C DESSERT

营业中

休息中

Restaurant : 聰。C Dessert (灣仔莊士敦道35-45號利文樓地下1D號舖）聰。c dessert 得一間分店係灣仔咋💕😋 係門口排咗一陣，好快已經入到去食👍🏻 士多啤梨椰果冰🍓🍧 $38 唔會太甜，士多啤梨味超級出👍🏻楊枝甘露 $45 芒果好清甜，有好多芒果，超級足料😋麻糬紅豆抹茶雪糕牛角窩夫 $44 如果鍾意食抹茶嘅話，一定要試吓呢個抹茶雪糕🍵 茶味超濃，牛角窩夫好脆，熱嘅窩夫配凍嘅雪糕再加麻糬一齊食，口感💯椰汁芋頭芋圓紫米露 $39 我呢款係熱食，好香椰汁再加埋熱辣辣嘅紫米露🫨👌🏻👌🏻好好食總結：價錢好平，糖水😋💯👍🏻

真係每次經過都見到排隊！成為灣仔超人氣打卡點嘅C Dessert，將傳統甜品玩出新高度！今次推介幾款人氣之選等你嚟試～🤤💫 人氣推介 TOP LIST：🥐 香蕉朱古力醬焦糖脆脆牛角窩夫 $38脆卜卜牛角配香蕉朱古力醬，再加埋焦糖脆脆，香甜層次豐富！🍦 布蕾醬焦糖脆脆雪糕牛角窩夫 $42牛角窩夫配布蕾醬勁滑，焦糖脆脆加埋雪糕，甜而不膩！🥥 鮮什果椰汁仙草凍（凍）$48椰汁清甜配上彈牙仙草，加埋新鮮水果，夏天必食！🫘 杞子圓肉雪蓮子燉桃膠（熱）$45養顏滋潤嘅中式甜湯，啱晒想食養生嘅我！

係灣仔食完晚飯，想同成班朋友食埋糖水傾多陣計😚😚上網搵到呢間聰。C dessert✨人氣大熱既甜品店，晚飯期間大排長龍，令大家都好期待💁🏻‍♀️餐廳採用清新裝潢，白色牆壁配木質家具，營造出簡約而溫馨氛圍❤️🔹龍眼椰果冰配料豐富，甜美龍眼與滑嫩椰果冰絕對係最佳組合，冰涼口感瞬間讓人感到清爽～椰子清新香氣令整道甜品更添風味，好快就比我食哂～🔹芒果奶昔雙皮奶有驚喜！顏色鮮豔，芒果香氣濃郁，入口即化既雙皮奶充滿豐富奶香，兩者結合得相當完美～奶昔質地滑順，帶有微微芒果纖維感，增添口感層次。每啖都能感受到清甜芒果，搭配奶香，令人感到幸福滿滿！🔹杏仁茶燉蛋白杏仁香氣撲鼻而來，底部燉蛋白滑嫩無比，口感細膩～食到杏仁清香與柔滑蛋白，令人感受到冬日暖意～🔹川貝圓肉燉雪梨清甜雪梨配滋補川貝，既美味又健康～雪梨燉煮得剛好，口感軟嫩，加入甘甜圓肉，帶自然甘美～聰。C dessert✨📍灣仔莊士敦道35-45號利文樓地下

今天黃昏，我和朋友來到了位於灣仔。這家店以多樣的創意甜品著稱，讓我們充滿期待。進入店內，看到簡約而舒適的裝潢，讓人感到放鬆。我們迫不及待點了幾道招牌甜品。首先上桌的是冷凍芒果豆腐花，果肉鮮甜，搭配滑嫩的豆腐花，口感絕佳。接著是椰汁黑糯米豆腐花，椰汁的香濃與黑糯米的嚼勁，讓我驚豔不已。除了冷甜品，我們還選了兩款熱甜品。芝麻糊嫩蛋白熱騰騰地端上來，芝麻的香味四溢，搭配嫩滑的蛋白，讓人每一口都感受到濃厚的幸福。合桃露墩蛋白也是一絕，合桃的香氣與細膩的口感相得益彰，讓人回味無窮。這次的甜品之旅讓我們感受到甜品的魅力，滿足了味蕾的需求。聰。C dessert絕對是灣仔的一顆明珠，下次還會再來嘗試更多新口味！

識食梗係食正宗，正宗由聰嫂主理嘅甜品舖，想食返令人懷念嘅味道。嚟到門口條龍排咗半條街，本身都心郁郁想走，點知翻枱又幾快，最後排咗三個字度就食得。 ✦ 龍眼椰果冰 HKD46 ✦店舖成名作，亦係細個必點之選。人生起碼食咗三十次。爽脆水晶珠 x Q彈椰果 x清甜解渴濃郁龍眼冰。每次食都忍唔到口講句 真 係 好 好 食 。 ✦ 楊枝甘露 HKD45 ✦超甜芒果一大碗，配上西柚、西米露。口感豐富，真材實料。 ✦ 生磨芝麻糊 HKD32 ✦ 熱辣辣上。質地幾厚之餘又滑溜，散發好濃郁好香嘅芝麻味。 性價比極高嘅高質小店，不枉山長水遠排晒長龍，食到回憶真高興 (๑¯∀¯๑)

10月31晚去到呢間糖水舖，出面竟然係20-30人緊隊，超受歡迎啊！老公心思思雙皮奶，一口氣叫左一個原味同一個芒果燉雙皮奶。原味雙皮奶真係好抵食！三十幾就有甘大碗，性價比高。最緊要真係好滑好香。芒果燉雙皮奶就係一半雙皮奶，加上芒果雪糕同芒果肉，係另一個口感，豐富既。芒果都甜。至於重口味的我就試榴蓮西米露，榴蓮肉香甜，底下係榴蓮雪糕同西米，甜度適中。由於晚餐不太飽就叫多個窩夫啦。呢個焦糖雪糕吉士會甜少少，窩夫係酥皮，食完真係飽曬！🥢聰。C Dessert 🌏灣仔莊士敦道35-45號利文樓地下1D號舖

我今日放假，約同好友去灣仔行程shopping，順道去位於灣仔莊士敦道35-45號利文樓地下1D號舖的聰。C Desert 食甜品，門囗已經出現排隊龍，好在不用等太耐，已經可以安排入座。我和好友點左個 榴槤黑糯米 $48，鮮雜果（哈蜜瓜、芒果、西瓜、士多啤梨、香蕉、蜜瓜）椰汁仙草凍 $48，龍眼豆腐花 $48 及 芒果奶昔雙皮奶 $46。鮮雜果椰汁仙草凍賣相繽紛吸引，份量不少，新鮮生果配椰汁仙草凍真係好味道；榴槤黑糯米的榴槤味好香濃，黑糯米好食；芒果奶昔雙皮奶賣相好吸晴，大大塊芒果肉放在頂，好鮮甜好味；龍眼豆腐花非常清涼好食。

今日在灣仔收工，有時間和同事嘆個甜品先回家。每次經過都排長龍，入去要食多幾碗，推介給大家聰·C Dessert環境舒適，食材新鮮，款式夠多，不能錯過。士多啤梨椰果冰士多啤梨冰酸酸甜甜好開胃，還有椰果，好味道！龍眼椰果冰龍眼味道清甜，用咗大量龍眼製成，一啖食落去口感豐富龍眼果肉飽滿，消暑一流。店舖No1 推介杞子圓肉雪蓮子燉桃膠桃膠勁多，味道清甜，好滋潤..飲落去暖笠笠好舒服！布蕾醬焦糖脆脆雪糕牛角窩夫熱辣辣既酥脆牛角窩夫加上雪糕球，食落口感外脆內軟，配上香濃嘅焦糖醬，味道層次分明。讚鮮什果椰汁仙草凍水果有芒果/蜜瓜/西瓜/士多啤梨/香蕉，生果香甜爽脆，還有仙草加埋水晶脆珠，大滿足。

每次行過呢間糖水舖都見到好多人排隊，原來舊名叫聰嫂甜品，住開灣仔嘅朋友可能就知道！依家新面貌配上新裝修，俾人感覺好舒服，而糖水賣相都幾精緻，款色選擇都好多！🧡南北杏雪耳燉木瓜（熱）$35最近有幾聲咳😷，食返個熱嘅燉木瓜潤吓喉，木瓜份量都幾多，加埋雪耳同南北杏，成碗糖水真係好滋潤☺️，而且唔會太甜。鮮什果椰汁仙草凍（冷）$48見到佢嘅圖片好吸引於是就點咗，而頭真係勁多水果，包括有士多啤梨🍓、哈密瓜🍈、西瓜🍉、芒果🥭香蕉等等。底下嗰層就係仙草凍，再配上大量🥥椰汁，食落真係消暑又解渴！仲有好多多款甜品🍧都想試，當中雪糕🍦窩夫係特別吸引，唯有等身體好返啲再嚟食啦！

第二個胃要留俾甜品，其實應該要留俾好食嘅甜品🍮😋介紹返位於灣仔嘅聰。C dessert ，灣仔排長龍之選。我哋叫咗四款唔同嘅甜品，首先推介嘅係榴槤水晶珠，好多時候以榴槤作為主題嘅甜品，榴槤味都唔夠，反而沙冰味比較多，但呢款甜品連沙冰都係榴槤味，所以榴槤控必選啦☺️布蕾醬焦糖脆脆雪糕牛角窩夫🧇，配搭非常豐富，甜度適中，拍卡影相一流之餘，味道亦非常好味❤️杞子圓圓肉雪蓮子桃膠，第一次食桃膠食到覺得咁真材實料，食完嗰陣桃膠味仲喺個口度黏住，養顏😆👏黑糖薑汁小丸子芋圓仙草凍，有冇人好鍾意食芋圓小丸子，好有咬口，呢碗份量都唔少㗎😋總括嚟講，明白點解呢間大排長龍，客人咁多，但每樣甜品都保持到質素，值得推介💪🏻

忘也忘不了嘅龍眼冰成為左我對佢個份鍾情，還記得由10年前開始去將軍澳總店幫襯，每逢夏天食完佢哋嘅甜品就會有種心舒𣈱嘅感覺🫠眼見一間又一間分店關閉真係覺得酸溜溜嘅感覺。最近得知佢哋強勢回歸，緊係要去懷緬一下啦！唔知係咪而家鋪頭喺灣仔區，當日見到大量遊客排隊，下午嘅時間都坐滿咗人，好在等唔夠5分鐘就可以入座。望到餐牌，除咗有昔日嘅招牌糖水外，仲增添咗唔少新款嘅甜品🍧龍眼椰果冰👍👍👍👍👍呢個係必叫🤩相信都係佢地嘅招牌，曾經記得老闆講述佢哋鋪頭嘅姐姐每一碗就需要用人手去掉60粒泰國龍眼而製成，真材實料，而且為咗一年四季都可以俾我哋品嘗到，所以特意在泰國🇹🇭訂購龍眼以確保品質及提供鏈。榴槤水晶珠👍👍👍👍👍呢個係榴槤控必食，遠離幾張枱都聞到嗰陣味，以榴槤果肉打蓉配上西米，食落口感就好似食雪糕一樣。布蕾醬焦糖脆脆雪糕牛角窩夫🧇👍👍👍👍賣相一流，一塊熱辣辣嘅鬆脆窩夫配上滑溜嘅雲呢拿雪糕球，上層加上焦糖脆脆，另有口感。旁邊還配埋香滑嘅吉士醬。椰汁芋頭西米露👍👍👍👍非常足料，芋泥再配粒粒芋頭西米，完美配搭杞子圓肉雪蓮子燉桃膠👍👍👍👍👍踏入初秋食返盅滋潤嘅糖水，桃膠滿滿非常黏口。女士滋補養顏😍芝麻合桃露👍👍

今日同朋友去灣仔食甜品佢仲帶埋仔女一齊嚟個親子遊🤪🤪因為我未好番得晒食個熱既滋潤下喉嚨杞子圓肉雪蓮子燉桃膠$45識我既都知我好鍾意雪蓮子😚煙韌黏口食完皮膚靚靚仲有大大粒桃膠～飲完喉嚨好舒服～啱晒轉季既天氣布蕾醬焦糖脆脆雪糕牛角窩夫$42呢個叫嚟大家share~牛角窩夫口感比普通窩夫煙韌感覺上無咁熱氣~蘸埋布蕾醬好滿足朋友佢地點左3款凍野士多啤梨椰果冰$38少女粉好吸引～士多啤梨味濃郁龍眼椰果冰$46除左椰果仲有爆珠，口感特別鮮什果椰汁仙草凍$48仙草份量十足～小朋友都鍾意星期六3點幾都大排長龍～人氣爆💡想食既要比小小耐性排隊

-之前聰嫂甜品全線結業，好多熟客(包括🐷)都好唔捨得，大家都等緊佢幾時會重開😖依加終於等到佢係灣仔強勢回歸！雖然基本上大部分營業時間都大排長龍，但座位流動速度算快，所以通常都唔使等好耐就可以入座👍🏻 🤍龍眼椰果冰 $46店舖招牌甜品！用大量新鮮龍眼打成沙冰，果然真材實料👍🏻所以食落有好香濃嘅龍眼香味，甜度適中，齒頰留香。加上龍眼肉、椰果、水晶珠，令口感更豐富，必須試🤩 🥭芒果豆腐花 $44芒果肉香甜無渣，基本上無乜酸味。芒果沙冰非常幼滑，配搭口感滑溜、帶濃郁豆味嘅豆腐花，先有芒果甜味，再有豆腐嘅清香，味道清爽仲非常夾😋 🤎杞子圓肉雪蓮子燉桃膠 $45同樣都係店舖招牌甜品之一。食完凍嘅甜品，再食個熱糖水暖下胃先🥰各種材料份量偏多，桃膠大大件，整圓肉香味突出，養生之選☺️ 🧇香蕉朱古力醬焦糖脆脆牛角窩夫 $38打卡able📸窩夫口感鬆脆，帶空氣感，食完都唔覺得太滯。放上雲呢拿雪糕，再淋上朱古力醬、焦糖醬及焦糖脆脆，味道香醇豐富、甜中帶鹹。

人氣甜品店「聰嫂」，而家喺灣仔重開，新店名字叫《聰。C Dessert》由聰嫂甜品原班人馬主理，星期五晚上九時多來到，仍見到長長的人龍，我和朋友們專誠來吃，結果排了20多分鐘左右吧！🍨榴槤水晶珠：榴槤控必食吧！一上枱已經聞到好香嘅榴槤味，頂層的榴槤肉香滑無比，加上水晶珠，粒粒彈牙，正！🍨龍眼椰果冰：都係招牌菜之一，龍眼肉及椰果好夾，龍眼冰食落去有啖啖龍眼肉，好清甜！🍨麻糬紅豆抹茶雪糕牛角窩夫香脆的牛角窩夫，頂層加上抹茶雪糕，抹茶味濃，一冷一熱，口感層次豐富，還有粒粒紅豆及麻糬，好好味！🍨咖啡雪糕仙草黑糖珍珠：咖啡雪糕香滑無比，加上黑糖珍珠及仙草凍，味道特別，回味無窮！🍨楊枝甘露豆腐花：一次過滿足晒我兩個願望，既有出色的楊枝甘露，也有香滑豆腐花，Perfect match！🍨芝麻糊燉蛋白：一黑一白，絕配又好味，芝麻糊香濃，燉蛋白亦都好嫩滑！

今天帶朋友在港島遊玩，搭電車前往品嚐甜品。榴槤水晶冰依然無可比擬，榴槤冰的榴槤味濃郁，上面還有一大片榴槤蓉，每一口都充滿榴槤香氣，令人非常滿足。🥰芒果奶昔雙皮奶也是店內的招牌，雖然芒果不是當季，但其甜度和多汁程度都令人驚喜。雙皮奶則奶香濃郁，口感滑順，實在是水準之作！此外，這次在此品嚐的鮮雜果椰汁仙草，味道更勝其他地方的選擇。水果全部新鮮，不使用罐頭產品，且配料相當豐富，仙草的滑溜口感更是讓人印象深刻。🍓🥭🍈🍌整體而言，這次的甜品之旅相當愉快，期待下次再訪！