大家樂 (富東廣場)

实在太过分了。第一次遇到喺大家乐食海南鸡饭会有呢个情况。一打开以为系人哋食剩嘅饭𩠌，见到都无胃口，成盒鸡都冇一件系完整嘅😡😡之前喺其他大家乐食嘅时候都冇咁嘅情况… 如果唔够系可以同个客讲嘅而唔系唔知比一盒啲乜嘢人哋，以为人哋返到屋企冇可能返嚟换就求其俾。真系不吐不快。最后食咗两旧，成盒掉咗… 除咗差，都唔知在点样去形容呢盒嘢…查看更多

位于东涌的大家乐全日早餐加鸡扒再加鼓油皇炒面，实在令人惊喜，因为加$21蚊就够晒2个人食！鱼柳，鸡扒，煎蛋，烟肉，薯饼，炒面，再配上多士与热饮，简单却满足。整体味道平衡，份量刚好，是一份性价比高的快餐选择。环境：店舖整洁，座位宽敞，适合短暂歇脚。 价格：属中价位，配搭灵活，物有所值。 食物质素：质量与分量都一如以往，整体出品稳定。 食物种类：选择多样，早餐还有很多不同的搭配。如果你喜欢经典港式早餐，这款全日早餐值得一试！…查看更多

大家乐最近推出嘅铁板牛扒餐，铁板够热，牛扒有手掌咁厚，起码有8吋长，足料。配菜有洋葱青瓜同粟米，洋葱够新鲜，青爪同粟米正常。我推荐黑椒汁够惹味，佢仲有洋葱汁可以拣。另外有饭、意粉同面包选择，白饭无乜好讲，意粉有茄汁捞过有诚意，餐包保持暖不错，加埋个几浓味嘅罗宋汤，65蚊乎复可求，食得饱又味道不错，值得推荐。…查看更多

真系嬲嬲地，食咗几次，都估到啲水坝系咁垃圾，明明已经叫多冰多奶，最后出嚟杯嘢饮，少冰冇奶，有冇咁求其仲要攞到返写字楼先知，可唔可以每次都睇清楚，少少嘢都做唔到。。。…查看更多

东涌下午茶都冇乜特别好嘅选择，喺附近买完𩠌就行咗上去一楼呢一间大家乐，佢喺谭仔米线隔离，角落头嘅位置，依间大家乐都非常大间，下午茶时间嚟讲人数不算太多，容易找到位置！✔️迷你叉烧饭，叉烧正正常常但系份量就唔算太多，我觉得叉烧有啲太瘦，不过肉质同埋未到食落去都正正常常，加埋佢𠮶个烧味汁系几好食嘅，下午茶嚟讲都叫做饱肚，佢呢一个套餐就系$35，会包括一杯热嘅饮品，如果冻饮嘅话就加$3，仲有其他特饮嘅选择。我叫咗热柠茶就冇乜特别，只可以话系合格嘅质素。…查看更多