Burger Shot

营业中

休息中

落雨天好想買外賣返屋企食，黎到元朗就黎呢間Burger睇下有咩食，地點都方便係市中心附近。黎到門口都已經聞到好香嘅Burger味道，而且選擇都好多，我都揀左一輪先揀到食咩。我揀左個2人餐，雙層牛肉手打芝士漢堡餐，呢個餐好多野食，又大份。首先有雙層牛肉芝士漢堡、香草烤汁菇菇熱狗、炸薯條、炸魷魚鬚、青檸爆爆梳打同埋白桃爆爆梳打。首先想讚下佢啲包裝好靚，返到屋企打開全部都好企型靚仔，個牛肉漢堡我真係讚口不絕，大大個好厚身而且個牛肉好多汁同鮮嫩，真係好味，另外個熱狗我係第一次食呢介種咁多菇菇嘅熱狗感覺好新鮮同埋無諗過咁夾咁好味，薯條係好大盒返到屋企仲好好味，炸魷魚鬚好正好脆身，仲有兩杯梳打都好飲。

今日心血來潮想食啲邪惡既野，又唔想下下搵M記，上網搵到呢間係屋企附近呢間burger shot，估唔到又幾高汁安格斯牛肉芝士漢堡，中間夾左兩大塊肉勁厚身，睇見都覺得興奮！食落好香濃牛肉味，煎得好香口，最最最抵讚係個漢堡包皮都有烘過食落脆卜卜，好正！千島脆脆哈蝦蝦漢堡同樣好出色，即叫即炸好脆身，好有口感炸薯條大大份，醬汁比左sour cream同蜜糖芥末炸魷魚鬚好彈牙，面頭加左紫菜粉做調味，唔錯炸雞大大件，即叫即炸食個時仲見到啲油彈下彈下，差啲辣親口飲品方面都有啲特別野，白桃爆爆，加梳打水飲甜甜地，天氣咁熱飲落勁爽，底下仲有啲爆爆珠幾得意唔想飲凍野仲有粟米羹可以選擇，真係唔講以為食親漢堡薯條都係配汽水！

第一次去食食左個手打牛肉漢堡，真心覺得完全x打哂shake shack five guys。味道足，番茄新鮮，出餐快，基本上網上外賣平台落完單10分鐘內有得自取。最正係食完唔覺膩，個晚又肚餓即刻嗌多個，極力推薦！另外如果大家有D肚餓，記得可以試試佢個魷魚圈，真係好食，又脆又新鮮，但係如果係網上外賣平台外賣既話，差咁少少溫度，建議外賣自取既時候試。真心覺得如果店家可以俾餐加錢轉魷魚會係一個更加好既選擇。anyway, must revisit!

元朗呢間新開漢堡店，牛頭角都有分店，野食認真唔錯，漢堡迷別錯過！今日又食Burger🍔 我發覺漢堡都係我最喜愛的食物其中之一。漢堡麵包外皮鬆脆、餡料豐富，牛肉味濃又厚身，調味都好足夠。兩個女仔點左幾樣野食，食得好飽🤰🏻雙層芝士安格斯牛肉漢堡$88經典既漢堡味道純正，好大個‼️‼️‼️牛肉煎得岩岩好，都係好多汁，搭配新鮮的蔬菜和蕃茄，食落鮮美，是一款經典而實惠既選擇。白松露蜂蜜牛油雙雞堡$98呢個係期間限定，濃郁嘅蜂蜜配埋白松露醬，雞肉口感一流、有白松露、好香，幾特別！整體上都好味。炸粗薯條即叫即整，新鮮炸起，熱辣辣，薯條咬落脆口，中間軟身，配店鋪特色醬汁，我今次嘅係黑松露同埋芥末蜜糖，芥末蜜糖真係超正，好惹味。叫套餐既話會有粗薯條同飲品！漢堡愛好者，可以試吓呢度啲漢堡。呢度除咗漢堡包，仲有小食同意粉🍝Burger Shot (元朗)📍元朗鳳攸北街11號益發大廈地下5號舖

原來元朗都開左間Burger Shot, 之前都去過佢地牛頭角分店食覺得抵食又大份! 呢到新店開張當然試一試佢啦😆我地叫左個2人餐有兩個主食, 兩個小食同飲品😊1/ 安格斯牛肉芝士漢堡🍔安格斯牛肉非常有牛味, 每啖都肉汁咇出黎, 非常Juicy!!2/ 霸氣雙層安格斯芝士漢堡🍔兩層厚厚既安格斯肉雙層口感😍😍一啖接一接停唔到口3/ 炸大薯條🍟真係好大盒薯條而且好肥美, 點左蜜糖芥末黎食好正4/ 炸魷魚鬚🦑外層炸得金黃酥脆, 內裡魷魚仲係好彈牙😋5/ 自家制無糖美式咖啡☕️我覺得佢樽個設計非常特別, 我飲完一定會重用😆, 飲落好甘甜香口超醒晨👍🏾

第一次期望很高，嚟到之後非常失望所有嘢都冇味 意粉賣相好好，但係都係冇味🥹個burger都係好吸引，諗住一定好味實冇叫錯，但係都係冇味，所有食材都係冇味。甜品麵包布甸正常應該係好好味，失望至極 冇下次。

元朗成日都有新開餐廳，作為元朗人既我今次就同朋友試左呢間係雞地附近叫burger shot 既餐廳。😀😆呢間餐廳似乎主要做外賣，鋪頭出面有幾張凳，但係天氣咁熱，都係返屋企歎住冷氣食外賣好d。🤣我地叫左個2人餐同1個意粉。🍔🍝🍟🧅1)雙層手打牛肉芝士漢堡🐂🐮🧀🍔牛肉都幾juicy同夠味，但係個sauce就略為多左d，個包都煎得幾香幾脆2）烤汁手撕豬蒜爆漢堡🐷咁多樣野食呢個手撕豬漢堡最好食，因為d豬肉好juicy味道濃郁，出色！3）薯條🍟/洋蔥圈🧅薯條正正常常，配搭既黑松露醬都幾好食。洋蔥圈唔會炸得好乾，係唔錯既😌4）明太子溫泉蛋雞肉意粉份量都幾大，意粉creamy，不過再濃味d就更好。😆最過癮係呢個香港品牌既羅漢果sparkling又唔太甜，可以食完熱氣野無咁罪惡感。😗

今日同朋友去咗元朗嘅Burger Shot試佢哋嘅二人餐，外賣自取，$248有齊兩個漢堡、兩款小食同飲品，性價比幾高，整體好滿意！ 首先講吓個雙層手打牛肉芝士漢堡，一咬落去就知係真·手打牛肉，肉質厚實多汁，唔會乾柴，芝士溶化得啱啱好，夾埋新鮮生菜同蕃茄，邪惡得嚟又平衡。朋友嗌咗個六重煙肉雜菌芝士漢堡，煙肉嘅鹹香同雜菌嘅鮮味出奇地夾，芝士量夠多，食落勁滿足，不過煙肉有少少油膩，但鍾意重口味嘅人應該會愛上。 小食方面，炸大薯條配蜜糖芥辣醬超正！薯條外脆內軟，蜜糖芥辣醬甜中帶辣，好開胃。炸魷魚鬚配黑松露醬亦係驚喜，魷魚炸得香脆唔韌，黑松露醬香濃，蘸多啲都唔會膩。 飲品揀咗竹蔗茅根（有汽支裝）同自家糖烏龍茶，竹蔗茅根清甜解渴，有汽版本幾特別；烏龍茶茶味濃郁，甜度適中，配漢堡啱晒。 唯一美中不足係漢堡無即刻新鮮即食，出爐食一定會再好味好多下次等我試埋佢地嘅意粉先！

前幾日行過雞地見到呢間新開手工漢堡店，趁今日WFH就買返屋企試下。雖然即叫即整，但都唔洗等好耐，d牛唔會老岩岩好，好足料👍🏻好creamy, 但又唔會太膩，份量都唔少～呢個比起明太子個個會清啲，但都唔會dry, 唔想食得咁heavy可以揀呢個～今次試呢幾樣屋企人同我都覺得幾好食，下次可以再試下其他～ 唯一係冇堂食，但都開得夜，有時夜左收工返到黎都可以買返屋企食個late dinner or宵夜👍🏻