😚🔹星洲海鮮炒貴刁 $98炒貴刁亦有驚喜，估唔到一間咁modern嘅餐廳都可以炒出咁有穫氣嘅炒貴刁，而且河粉份量多材料又足，蝦仁魷魚食落爽口彈牙，十分推介大家試下！👍🏽🔹椰子雪糕咖央三文治 $28另一樣十分推介嘅就係佢地嘅椰子雪糕咖央三文治，椰子雪糕非常香濃而且唔會有冰嘅口感，配合暖暖地嘅咖央三文治，一凍一熱咁刺激你嘅味蕾！😋🔸雞肉沙爹串 $48 /凍美祿恐龍 +$10雞肉燒得剛剛好，裏面仍保持嫩滑！沙爹醬另上，可自行落幾多，但整體沙爹味唔太出🙈🙈最後叫了一杯美祿，上面有超多朱古力脆粒，真是超濃美祿味，消暑解渴一流！

餐廳裝修簡單乾淨舒服😌餐廳主打馬來西亞食品食物·飲品總類繁多更有甜品作完結🥰要試餐廳食品如何當然會叫基本功食物我地叫左必食的海南雞飯同喇沙海南雞套餐（髀要+$10）雞肉很滑味道都好正宗配三款醬汁更醒胃而雞油飯粒粒分明而且軟硬適中至於個人對個湯有點失望🥲喇沙個人最愛喇沙湯濃郁👍👍👍👍👍米線底配上一隻雞蛋及數塊魚片雞蛋黃整碎融入湯底😋而大蝦必想中沒有那麼新鮮彈牙因此有少許失望🙍但湯底真係十分推薦一試👊另外叫咗黑醬油炒蘿蔔糕蘿蔔糕偏軟入口即溶配上蘿蔔乾一齊炒食起來層次分明+$28 椰子雪糕咖央多士作結尾😌椰子雪糕濃郁並食出椰絲再配上脆咖央多士十分滿足🥳

放工嚟到朋友太古城樓下 搵飯食 好耐冇去星加坡呀又話有旅遊戲泡嘅真係好掛住新加坡嘅嘢食呀咁就嚟咗呢間裝修風格現代嘅 餐廳 佢最出名係海南雞飯不過上次試過啦今次是特別啲嘅嘢 今晚想食新加坡肉骨茶配油飯 肉骨茶真係好入味好有胡椒味再配好趣嘅油炸鬼 我朋友就嗌咗個星洲海鮮炒貴刁 裏面海鮮好夠分量好有鑊氣 炒得好好味 加配咗個 蒜蓉炒生菜感覺都健康嘅另外我就嗌咗小食係鹹蛋黃雞翼 真係好夠濃味 做得好鬆脆 重點少得過飯後甜品啦 我哋就嗌咗個唔太甜嘅椰子雪糕咖央三文治 椰子味濃重有架香味感覺好夾就算好飽都食得落呀飲品方面就嗌咗個四季柑汁酸酸咪咪咁都幾開為夏天呢啱啱曬great dinner

遇上peak season 打工仔要OT避無可避，惟有可揀既係係附近食餐好既試上次同事點左呢間外賣覺得唔錯，今次就落去堂食當行下再返公司拼搏我點了我最愛既海南雞飯，冇錯要脾係要加$10既，個辣椒醬幾惹味。雞肉當然係勁滑。有湯，加$16要杯哥斯拉，美綠上有冰加上雪糕同朱古力球，大人小朋友都一樣咁鐘意。加$18要左份菜，份量唔少很新鮮。朋友點了海鮮炒河粉，佢話隻黑醬油正。凍既薏米很濃郁。佢都點左份生菜，覺得唔夠喉加左個多士。個多士係有少少辣既，幾特別。

約左朋友嚟太古食晚飯，朋友推介之下就嚟試下呢間新加玻菜。文華海南雞飯雞皮好滑，肉質非常鮮嫩，亦無多餘既碎骨。米飯充滿雞油香，粒粒分明，唔會好重油膩感。特別鐘意個秘製既黑豉油，味道好濃郁。新加坡肉骨茶麵線有豬骨、蒜頭、豆卜，仲有另上既油炸鬼。湯底既胡椒味好重，好似飲緊胡椒豬肚湯咁；豬骨肉質偏淋，份量都唔少；麵線則十分掛湯，成碗麵都做得好出色。黑醬油炒蘿蔔糕本色見到蘿蔔糕咁深色以為會好濃味，點知食落又唔係想像中油膩感咁重，反而帶點點甜味之餘亦Keep到蘿蔔糕本身既味道。蠔油小棠菜跟餐加$15就有碟清清地既菜，蠔油唔會加得太重同太鹹，都幾值得一試。椰子雪糕咖央三文治每件三文治既其中一片麵包都搽滿咖央醬，再加啲椰子雪糕一齊食，真係一流。凍美祿恐龍上面除左有美祿粉之外，仲有埋美祿波波，夠哂甜又夠哂邪惡。

今次嚟試呢間想食咗好耐，久仰大名嘅chatterbox 海南雞飯。雖然佢叫chatterbox express, 個名有d 速食嘅感覺，但係佢嘅裝修一啲都唔馬虎，一入去個環境好舒服企理。 嚟到一定要試佢出名嘅文華海南雞飯，我今次加左錢轉雞髀🍗 雞肉去骨嫩滑，唔會有太多嘅雞油係中間，份量都幾多，加埋最傳統嘅3 個醬汁俾你揀。另外食海南雞飯都係為咗佢個油飯，哩個油飯粒粒分明，好香，一食就停唔到口。咖喱豬肋骨配白飯加香脆薄餅屬於微辣嘅咖喱，好岩我哩d 怕辣但係又成日心絲絲想食咖喱嘅人🤣 份量都係好多，豬肋骨肉好軟林，撈飯真係一流👍🏻另外我地仲加咗脆卜卜嘅素春卷同生菜 🥬野飲我地就叫左四季柑檸檬薄荷梳打，好清新👍🏻食完啲濃味嘅野食，飲番杯清新嘅梳打，爽🤩推介鍾意海南雞飯嘅你去試下👍🏻👍🏻👍🏻

食咗下午茶嘅海南雞飯，加埋美祿恐龍。海南雞飯冇另外加錢轉做雞髀，但係雞件都做得好滑。配上黑醬油同埋油飯，十分惹味，略嫌份量唔算多。美祿恐龍加咗早餐朱古力波波，個人覺得唔太夾，寧願佢加多啲美祿粉。

有肉骨茶嘅餐廳我都想試，金鐘收工，同同事近近地就去試吓佢！都算好方便喎，好近地鐵站！我地18:20去到，可能仲未係食飯時間所以都唔算太多人！係收銀到order完嘢食，就比左個機仔我地，要放係餐枱嘅指定位置到！我同同事兩個人，各自叫咗一個餐，再加多咗個小食！同事叫咗文華海南雞飯，雞肉好軟滑，最重要係雞皮好爽，另外油飯嘅軟硬度都好適中同埋真係好重雞油香味，最後就係一碗雞湯，雖然唔係話好特別，但都好清甜，配埋雞油飯就啱啱好！好明顯我就叫咗新加坡肉骨茶麵線，一嚟到見到碗麵，肉骨非常多起碼有七舊，其實淨係食啲肉都好夠，我初頭以為麵線係米線，但係食落口啲面好彈牙，最重要係個湯，好好飲，好夠胡椒味，又好夠肉味！另外餐會跟咗四舊油炸鬼，浸埋落個湯度先食，真係完美！小食叫左黑醬油炒蘿蔔糕，個黑醬油味好好食，但係如果啲蘿蔔糕有煎下，可能會更加香口！不過不失！朋友好健康，叫咗檸檬薄荷梳打！我就好邪惡咁叫咗杯美祿恐龍，超夠味，其實飲美祿最擔心就係好淡好稀，但呢杯唔會，其實杯美祿一上到枱，我就知道我冇叫錯佢！🥰總括雖然抱住試吓嘅心態，但肉骨茶的確冇令我失望，海南雞亦出色！

今日去到太古 Chatterbox Express 食午飯，由於2:15pm 先到，所以唔使等位於可以直接入座。精選套餐有6個系列可以選擇，仲有小食、時菜同甜品可以加配飲品同樣有好多款供自由選擇2:30-5:30期間，文華海南雞套餐仲有優惠下午茶餐單。好豐富嘅全家福1. 雞肉沙嗲($48)，雞肉嫩滑，配上秘製沙嗲汁確一流2. 海鮮乾撈麵($98)，海鮮材料豐富，有蝦、魚片、魷魚同雞肉。蝦大隻而肉質彈牙，麵身入口彈牙，配上秘製汁十分美味附送的雞湯千萬不要錯過，入口清甜3. 招牌大蝦喇沙($128)，有蝦、蛋、魚片及豆卜等材料。蝦肉同樣彈牙，豆卜吸引晒喇沙湯精華令人食唔停口。而湯底少少辣且有香濃椰汁味，基本上整個湯忍唔住飲晒4. 文華海南雞飯套餐($88) 炸素春卷($28)。首先春卷炸得香膽脆內熱，而外皮不會炸到油淋淋，夠乾身海南雞飯不用多講，熟鎮店之寶，雞肉柔嫩，份量多，基本上一個人食唔晒。油飯入口充滿雞油香味，飯粒粒分明，軟硬適中。誠意推介必食之選三杯飲品都非常出色椰子冰茶四季柑檸檬薄荷梳打，飲落醒腦提神整體而言，餐廳食物質素高，海南雞飯必食推介，各樣食物飲品價錢實惠，值得一嚟再嚟。

假期前夕，又出左糧，於是放工就去太古城shopping，順便揾野食。 平時去開太古城，來來去去都喺商場裡面食， 原來商場出面重有好多餐廳。今日就行左出商場走一圈， 行下行下見到有間餐廳好光猛， 門口有個好大的"C"字, 應該係新開業。 於是就入去試佢一試。餐廳係需要自己去櫃位點餐的， 但店員會用個感應器傳菜。是日菜單:文華海南雞飯升級雞肶海鮮乾撈麵黑醬油炒蘿蔔糕咸蛋王雞翼凍美祿哥斯拉文華海南雞飯升級雞肶, 呢個海南雞肶飯，雞肉嫩滑，雞皮同雞肉之間有層啫喱狀的雞油， 加埋個雞油飯， 真係好味。海鮮乾撈麵，配菜有大蝦， 魚片，魷魚。 大蝦爽滑彈牙，撈麵煙韌，撈麵的醬汁味道可口。黑醬油炒蘿蔔糕， 同平時食的蘿蔔糕唔同， 口感較軟身，黑醬油味道香濃，加上爽口的菜脯， 軟硬兼施，味道更高一個層次。咸蛋王雞翼，我本身係雞翼控，咸蛋王雞翼唔係第一次食， 但辣辣的咸蛋王雞翼就真係第一次。 4隻都係雞中翼， 咸蛋王舖滿全隻雞翼， 加上炸得香脆野味，咸蛋王加上辣味，原來係絕配， 下次大家都可以試下， 雞翼脆炸唔會過火， 外脆內軟，重有肉汁流出，精彩。凍美祿哥斯拉，食完個咸蛋王雞翼，配上極凍飲美祿哥斯拉，

上次喺musea 試完實在好中意食見到屋企附近有即刻又去再食🙌🏻🌟新加坡肉骨茶配白飯呢個湯底係偏向潮州派風格顏色較淺而胡椒味較重 好好飲🤩仲有好多條排骨 而且肉質非常嫩一咬就離骨💯仲要配埋油炸鬼 同索哂湯嘅豆卜真係太正👍🏻🌟文華海南雞飯Encore之選佢地啲雞既肉質真係非常嫩滑😋今次無轉雞脾都唔會好鞋👍🏻🌟黑醬油炒蘿蔔糕呢個煮法有驚喜估唔到黑醬油會同蘿蔔糕咁夾係一食就停唔到口😋🌟雞肉沙嗲雞肉嫩滑唔會燒到乾哂沙嗲醬亦都超惹味👍🏻

之前特登去過K11 Musea既Chatterbox Café朝聖, 一試新加坡文華大酒店既海南雞飯, 而係太古原來都有間副線Chatterbox Express, 裝潢比起K11既較平實, ORDER方式為半自助, 係COUNTER ORDER完後, 將電子牌人係枱既指定位置, 就可以等食。文華海南雞飯 $108梗係叫番個文華海南雞飯, 雞既份量足, 望落似一半脾一半胸, 脾位滑溜好香雞味, 胸位係冇咁滑但比一般雞胸黎講已嫩口。三種醬汁有薑蓉, 辣汁, 黑豉油, 我最中意係黑豉油, 味香又提鮮。雞飯更加係出色, 顏色金黃粒粒分明,啖啖雞油香。新加坡肉骨茶配白飯 $108湯頭帶濃濃既白胡椒香, 味道鮮甜, 白胡椒香而不辣, 入面有幾條一字骨, 肥瘦適中, 配辣椒豉油會更好味。依度仲有甜品, 椰子雪糕值得一試, 有椰子既清香, 食既時候仲有粒粒椰子肉既口感, 滿足~最後飲埋杯椰子冰茶同檸檬薏米, 椰子冰幾特別, 有椰子既清香, 飲落解渴又清甜。

以海南雞聞名既Chatterbox Express ，位置好方便我，所以想食海南雞，就會來幫襯。😋😋女女放學後，一齊去食個lunch。快餐店形式，雖然要自己點餐，但會有送餐服務，吾洗自己取餐。👍招牌海南雞飯當然必點，我地今次仲1人1份，因為上次2母女share食吾夠喉😂😂。🐔🐔雞肉特別嫩滑，油飯香氣撲鼻。lunch set $108，加10蚊可以升級美祿恐龍比女女，我自己就加30蚊飲清新椰青。最後來個想試好耐既椰子雪糕咖央三文治，雪糕椰子味非常濃郁，麵包鬆軟。