Captain糖甜品專門店 (已結業)

食完飯之後又想食甜品,MK最近開了不少甜品店,花多眼亂呢,近近地揀左呢間試下。出名的是西瓜盅同盆栽甜品。個餐牌都幾有心思。蘋果金寶,$45,紅色心形餐具,令成個賣相都好搶眼,好靚呀。 面層是曲奇餅碎,下層是暖暖地的蘋果粒,口感林林地,好香玉桂味,都幾甜,配上香草雪糕食,一冷一熱,效果更佳。心太軟,$45,本身都好想要呢個呀,好吸引。芒果雪糕奶凍,田會長的,奶凍都幾滑呀。整體唔算好特別,味道普通呀。

綠茶心太軟: 細細個, 唔會太漏, 一切開即流綠茶醬出來，暖暖地，已經無我想像中咁甜，不過茶味唔算濃，　配多球綠茶雪糕，有冰的，　唔係靚雪糕ＬＡＷ。西瓜盅：細細個幾CUTE, 入面有雪糕同雜果涼粉, 一般LA。西瓜汁:　明顯加左糖水, 太甜了!

 食完飯之後，食個甜品是常識吧, 本身有同事推介我食第2間, 但人太多最後就食左呢間其實之前都食過2次~~2次都冇咩驚喜, 所以今次都大咩期望1. 自家製木桶豆腐花︰木桶外形吸引, 等左都成10分鐘唔知係唔係即製, 黎到好熱, 食落都好香好滑2. Cool 魔西瓜 (西瓜盅)︰外形同樣吸引, 我選了薄荷朱古力雪糕再加涼粉底, 而入面既水果唔太多除左西瓜外，只有芒果，火龍果，少少蜜瓜3. 香蕉船︰可以選2球雪糕, 水果都比西瓜盅多，而且價錢都平D

想吃糖水就到了旺角黑布街， 晚上1點，看見黑布街有兩2間糖水店，從太子方向看前行，看到了第一家門口的menu，再看看第二家門口的menu，看見大部分的大家也相同，沒有回頭就進去了這一間店，因為時間比較夜，店內大約有7至8人 打開看看他的menu很得意，我看見他有花泥食，我看見圖畫，花泥應該是慕士，我問店員是不是慕士，可惜，我不喜觀慕士，就點了其他，，， 榴槤腸粉表皮口感爽滑，較為細條少咗d，因為我幾鍾意食長沙灣三姐松記的芒果腸粉，當然會比較起來了， 可能榴槤不是當造期，榴槤不夠甜味道略淡，賣相不夠靚，我本人覺得就是單調了點，腸粉旁邊加少許生果點綴， 或者加入少許椰汁或奶等之類的東東好點（汁汁當然另上好）朱古力窩夫，口感鬆軟， 有淡淡的朱古力味我自己比較喜歡窩夫的，食過很多間有窩夫的甜品店， 好多都又硬又難食， 我食過最好食嘅窩夫係比利時，所以在香港食咗好多間都唔好食，始終會給比下去，只係做到口感鬆軟已經好多間都做唔到，莫講話外脆內淋， 蘇軟 更加係無可能，雪糕球的雪糕融化得勁快，只係拍張照，已溶咗好多😞，朱古力雪糕普普通通，不過食得出唔係最cheap cheap嗰隻，因為食過有糖水

反正出開旺角區~知道好多甜品店出發前..順便搵定一間~等食完火鍋..行陣再去食甜品依晚揀左"Captain糖"~睇下食完會唔會衝上雲霄先(哈哈)食火鍋果陣..另一半問我點唔點菜~我話唔點..要留肚食甜品加上飯後甜品我比較想揀有生果既~所以依兩款甜品岩晒我以生果及雪糕為主既"菠蘿盅&西瓜盅"(每款$45)~兩款都志在必食所以比另一半揀先..佢揀"菠蘿盅"(配荔枝雪糕及涼粉)迷你菠蘿~最底有涼粉..再放菠蘿,火龍果,蜜桃及雪糕球生果唔係好凍~荔枝味雪糕好清淡另一半揀左"菠蘿盅"~咁我要"西瓜盅"(配曲奇雪糕及黑珍珠)底層有西瓜波,火龍果及黑珍珠~再放上蜜瓜,芒果及曲奇雪糕食材豐富~生果新鮮..同樣唔夠凍~曲奇雪糕唔太甜..但味道唔突出除左西瓜球..仲有好多西瓜肉可以刨食~比菠蘿盅更多果肉整體食店環境舒適..服務ok~甜品種類都好多..食物唔錯呢^^

吃過晚飯，小友大嚷要去嚐甜品。我和太太此時反正也覺囗淡淡的，聽小友意見來過一過甜癮也未嚐不可呢....對在哪裡吃倒沒有甚麼頭緒，所以就決定行到邊食到邊吧....附近的黑布街印象中記得有一兩所甜品店的.....那就到去碰碰運氣好了....揀了這間店子的其一原因，乃是在於這店子的名稱和太太的花名是有一點關係的，親切感亦頓然而生....打開餐牌一看，發覺甜食種類挺多的。其中設計有心思而又頗有攪作的，更是有不少可供選擇....好像我叫的這一小盆盆栽，印象依稀記起在其他新式甜品店也看過類似的出品。說穿了其實是在朱古力慕絲上舖了一層像泥沙的朱古力碎，像真度也真頗高。慕絲蠻滑而口感細膩，個人認為味可以再濃一點就更好；反而朱古力碎的味道更香更濃，是有點始料不及....太太及小友叫的都屬較傳統一些的甜食，雖然沒有甚麼驚喜但反而令人食得愜意 ---- 專為小友而設的雪糕窩夫，雪糕他就因咳嗽未愈而緣慳一面了，最後唯有讓他只嚐窩夫以及伴碟的切粒水果。自己也來試一點，想不到這裡的窩夫處理得外脆而內軟綿，擺入囗腔內後不久微微的蛋香便慢慢的滲了出來。沾上大量的朱古力漿及蜜糖去吃，小友是吃完一件又一件。此時要煞停他

入到Captain Tong揀左好耐, 我都揀唔到, 原來比較少食甜品既我, 會揀好耐~~之後我朋友仔話請我食泥.......(盆栽甜品)都好喎~ 我揀左朱古力味, 賣相攞滿分...... 味道就係將一舊整得好普通既tiramisu放入個盆仔度, 上面D泥似oreo餅.朋友仔甲試左芒果糯米磁, 整我可以, 味道又係普通.朋友仔乙係食Apple crumble, 但係焗到入面好乾喎, 食左大半, 淨係KO左舊雪糕 >.<"整出嚟個外型真係好靚, 但只限試下就算我見到好多款甜品都有個大型格仔餅底, 都係整得好靚, 如果有機會都會試既.

看店名，就讓人想起較早前大台既人氣劇集是吧！不過，我來了並非受劇集影響(我一集都沒看過呢！)，而是被那人氣甜品西瓜盅引來的。於店前等了約十多分鐘，入得，算是等得少時間了！幸運！甫坐下即點西瓜盅，可惜已經售罄，正在失望兼想動身走人之際，店員告知還有另一款相似的菠蘿盅，我們當然二話不說把最後一個據為己有啦！另外還點了原桶豆腐花﹑抹茶紅豆窩夫及Apple Crumble伴雪糕。全部均是鎮店甜品呢！落單後發現店中大黑板寫著，食客只要在面書的餐廳專頁打卡簽到及Like即減三蚊，我們馬上行動。不過看單就知道一開始甜品店已把此三大元計在成本內，原來總數是$173，減了三蚊便成齊頭，你明我意思吧！不過，這既是店中另一噱頭，又...在等食時有啲搞作食客也不會乾等嘛！這時菠蘿盅來了，一開始以為很大個，原來是迷你菠蘿的一人份，最頂頭有自選雪糕(我揀了荔枝)，原隻迷你菠蘿盛載著菠蘿汁雜果西米(西米可轉涼粉或黑珍珠)，雜果包括芒果﹑火龍果及菠蘿粒，平時我不吃菠蘿的，只愛其香味或果汁，但這個菠蘿粒味道﹑口感均是可接受兼好味，一口接一口很快就整個處理掉呢！荔枝雪糕很清新，這個甜品無論賣相﹑食味均攞滿分呀！另一推介甜

晚飯後想吃甜品, 朋友介紹這裡。雖然是星期天, 但可能因為我們來得比較晚, 又或者店舖不是位於旺區, 人不算多。服務算是不錯, 下了單後很快就上桌~想吃點水果, 點了個西瓜盅(不喜歡西瓜的話可選菠蘿盅), 另外配有雪糕和配料, 可根據口味自由選擇。水果很新鮮, 有芒果, 蜜瓜, 火龍果... 兩個人分來吃剛好。在餐牌上看到盆栽, 感覺很有趣, 便點來試試...曲奇碎的「泥」下面是軟滑的吉士, 上面用來裝飾的葉子居然是真的植物! 感覺很新鮮, 可惜不能吃...

見到有新開嘅甜品店，當然要試下味啦叫左兩個甜品，分別係桂花芒果卷同薄荷朱古力芭芙～先講前者，個桂花皮脆脆地，應該用左焦糖，然後食落去外脆內軟，入面啖啖芒果肉，正丫，但下次要調整焦糖份量，因為會搶左桂花嘅淡香。後者個雪糕唔夠薄荷味，而且芭芙可以整完好似雞蛋仔咁，等一等再上枱，咁就會脆啲。希望下次試埋其他甜品

睇到朋友係附近打卡，諗住去撞佢，去到已經走左 個名咁得意captain糖，就試下喇！坐室外環境幾令*holiday推介木桶石腐花*要等三分鐘先可以食，好香好滑*份量較大，食完會好飽！sam哥推介朱古力慕絲盆栽*得意既外表，面係oreo粉* 好似食泥咁 香滑既慕絲！cool魔推介香蕉船*

星期五喺旺角人頭湧湧，要搵個地方食下甜品都有啲難度，結果行下行下就行到去Captain 糖門口，雖然我不是Captain唐嘅粉絲，不過我同老公都決定入去打開本menu好人手feel,幾精緻。老公叫咗個芒果雪糕奶凍個芒果太熟，不過個奶凍尚算夠滑本來想食心太軟，結果都係俾佢嘅招牌木桶豆腐花吸引住上到枱個哥哥仲叫我地等多兩分鐘先好食，我覺得佢好專業喎👍嘩，好似食燉蛋咁滑，好香豆味，初頭以為呢啲新派甜品整呢啲舊式嘢會無咁好味，今次真係估你唔到喇，哈哈

同朋友食完晚飯，諗住搵間甜品店食甜品，不知不覺就黎到Captain糖。入到店內，可能無開冷氣或風扇關係，加上可能天氣潮濕，店內有浸霉味溝煙味，最終我地點左以下甜品榴槤王D24榴槤雪米糍：味道ok士多啤梨雪糕窩夫：窩夫完全無味，味道一般木槺布甸：味道一般Cool魔西瓜盅：西瓜比較淡，好多水，麻麻地朱古力船：內有朱古力雪糕，Oreo&朱古力脆亂，味道一般整體黎講，我地大部份點既甜品無技巧可言，如果下次有機會再試下佢既心太軟，不過希望抽風系統一定要改善下

琴晚同男朋友食完飯 就行左去黑布街見到有間新開既甜品店 我見到裝修都幾靚 睇下個餐牌有咩食先 睇睇下 有個樓面出黎同我講 呢到最多人贊既係豆腐花同心太軟 咁就試下呢兩樣啦 豆腐花等左5分鐘就黎左啦 但個樓面都要我等左3分鐘 先食得 因為係即叫即撞 👍 聽落以經好吸引 打開個筒蓋 望落去眞係好滑 食落去係超滑 豆味好重 好清甜 唔需要加黃糖都咁好味 正 💪💪心太軟係我男朋友食既 個樓面姐姐話好多熟客返黎都係食心太軟 我男朋友食完話 比起其他甜品店唔會太漏 食完唔會覺得太飽 好正 👍 食曬所有甜品 諗住買單既時候 先知原來個樓面姐姐係老闆😁好親力親為 好有禮貌 好落力 好健談 比人感覺整間鋪都好有親切感 下次一定會再黎👍👍

晚晚收工經過都見排長龍今日早收工 一個人都要去試下排隊等左5分鐘 吾算太耐地方不是太寬敞不過環境舒服，幾特別 呢個都系其中吸引我黎既原因叫左盅圓肉燉雪梨水 $35 雪梨好大隻 比較難"不"不過清清甜甜 好滋潤好香圓肉味 份量十足 值得一試服務態度幾好整體黎講都ok下次試下其他野