Bitte Bitte Hot Dog Co. (已結業)

１２點幾到去到好似岩岩開咁叫左個特濃芝士汁蘇寶力腸($28)等左ok耐,差唔多10分鐘不過staff好nice,所以service唔錯有好多款可以揀,可以話係8搭個腸杯整到好靚有好多芝士汁的腸都好香好好食的薯條仲好食過愛爾蘭瘋薯,好香口感覺做得好有誠意一定會再去

之前見到雜誌介紹都想試吓.....同友人去開銅鑼灣食飯, 食完飯行左一陣醒起有呢間bitte bitte, 捉埋佢去先~~一去到見到熱狗同薯條都好多款toppings同醬汁好吸引....一時間唔知食咩好....最後揀左蘇寶力腸薯條杯加酸忌廉($28), 即叫即整, 等左大概十分鐘就有得食....老闆娘好細心...見我地兩個女仔叫一樣野就俾左兩隻叉我地~~~薯條幾粗身, 熱辣辣, 好有薯味~~連埋酸忌廉一齊食冇咁油, 好味~腸煎到金黃色, 不過唔係好夠熱, 可能佢地之前一路雪住d腸, 有order先攞出黎煎掛....份量都幾多, 兩個女仔share剛剛好~~下次想試吓碎蛋汁or 特濃芝士汁薯條杯同埋果茶

食完葡撻，慢慢行去總統戲院附近，發覺前巷仔車仔麵鋪位已開了新店 bitte bitte， 主打不同種類的德國燒腸及熱狗，我好奇心重，當然試試。德國燒腸杯有多款選擇，名字比較難記，但都是豬肉腸、雞肉腸、司華力腸之類，配上十多種的秘製汁醬，頗吸引的。我選擇的是蜜糖芥末醬．百老匯辣肉腸 ($26)，辣肉腸是由豬肉及牛肉混製而成的品種，由於德國薯餅已告售罄，只好配薯條了。食物即點即製，大約等了十分鐘，百老匯辣肉腸約有十多片，灑上少許香草粒及汁醬後，賣相不錯。腸仔本身不太特別，味道主要來自蜜糖芥末醬，甜甜的絲毫不嗆，倒算開胃，比較突出的反而是即炸薯條，入口熱辣辣，幼而實心，十分脆口，比附近以炸薯條馳名的愛爾蘭瘋薯做得更好。另外，小店內設有兩張高檯，方便「立食」人仕，印象不錯，應該會再來的。

有日睇到報紙的介紹, 好奇心上openrice 一seach 已經見到6 個gd 了~~ 真係要去試一試~!好彩, 放左工7點幾8 點, 去到的時候無咩人, so 唔駛等~~想食薯餅呀~ but 可惜已經買曬了, 老板娘好好人, 話如果想食可以留電話, 有的通知我地~~叫左個hog dog 01 + 腸杯c, 都係50 蚊左右, 好抵食~! 仲要係即叫即整~!bf 鐘意食腸杯, 覺得d 腸好似大條d,,, 個汁真係好正~!個hog dog 腸的部份真係細左少少, but 可以接受的, 個包好林, 個包面因為烤過的關係, 脆脆地好有口感~~ 同個汁好夾~ 正~~!!老板婆好細心呀, 知道我地係share, so 問我地要唔要cut 一半~!but 好可惜無chair 坐, 如果堂食可以有埋高腳chair 坐噤就好了~!總結整體上係gdgdgd 的~! 食曬之後會覺得好似唔算飽的感覺, 而係濟濟地的感覺,,, 不過真係值得再試~!

上了癮，很好吃。老闆娘態度很好，沒了雞肉腸，老闆娘換了蘇保力腸，後來我才發覺蘇保力腸是貴些，其實對我來說是不打緊呢，但我會覺他們重視客人，服務很好，很有禮貌。好像雞肉腸最受歡迎，很多人都點，難怪始終是我至愛。不知是否沒了薯餅，每次去都沒有。看上幾次食評都說很好吃呢。價錢不貴，是近期值得推介的店舖。應該會很快排長龍，要趁現在還可以的時候(大概5-7分鐘)多幫親一下。

星期五冇人陪食飯只好周圍掃街........突然想食薯條....又想食D新野所以入左去試試。叫左個燒腸杯配磨姑同果茶，D薯條新鮮炸好所以好香好又薯條味 勁好食。食完再飲果杯果茶先發現杯茶好香好好飲.....值得再去.......

真係豈有此理，買個外賣薯條，又得兩、三個客，都可以等成廿分鐘。原來係落錯order。我見佢得兩個店員，而且都係新人。整個熱狗都慢吞吞。銅鑼灣勁爭好大，做野唔可以咁慢。不過不可不讚係d野係好食ge....雖然我覺得同我點ge好似有D唔同。

上次真係白痴，黎到搵唔倒，原來係因為太早黎未開門，今次晚上六點左右黎到就剛剛好了，間鋪好細，堂食都係得兩張細台，所以見好多人都買外賣，不過我有時間所以係度食埋，睇個餐牌發現呢度都唔算平，薯條加腸要25蚊-28蚊，腸同醬汁可以自己自由配搭，我就要左28蚊既蘇寶力腸再加蜜糖芥辣醬，加可樂共35蚊。即叫即做，因為唔係多人所以等左五分鐘左右已經有得食，餐牌無講大話，蘇寶力腸真係脆皮爽口，口感一流，薯條連住少少皮，係我其中一種最喜歡既類型，加上係即叫即做特別好食，雖然睇落幾細杯，但係食晒都覺得好飽，好彩無走去叫多個熱狗姐一路食緊既時候老板娘不斷拍手招客同講歡迎光臨，我個人超級欣賞這種不厭其煩既行為，加上佢對每個客都好有禮貌，係服務上真係好好，希望佢多d人幫襯，不過呢度唯一唔好就係近窄巷仔，隔一陣就會有大風係巷仔吸出黎，唔小心分分鐘成杯野比佢吹走，不過點都好，呢度我覺得都係值得再黎的

男朋友依家係cwb返工，放工都好夜喇~~趁佢返工就買定d小食比佢，之前見到有人寫左bitte既第一個comment，馬上就吸引左我，因為我係hotdog迷~黎左呢間坐於街中間又設計自成一角既小店，見到入面既人專注甘整野......我吾好意思叫人幫我落單，於是就企左3分中先有人發現到我~~~我起先都吾識叫，因為都有好多mix & match，之後有個男人，應該係老闆就教我~我叫左一個特濃芝士腸杯~睇住佢由一條生腸變成最後既腸杯，差吾多要10分中......做得好有美感，但我明白點解吾多人幫襯......而幫襯既都係行街或外國人多~~~我叫左薯餅，因為之前推介過，原來係好特別咖!!!個「薯手指」係甜甜地咖，食到一粒粒既薯仔，好有口感~成杯我一個人就一定無可能食得曬，我地合兩人之力食完覺得做宵夜係剛剛好咖~~一人食就要做正餐~原來一小杯已經可以好滿足~

之前聽朋友講薯餅好好食，於是尋日放工9點到去咗試吓，點知..... 原來呢度嘅薯餅係home-made，已經賣晒! 好彩，老闆好好心機咁介紹我地食燒腸杯，揀咗青瓜醬，配咗落薯條度都幾清新，唔會好heavy。下次一定要早d黎試吓個薯餅先得

本人試了:-1) 熱狗05, 熱狗的size是本人的面乘兩倍, 味道不錯, 可以再熱一點 (可能因為昨天冷風陣陣)此餐跟熱檸茶, 沒太大特別; 但老闆給我refill 加了些果茶, 感覺驚喜, 新鮮.ps. 朋友點了另外一個餐, 要咖啡2) 另與朋友share一杯蜜糖腸拼薯條, plus特濃芝士汁, 味道很好, 尢其芝士味重!

我去了總統戲院新開的一間熱狗店，我見舖頭裝潢幾靚就行過去，我見到餐牌上的熱狗好吸引，於是點來食，我選了06 的熱狗及腸杯，店長推介薯餅給我，他說是home made 的。熱狗好大個，飽面好脆，芝士及凱撒醬加埋腸好好食我勁like腸杯的薯餅，配埋碎蛋沙律真係好好好好食。埋單都是$50，食飽飽，下次一定再光顧。