C2 Lab

营业中

休息中

今日本身諗住同朋友去試吓，不過三個人冇訂枱，入去諗住問吓walk in 等位要等到幾時啦，點知門口收緊錢嗰個便服侍應哥哥好cool咁同我講話:”今日冇訂位就無。” 咁我哋就過咗隔離搵食啦，等緊隔離鋪嘅時候，有另外三個人本身睇緊餐牌，覺得唔啱食，就過咗去C2 Lab，佢哋三個入咗去， 1分鐘之後就坐低左啦☺️。咁即係其實唔係full Booking，等15分鐘就有位啦☺️ 唔排除佢有人訂咗枱no show，但係態度可以好少少。 永遠Blacklist☺️👌🏻

牛油果🥑好食😋個鴨皮喺好香脆，出色鵝肝，好出色，見到佢呢個色水，就知佢咩料，其實胃大少少可以食3.4個🫶🏻🫶🏻👏🏻甜品🍮呢個都推薦大家試下.如果個胃大啲可以試埋其他😸😸

今日朋友生日黎左 呢間深水埗呢間西餐食飯 入面空間環境唔算大 都坐得舒服 入面仲有洗手間提供使用前菜叫左鵝肝多士 油甘魚🐷 鵝肝配柚子珍珠 大大件既鵝肝配上香脆嘅多士 唔錯 👍🏻🐷 主菜：油甘魚配柚子甜醋 本身我唔係好鍾意食柚子類既野 但朋友話想食 所以我就話冇所謂 當試下 點知黎到 又幾開胃 唔會有苦澀味 🐟油甘魚亦都好厚 身 配埋佢既橘子 好夾 🥂🐷 主菜： 帶子意大利飯 呢個冇咩特別 唔難食 正正常常 😂 下次可以試下其他🐷甜品： 打卡岩晒 📸️ 生日同佢講會幫你寫碟 有埋蠟燭🎂 唔洗另收費呢間餐廳唔錯 對得住個價錢👍🏻👍🏻 推介大家帶另一半/ 生日黎食

在深水埗難得一見的西餐廳，估唔到係會令人覺得覺得性價比超高，雖然人均消費都要200起，但食物質素絕對對得起呢個價，食物質素極好。佢個牛肩好有肉味肉汁豐富，油封鴨都係高水準，頭盤及湯都好得。服務係老闆自己帶住做，所以都唔會差得去邊。主要係餐廳較細，坐得比較逼。唯一令我不滿的，就係其中一次，佢提供嘅清水居然係臭嘅，當然唔敢再飲。不過光顧咗幾次，咁嘅情況只係出現過一次，希望佢哋以後可以小心啲。始終，高水平嘅平價西餐，實在係太罕有。

食物好，服務好，優質小店，值得支持！請朋友食lunch，近深水埗港鐵站D2出口，行無耐就到⋯朋友讚appetizer好睇又好味👇🏻Fresh Crabmeat, Crab Miso Paste Cucumber Salad我叫咗牛柳鵝肝，牛柳五成熟，非常軟熟，鵝肝正常水準👇🏻Grilled U.S. Beef Tenderloin with Goose Liver可惜食到中途有隻好微小嘅昆蟲，我直接用橙汁杯撳落去當冇事繼續傾偈🫠 set lunch跟嘅橙汁似乎唔係鮮榨，但味道都OK嘅⋯⋯唔多寫食評，但有心做嘅小店值得支持，希望多啲人去欣賞美食😊

深水埗都有高質既西餐廳，環境食物都唔錯🍽️意式薄切油甘魚配橘子甜醋 （$98）油甘魚入口滑溜，配上菜、橘子、同甜醋，非常之fresh同開胃，作為前菜岩岩好，好適合夏天食☺️🍽️鮮蟹肉牛油果蝦凍批 （$98）蟹肉同牛油果混埋一齊，但蟹肉唔算多，蝦唔算大隻，但整體比較新鮮，牛油果本身容易膩，但甜酸的醬汁中和左油膩感。🍽️意式卡邦尼手工扁意粉 （$138）醬汁濃郁掛滿面條，扁意粉煙韌有咬口，但整體唔算太特別，可試可不試。🍽️魷魚海蜆配墨汁意大利飯 （$178）眼前一亮的意大利飯🤩粒粒分明的飯粒超有咬口，而且魷魚同海蜆比得好足，食落超juicy👍🏻整體來講，係平民區性價比並唔算高，但以食物質素來講值得一試。星期日下午去可以walk-in，但4點要交枱。人均消費 $100-200，係西餐來講性價比都唔錯

主菜加$108 ，有前菜+湯湯牛尾湯頭盤🍖 燒法國鵪鶉肶配紅桑子陳醋汁🐙 燒西班牙八爪魚配白玉粟米主菜🦆 油封鴨腿配杏脯乳酪汁（$238）🐟 燒北海道劍魚腩配金桔柚子醋（$268）額外加配🧀 意大利芝士開心果煙燻杯（$68）呢間餐廳C2Lab位於深水埗福榮街，環境舒適，裝潢簡潔。餐廳提供主菜加$108的套餐，包括前菜和湯。睇完Youtube之後，係深水埗，難得有間走高級路線0既西餐廳，當然要試。首先上牛尾湯，牛尾湯同平時唔同，無好濃0既茄膏味，感覺比較清爽。頭盤有燒法國鵪鶉肶配紅桑子陳醋汁，鵪鶉肶經燒烤後質感鮮嫩多汁，搭配紅桑子陳醋汁的酸甜風味，非常開胃。另外還有燒西班牙八爪魚配白玉粟米，最得意0既係八爪魚的口感似肉，搭配粟米的清甜，味道獨特。主菜方面推薦油封鴨腿配杏脯乳酪汁，鴨腿外皮酥脆，肉質一絲絲，質地似煲淋左0既煲湯豬肉，杏脯乳酪汁的香甜與鴨肉的油香相得益彰。仲有燒北海道劍魚腩配金桔柚子醋，劍魚腩經燒烤後保持了魚肉的鮮美，劍魚腩油脂豐富，金桔柚子醋的酸爽增添了口感層次。如果想要額外加點配菜，可以試試意大利芝士開心果煙燻杯，芝士的濃郁與開心果的香脆相輔相成，令人回味無窮。整體而言，

Starters最常order既就係油甘魚，個source加埋一齊食，好襯好夾另外鑽石蜆都係好正，好鮮甜，好大粒肉，個汁仲可以點麵包食鵝肝超好食，但比較難shareMain 就好推介紅蝦意粉，超好食，好香蝦味意粉個texture都好好油封鴨髀都好推薦，不過咁啱今次無食，就無影相。豬鞍就係我幾個朋友既favourite，好嫩滑既肉質。今次試左個魚，有驚喜喎，外脆內軟，個人非常喜歡有一點個人好欣賞，就係佢地上完starters係會幫所以人換碟，再上main，雖然西餐黎講好似好基本，但深水埗小店做到咁，我係欣賞既。

今年媽咪生日呢就帶佢去咗C2 LAB 同佢慶祝食生日飯❤️😂👏🏻我家兩老👨🏻‍🦱👩🏻佢哋超級開心因為樣樣野都好啱佢哋食, 而且佢哋仲整咗一個好靚嘅生日甜品俾我媽咪🫶🏻❤️so sweet ❤️雖然佢哋全間店舖都係全男班👦🏻👦🏻👦🏻👦🏻👦🏻👦🏻但係佢哋做嘢都超級細心💯❤️食物質素同服務質素咁好因為佢哋真係好合拍👏🏻我哋叫咗以下👇🏻依幾款嘢食全部都好好食係有讚冇彈🫶🏻👏🏻👍🏻❤️ 燒🔥法國🇫🇷鵪鶉髀配紅桑子陳醋汁❤️香煎北海道🎌帶子黑魚子配黑松露忌廉汁❤️鮮蟹肉牛油果🥑蝦凍批❤️香煎法式鵝肝配柚子珍珠🫶🏻❤️新鮮生蠔🦪❤️油封鴨髀配🧡杏脯乳酪汁❤️花竹蝦蝦乾微辣蕃茄意粉🍝

之前喺YouTube見過有影片介紹之後一直bookmark咗呢間餐廳，今次終於同朋友嚟到試一試佢哋嘅dinner啦☺️ 整體嚟講價錢都好抵食，每一份主菜仲可以加$78配一份前菜， 而且食物水準都好高👍🏻 特別係估唔到連甜品都咁好食😍 之後有機會都會再嚟試吓其他嘢🥰⭐️ 白酒蒜蓉煮鑽石蜆($108) ❤️8.5⭐️ 法國皇家蠔($208/6pc) ❤️8.0⭐️ 意式薄切生牛肉配芝麻菜沙律($108) ❤️7.8蜆石蜆粒粒飽滿大粒，而且口感偏爽彈，個汁真係好正❤️ 忍唔住係咁食索曬啲汁嘅蒜頭🤤 生牛肉嘅配搭都唔錯，如果多幾片就更好喇🙊 嗰日見到有生蠔忍唔住加埋，個醬汁又調得幾好食，令到成餐飯更滿足🥰⭐️ 花竹蝦、蝦乾微辣蕃茄意粉($168) ❤️8.0⭐️ 燒美國熟成豬鞍配燒烤汁($228) ❤️8.5蕃茄意粉份量都幾多，而且意粉口感剛好唔會太軟腍～ 而好食到炒得咁乾身又惹味嘅蕃茄意粉👍🏻 兩隻花竹蝦夠曬大隻，兩個人share剛剛好☺️ 豬鞍係超級Juicy同軟腍！仲要一早幫你切開咗幾件！就咁食已好好食😍 配埋BBQ汁又另有一留番風味🥰 特別一提個薯蓉好creamy，伴碟啲烤蔬菜都好Juicy好食🤤⭐️

路過深水埗購物，之前喺網上一路都有睇開有人介紹想試鴨髀好耐所以喺冇book枱嘅情況下就碰碰運氣太好彩去到8:00唔使等位但呢個鐘數入邊都已經坐滿人，咁啱得一台吉位無論前菜頭盤，定係主菜都覺得好驚喜牛尾湯雖然油多咗少少，但真係好好味帶子配埋黑松露汁，味道啱啱好，擺盤又好靚油封鴨髀真係食得出去嘅心機同誠意喺出邊真係好少食到呢個水準呢個價錢真心推介一定要試一次牛尾湯$48香煎北海道帶子黑魚子配黑松露忌廉汁$98油封鴨髀配杏脯乳酪汁 $178雙蝦微辣茄蓉意粉 $138

終於的起心肝寫返呢篇食評， 當日滿懷希望咁入嚟食，點知真係太失望😭原先係想去另一間cafe，但係佢冇開，所以我行下行下見到呢間餐廳入面好似有幾多客人，就入咗去。店面細細裏面嘅枱唔多 我當時一個人坐住嘅係望向水吧廚房位嘅枱，"景觀"一啲都唔吸引。 之後見到高枱望街位置有客人走咗，我就轉過去坐，點知坐坐下好大鑊，有五隻蚊滋仔不停飛來飛去， 捉到一隻，另外嗰啲繼續飛嚟飛去好滋擾😖 講真我連喺附近食茶餐廳都未遇過咁多隻蚊滋仔！😡 講返嘢食，餐牌就絕對唔平㗎喇，set includes湯+包、主菜、甜品、飲品，埋單HK$170+。 質素呢？就絕對對唔住呢個價錢🥲 湯碗仲要 有好多個位都係崩咗嘅🤯周打蜆湯飲落去似忌廉湯。主菜所謂嘅紅蝦 ，無論係外觀上或者口感上，都完全唔似紅蝦。魚個皮係完全煎得唔香脆嘅，魚肉亦都唔嫩滑。 一路食一路又要對付啲蚊滋仔，成個感覺極！差！

在大嶼山工作後往深水埗找食。見遠處有鋼鐵俠等身模型，好奇下往觀看見模型站於食店前，門口菜牌寫有油封鴨，在肚餓没期待的心情下入內，點了意式薄切生牛內，生牛肉嫩滑配合芝麻菜，甜醋芝士配合得宜。油封鴨可算是工夫菜，用油慢煮再將鴨腿油悶最少數小時或至一倆天，再用熱火將皮煎脆及將鴨腿内的油脂迫出。鴨腿上枱熱氣四溢，只用义一插已可輕鬆将鴨腿骨肉分離，鴨皮煎得鬆化脆香如乳豬皮，鴨肉則細嫩幼滑，這道菜只可說是精彩。其它食物如湯，甜品也是水準之作。此小店大排檔價錢，5星酒店水準。我必會再到此試其它食物

被一個YouTube channel介紹吸引，正宗法國菜唔易搵，呢間仲要好難得開係深水埗，當然要去試下😆前菜嗌左香煎北海道帶子黑魚子配黑松露忌廉汁，帶子外面少少煎香，入面就啱啱好熟既甜度，肉質爽口好鮮甜🤤配埋個醬汁，有松露既香氣得黎又幾清爽，同埋唔會蓋過帶子既甜味，配搭得唔錯👍🏻但黑魚子就存在感低啲…而第一個主菜係燒美國熟成豬鞍配燒烤汁，豬鞍要整得好食其實好難，通常出面食超過一半都係好乾柴，但呢間既豬鞍絕對驚喜到我👏🏻燒得夠曬軟淋，加埋啲油花脂肪，好juicy好滿足😍最犀利係連伴碟既薯蓉都整得好好，牛油味好濃！另外當然要試埋呢度招牌油封鴨髀，外皮煎得好香脆，加埋鴨髀本身既油脂同鹹香，好食😋但少少扣分既係肉質稍微偏乾，尤其係邊邊位🫣—˗ˏˋ 𝓜𝓮𝓶𝓸✍︎ ˎˊ˗兩款主菜要好食除左食材靚，都好需要火喉同時間控制得好，從食物質素同用料方面係手可以感受到餐廳既用心👍🏻仲要每款主菜都唔過200蚊，想試法國菜既話都推仲俾大家🫶🏻

油鴨腿除了皮好食d，比較鬆脆外，沒十麽特別甚至感覺唔太好食。睇影片分享網站介紹，好似講到酒店都冇嘅水準抱有好大期望去，上碟時係幾靚，但食落就大失所望，d鴨肉好咸加干，尤其是邊位干到硬咁，由於太干，令鴨肉本身的咸度更咸，食落感覺似隔夜咸义燒。說用5kg以上鴨，但鴨肉也比想像中少又冇鴨肉嘅肉香，唔似介紹般好，可能係廣告吹捧。坐位都迫，坐得唔係好舒服，waiter會撞到你張櫈。如果要專登訂位同第二區專登來食就唔建議。諗住食落好食先加其他野，但可能因為咁影響左waiter對你嘅服務，服務都冇youtube度講得咁好，可能叫埋酒嗰d先服務好d。同waiter叫賣單都冇反應咁，叫2次先揮一揮手表示收到，位不多3個侍應咁嘅服務，只能講可能佢攰，比一般嘅服務水準低。走時幫你開門個嘴臉...不如我自己開門走好過