影片
今日屯门做完嘢已经两点几，再揾地方医肚，见到呢间差唔多坐满晒，同埋价钱都平民货，所以就去试吓！海南鸡饭跟例汤一碗，鸡肉非常之嫩滑而且鸡味浓，仲有三种酱料任君选择，油饭粒粒分明，香而不油腻，配鸡同食非常之夹。我点咗麻辣手撕鸡汤河，大大碗的，鸡肉嫩滑，可随自己喜爱点上麻辣酱，极之惹味😋另外朋友点咗咖喱汁说鱼柳饭，佢话味道唔错但系饭嘅份量非常之少食唔饱，跟餐有一个例汤同一杯嘢饮，我哋三个人都拣咗吉柠蜜酸酸甜甜很开胃。
继续阅读
因为工作关系又嚟咗屯门 唔系好多时间 就喺近西铁站嘅商场食个lunch 嚟咗呢间食东南亚菜嘅餐厅食饭 大约十二点嚟到 餐厅都差唔多坐满😮 真系好好彩 咁啱有位马来咖喱牛腩配小鱼椰浆饭净系睇只碟都好feel到𠮶种东南亚风味 面头嘅太阳蛋煎得非常靓 咖喱唔算好辣 牛腩都几多同煮得几腍 捞埋侧边嘅花生同鱼仔食 脆脆地又几有口感☺️印尼炒饭好少见炒饭系用石锅上 略嫌面头太多𩠌 有啲难起咗个饭焦🙈 有两只虾 几块虾片 同埋两串沙嗲 沙嗲串嘅沙嗲酱几有花生味 个饭就正正常常 印尼甜豉油味 入面嘅馅都系三色豆 由于石锅太保温 一路食个饭都仲keep到好热 冬天食会啱啲😂黑糖豆浆啲冰多咗少少 味道有啲淡东南亚餐厅嚟讲算系中规中矩啦 有机会下次会再帮衬嘅😗
继续阅读
今日去咗呢间装横都几靓嘅星加坡餐厅食晚饭，我哋去嘅时候时间都比较早，六点钟左右，所以就冇乜人好快就入到去坐，稍后时间就见到好多人排队，之后里面就坐满晒人。我哋叫咗个四人套餐，睇落都几多嘢食。而且佢哋上菜速度好快，十分钟就上晒所有嘢。肉骨茶当头啖汤，啲肉煲得好冧，冇话特别重胡椒味，算唔错。头盘有酸辣凤爪、煎鱼饼、沙爹鸡肉串、炸春卷、南乳鸡翼。凤爪好入未，酸味带微辣，唔会辣到食唔到好开胃。煎鱼饼同炸春卷正常货色，系平时会食到嘅味道。鸡肉串嘅沙嗲味就令我谂起印度风，但冇街边香港沙嗲鱼蛋𠮶啲沙嗲咁惹味。鸡翼食落口就有腊肠味，而且香酥，都算唔错。主菜有海南鸡半只、咖哩牛腩配酥饼、海鲜蚊油面、海鲜粉丝杂菜煲、马拉盏通菜。鸡肉质偏实，冇特别嫩滑。咖哩牛腩就正常，牛腩唔会太难咬。油面好食，唔会太咸。通菜就系入面最好食嘅，落咗唔少炸蒜，唔会特别辣 ，通菜咬落口好爽，好惹味，就系多咗少少油。最失色嘅就系个粉丝煲，粉丝占咗八成，但系完全冇味。甜品系芒果雪糕班戟，正常班戟上面摆咗一球云呢拿雪糕，跟住加咗啲芒果汁同碎芒果。雪糕同班戟就正常，不过要分开食，唔系既话一冷一热好怪 。啲芒果同芒果汁唔知系咪煮嘅关系，偏酸唔带甜，完全唔夹个甜品，我会觉得用蜂蜜好过。饮品嗌左黑糖豆浆同吉仔得饮，黑糖豆浆就正常，桔仔特饮就系糖水加桔仔，好唔好饮就见仁见智啦。连埋加一600蚊左右，只可以话cp值唔高。
继续阅读
8号风球出街揾食少咗好多选择，记得呢间早几年食过一次觉得一般，不过见佢唔使等位就决定俾多次机会。-🐔无骨海南鸡饭 $80鸡切得太大旧，比较肥，几多肥膏下，好少食到感觉咁肥嘅海南鸡😂酱料唔错但又未到好出色，油饭感觉无乜油香，粒粒分明到好似食紧炒饭🌝唯一可以赞嘅系跟餐免费杯黑糖豆浆几好饮👍🏻但系基本少少嘅冻柠茶跟餐都要加$6🙉-总结：唔系难食但系绝对讲唔上系好食，呢个价钱呢个质素唔收货，无下次👋🏻
继续阅读
🍽 沙爹汁串烧拼盘(虾×2 猪颈肉x2 鸡肉×2）唔错窝,虾几新鲜,d肉实净,鸡肉都OK, 猪颈肉反而有d惊喜,因为好少食猪颈肉系切到好似小馒头甘厚,猪颈肉腌得几入味,油脂多, 如果再烧香d更好,3样入面猪颈肉最好味👍🏻🍽 咖喱鸡配油酥饼咖喱几香配有4件油酥饼油酥饼点咖喱汁食既野味🍽 马来盏通菜味道正常,但比较油同咸外卖等大约15分钟就拎得侍应既服务几好食物味道又不错,价钱都合理会再帮衬💁🏻♀️
继续阅读