BLT Steak (已結業)

因为有尖沙咀消费卷所以都系试吓呢一间BLT steak。因为book咗枱所以都好快可以入到位，好快就决定咗食乜嘢，好快就上咗餐包，个餐包🥖都几特别，皮有少少硬，入面系好软熟，个人觉得有啲似鲜奶球，不过冇乜香味。然后等好耐先有个蟹饼送到，系用煎面夹住有蟹肉既酱，好靓岩打卡，味道略过咸，食唔到蟹味。又等左劲耐，黑松露薯条，闻落几香，新鲜炸起热辣辣，点黑松露酱先好味，蕃茄就好普通。扒系阿根廷🇦🇷，五成熟，略嫌生得滞，似3成熟，火候唔太够，无催单都甘成餐饭普通，原价就唔会入去食…查看更多

💎总评分：6.0/10-属于Dining Concept 旗下餐厅，环境昏暗，西式装修窗口位近海,亦设有室外座位，维港景色映入眼帘，气氛唔错🌃。首先要讲下佢个popover面包，一人一个，大大个胀卜卜咁好特别，外面焗得香脆，入面奶油味重浓烟烟韧韧，啱晒面包控😌。虽然佢唔系成个实心，但食成个都会饱。1️⃣ Soy-Wasabi Ahi Tuna Tartare $228Tuna tartare 好多时都夹 avocado 🥑同 wasabi，呢度wasabi味唔重，tuna够fresh，加埋有少少lemon juice 🍋好开胃。2️⃣ Charred Portuguese Octopus $158本以为会系一条粗身巨型嘅 octopus🐙，但系嚟到有颇大expectation gap，卖相无咩视觉享受🤭。不过佢好公道 - 俾两条你🥲食唔出Portuguese风味，不过味道唔错起码唔会韧。3️⃣ Australian Rib Eye 12oz $358小编叫左 medium rare，一嚟到时已经闻到好香牛油同香草味🥩，rib eye本来系淋D，waitress都recommend我地叫呢个instead of filet，可借食落唔够肉味，而且有点过熟👎🏻，as a steadkhouse有点失望。4️⃣ Sides - Boiled Spinich $88; Brussels Sprouts $88小编平时都会煮下brussels sprouts~呢度用左pearl onion🧅 同 bacon🥓一齐炒特别惹味。Spinich就无咩特别，纯粹系3个女仔想补充下铁质...5️⃣ Crepe Souffle $80朋友未到齐前小编己经偷偷地order左呢个dessert为庆祝朋友生日🎂，上菜时餐厅记得写HB同蜡烛，good good👏🏻!听个名就知佢系有crepe 嘅外表，souffle 嘅口感，配合酸酸地嘅 passionfruit sauce，一甜一酸balance得刚好👍🏻。老实讲小编系想用埋D coupon先嚟呢间，嚟之前对佢嘅steak无咩大期望。环境倘可，服务不过不失，甜品有惊喜✨，用左coupon -$500 可以接受，否则会有其他更好选择。-环境服务：⭐⭐⭐食物质数：⭐⭐⭐打卡指数：⭐⭐…查看更多

中秋正日走左去食BLT steak, 由于我唔识食，咁点餐个阵咪问下waitress American beef 同Austrian beef有咩唔同，佢hea 答我一句无咩唔同….算～输人唔输阵，叫左个贵几廿蚊既American beef 试下，order左medium. 一切开，唔多识食既我就上google 对比下啲生熟图，都唔似medium似medium rare…又无问我要咩汁，求其上个唔夹既不知明汁。仲有个short ribs, 好似煲完汤啲汤渣咁，成餐唯一好食系个薯条Service 又无，啲嘢愈嚟愈唔好食，环境又唔系靓，唔会再嚟～～拜拜…查看更多

因为有海港城coupon, 经过就决定入去一试，餐牌选择不算多，叫了八爪鱼，牛扒和几样配菜。点餐不久，侍应便送上餐包，餐包出乎意料之外，外脆内软，口感丰富，非常好食！八爪鱼正常发挥，没有太特别，牛扒即系叫了三成熟，没有overcooked, 而牛味还算可以，不过不失。个人比较推荐配菜，因为配菜份量比较大，特别是焗薯，味道唔错！餐厅侍应服务普通，而且上菜速度比较慢，而且有限时所以食得比较赶，所以不算首选去既餐厅，但因为喺海旁隔离，所以环境就一流，比较适合庆祝。…查看更多

由于有海港城coupon，而 coupon就到期，冇理由唔用埋佢。当日大约中午十二时到达餐厅，由于提前book位，所以唔使等就可以入坐。餐厅环境舒适，有落地大玻璃可以望住个海，枱与枱之间空好阔落，足够坐得好舒适。一入座就会送上面包, 面包是半空心的，方便加上牛油食用，食落似牛角包，新鲜出炉热热地好食。餐厅摆放食物的位置唔算大，食物选择唔算多。沙律有红菜头沙律，烟鸭胸沙律，长螺丝粉沙律等等。有两款火腿，有粟米汤，有3款甜品和杂果（西瓜，蜜瓜，菠萝）。红菜头沙律啲红菜头好甜好好食。两款火腿都好多斤同埋好韧。粟米汤好香粟米味，但除此之外就唔觉有其他味道。西瓜，蜜瓜都好甜好多汁。由于有三个人所以叫了三款主菜： 7味胡椒黑安格斯牛肉汉堡 ，南路易斯安那州鱼柳三文治 ，美国USDA牛腹肉(六安士）七味胡椒黑安格斯牛肉汉堡其实系一个有蓝芝士的汉堡，蓝芝士味道唔算太浓，都算容易入口，面包暖暖地脆脆地，牛肉都好大块但冇调味又冇肉汁。南路易斯安那州鱼柳三文治个名叫三文治，其实都系一个汉堡，感觉只是一个普通的炸鱼汉堡冇咩特别。美国USDA牛腹肉(6安士)牛腹肉又我哋叫了五成熟，牛肉外层有少少微焦， 咬落去有肉汁及好有牛肉味（只用了盐及黑椒调味）好食。…查看更多