Café&Meal MUJI

营业中

休息中

一個人靜靜地去了無印食午餐，叫了四品料理：分別鯖魚、紫薯蓉、波菜煎餅及紅菜頭蘋果沙拉，十分清新好吃，最適合減肥人士。我沒有要飯，要了包，包還熱反而牛油有點凍未溶，可以改善。

跟女生朋友約會，總是想找個好坐不限時的餐廳。MUJI CAFÉ應該算是一個好選擇。自助餐點餐，櫥窗已看到料理的樣子，貪心地選了五品料理套餐，怕吃不完，不要飯，要了面包。（由小碗開始，順時針）1.烤雜菌配半風乾蕃茄.只輕烤過保留食材原汁原味，加了黑醋帶點微酸，開胃，很喜歡。2.蕃茄醋伴吞拿魚蔬菜，是沙律菜跟半熟TUNA,有點鞋, 普通。3.蜂蜜乳酪汁伴青蘋果乾果，被dressing吸引而叫，果然沒失望，酸甜清新有口感，比上一個cold dish好。4.蜂蜜烤豬仔脾配有機蘑菇(只限點一件)，看到限量這個字忍不住叫了，日式醬汁再加蜂蜜烤出來甜甜地，幾好。5.甜椒醬炸雞不熱不脆的炸雞，嗯，味道是好的，口感就不太好了。吃完正餐聊完天，又被甜品吸引，加點了Souffle Omelette.少少焦糖面，好吸引；軟熟有蛋香，幾好味，朱古力醬/糖漿不加更好，不污染原始蛋味。配雲呢拿雪糕冷熱交融；甜品吃完才算劃上美好的句點。整體是喜歡，簡單的做法，原始的味道，日式家庭料理的感覺，很有MUJI的風格。

今日又同無印朋友嚟食飯，因為有折所以叫咗好多平時唔會食同埋最貴嘅嘢。首先叫咗一個比目魚，魚既肉質好滑、配埋醬汁真係perfect match。因為我哋四個人去食，但係佢得三件，食完覺得唔夠喉，最後就叫多咗一份比目魚，證明佢真係好好食。😂😂😂然後食咗個牛扒，牛扒肉質juicy,不過無咩驚喜。反而個蟹肉麵令人喜出望外，之前覺得百幾蚊一個麵好貴，但個麵真係好多蟹肉，個湯幾好味，夠晒清淡。最後，每人仲有一杯雪糕。牛奶奶味香濃，不過本人還是比較喜歡綠茶味。

今日第一次到無印良品食午餐平時都有經過不過價錢都略貴大概$100 一個lunch 地方都寬闊舒服不過原來係要搭枱同埋係自助形式所以不需+1服務費款式似中式三餸兩餸套餐我叫咗個三餸套餐兩款涼菜一款熱菜套餐包埋飯及湯三餸套餐約$95飯唔夠熱，比較硬湯亦都唔夠熱😥😥😥涼菜包括波菜餅及牛油果西蘭花西蘭花好生好鯹魚餅普通，冇咩味道熱餸就係玉子燒隻蛋基本上唔熱，冇咩味道所以成個午餐都係好凍、好硬、冇咩味道實在有點失望😅😅😅

朋友係奧海城無印良品做，去佢嘅Cafe食嘢有折扣，記得好似係九折，所以近排成日去食。今次試咗個套餐，可以揀兩個熱盤同埋三個冷盤。朋友介紹我食比目魚，佢話呢個性價比最高，而且來貨都係最貴。發覺比目魚質素真係唔錯，啲魚好滑。另外冷盤食咗個雜茵，呢個我次次都食，因為覺得酸酸甜甜好開胃。仲有個蒸蛋有好多材料。甜薯蓉反而唔係咁鍾意食，試一次就夠。最後食左綠茶雪糕，綠茶雪糕做得唔錯，味道香濃。如果有折，會再去食😂😂

幾年前去過日本既muji cafe,香港開左咁耐，今次係第一次去Muji cafe. 因為唔肚餓，同朋友點左個燒汁燴牛面頰雜茵飯和一件朱古力香燈蛋糕。 燒汁牛面頰飯味道ok,都幾清淡，唔會好濃好味精。不過佢上菜時，見到燒汁和牛面頰是分開夾的，雖然避免了牛肉過熟，肉質鬆散既問題，不過汁同牛面頰都唔係好夠燒。 至於香橙朱古力蛋糕都幾濃橙味，口感綿密，不過下次會試下其他甜品。 反而比較喜歡食個雜菌冷盤，日式醬汁既味道酸酸甜甜，非常開胃。

一直以為日本餐廳會比中餐廳干淨，Muji 餐廳打破了我的想法，單看餐牌好似好吸引.當你走去選擇食物，見到幫夾食物的 staff全部不戴口罩，一邊幫客人夾菜一邊說話，見住他們口水花噴噴直落客人即將要食的食物上，好嘔心！我一直係 Muji的粉絲，由衣食住行的東西都在 Muji選購，但 Muji Cafe好多時要等位所以好少食，今日經過諗住沒咩人先入去食，Cafe display 的食物好吸引同在日本見到的一模一樣，但一去到夾菜區就知中伏，只見個個 staff 口沫橫飛，總之他們夾俾你的食物都有他們的口水. Muji 的管理層你們見到我的留言，請你們的 Staff必須要配戴口罩，不要連大家樂大快活的平民餐廳都如好嗎？！

今日本身想搵下cafe，睇到自己之前去食既一間Muji既cafe，都唔錯，所以分享下😍大角咀呢個muji係算幾大間，樓高高真心好舒服~ 我諗佢有3層樓高，一入去啲位都好大，好靜，坐得耐真係會訓着~呢度要先岀去揀左野食俾左錢先，然後再揀位坐~ 我叫咗 blueberry & raspberry yogurt既飲品 (其實唔係好記得全名)相貌方面，好啱影相~ 因為睇落好靚！但就好細杯🙈味道方面，就淡咗少少，唔係好濃既莓味，配合yogurt有少少特別 不過唔算難飲👍🏻🤣

下午去咗奧海城無印良品買野，先發現原來無印良品開咗Cafe & Meal見有啲肚餓，所以就入咗去試吓叫餐模式有啲似大家樂: 要先點餐，然後自己搵位，要等候嘅話，食物就會有職員拎過嚟食物飲品種類好多，有整好咗嘅甜品，還有即整嘅意粉。我本身諗住特別啲，就叫咗抹茶燒菠蘿酥，賣相好好，燒菠蘿好好味，但係整體口感就一般下次都係叫「安全款」例如藍莓芝士蛋糕，朱古力蛋糕等。環境好舒服，安靜，不過就唔適合一班人聚會，我見多數都係兩三個一齊睇書或學生做功課！價錢方面，我覺得偏貴，平均都要四五十蚊起，正常大部份都六七十蚊如果係下午茶來講，呢個價錢可以有好多選擇！所以如果唔係要逗留三四個鐘睇書或傾project，我就未必會特登過去食

[ 日式四餸飯🇯🇵| 好食又有屋企感覺💓]••第一次係行街見到MUJI有甜品，入左去食個下午茶🍮覺得好好味，之後再去試下晚餐🍱自此之後我地就成日去食晚飯🍚每次想食清淡啲、健康啲、屋企啲，就會諗到去食MUJI🏠⋆ ⋆ ⋆ ⋆ ⋆🔹三品/四品/五品料理($95/$108/$118)⭐️8/10➸ 餐湯 + 白飯 / 十六穀米 / 麵包🍞...▫️四品可以揀2款冷盤2款熱盤💁🏻‍♀️冷盤我揀左烤雜菌配半風乾蕃茄👍🏻每次見到我都會揀，份量都幾多，食落酸酸地好開胃，沾左啲蕃茄味🍅 ; 另一款係第一次揀既苦瓜燒玉子😍我本好鍾意食苦瓜，處理得好好而且切粒，完全唔苦只有少許甘味👅同玉子好配合，冰冰涼涼食落好清新❄️熱盤我揀左蕃茄汁香草肉丸🥫汁緊得幾好食，可以用來撈飯🍚呢款同一般肉丸無乜分別，咬落質地係似牛丸咁較實🤔 ; 最後係黑醋醬豚肉，呢個係最濃味既一款🐷 豚肉好稔唔鞋，雖然黑醋酸味就唔太食得出，但個醬做得好惹味👍🏻-🔹梳乎厘奄列($98)⭐️9/10好厚好厚目測有成4-5cm😍最最最吸引我係面頭個層焦糖脆脆，我完全抗拒唔到💘其實成舊同梳乎厘班戟無異，比較棉密，唔係食空氣💨而且濃濃蛋香，真係唔使倒漿都好食，蛋

奧海城開左間好大型的muji，入面有埋bakery同cafe供客人行到累可以坐低high tea.由於位置處於muji店鋪內，所以餐廳都係開放形式，地方寬敞，食物有冷熱盤均擺放廚窗式，讓食客可以慢慢挑選。蘋果玉桂杏仁蛋糕 （暖）除左熱食同冷盤外，餐廳亦同時提供多款甜品，例如雪糕，蛋糕和巴菲等等。今次就點了一客蘋果玉桂蛋糕，由於呢個蛋糕系暖食的關係，所以覺得好特別。一開始都係到諗，點解呢個蛋糕會系暖食呢，細想先知道暖的流心蘋果蓉先系重點。蛋糕的餡料蘊藏住淡淡清香的玉桂蘋果蓉，十分清甜。外面的蛋糕是現在十分流行的戚風蛋糕，個人覺得帶點伯爵茶香味，健康軟綿綿的口感，食完之後零負擔。蛋糕面頭上更灑上杏仁片，豐富口感。

我一心入去買支筆, 但俾旁邊CAFE 嘅大吊燈吸引咗我去坐下.枱椅都係原木色好LIKE,自己去order, 攞個牌子返來會, 店員會送到給你.原木色嘅枱櫈雜莓芝士蛋糕套餐 ($68), 芝士味香且濃, 雜莓有點點酸, 唔會太搶芝士嘅味道.食完cheese cake 配番杯茶, 好ENJOY!三品季節甜點套餐  ($98) 雖然價錢看似略貴, 甜品任你配搭, 總好過迫你食唔喜歡的.今次選的是 (由左至右) :無花果吉士布甸, 宇治抺茶芝士蛋糕伴紅豆忌廉, 生薑黑糖戚風蛋糕.無花果吉士布甸 -- 有少許開心果夾雜著, 帶點香味及口感, 宇治抺茶芝士蛋糕伴紅豆忌廉  -- 抺茶味香濃, 紅豆忌廉算是偏淡, 夾著芝士蛋糕一齊食, 簡直係PERFECT MATCH生薑黑糖戚風蛋糕 -- 薑味突出, 戚風風糕好軟熟配以齋啡

本和香糖布甸套餐 ($60)酥皮菠蘿撻 ($40)如果你巧鍾意MUJI個Brand可以一試，但野食並唔值咁貴既價錢，sosad如果黎係想食好西既話，你應該會失望食物唔係特別好食，只係環境唔錯，咁其實好多cafe都環境唔錯，想扮文青既話，我建議你去返真正既Cafe又或者你去starbucks食件Cake好似都仲抵食過呢度

人在 大角咀 - 奧海城 , 行街行到悶 , 反正百無聊賴 , 我們就去 Muji Cafe & meal 嘆下午茶 , 歇一歇腳又吹吹水 , 浪費一下時間都好 ~宇治抹茶芝士蛋糕 + 冰琉球日落紅茶 : 第一啖抹茶芝士蛋糕放入口 , 嚐出有苦的抹茶味 , 隨後才到芝士蛋糕的酸甜 , 蛋糕糕質挺身 , 入口軟滑卻不會過份地黏口黏喉 , 邊吃蛋糕邊喝冰紅茶 , 一啖濃一啖淡 , 口味歷久常新 ~本和香糖布甸 + 冰琉球日落紅茶 : 布甸的蛋味較糖漿味淡 , 口感綿密 , 質地滑溜 , 應對地與咖啡較襯 ~本篇完 ~ 

原本諗住係奧海城行完街，輕輕鬆鬆食個tea嘆下。咁就揀左入muji試下啲日式tea set啦，但食完真係覺得下次都係揀番啲真係餐廳為主既cafe真係估唔到有咁多人食，我地坐埋左一邊，但同隔離枱好似痴埋咁濟。之後睇下揀咩cake先，有撻有奶凍有卷。我最後揀左個3set餐，因為可以幾樣都試下。$98一個set,送到上黎個陣其實幾失望，完全唔值呢個價。。。一杯茶包茶 再加香蕉撻 布甸同雪糕。份量小同埋覺得無乜誠意牛奶雪糕係有好濃厚既牛奶味，整體我覺得得雪糕比較好食。。布甸就麻麻地。。唔夠滑。。最後，香蕉撻雖然有好濃既香蕉味，但撻皮好厚同埋乾。。。總結 真係完全係食佢個名