Candy Shake (已結業)

貓山皇芝士雪糕 @Candy Shake和朋友在旺角行街，路過Candy Shake，聞到陣陣芝士撻香味，便和朋友入去買來試試看～店內的可愛裝飾芝士撻在做特價，點ＳＥＴ有飲品加芝士撻才＄３１，很抵食 食物不貴，都是幾十蚊有交易 芝士撻看起來很吸引呢，不過入到去又被其他東西吸引著本身是想點個 芝士撻食，不過入到去岩岩有位客人點了雪糕，吸引坐全店所有人，超美呢～貓山皇芝士雪糕 HK$33 看起來好吸引，上面加了點朱古力醬和上面加了些碎糖和乾冰，看到令人賞心悅目！榴槤和芝士味道超夾，味道香濃而不膩，入口非常之滑溜，食完之後口腔內存在榴槤香味可以ＫＥＥＰ全日的，喜愛榴槤的朋友必試呢

日本既『 半熟芝士撻』風靡襲港, 香港突然好左好多芝士撻既店子 呢間CandyShake都唔例外,  佢size好似手掌咁大, 我肚餓起上黎2個我都食到原味芝士撻真係好正好creamy ! 連我男友食左都出手讚搽茶芝士撻食落都好香, 不過比起原味既個芝士味就冇原味咁重, 始終係多左搽茶既成份, 芝士味就有少少比搽茶蓋過左, 不過相對地就冇原咪咁膩, 如果中意食搽茶又唔想太膩既, 呢個絕對比到你雙重口感!如果係想要濃味D既試原味就岩晒!

半熟芝士烤薯($20)呢個薯仔批係新出既 全部都係一片片既薯仔 薯仔同薯仔中間係d cream cheese黎熱辣辣咁 真係好好食 食而不溜咁 我覺得我食十個都得 食完之後令我每次去親旺角都想食一個☺️(可能我係薯仔控護齒梳打可樂糖味奶昔($24)開頭諗緊會唔會伏伏地 但飲落去真係幾特別 真係有可樂糖味 但加上好creamy既cream cheese 就有d奇怪 我覺下次再簡下d正常味應該很不錯😋😋因為cream cheese既味入面仲有d馬卡龍，蛋糕可以買tim全部撻都有個熱燈照住 包保熱辣辣

很快的, 香港天氣又到了能把人熱得熔掉的境界了.路經旺角登打士街, 經過 Candy Shake, 想到它特色的糖果奶昔及芝士類甜品及飲品已覺膩了, 但又難抵其吸引力, 於是主攻其茶類飲品.北海道芝士泡沫綠茶咖啡瑪奇朵就喝得多, 來個綠茶瑪奇朵 (正名: 北海道芝士泡沫綠茶) 亦不錯呢! 綠茶低甜清新解渴, 上覆一層忌廉芝士加北海道牛奶的奶蓋. 奶蓋微微帶鹹頗特別, 可用吸管直接吸飲綠茶, 再食吓奶蓋, 實行有得食, 有得飲, 就當自己在 high tea, 都幾有趣 ; 又或把杯傾斜至45 度, 便可同時喝到綠茶和芝士奶泡了. 

今日去旺角做facial, 順道經過這家網上人氣好高的糖果奶昔店, 當然要試一試。未進去已經被門口各式各樣既芝士撻所吸引, 但無奈食完午餐過後已經好飽, 唯有下次再試。入到裡面簡直覺得係糖果愛好者既天地, 呢到係一個好夢幻既國度，所有你唸到既糖、童年食過既糖、係超市見過既朱古力佢都可以變做奶昔，送到你面前。金莎芝士泡沫奶茶 $22外表平平無奇，有粒龍珠係面，飲落發覺非常churchy! 食到哂金莎既威化同花生粒質感，飲落唔太甜，反而係好creamy。貓山皇芝士雪糕 $33貓山皇雪糕本來已經好rich, 好濃厚, 呢到既版本仲要再加上忌廉芝士, 簡直係升級版。個人覺得榴槤味唔係好突出, 反而食到芝士既奶香味, 口感幻滑香醇。兩個人得兩把口, 下次黎既話我仲想試埋sneaker 同蜜蜂糖奶昔呀。

之前同朋友食過一次Candy Shake，好鬼鐘意佢地d半熟蛋撻。今次無意中經過，聞到香味，我地忍唔住走左入去。今次試d未食過gei味道，叫左綠茶芝士撻同芝士烤薯。其他甜品都好吸引，但我地食唔到太多，所以主攻d撻。**北海道芝士泡沫玫瑰紅茶** $22上次試過芝士特飲覺得唔錯，今次再叫，但試下凍飲。呢杯玫瑰茶味道唔錯，幾清香，唔會太過甜，唔洗用飲筒飲，斜斜地45度飲就可以飲埋d芝士，面層d忌廉芝士打得十分香滑，食落帶少少鹹味好正，唔會好膩。**芝士烤薯 $20**上次來賣晒，今次見有就第一時間叫!但面頭d芝士有少少硬身，有dd失望，但底層d薯仔幾好食。d款真係越出越多，好想試晒咁多隻味道見到咁多款撻，聞到香噴噴，真係流晒口水綠茶tart味道唔錯，唔算太甜，雖然流心效果唔及原味芝士，不過整體來講都唔錯，綠茶味道幾香濃，個脆脆撻皮好香牛油味。但如果同上次比較，咁個人會覺得榴槤半熟撻同原味芝士蘇皮撻好食d。下次經過會再試下其他味道。

Candy Shake除左有原味、酥皮、香芋、綠茶、榴槤五種味道芝士撻外，宜家快有紫薯同朱古力呢兩隻口味。除左有半熟芝士撻，仲有半熟芝士烤薯架 ，每次黎都心大心細唔知揀邊個好。今次就揀左原味芝士撻同一杯巨鋒提子梳打茶。芝士撻熱辣辣，入口有香濃既芝士味，加埋個撻皮脆卜卜，非常好味而呢杯巨鋒提子梳打亦非常之讚呀，因為提子味突出，仲有一塊乾冰喺裏面，一路冒出泡泡同煙，好冰凉，好消暑。

唔太識欣賞呢度既甜品😂😂亦唔太識欣賞呢度既糖果奶昔，可能係我個人口味問題（？）也許啦芝士抺茶小蛋糕杯，$18，芝士味比抹茶重好多，抹茶味好弱，芝士味感覺過分獨立突出但又唔係真係好好味既果類芝士，係呢個甜品中，呢2個大眾情人味唔太夾到，味道變得有點點突兀圖中金莎奶昔，$28，完全唔識欣賞其美味之處🤔🤔係有少少金莎味既，但更有強烈既麥精味帶點榛子味feel，當麥精遇上金莎時，會擦出咩火花呢？而呢種火花，愛者則喜，嫌者則棄。

試了第一次Candy Shake的Milkshake後，幾乎到旺角都會買一杯。因為這裡的選擇實在太多了，試多幾次都不會覺得悶。這次點的是Kitkat朱古力Milkshake。同樣把Kitkat和奶打得很細滑，因為Kitkat本身就只有一般牛奶朱古力味，所以打出來的Milkshake不會太甜，加上奶味十分好味。賣相也弄得很吸引。

天氣悶熱 真係要想盡辦法消暑今日去旺角睇野 見到candy shake 忍唔住拉埋媽媽入去避下暑😅喜歡小店嘅裝修 我係榴連迷 又係芝士迷 當然要叫二合為一嘅奶昔啦🙊榴連味完全沒有被芝士覆蓋 香濃中帶點甜奶昔簡直透心涼 加埋少許彩針 增添色彩👍🏼媽媽話要食雪糕 㨂左5.6牛乳芝士雪糕3.6就聽得多 5.6真係未聽過食落牛奶味更濃更滑 加上微微嘅芝士味睇落好大杯 其實下面裝有乾冰😅雪糕上嘅點綴係店員嘅傑作 好靚👍🏼

黎得旺角掃街，油炸野食多左，點都要買番兩杯特色野飲解下渴既Candy Shake芝士撻就出名勒，唔知d野飲又係咩水準呢咁多款奶昔，真係花多眼亂！考慮左好耐終於決定買以下兩杯Oreo夾心餅奶昔、KitKat朱古力奶昔先講左邊既Oreo夾心餅奶昔啦！奶昔既奶香都幾足夠，幼滑，唔會覺太膩；而Oreo味相對唔係太濃，淡淡的融合在整杯奶昔入面，所以唔會俾人覺得太甜，做到解渴既效果再到右邊朋友果杯KitKat朱古力奶昔！奶昔同配料既比例同杯Oreo夾心餅奶昔差不多，都係奶昔既奶香味比較重，KitKat既朱古力味較為輕，不過喺奶味既襯托下，KitKat既味更為細膩。而兩杯奶昔上都加左星星脆脆同朱古力脆脆。浸喺奶昔入面都唔覺有變軟變淋，為兩杯奶昔增添了口感

繼芝士撻熱潮後，哩間店仲新出左芝士蛋糕，原來仲有杯裝既芝士蛋糕。今日一人行真係正合我意抹茶芝士蛋糕…哩個真係好靚，其實其他味都靚，但我哩個抹茶控緊係揀抹茶味啦！面頭仲有咖啡味既macaron，成個賣相又加左分喇。抹茶味同芝士味都幾balance，質感都幾滑。底下仲有層抹茶海綿蛋糕，味道相對薄弱d,不過整體都幾好味草莓梳打茶…依加仲新出左梳打茶系列，為夏天帶黎清新感！哩個真係平凡中的不平凡，充滿視覺享受，加入左乾冰令梳打茶呈現霧煙效果！草莓味突出，仲有半粒士多啤梨，底下仲有果肉微粒，即刻飲既話甜度岩岩好，但隔耐左冇左d汽之後就有少少糖水feel

掃街太多選擇，但甜品又好味又飽肚就要食cheese tart 好多款式，買3送一$18 Green tea cheese cake 咁大杯都係$18,賣相又ok 一層cheese 一層cake 有綠茶甘香。又有cheese 濃滑蛋糕又鬆軟，cheese 又綿$18 green tea cheese tart Cheese tart 口感比較實在，綠茶味濃但不會搶芝士味，食半個已經好飽發現左個重點，有3款cake ,只係賣$60 ,適合3~4人食生日蛋糕，真係開心大發現。又平又靚又好食，係邊可以搵，正

真喺食到變肥仔波😜今日晚餐食這間😌1️⃣<特選金莎奶昔> $28初初我都犹豫左一陣，叫唔叫這杯好呢🤔因為個名好似好濃同怕太甜，但試後發現調得算剛好，因為除了飲到少量金莎味外，仲有好重牛乳奶香味😝但又唔會太甜口2️⃣ <酥樣半熟芝士撻> $22剛巧撞正剛出爐🔥酥皮非常鬆化薄脆，個半熟芝士🧀流心得嚟軟滑，食食下仲滑出紙巾位3️⃣♥.6牛乳芝士雪糕> $29這個壓軸出場，仲係不能錯過，因為球雪糕幾巨型，面上有很多甜美裝飾物，食落很重牛乳奶香味🐮，久不久就會有一陣一陣芝士味滲出嚟————————————————————ps:買任何奶昔可半價加買芝士撻，所以1+2只要$39、雪糕轉雪糕筒另加$2————————————————————‪#‎產品做得很精緻‬ ‪#‎影相呃like無難度‬ ‪#‎但雪糕影相要快‬ ‪#‎仲要好味唔差‬

以糖果奶昔聞名的Candy Shake位於登打士街，裡面以七彩繽紛的糖果作裝修，活像一間糖果屋櫥窗放滿糖果奶昔樣板及各式各樣的芝士蛋糕和馬卡龍，目不暇給。除了招牌糖果奶昔外，Candy Shake亦不斷推陳出新，引入多款不同口味的芝士撻，更推出不少芝士甜品如芝士雪糕及芝士奶昔等！雖然是次沒有品嚐店方的招牌糖果奶昔，卻點了兩款都與芝士有關的甜品，實行芝到底貓山王榴槤芝士雪糕筒 ($35)熱愛榴槤的我當然不容錯過貓山王榴槤芝士雪糕，而且網上評價非常不錯，令我更加期待杯裝雪糕比筒裝雪糕便宜兩元，起初店員誤將雪糕以杯裝奉上，後來才將雪糕重新移到雪糕筒上，似乎杯裝雪糕的雪糕球比筒裝更大，遷至雪糕筒後顯得格外頭大身小、上重下輕；亦因如此，溶化的雪糕不斷流到手上，吃得異常狼狽拍過照後雪糕其實經已沾滿整隻手，唯有趕快大口大口吃下，芝士味道微弱，多吃數口才能感受到輕微的芝士酸香，而且雪糕帶點冰粒，不太細滑；然而榴槤味道十分濃郁，面層的七彩糖碎及朱古力片不但令賣相錦上添花，更為雪糕增添脆脆的口感，不過雪糕份量頗多，吃至一半時略嫌口感有點單薄，倘若能在雪糕中混合榴槤果肉或在中間再增添一層配料如七彩糖碎及朱古