Cafe Paradise (砵蘭街) (已結業)

記得之前同過朋友嚟呢一間食飯，不過當時食晚餐，而家冇晚餐食唯有嚟食午餐啦。叫咗午餐嘅套餐，包是日餐湯同埋餐飲。今日餐湯係蘑菇忌廉湯。非常抵讚嘅係呢個忌廉湯非常香滑，飲落口仲有大大小小嘅蘑菇粒，好濃郁！用嚟開胃啱啱好。過冇耐就有主菜食，我哋叫咗法式紅酒燴牛肋條配飯，白汁雜菌雞柳天使麵。呢個紅酒會牛肋條，蘿蔔燴得非常淋，一督落去就自動分開，證明夠晒火候！牛肋條一啲都唔韌，掛晒啲紅酒汁上去，亦都冇筋，用嚟送飯一流呀。不過總係隔離飯香，我就覺得另一碟白汁雜菌雞柳天使麵仲正！首先啲天使面夠淋身，所以啲白汁全部掛晒上去，而且每一條都好夠味，唔使食落口，岩岩熱辣辣放上黎都聞到好香濃嘅芝士白汁味，夠晒開胃！雞柳都唔硬，一啲雪藏味都冇， 10分推薦！一餐飯冇甜品點都爭啲野嘅，所以我哋仲嗌左一件是日蛋糕，係藍莓芝士蛋糕。配埋藍白碟，擺盤靚靚，用嚟打卡一流。而家呢個時勢，好多小店都捱唔住，呢度外賣有自取優惠，只係$50就有得食一個set lunch，同路人梗係要多多支持。

cafe paradise位於港鐵太子站D出口不遠，呢間餐廳好多人食，同朋友到時陣岩岩好係下午茶時間，點佐兩個下午茶：芝麻雞翼配田園沙律同迷你雞粒長通粉，都配有一杯茶。雞翼BB辣，煎得脆脆的芝麻香好入味，長通粉淋著蕃茄汁，唔會爛有嚼勁。最正係蒲燒鰻魚飯套餐，呢個鰻魚真的好大隻且厚身，加上芡汁的飯，味道真的好正。呢個套餐總有一個蘑菇湯同一杯是日特飲，今日係忌廉奇異果蘇打，好好飲，總得來講整個套餐唔會好貴真哋抵食。

經過太子，搵間cafe坐下醫下肚先🙈 地點鄰近地鐵站，較容易搵到😊 🍴石燒牛肩押肉眼扒 $108 配餐湯、沙律及飲品一上枱，塊扒已經勁香扒味，因為石燒板一直燒住，自己可以控制下想燒幾耐👍🏻 當日大概燒到七成熟左右👍🏻 食落幾香牛味，有牛肉汁👍🏻 而肉質就偏韌小小，隨餐有跟薯角，反而薯角幾驚喜，又熱又脆😊 🍴心太軟 味道方面，心太軟較甜，但配蛋糕食味道剛好，不過上枱時有點失望，焗得太耐，無流心效果，但味道不錯👍🏻🔺🔺🔺🔺🔺🔺🔺🔺🔺🔺🔺🔺🔺🔺🔺

今日放假約了朋友來到太子吃午餐，於是找到這家很有特式的cafe店來嚐下。今日也很多客人，已經满座，建議來之前都先訂座。香脆豬手配燒汁豬手很大份，即叫即烤，熱辣辣，豬皮烤得很香脆，軟熟滑溜，食落不覺油膩，肉質嫩滑多汁，完全沒有騷味，香脆惹味。香辣蜆肉炒意粉意粉炒得很入味，辣度適中，彈牙爽滑，香甜美味，配有鮮甜蜆肉，味道很配搭。辣辣芝麻雞翼外脆內軟，炸粉很薄身，惹味香脆，帶有微辣，雞肉鮮甜嫩滑。藍莓梳打清甜美味，冰凍可口，藍莓味道香濃。心太軟配雪糕心太軟香甜軟熟，朱古力味濃郁，入面的朱古力流心滑溜美味。

依間Cafe幾近地鐵站，一出出口就可以到，地點非常方便。佢嘅店面係歐陸風，佢嘅面積唔係好大，但裝潢風格比較簡單，比到人放鬆嘅感覺。Paradise Jumbo係All Day Breakfast，好耐冇食過，所以就點左依個黎食，佢嘅份量都好多，真係jumbo size，，兩個人分享都可以。佢總共有13種材料，平時常見嘅食物都可以搵到。佢有一塊都幾大塊嘅西冷牛扒，厚度唔係薄薄一塊，佢煎得比較熟，可能平時鍾意食比較生。幾鍾意佢嘅炒蛋，炒蛋嘅奶味幾濃，成個蛋食落好滑。最正嘅係薯餅，金黃香脆，香噴噴，食完好想再食多塊。佢仲配一杯暖暖地嘅橙汁，本身係配多士，佢可以轉泡芙(+$8)，佢外皮蓬鬆酥脆，裡面係cream，非常邪惡同幸福。美式水牛城雞翼係原隻雞中翼炸，隻隻雞翼都肥嘟嘟，流曬口水。佢嘅茄汁味好濃，酸酸甜甜，非常鍾意。

餐廳裝修簡約清新， 以白色為主調， 感覺舒適，放上旋轉木馬擺設 ，充滿 fantasy 的風格。石燒牛肩胛肉眼扒(200g)套餐$78(+$30 可配餐湯、沙律、甜品 及飲品)忌廉蘑菇餐湯， 香稠順滑， 仲有啖啖誘人蘑菇粒的香甜。沙律菜好爽脆，清新可口， 令人胃口大開。牛肩胛肉眼是牛隻經常運動的部位，所以肉質較結實帶有少少筋， 薄切的牛肩胛肉眼扒，放在熱石上， 發出吱吱聲， 肉香十足， 令人垂涎， 牛柳自己烹調， 可以控制幾多成熟， 一切自己話事， 先將牛柳四邊煎封，鎖住肉汁， 慢慢燒至五成熟 ，用刀輕輕切開 ， 牛柳呈現粉紅色， 入口十分嫩滑，牛柳沒有多餘的調味，沾上黑椒汁， 帶出牛柳鮮味， 讓人樂在其中。 還有熱燙燙粗身薯角伴碟， 外脆內軟， 沾上茄汁，愈吃愈過癮。 香辣蜆肉炒意粉$69幼身意大利粉， 口感煙煙韌韌， 配上鮮味挺身的蜆肉， 帶有淡淡的辣香， 滋味吸引， 確實不錯。士多啤梨乳酸特飲(跟餐 +$15)粉紅色的士多啤梨乳酸， 賣相吸睛，先是淡淡草莓香氣， 慢慢滲出酸酸哋的乳酸，十分清爽解膩。抹茶雪糕 (套餐甜品)抹茶雪糕 ， 抹茶甘香，甜而不澀， 奶滑柔順， 有驚喜的飯

呢間餐廳長期爆滿，今日lunch試咗一個超抵食嘅套餐。最近好多地方都有熱石牛,無諗過呢間餐廳都有得食，試咗「美國頂級穀飼牛肩胛肉眼扒」加埋沙律餐湯、甜品、水蜜桃花茶。食到好滿足，埋單先百零蚊，超抵食👍🏻重點係食物有質數，唔怪得長期都咁多人幫襯啦...塊肉眼扒肉質好嫩，肉汁豐富，熱石上自由控制生熟程度。甜品揀咗「士多啤梨泡芙雪山」好大杯有兩大個士多啤梨雪糕球，泡芙都好好味呀。下次一定會再嚟試下其他款式

Long time no eat 鳗魚飯! Speaking of 鳗魚飯, Cafe Paradise must be one of the best places to go because they offered 蒲燒原條鳗魚飯 at a very cheap price! This time we went to Prince Edward branch. Their lunch sets were really super great deals, ranging from $58 to $89. Salads, pastas, rice, steak etc. were available. The menu said 10% service charge applied. A daily soup and a drink were included. Special drinks were available for additional $10 only. 蒲燒原條鳗魚飯 at $78We basically always ordered this dish here

今次就約咗朋友去太子一間Cafe食嘢吹水，一入到去都滿座，證明依間野有返啲水準同咁上下人氣！因為我遲咗到，我朋友已經叫咗個all day breakfast食（冇影相因為佢已經食完😆）而我就叫咗個lunch set:南瓜汁海鮮意大利飯，跟餐湯，+$10叫咗個玫瑰牛奶咖啡。上菜速度都算快，個飯幾好食😋有甜甜嘅南瓜味，另外海鮮有大大粒帶子同青口，海鮮都算新鮮。呢個價錢我覺得性價比都算幾高。玫瑰牛奶咖啡賣相唔錯，味道都幾好唔會太甜，亦都夠熱！我哋食完野之後，傾吓計一坐就坐到六點，想吹水又有一個可以坐得比較耐嘅地方呢個係一個幾好嘅選擇👍🏻🐱總評分：8.0/10

黎過呢度幾次 都覺得好好食😋 杏花邨分店都唔錯襯住weekend 出去旺角行街 又過黎食個lunch-✨Paradise Energy $98超豐富嘅all day breakfast‼️🍳🥓🥗🍅有炒蛋、火腿、煙肉、香腸、漢堡排、薯餅、沙律、炒菇、烤蕃茄同茄汁豆跟餐仲有杯橙汁同好好食嘅士多啤梨果醬多士🍓🍞樣樣都好出色 連好易overcook 嘅煙肉炒蛋同薯餅都煎得啱啱好唔會太乾😋-✨ #酥炸軟殼蟹龍蝦汁天使麵 $98炸軟殼蟹好香脆 仲保留到佢嘅鮮味🦀而且同龍蝦汁麵味道好夾最欣賞係佢嘅天使麵條條都掛到汁🍝一啲都唔馬虎 份量食落仲比想像中大😗-✨ #Chocolate Paradise +$15跟餐加15蚊就有杯飲品同餐湯凍飲有好濃嘅朱古力 而且唔會太甜最好味係上面個雪糕球仲有好多朱古力片係裏面啱晒朱古力控🍫

今日去開太子做野唔想又買外賣番屋企食就趕係六點前同朋友食個early dinner 🤤晚晚都食外賣都想搵間坐得舒服既cafe chill下再search下附近有咩黃店最後就簡左cafe paradise 🤣因為係Early dinner朋友同我都未係太肚餓所以就share黎食💁🏻‍♀️首先講下個主菜龍蝦汁冇平時既意粉汁咁漏令人食極都唔滯而軟殻蟹都同龍蝦汁好夾再加上我本身鐘意食天使麵所以成碟好快清曬🤤🤤🤤🤤🤤🤤之後叫左個小食芝士味都好濃而且係熱辣辣再加上脆脆地既煙肉粒仲有四粒大大粒既帆立貝🍥呢個價錢黎講超值！最後叫左個甜品上菜既時候朋友同我都好驚喜因為好可愛呀！好有誠意既甜品😭唔知係唔係連豬黎既呢😂😂😂😂😂不過並唔係坊間藍莓芝士蛋糕質地質地係鬆軟個種蛋糕所以如果係想食普通藍莓芝士蛋糕既話呢個就未必岩你喇🍰

出名大件夾抵食嘅黃店cafe😎帶埋大少一齊嚟試下😁嘻，得我一個的話一定食唔哂🙈🍽Paradise Jumbo $128呢份All Day Breakfast 份量誇張到可以兩個人一齊食🙈一份早餐入邊有13款嘢食，每款都唔少，牛扒大大塊、炒滑蛋都好多、薯餅都有兩塊、仲有麻醬沙律，另外仲有件多士，飽到上心口啦😆🙈🍝 蟹籽蟹棒忌廉意大利闊條麵 $75賣相已經好吸引我，勁多蟹籽🤩忌廉汁好creamy，亦好多汁掛滿哂喺闊條麵，而闊條麵嘅軟硬度亦好適中，正😋

太子尼間cafe paradise 最有特色係有個旋轉木馬模型放左係門口見到好似去左遊樂場咁開心🙆‍♀️.All day breakfast尼個All day breakfast 叫paradise full 聽落就知豐富😈有炒蛋、煙火腿、煙三文魚、煙肉、漢堡扒、直布羅陀腸、茄汁豆、薯餅、烤番茄、炒雜菇、粟米、田園沙律、多士配果醬份量多到我認為2個人食都得😂Cp 值勁高,石燒牛肩胛肉眼扒一上枱 吸引到隔離枱啲人望住晒😂石燒牛200g 好厚切 食落口啖啖肉 又唔會好肥好多筋同場仲配有燒汁、茄汁、蒜蓉汁、香口薯角一次滿足4個願望.Chocolate paradise朱古力係我嘅comfort drink😚尼杯Chocolate paradise有埋朱古力雪糕 雙重口感 雙重comfort享受❤️.伯爵茶咖啡拉花係心心❤️好岩打卡 尼杯朋友飲 佢覺得好飲🙈伯爵茶味道夠出

好朋友最近身體抱恙，去完bodycheck之後知道冇大礙我就決定請佢食餐飯，揀左呢間佢好中意既人氣西餐😀Set lunch 都幾抵食👍我叫咗原條蒲燒鰻魚飯少飯跟熱檸水，朋友叫咗bb豬柳燒汁跟薯菜加十蚊轉cappuccino～蒲燒鰻魚飯賣相好吸引，條鰻魚真係超長同超厚身，好肥美仲要一條骨都無😍燒得好香，醬汁偏甜，不過要黎送白飯一流👍🏻朋友既豬柳就有Ｄ似豬肉片，帶輕微既肥肉入口會香Ｄ，幾嫰滑薯角好香脆😋Cappuccino一黎到就聞到勁香😁 朋友話咖啡味香濃，奶泡比例岩岩好又夠滑，唔錯喎👏抵食又好食，難怪有咁多好評，當之無愧👏🏻👏🏻

已經有一段時間無去cafe食西餐，晏晝想食意粉，所以就去呢間Cafe paradise。佢外面既裝修係純白色，比人一種好似希臘小店，好放鬆既感覺。餐湯係甘荀南瓜湯，南瓜味好濃而且好幼滑，而加左甘荀就令口感更豐富。蟹籽蟹棒忌廉意大利闊條麵$75呢個配搭相當新穎，係意式同日式既fusion。首先蟹棒好大條，咬落一絲絲。闊條麵既軟硬適中，而且索曬忌廉汁，掛到d汁好好味。而蟹籽係畫龍點睛，令賣相更加吸睛之餘，咬落卜卜脆，好特別。雞肉野菌青醬意大利粉$78青醬市面cafe比較少見d，有唔少香料，特別係羅勒葉同蒜香好出，係我好鐘意既味道，食落更香同無咁膩。而青醬配雞肉好夾，雞肉整得嫩口，加埋野菌一齊煮就更出色，而不得不提佢份量唔細，一碟都好夠飽。忌廉碎曲奇咖啡沙冰（特飲+$15）一上枱第一印象就係好大杯，多到瀉出黎，所以要盡快飲幾啖先，咖啡味好出，而仲有粒粒曲奇，飲落都唔會過甜。薄荷朱古力（特飲+15）薄荷朱古力就不過不失，如果薄荷味再出d會更加好。總結黎講，都算好抵食，200蚊有找，而且算幾高質，同朋友hea下傾計，性價比都相當高。