Burgerman (欽州街) (已結業)

黎到深水埗，今次試吓朋友推介嘅Burgerman ！唔好睇佢鋪頭細細，都有10種嘅漢堡口味可以選擇，我同朋友都揀左一陣先至決定到食乜嘢！最後我哋揀咗丹麥藍芝士漢堡$68，好重臭芝士味！好正好香！配合漢堡嘅牛，又juicy又多汁！真係唔可以睇小店嘅威力！簡直係低調高手！另外我哋仲帶咗盤薯條share $30，即叫即炸，好好食，外脆內軟！另外最值得讚嘅係，呢度有手套同紙巾供應，唔使食到周圍都係，好貼心！唯一可以改善嘅話，就係高櫈可以加軟墊，加袋勾，會坐得更舒服！不過要食好嘢過我，梗係唔會介意呢啲小小缺點啦！

經過深水埗見到漢堡小店好吸引~店舖雖然不大，入到職員服務非常主動有禮~推介下叫左2set套餐~和牛漢堡+丹麥藍芝士漢堡~配汽水一流!首先薯格同薯條炸得非常出色，好脆口唔油膩，熱辣辣，份量唔洗講超值~讚!漢堡方面，2款牛其實做到非常出色，食落口非常juicy~ 食完碟上滴落左超多汁~個人喜好和牛更勝一籌，牛味更重更濃~! 另外，好欣賞面包，脆身唔厚實，變左在食落口感鬆軟，同牛肉質好夾!因為唔知套餐份量甘充足，我地另外仲加左個小食“脆炸特製番薯條” ~超大一盤，食到番薯的香甜，配上沙律醬超夾，值得一試，下次想食漢堡一定會再次光臨，支持小店! 正

而家最鐘意就係瘋狂懲罰小店，次次行街都會避開唔食啲連鎖野，深水埗都有唔少小店值得去。burger 自己唔多食，係金拱門附近有間mini 既burger，位就唔太多，大概係6-7個人左右max。Burger 一食就要食豪啲，諗都冇諗就揀左至尊漢堡。佢加20蚊就有野飲同薯條，薯條份量都唔少架，又真係見佢新鮮即炸，如果有多啲唔同既醬點下就perfect 池。個burger 好難用手攞佢，太大舊😂我個fd 教我點樣一啖食到哂啲個burger 既ingredients，雖然食得好狼狽，啲料都跌哂出黎，但係都真係好滿足。中間有蛋、煙肉同漢堡排，煙肉稍煎香過再擺上去，安格斯牛漢堡排好juicy，仲係雙層滋味。配埋燒烤醬雞翼真係好飽，調味唔錯，食到Lam lam 脷。

黎到深水埗，出名好多特色小店，連鎖野就少d，今次黎到呢間叫burgerman既美式漢煲餐廳，雖然店舖細細，但都唔錯。環境方面細舖雖然非常細，但佢放左好多高枱高椅，感覺就好似去左駱克道d酒吧咁，好chill，好有america feel，坐落都唔錯。食物方面主打都係牛肉漢堡嫁喇，但原來都有魚/同素既選擇～ 食肉獸既我叫左個blue cheese burger 配薯條，為左減少罪惡感叫左個coke zero! 但咁樣就實在未滿足到!我仲叫左個洋蔥圈! 拿，事先聲明，真係中意食blue cheese既人先好叫呢個blue cheese burger，因為真係落足料！個包夠哂blue cheese，芝士味道香濃!配埋落個包度真係好正!個包仲要烘到脆脆地!夠哂heart! 但唔中意食blue cheese既人叫左應該會好痛苦! 薯條同洋蔥圈夠哂脆口，點埋汁食一流！食burger真係一定要配可樂!!!!!!!!!

係深水埗有間食漢堡既小店，堂食座位不多，不過係食緊既時候都見到店員不停做外賣單，睇黎都幾受附近街坊歡迎😝黑松露和牛漢堡 $105 (跟Set+$20 配薯格及罐裝汽水)黑松露和牛漢堡夾有黑松露醬、芝士、和牛漢堡、煎蛋同火箭菜，麵包塗上牛油再烘，和牛漢堡口感軟嫩，同時夠Juicy😘芝士放係漢堡上面微微溶化，上面則放有超多既黑松露醬😁，所以一啖食落去黑松露味道好濃郁😍配搭既炸薯格份量幾多，成份餐好飽肚🤣脆炸特製蕃薯條 $35另外點左一款小食，有一大盤😛蕃薯條偏幼身，食到蕃薯既甜味，配搭既醬汁係辣辣地類似沙律醬既醬汁，不過覺得配搭茄汁更合適呢😆

其實好少黎呢個地方～咁岩要黎深水埗買野～買完就搵野食～見到有間小店細細地賣漢堡～支持小店💪🏻💪🏻💪🏻店舖細細～但好乾淨整齊叫左一個漢堡同一碟小食～幾細心比埋手套食漢堡～如果唔夠味仲有調味料～候斯頓漢堡配田園沙律想要一口食到有啲難度～麵包有加牛油煎過所以好香～煙肉好脆身～塊肉好香又多汁～加埋啲洋蔥生菜芝士食真係好正～食得油膩仲有沙律清一清～但個沙律都做得唔錯～淋左啲醋係啲蔬菜上好fresh～水牛城及煙薰燒烤雞翼兩隻唔同味～一隻係燒烤味～好香Bbq醬味～另一隻就有少少辣～但好惹味～都好入味～皮同肉都夠味～

Burgerman唔會話坐到好迫，枱面都整齊乾淨👍🏻👍🏻，員工都好禮貌☺️👍🏻叫咗個丹麥藍芝士漢堡❤️佢有美國安格斯牛，洋蔥，芝士🧀。芝士味好濃郁！洋蔥好多汁❤️❤️最重要嘅係即叫即煮，見到叫完即刻煎牛肉煮洋蔥個下覺得等一陣都無所謂😆😆！成件事會變到勁新鮮😂😂.我仲叫咗個小食係炸番薯條，份量超級多，出邊好少有得食！配搭埋沙律🥗唔會好馬虎好正💛💛兩樣都係即叫即煮🥰🥰又可以打卡！.🥗Burgerman 深水埗欽州街65-71號地下

終於買咗新手機, 嚟深水埗賣舊機, 當然唔可以放過食好嘢嘅機會😛之前行過呢間漢堡店, 見店仔細細偏偏好有人氣, 一直好想試雖然鋪頭細細, 但係裝修好有感覺👍🏻有一面小黑板寫滿咗打氣嘅memo, 好有愛♥️食物選擇都幾多, 而且百零蚊嘅價錢可以食到和牛, 都幾抵😛我就揀咗侯斯頓漢堡, 用嘅係美國安格斯牛, 牛肉味幾濃, 咬落去幾juicy, 口感結實唔鬆散, 配料仲有煙肉, 芝士, 番茄同炸洋蔥, 口感好豐富! 配上BBQ醬超惹味😋跟餐仲有炸脆薯格, 非常香脆👍🏻本來怕唔飽, 另外仲嗌咗個炸甜薯, 點知份量原來都幾大, 差啲食唔晒😅番薯味道好濃, 而且都幾甜, 配上香脆嘅口感, 感覺好特別, 忍唔住食完一條又一條😋非常推薦😉

這陣子不想吃飯或粉麵，又想任性一下吃煎炸食物，所以選擇漢堡。在深水埗逛了一圈，看見這間不起眼的店舖內有一幅細小的連儂牆，給香港人加油，感覺要支持一下這一間店舖。水牛城雞肉漢堡配炸洋蔥圈這個漢堡製作十分有誠意，雞肉配菜感覺都很新鮮。特別值得一讚是薯條用番薯製成，充滿番薯香外，亦有淡淡甜味👍🏼👍🏼，非常喜愛。除了漢堡包，我亦配了炸洋蔥圈，因爲是我的至愛小食。而洋蔥圈並沒有令我失望，香脆之外亦有洋蔥的甜味，份量亦不少！另外想特別稱讚店內的服務員，態度十分友善又細心，看見食客有需要，食客未出聲就已經主動上前幫忙！

係香港，食快餐漢堡包，相信大部份人都會想到麥當勞果d快餐店，要慢慢食的話，會去餐廳食西餐，其實係佢地之間係有一d專門做漢堡包的小店，burgarman可能係佢地之中最好食之一。至尊漢堡：佢用左雙層安格斯漢堡來整，即叫即整，一上已經好香的牛肉味，一口咬落去，整個包充塞滿口中，牛質非常鮮嫩，雪花紋令到成個漢堡包都更香，食到唔想停。鵝肝安格斯漢堡：佢主要用左一層鵝肝同一層安格斯來整，安格斯味道都同至尊漢堡一樣甘高水平，鵝肝半煎外焦內嫩，口感好細膩，油而不膩的味道係口中散出來，真係回味無窮。係到推薦比大家要去試一試，食過之後會發現佢價錢唔太貴，但食到高級餐廳的味道。

今日黎咗食漢堡。未食之前望到佢雖然鋪頭細細但係幾齊嘢！有唔同調味料方便客人中途再加料，唔駛全程一隻味，幾貼心。食漢堡通常食到周圍都係，佢有紙巾之外仲有埋手套提供，正。一包兩個，堅方便。講主菜，至尊漢堡，堅厚，肉汁多，包幾脆皮，連埋佢嘅煙肉同埋醬真係比想像中正。個口無咁大，要稍稍壓扁先食，一咬啲汁咇哂出黎，個口都接唔哂就知堅料。食食下食哂都唔記得咗可以加料就知幾正。當然佢嘅薯條有調味粉調製，所以熱果陣超正，唔係好熱果陣都好食！配埋小食，燒烤醬雞翼，濃濃燒烤味真係相當唔錯，雞翼雖未算超正，但係醬極好，所以整體相當滿意。仲有好多花款揀，有啲名都幾特別，感覺可以再試

今日平日傍晚黎到深水埗二話不說即刻搵野食跟住搵到呢間漢堡店burgerman 店面都有5-6個位可以堂食睇一睇個menu85蚊係深水埗可以食到和牛漢堡跟埋餐有罐裝汽水有薯格加20蚊都係100左右其實算公道點完餐即叫即整等左10分鐘左右就有得食和牛漢堡黎到面前既時候見到個漢堡下層個包係會大少少因為拎起個包食既時候和牛都非常juicy 下層闊d既包會令到更容易拎住個飽唔洗用刀叉另有驚喜既係入面既火箭菜中和番比較重既和牛味食落去唔會話太heavy 感覺食係黎比一般漢堡清新d重點既和牛熟度控制得好好 有肉汁跟餐既薯格都係炸得剛好食落去每一舊都夠熱夠脆地點黎講都係易去地鐵站步行十分鐘左右係扺食之選下次會試下鵝肝安格斯burger

放工後去了高登商場看看電子產品，逛完餓了就隨意走進了一間漢堡包小店吃晚餐。店舖很細心的準備了即棄手套給客人使用，方便我可以拿起一口咬下漢堡包。Menu上有很多款式，最後點了鵝肝安格斯漢堡☺️☺️ 麵包烘得微脆鵝肝入口即溶，和牛漢堡排肉汁豐富，牛香濃郁，配上即溶芝士正呀！側面看多厚切的漢堡排和鵝肝，太吸引了😍😍😍漢堡包即叫即做，新鮮熱辣，特別好味～ 下次再支持小店💕小店還有連儂牆，香港人加油呀！！！

闊別多年，漢堡人還是只有兩家分店，其一是在大角咀，另一家則在深水埗。選擇不多，座位不多，出品也慢，但很值得試！路過的我，其實只吃他們出色的漢堡，所以只點了一份至尊漢堡加墨西哥辣椒$88+8一看就知道其高度是一般漢堡店的兩倍，某m的四倍吧！一咬下，那兩塊漢堡牛排的肉汁流倘不斷，番茄肉汁豐富，洋蔥圈小小一個用來吊味，加上磨菇跟車打芝士的配合，煎蛋的味濃郁而重蛋香，這份兩口才咬得下的漢堡，絲毫筋腱都沒有，一咬即化，這漢堡牛排正是我試過最好吃的版本這店很小，但人口不絕，來吃漢堡的人不計其數，所以我下次一定要再來朝聖.

今天非常榮幸收到邀請去試吓一間幾出色嘅漢堡包店呢間漢堡包店，其實就係同黃金高登過一條馬路。好可惜地理位置人流天淵之別。有機會經開我都會再試吓，講真幾好食。我就帶咗一個我最喜歡嘅黑松露試吓，靚女當然叫咗鵝肝。黑松露我其實幾喜歡食，佢嗰種香味好特別，我大比食物一種特別唔同嘅氣味同埋質感鵝肝方面同漢堡包都係非常之夾。好唔好食你睇相就知！應該多啲鋪頭有咁嘅水平，咁就好多正評了！講真我百零蚊一餐絕對冇手軟，間唔中食一餐都絕對係冇問題！一句到尾食得過