ChaTraMue

🟠正宗泰国奶茶呢杯系我目前饮过最浓郁最好饮嘅泰奶一定要点呢个红茶底嘅✅其他茶底感觉冇咁令人惊艳浓郁丝滑，而且好大一杯！推介少甜（味道好掂👍），正常甜可能会有啲腻✅泰国奶绿好大一杯，少甜啱啱好但系🧊冰量系唔可以调整嘅，我个人觉得口感一般，冇想像中咁好饮朋友话同佢买嘅泰奶粉冲出嚟嘅口感一样。当然啦，呢个都系睇个人喜好…查看更多

Why full cup of ice?泰国人饮冻茶的文化又学懂别国文化点滴。泰国手标奶茶同系泰国饮差唔多，好正宗，就算叫少甜都甜，茶味好香浓，多冰，用嚟稀释，非常消暑。加左斑兰碧绿珍珠，好有咬口。其实呢间奶茶都有好多其他味，蜂蜜柠檬、茉莉花、荔枝呢啲特别味道。饮过之后，总系有时心思思想饮，又有时候口痕想饮甜嘢就啱晒。个人认为价钱合理，间间手摇茶价钱都不平, 又不是间间有水准, 买logo杯美国咖啡店, 也不平, 各人有各人口味。中环店有蛋糕买，有大约五款，试咗泰茶千层蛋糕，的确唔错，新鲜柔软，值得推介。…查看更多

我10月21号，大约晏昼13：30，去叫咗杯少甜正常冰（因为佢话唔比少冰，只有标准冰）嘅泰国茉莉花奶茶，见佢开咗间新舖，入去睇下，顺便叫杯野饮。点知成杯都系冰，我由间舖行去landmark ，五分钟都冇，已经饮哂。好老实我之前买其他都系算多冰（喺旺角𠮶间买），但绝对唔会咁夸张，成杯都系冰。我起码都饮到十几廿分钟。我唔系太清楚所谓嘅标准冰系边度嘅标准啦，我要杯奶茶你比杯冰我？我要冰我自己去7仔买啦。我洗鬼比35蚊去买杯冰咩。…查看更多

公司楼下ChaTraMue （中环店）有抵食泰式饭盒，今日落去买咗盒海南鸡饭 $58，加多杯泰国奶茶都只系 $70。中环价，我觉得好抵食。 👍🏻不得不动笔赞下，$58 盒鸡一啲都唔少，我亦十分好彩买正鸡脾位置，但除咗啖啖肉无骨，啲鸡肉好滑嫩有鸡味，啲饭亦是香米饭，入口软熟可口，跟饭有一个鸡酱，非常好味，好特别，唔同其他海南鸡的甜豉油、姜葱油。佢哋鸡酱汁比较惹味开胃的，好好食。而杯泰茶超抵饮，完全冇减细，同正常价一样，整个餐咁高质数都只系 $70，性价比相当之高，但亦睇到现今餐饮业真系难做！ 👍🏻👍🏻…查看更多

原来中环泰奶茶搬咗去德已立街，今日去买茶仲发现佢有泰式饭盒 set, $70.  我叫咗个海南鸡饭加一杯泰式柠檬茶, 海南鸡饭好高质, 鸡肉嫩滑有鸡肉味，唔系啲嚡口嘅白切鸡配上香米饭好开胃。泰式柠檬茶都好饮，个人口味钟意佢哋嘅柠檬茶少少涩涩地，好饮过好多乜乜鸭屎柠檬茶。中环呢个价高质扺食啦。值得推介系呢间中环店有面包买，亦有几款蛋糕。买咗一件牛乳蛋糕，超级好味，好重牛乳香味，新鲜软滑，用料重手，里面有厚厚一层嘅牛乳cream，钟意奶类甜品嘅人，肯定喜欢，值得推介。 👍🏻👍🏻…查看更多