影片
以上资料只供参考，请与餐厅确认详情
上一次喺呢到食个流心蜂蜜鸡蛋仔，觉得$28都值嘅，粒粒鸡蛋仔都有粒蜜糖爆珠喺到，所以再嚟嘅时候就食多次点知今次再叫嘅时候，食咗成5至6粒，一粒蜜糖珠都无，就攞出去同个职员讲，个职员话我系未食到有蜜糖𠮶个位，仲系咁话再食入啲就有，然后我话若果都系无嘅话我咪要攞出嚟换过？因为无任何味道嘅鸡蛋仔同呢个都相差$8，我无理由食无馅嘅都要比多$8啫然后个职员话，得得得，我换比妳，然后背向我再整一底时讲句：痴线喂，个客仲企喺到妳咁大声咁讲，算系咩服务态度呀？食你哋𠮶廿零三十蚊食物要受你气？无下次😤
继续阅读
放假，同屋企人去food court食嘢。不过自己又唔肚饿。好衰唔衰，闻到鸡蛋仔味，一时口痕，点知就中伏。当时冇人等，落完单好快就有得食。但食第一啖，首先系一种好假嘅甜味。然后系觉得好淋，一啲都唔香，唔脆，食到个心仲湿湿地咁。都唔知熟透未。食完一粒，已经忍唔住同屋企人讲好难食。都见到个粉浆上边系有啲啡色一点点，相信𠮶啲系伯爵茶粉。但又唔知点解食落去啲茶味又冇乜，反而好大阵香精味。可能系啲材料问题🤷🏻♀️鸡蛋仔嘅嘢，难食极有个谱。个味唔好，如果口感搭够，应该都OK嘅。可惜呢间系两样都冇。食底鸡蛋仔，廿几三十蚊系市价，本身都冇乜期望，亦冇谂过要写食评。不过真系越食越顶唔顺，先忍唔住影张相。食咗几粒就放弃，无谓浪费自己quota。
继续阅读
系香港最难食嘅鸡蛋仔，真系非佢莫属。唔系粒粒都饱满嘅鸡蛋仔，咬落去好硬、完全唔松脆，入面仲未熟透，而且又太甜，好似食紧旧湿咗嘅面团咁，超级、超级难食，我估计应该系佢哋贪快，开到个火好大，入面未熟，已经过火，搅到成块鸡蛋仔硬过石头，见到咁仲要比客果吓好嘢！我当时7:00pm去买鸡蛋仔，佢哋其实冇咩客，真系唔使开咁大火，楼下街边档都整得好过依间野，佢哋啲后生仔店员好似唔想做咁，态度又差，求求其其咁，真系冇下次。好彩只系买咗个鸡蛋仔试吓先。
继续阅读
27/1 去买鸡蛋仔，见到收银位置高瘦嘅男职员抹完鼻涕冇洗手，直接带返手套，带住手套收钱之后再入鸡蛋仔🤦🏼♀️卫生好有问题之前个姨姨同埋个女仔服务态度好好，卫生都好好多
继续阅读
今日经过屯门市中心的美食广场，想吃点另类的食物，看到美食广场的门口店舖竟然有卖儿时的美食，当然立即要试一试重拾回忆原味鸡蛋仔 $20外皮硬脆而中间有点软身，味道一般，个人感觉普通，不过小朋友很喜欢吃原味格仔饼 $22格仔饼份量比想像中大很多，热饼上面铺满已溶化的牛油，加上大量炼奶及半溶花生酱，一咬下去满满的滋味大满足😋整体上味道不错，下次会再吃格仔饼只是等待时间比较久，而且订单安排有点前后混乱，尚待改进
继续阅读