Burger Lab

营业中

休息中

今日陪朋友辦年貨,行到又累又肚餓!我帶朋友去我經常食的小店醫肚,順便坐坐休息一下!小店係一間漢堡包店,位於佐敦的小巷,距離地鐵站行路只需3分鐘,非常方便!!店面唔係好大,大約10個坐位,全部都係吧枱和高櫈,最貼心係枱下每個位都有個勾,可以將手袋勾起,令我們坐得好舒服!小店所以食物都"即叫即製 用心製造",所以每個漢堡包都係新鮮熱辣辣出爐!打開餐紙已經被好多款的漢堡包深深吸引!!可以加錢食多幾款額外配料或升級套餐,套餐包括漢堡包,番薯薯條或馬鈴薯薯條和飲品!我們都選了漢堡套餐,再加小食!<經典牛肉漢堡> 漢堡包夾住了牛肉漢堡,蕃茄,生菜,芝士,洋蔥!大到唔可以一口咬下去,十分足料!!厚身的牛肉漢堡肉汁豐富,牛味濃郁!半溶芝士舖滿整塊牛肉漢堡,再淋上秘製醬汁,非常好味!<辣雞肉漢堡> 漢堡包夾住了辣雞腿肉,椰菜,紫椰菜和炸洋蔥蓉! 雞腿肉好大塊,煎得剛剛好,唔會太乾身!田園沙律醬和辣味沙律醬混在一起,有少少辣辣地的味道,令整個漢堡包都變得好惹味!<番薯薯條> 番薯薯條唔係每個地方都有,難得有得食,絕對要試一試!薯條炸到金黃色,乾身香脆!番薯本

今日時間好緊逼但又要醫肚所以只好選擇快餐Search到一間食漢堡包好出名就去試下 果真好出色叫左個小龍蝦蛋burger蜜糖蒜香雞翼蕃薯薯條個漢堡包漲卜卜實物仲靚過menu個圖勁鐘意佢個檸檬沙律醬好清新又同蛋 青瓜好夾個煎蛋成cm厚上面有小龍蝦肉超好味蕃薯薯條比起普通薯條多了一份微甜口感黎講就實淨d. 有咬感亦唔係間間快餐都提供蜜糖蒜香雞翼有6隻 好抵食Honey同garlic味原來咁夾大家都唔會搶左大家既味道雞肉亦好嫩滑 值得一試佢仲有賣Bless既cold pressed juice可以平衡番食快餐既罪惡感非常好

係公司附近既漢堡店，平日經過聞到味都已經成日好想試，終於的起心肝去買左個做lunch, 嘩，睇到有價錢menu既話未食過真係好有可能放棄，為左試佢龍與鳳最後都係豪一餐，叫左個好似fair既試下先，安格斯好味既，但就咁一個包真係會5夠，但套餐都實在係太貴以lunch 尼講，同一個地區尼個價錢都真係5捨得。第2次再試就真係隔左2，3個月，今次試左吞拿魚，嘩，不得了，食左一啖直頭愛上，半生熟既吞拿魚扒係包入面，一咬d肉汁咇出尼，非常非常非常推薦，雖然價錢就... 一次半次同好味都咁，算啦講下個包裝我就覺得有d 浪費既，係就係好令既，用左個純白色好似以前麥當勞兒童餐外賣盒咁，但只係裝1個包就有d浮誇，5係好環保。不過真係口痕既都會再買既，味道係真心好味既，而且d漢堡係即叫即整架。如果係堂食我就5會考慮啦，一定外賣，因為佢都算係開放廚房，所以一煎扒d油煙就好攻，本人氣管真係麻麻地所以真係會外賣拎反公司食啦。

朋友介紹佐敦有間幾唔錯嘅Burger店，話burger款式幾特別，同埋有我鐘意嘅蕃薯條。臨放假前工作好忙，攰到唔想煮飯，就去試試啦。小店大約有6-8個位，所以7點半去到係full哂架，好彩附近都有少少野行下，大約20分鐘再返去就有位喇。我叫左烤豬頸肉漢堡，老公叫左鵝肝牛肉漢堡，我地另外加左蕃薯條，同埋每人一支野飲。烤豬頸肉漢堡賣相好得，豬頸肉燒到個邊有少少焦香，菠蘿係花花型，再加生菜同洋蔥圈，感覺工整，亦都方便食。豬頸肉醃得入味，食落淋得黎有咬口，有燒嘅香味，一路食會感覺到肉汁爆出黎架，菠蘿係新鮮菠蘿，燒完甜味出哂黎，加埋一齊食好開胃，平時我唔會食得哂一個burger，今次竟然食得哂之餘仲可以食埋薯條。鵝肝牛肉漢堡老公嘅鵝肝牛肉漢堡我食左一啖，第一感覺係原來牛肉同鵝肝好夾喎，同埋難得鵝肝香得黎又唔會成口油，，老公話牛肉好juicy，鵝肝份量剛好，加埋蕃茄生菜一齊食係very good idea，唔會太飽滯，另外就係咁多材料夾埋一齊，竟然唔會一路食一路跌，而係可以由頭到尾每一啖都食到所有唔同嘅材料！蕃薯條我覺得係亮點，我認為係必叫，好香濃嘅蕃薯味，真係每條都外脆內軟，但脆得黎又唔會太硬，

朋友想食burger，見呢間Burger小店好多好評，就慕名而來。小店就在地鐵站附近，位置很好。我哋點了兩個burger share食,其中一個加左$22升級做套餐，有炸蕃薯條同埋飲品。另外，再單點了一罐百事可樂。店內提供手套和濕紙巾，非常貼心。特級牛肉漢堡- 外賣相富震撼，餡料非常豐富，有兩塊勁厚牛肉漢堡，非常多肉汁，肉質鮮嫩。仲有兩片大煙肉、一隻水煮蛋、兩片芝士、洋蔥、蕃茄、生菜。麵包烘得外脆內鬆軟，夾住餡料一齊食，水煮蛋流心蛋汁加上牛肉汁和自家燒烤醬，非常好吃。個漢堡實在太巨型，好難一口咬下，不過我哋拆開個包share食，每人都有齊所有餡料，好正。日燒吞拿魚漢堡- 麵包一樣外脆內鬆軟,餡料就有厚切吞拿魚漢堡扒、本菇、生菜和大蒜。吞拿魚漢堡扒一啲都唔腥，煎得香，好 juicy, 配上日式照燒汁，一口咬下麵包和所有餡料，味道一流。這款漢堡是比較light嘅一個選擇。炸蕃薯條- 蕃薯條炸得外脆內軟，一點不油膩，番薯肉甜甜的。蕃薯條上面亦灑上少許黑胡椒，添上少少胡椒香辣味，配茄汁食，是很惹味的小食。

舖頭雖然好細，不過每個漢堡包都係即叫即做，值得等！芝士雞肉漢堡 ($58)麵包好肥，肥到個漢堡包整體都好高，心諗點樣可以擘大個口食呢？！椰菜及醬汁多到遮咗塊雞肉扒，其實塊雞肉扒個樣有啲似牛肉，原來係將雞肉打碎再製成自家製雞肉扒，食落口感都有啲似牛肉！邊位煎得香脆，麵包口感外脆內軟，唔錯！日燒吞拿漢堡 ($88)平時好難得一見嘅選擇，吞拿扒好厚身，連下面塊生菜都非常大塊，又係要心諗點樣食嘅時候！吞拿扒煎得啱啱好，所以食落唔會好鞋口，連埋本菇及照燒醬一齊食，係既新鮮又夾嘅配搭蜜糖蒜香雞翼 ($35)一共有6隻，好多時喺漢堡包店嘅雞翼都係炸得好勁，雖然食得呢啲再加薯條，預咗係熱氣，但呢碟雞翼有驚喜。啲邊位脆脆哋，食落有口感，但外層搽滿蜜糖，其實有啲似豉油皇雞翼，而且鋪滿蒜粒，甜甜哋又好香口芝士薯條熱辣辣，唔會唔好味！店員服務好好，而且餐廳都好乾淨企理

今日經過佐敦，見到呢間小店，有幾個位，又open kitchen ，買左外賣返屋企食。老闆好nice 同埋好有笑容漢堡包都有好多選擇，仲要係即整，叫完等15-20分鐘。 因為唔想食咁多肉，所以叫左個大蘑菇漢堡，個包好軟又唔乾，有擦左牛油烘過，好香，入面有個大菇，蕃茄，生菜😍😍，仲有溶左嘅芝士加埋個汁，D菇嘅汁一路食一路滴！朋友叫左個漢堡，唔記得咩名🤣🤣佢本身想叫有埋牛油果，但佢一定食唔囇🤣🤣見住佢地即煎塊漢堡，完全唔乾，入面都係有生菜，蕃茄，芝士，又係食到成手汁🤣另外叫左個芝士薯條，行到返屋企仲脆同熱架！

喺尖沙咀行完街，行多8分鐘度就見到呢間burger，價錢對比尖沙咀的不貴，所以入去試試😏要先比錢點餐坐底左，台下面有個勾可以掛住個袋，幾貼心💕，跟住又比左乾濕紙巾同手套我地👍🏻朋友點左🥢辣雞肉漢堡，加左$32要左個Combo，配一個🥢蕃薯薯條同一枝🥤bless冷壓果汁，要左蘋果味~🥢蕃薯薯條分量都多，好夠熱，即炸的！切得比薯條幼，好香蕃薯味，甜甜的！🥢辣雞肉漢堡都幾辣，不是hea辣！不過雞肉好juicy，不錯！我就好肚餓，叫左一個🥢特級牛肉漢堡，超級大個！一口一定咬唔哂！怪唔之得要比定手套啦！佢既厚度係長過我隻手掌架！所以一定要拆開食，個包有用心，鬆脆的，有烘過、有塗牛油👍🏻我有嘗試過禁扁d，睇下可唔可以一口過，但一禁d蛋汁就爆出來了係流心蛋啊跟住我就將個包分開一半！咬一啖，塊牛肉不是全熟的，中間呈淡淡的粉紅色，好juicy😍，d芝士半熔係塊扒上面！煙肉好香，洋蔥夠甜！🤤分量好大，我係食唔哂既🙈我食剩下層既大半個：個🥢薯條就食哂既~ 加左$5變芝士薯條🤤，落左芝士醬同粉，好好味😋❤️眼闊肚窄既我仲叫左一客👑🥢雜錦炸磨菇，炸粉不厚，有點點黑椒在上面，點埋白色醬好match！👍🏻裡面菇也不乾

#芥末墨魚漢堡 $78(+$22有薯條及飲品)SeeFoodGhost其實好鍾意食burger🤤但每次食burger多數都係食牛🐮而且好少聽到有墨魚🤔所以一見到有芥末墨魚漢堡就即刻狗衝咗由於佢係開放式廚房嘅關係 佢未嚟到已經有陣陣嘅香味亦都唔洗等好耐個漢堡包就已經上枱講返個包先 個包夠軟再加上有烘下而墨魚餅有好多墨魚粒 啖啖都有墨魚 墨魚亦夠爽口 煎得好香好想瘋狂食墨魚餅😚大家唔洗驚食得太多肉唔均衡因為有好多菜🤣但可惜嘅係芥末味唔重 唔係好食到芥末味薯條方面我就揀咗馬鈴薯條 好可惜嘅係薯條唔係熱辣辣😭 而且唔脆仲有啲軟😭😭😭另外值得一提嘅係服務好好 店員好體貼咁派手套 濕紙巾同乾紙巾 完全唔洗驚整污糟隻手加上店裏面好多歌都係廣東歌店員有時會跟住唱 好好氣氛同埋有親切感🤣評分:7/10

琴日上完韓文之後，就同左個朋友去附近諗住食啲嘢，見到呢間專賣漢堡包嘅餐廳，就入咗去食嘢啦。呢度嘅漢堡包選擇都幾多，仲要係即叫即做嘅，所以我哋每人都叫咗一個包。除此之外佢仲有小食，我哋叫咗個薯格同埋雞翼。呢個就係芝士薯格，薯格啱啱炸好、熱辣辣。薯格配埋啲芝士醬好配合。我叫咗個小龍蝦蛋漢堡，因為係即叫即整嘅，不過都係等左幾分鐘。成個包都整得好足料，龍蝦整得好爽口鮮甜，加埋芝士同埋厚嘅煎蛋，成個包變得好濃郁而朋友就叫咗個經典牛肉漢堡，呢個份量超級大，我諗個高度差唔多有成15 cm，連塊漢堡都特別厚

呢晚放左工, 因為有d野要去國貨公司買, 所以去左佐敦~買完野,  要食晚飯~男朋友話想食Burger,但我唔想去頹頹快餐店呀.....上openrice search, 見到呢間:  Burger Lab,決定就食佢!店面細細, 但睇得出花心思佈置過!牆上除左貼左店內d漢堡嘅相外, 仲掛左d以黃色為主調嘅風格畫。簡潔得來又有歐陸情調~坐低左之後, 睇下有咩食先!漢堡包, 有10款~計埋小店試管漢堡, total有11款~另外仲有小食~有雞翼、薯條~另外仲可以加$轉combo, 可以配著條同飲品~我地中意食菠羅同鵝肝,所以叫左烤豬頸肉漢堡同鵝肝牛肉漢堡~2個都加$轉combo, 要芝士蕃薯薯條同芝士薯格~另外我地再叫多個蜜糖蒜香雞翼來試下~叫完餐, 就可以坐低等店員拎食物來喇~等緊嗰陣, 我睇到牆上有篇報道~原來呢間店之所以叫burger lab,係因為2位老闆會試驗唔同醬料同配料mix and match,令每款漢堡包都別有一番風味~而每個月佢地都會推出一款試管漢堡,每個月都唔同嫁!天呀! 我太幸運了, 食到鵝肝漢堡店員好快就拎左汽水畀我地先~仲好貼心地為每位客人都送上一套用餐用品:

今日晚餐黎到依間專食burger既小店～－點左鵝肝牛肉漢堡、特級牛肉漢堡同BBQ醬汁雞翼鵝肝牛肉漢堡既鵝肝好肥美，味道亦好出，加埋厚厚既牛肉，邪惡得黎亦都好好味！BBQ醬汁雞翼原來係炸的，再淋上BBQ醬，略嫌炸得燶左少少，但味道係唔錯的～－全晚重點：特級牛肉漢堡！！！個漢堡仲大過塊面！上菜時都思考左一陣點樣先可以一啖食哂咁多層～有2層牛肉、芝士、生菜、煙肉、洋蔥、仲有流心蛋！！牛肉有肉汁，唔會乾身，煙肉煎得好香、芝士亦係半溶狀態而最欣賞係流心蛋！咬落去的每一啖都好滿足－順帶一提，員工都好友善，見我個袋放枱面，提我有得勾係枱底，仲主動提供紙巾同濕紙巾～絕對係會encore既小店！

店內地方不大，坐位不多，牆上掛着餐牌，有多款漢堡選擇，轉套餐仲可以有嘢飲同薯條Burger即叫即整，邊等邊聞到好香，好肚餓特色田園漢堡配薯格上層是牛油果，夾住大烤菇，蕃茄以及生菜。大烤菇非常好味，依然保持水份。薯格炸非常香脆，不錯經典牛肉漢堡配芝士薯條漢堡扒肉汁滿瀉，甚少喺香港食到咁juicy的牛肉，肉汁流到兩手都係，在口中咬開就滲出香濃的肉汁，相信牛肉一定很新鮮，熟度剛好，入口不會鬆散開，也不會過於結實。跟餐的芝士薯條，粗薯條輕脆而中間輕又軟。整體味道不錯，份量十足，價錢亦算大眾化。

地鐵站一上嚟，行多幾步就到咗同朋友約好嘅burger店，坐位唔算多，都幾多外國人外賣拎走，睇嚟味道有保證。今日嘅目標係目到有菠蘿夾係中間嘅烤豬頸肉漢堡，新鮮菠蘿，每啖都有酸酸甜甜嘅菠蘿汁，本身嘅烤豬頸肉都已經好香，夾埋一齊有加分！墨魚漢堡相對就失色咗啲，不過味道都唔差㗎，芥末醬有cover度塊墨魚餅，黑魚餅本身唔係薄身，少少厚度，有彈牙口感！同朋友一樣簡咗富咗富士蘋士汁，唔會一味死甜，有好清新嘅蘋果味，佢仲有好多唔同嘅冷壓果汁可以揀，仲可以再加錢加份細薯條～我地今次單點咗份大嘅薯格，極多芝士醬，好rich，同burger一樣即叫即做，絕對係熱辣辣脆卜卜，好正！

今天同同事行經佐敦買野，順便搵間餐廳吃個dinner, 最後揀左呢間漢堡店鋪。因為系門口見到漢堡的外貌十分吸引店鋪小小的，但是已經見到有數位食客享受緊漢堡了可見其歡迎程度。落單直接到收銀就可以了。店鋪好細心，見到有提示*枱下有勾可以掛袋*餐牌上漢堡種類多，如特級牛肉漢堡，經典牛肉漢堡，芝士雞肉漢堡，小龍蝦蛋漢堡等，每個漢堡下面有材料說明。食素人士都有選擇，有特別田園漢堡和烤大菇漢堡。套餐超值，只需加22蚊，就有蕃薯薯條或馬鈴薯條配飲品。而且有手套，乾濕紙巾提供，方便一陣吃大大的漢堡！飲品都多種類，有汽水(百事，健怡，七喜)椰青水，純水。冷壓果汁跟餐要加32蚊。仲有特色小食如雜錦炸磨菇，蜜糖蒜香雞翼等。每個漢堡都是即叫即製，用心製作，非常新鮮。可以按照喜好，下單時可以要求店員走蕃茄或醬等。我地叫左: 芥末墨魚漢堡，材料有墨魚扒，沙律菜配日式芥末醬。日燒吞拿漢堡，材料有吞拿漢堡扒，本菇，生蒼，大蒜配日式照燒醬。漢堡配薯條是個經典組合。薯條即炸，脆而乾身，一點油膩感覺都沒有。蕃薯薯條帶點甜甜的味道，感覺特別。每條上面帶有鹽同黑椒。一條薯條沾上小許茄汁，真的是味蕾上的享受！漢堡足料，肉質非常厚