Bingo & Cook (港匯廣場)

营业中

休息中

呢排成日喺社交平台碌到醬油蟹，真係忍唔住去食返餐😍😝之前去親韓國都好鍾意食😋但喺香港食，好多餐廳都續隻🦀 計，好貴🥹呢間竟然有得任食醬油蟹!!🤤分別有2個任食餐$298蟹公/ $348 蟹乸🌟(但係留意番~ 其實只係得第一round嘅分別，之後供應嘅蟹都會係mix嘅)•我就叫咗蟹乸任食，始終第一round都想感受滿滿嘅蟹膏多d丫嘛🤭 啲蟹浸滿醬油汁，好入味👍🏻 ✨ btw,識食一定係撈埋紫菜飯食😋•❣️驚喜位係原本我以為任食啲蟹就會細細隻，但係估唔到係啖啖肉!! 一放入口，成舊蟹肉係充滿口腔，新鮮度同口感都有齊🙌🏻 •除左醬油蟹，其他熟食都唔錯任食餐仲有得食烏冬炒年糕、炸雞同年糕香腸串架

最近社交平台上都多咗人討論醬油蟹放題，價位由300起跳到500不等，規則五花八門。所以小編喺試醬油蟹放題之前，決定先試一試餐廳嘅水準。💛醬油蟹兩隻+紫菜包飯💛餐廳嘅醬油蟹有單隻/兩隻嘅形式咁賣，但一次過買兩隻會平啲。試食當日得小編一個到場，所以決定請店員幫忙將另一隻當外賣處理。店員都好好人幫忙，同埋會將外賣嗰隻先放入雪櫃保存。醬油蟹新鮮多膏，蟹肉鮮甜，口感QQ。醬油嘅味道都討好，但小編覺得係偏水果甜味重啲，麻油味重少少，唔算喺係小編嘅好感帶內。呢次其實係小編第二次食醬油蟹。上次喺濟州食嘅時候，的確令我好驚艷。醬油恰到好處咁帶出蟹嘅鮮甜味，唔會死鹹或者死甜。今次雖然未去到驚艷嘅程度，但如果未有時間去到韓國，用嚟止下癮，都係相當滿足嘅。紫菜飯溫度暖暖，紫菜用料足，都不錯。另外一點想讚下餐廳，食蟹嘅時候，有主動提供手套同埋裝殼嘅骨桶，非常體貼，令到今次嘅用餐體驗都非常良好。雖然有YouTuber講過呢間餐廳嘅醬油蟹放題質素麻麻，但根據小編今次單點嘅用餐體驗，小編覺得可以俾次機會試下嘅。

最近係社交平台 見到有人介紹任食醬油蟹，實不相瞞，我去過韓國但冇食過醬油蟹。今次去咗尖沙咀bingo and cook，位置方便，係尖東同尖沙咀站中間。任食系列包括：醬油蟹：一公一乸，乸個隻好多膏烏冬炒年糕：年糕煙un ，有小小微甜炸雞：舊炸雞大大舊，一啲都唔小氣年糕香腸串：香腸有煙勳過，香口！紫菜飯：好香麻油味，撈落紫菜送飯一流！任飲罐裝飲品：有我最愛嘅milkis ，正！價錢都係300幾蚊，可以約埋一大班frd黎試下！

尖沙咀 Bingo & Cook 醬油蟹放題，抵唔抵食？🤗去尖沙咀覓食，俾我搵到間叫 Bingo & Cook 嘅韓國餐廳，佢個招牌大大隻字寫住「The Best Korean Restaurant In Hongkong」，咁勁？最吸引我嘅係佢有「醬油蟹任食」啊！聽到「任食」兩個字就即刻心心眼，嗱嗱聲約埋朋友去試吓係咪真係咁堅！🤭間舖喺麼地道個 FHP Shopping Centre 入面，唔算好難搵，個招牌都幾簡潔。入到去，裝修都幾舒服，木系設計，感覺幾溫暖。店員都幾好禮貌，效率都OK，唔會等你等好耐。醬油蟹放題，食到停唔到口！🤩🤩講到重點喇，醬油蟹啊！一碟碟咁上，擺滿晒成張檯，睇到都流晒口水！輕輕一掰開隻蟹，嘩，啲肉真係晶瑩剔透，脹卜卜架！入口冰涼滑溜，蟹肉嗰種鮮甜味，再加埋醬油嘅鹹香，真係好夾好夾！啲醬汁完全滲透晒入啲肉度，食落去好濃郁，層次感十足！最正係咩？係啲蟹膏啊！橙黃色，好creamy，入口甘香，撈埋啲飯食簡直係天堂！「任食」真係冇呃你，我哋幾乎係一隻接一隻咁食，完全停唔到口！鍾意食醬油蟹嘅朋友，呢度真係必試，包你食到夠本！仲有咩好食？食醬油蟹點可以齋食蟹呢？我哋仲叫咗

最近任食醬油蟹盛行，原本諗住平日應該唔會太多人，點知去到成間餐廳 full house，仲撞正三枱客生日，就好似搞緊小型派對一樣融入其中，店員會熄燈播生日歌加樂器伴奏，氣氛真係幾 high！餐廳裝修簡約，燈光偏暗，坐得舒服之餘又有啲 chill vibe～🦀 任食醬油蟹｜$298（雄）/ $348（雌）+加一每人一開始就會有先來一碟完整嘅醬油蟹，之後可以任追加蟹身（唔包蟹蓋）！我哋兩個就分別揀咗雄蟹同雌蟹，齊齊試晒兩個肉質口感，真係滿足到爆😋 雌蟹膏多得嚟質感creamy，啱晒撈紫菜飯，一啖啖蟹膏濃郁香滑，唔會鹹到反胃 ，雄蟹大大隻，肉厚實而鮮甜，啖啖肉好有彈性，食落好似食果凍嘅口感，好正！套餐總可以無限encore以下食物:🍚 紫菜飯飯量十足，配合蟹膏同蟹肉一齊撈，吸收哂啲精華汁液，每口都好滿足，真係蟹膏控必點！🍗 炸雞即叫即炸，外皮炸得香脆但唔會硬，雞肉嫩滑無骨，好適合食完蟹轉個口味。🍢 炸年糕腸仔第一次試炸年糕，外層香脆，內裡煙韌彈牙，沾上甜辣醬，特別惹味。🔥 魚糕炒年糕甜辣味道開胃刺激，每片沾滿醬汁，辣得好味。🥤 罐裝汽水飲品任飲📌整體感想✨蟹質素比想像中高，追加無限唔手軟✨

最近留意到呢間餐廳有醬油蟹無限任食，諗起我有個好朋友鍾意食醬油蟹，即刻約佢嚟擦餐勁先。.呢個任食套餐好豐富！除了醬油蟹任食外，更有魚糕炒年糕、炸雞、年糕香腸串、紫菜飯任食及汽水任飲，真係食到超級飽呀！.醬油蟹 —第一碟可以選雄蟹或雌蟹，之後可以無限追加公蟹。我喜歡醬油蟹的醬汁，鮮甜帶有蒜蓉香味。每一碟都有好多蟹肉，入口冰涼，蟹肉嫩滑，似食緊啫喱嘅口感；蟹膏幾香、無腥味。.我哋更加錢叫了醬油蝦 —蝦肉都算厚肉彈牙，蝦頭都多膏。.魚糕炒年糕 —辣醬好惹味，微辣，我唔太食到辣嘅都食到。年糕外表煙韌，內裡軟糯有嚼勁，軟硬度啱啱好；魚糕夠腍、夠入味。.炸雞 —炸得好香脆，雞肉夠嫩滑；配埋韓式甜辣醬食，幾好味。.年糕香腸串 —年糕微微炸過，外表有點鬆脆、內裡好煙韌；香腸都炸得幾香。.紫菜飯 —紫菜份量多、好香麻油味，送飯一流。.每人大約 $380 食到好飽好滿足，都算性價比幾高👍🏻

平時日式放題就食得多～今次見到有韓國餐廳做醬油蟹放題咁吸引一定要試吓啦!!除咗醬油蟹之外，仲會有其他小食可以任食真係超抵呀~ 炸雞外皮好鬆脆, 肉質嫩滑～年糕腸仔超推薦！外皮好鬆脆, 年糕煙煙韌爛超好味～甜辣年糕魚片年糕魚片好掛汁~味道唔會好辣但好惹味!䧳蟹醬油蟹任食頭一輪會有一隻䧳蟹, 睇相就知道蟹蓋超多膏! 之後無限量供應公蟹～雖然冇蟹蓋但係都超多肉超大隻~ 而且紫菜飯任裝~醬油蟹配飯一流, 超好食!!成餐都超豐富! 餐廳唔會漏單, 而且每一年都好大碟, 一啲都唔hea~ 好容易食到回本haha, 好抵食! 外面叫兩碟醬油蟹都唔止呢個價錢🙈我哋上次到訪係平日晚餐時間~餐廳超多人, 建議一定要book位啊!😆

成日都見到有人推依間醬油蟹任食，睇到啲片都流晒口水🤤就同老公一齊去試下。🌟套餐一共有2款set-雄蟹同雌蟹，我哋就鍾意食雌蟹嘅蟹膏甘香味，所以就叫左雌蟹。如果鍾意食蟹肉其實叫雄蟹已經好夠。🦀醬油蟹一落完單之後好快就已經上菜，第一輪會上炸雞、年糕香腸串、烏冬炒年糕同紫菜飯比你。之後唔夠依啲都係無限任叫嘅。雌蟹明顯蟹膏好足，而且食落好鮮甜入味，橙紅色嘅蟹膏食落好有咸香味～👍值得一讚嘅係佢嘅蟹蓋同樣多膏，撈埋紫菜白飯一齊食，真係冇得彈。果然稱得上係「米飯小偷」🤣而第二轉開始就會上雄蟹，以為雄蟹平啲就唔好食？Nonono😏蟹肉一樣好鮮甜，而且都好厚肉，唔每一隻輕輕一撳落去啲肉已經吱晒出嚟☺️仲要零腥味😝🌟烏冬炒年糕不嬲都好鍾意食炒年糕，貪佢煙煙韌韌又夠辣，配埋魚糕一齊食👍🌟炸雞拼盤炸雞都炸得好出色，外皮好鬆脆。而且佢有兩款醬俾你點可以食到唔同口味👍🦀Bingo & Cook (尖沙咀)📍尖沙咀麼地道37-41號港匯廣場地下17-20 & 31-34號舖

Bingo & Cook嘅醬油蟹一小時任食真係好正，唔使飛去韓國都可以食到，仲要價錢好吸引，想食多幾隻都唔洗肉赤😍1. 醬油蟹蟹肉鮮嫩，醬汁濃郁，甜鹹適中，每一口都能感受到海鮮的鮮美。配搭紫菜飯食一流。2. 炸雞外皮金黃酥脆，令人一口咬下去就能感受到肉質的鮮嫩。3. 年糕香腸串年糕的Q彈口感和香腸的鹹香味形成了完美的搭配。4. 韓式海鮮煎餅海鮮煎餅的外皮酥脆，裡面則包裹著各種海鮮，每一口都能感受到海鮮的鮮味，好食😋

最近發現之前食過嘅Bingo&Cook 出咗醬油蟹放題,然後即刻搵咗身邊醬油蟹愛好醬油蟹嘅朋友仔去試試佢~7點半到餐廳已經坐滿左8成😱而且每枱都係食緊佢地既醬蟹放題~佢地既Menu 有分公蟹(HK$298)/雌蟹(HK$348)~同朋友想食多D 蟹膏就揀左雌蟹😆雖然限時放題只有60分鍾,前後同朋友仔叫咗三隻,除番開每隻都係116蚊一隻,仲可以無限添加紫菜飯😍😍除左任食醬油蟹同添飯外,仲可以叫以下小食放題✅烏冬炒年糕✅炸雞✅年糕香腸串

由韓國人主理人氣韓國🇰🇷餐館 @bingo_and_cook 為慶祝十週年，推出左60分無限任食醬油蟹，醬油蟹分二個價格 （雄蟹$298，雌蟹$348），放題第一碟係自己所選擇的，而追加的蟹就全部是公蟹（無限追加的晬沒有蟹蓋），而放題仲包括：年糕香腸串，魚糕炒年糕，炸雞，紫菜飯同罐庄飲品！如果想飲酒精類都只係每位加$15，超抵！餐廳氣氛好好😌環境好像置身韓國，眼見大家都食得好開心，醬油蟹拌紫菜飯真係無敵，雌蟹蟹肉相對厚實多膏，佢地既醬油蟹唔會好重醬油味，調味不錯，又有麻油香，完全食到蟹肉既鮮甜！年糕香腸串也不錯，面頭微微的脆內軟，沾一沾醬汁更加惹味！魚糕炒年糕少少微，但年糕吸左汁好好食🤤如果想食埋醬油鮑魚同醬油蝦就另有追加費用（$70/$60）📍Bingo & Cook (尖沙咀)尖沙咀麼地道37-41號港匯廣場地下17-20 & 31-34號舖Follow me💪Follow me🌟Follow me🫶🏻如果喜歡我既分享，請給我的post♥️及追蹤我@foodie_milktea_hk，謝謝支持💕

話說duckduck不嬲都好中意食醬油蟹，今次適逢Bingo & Cook 10周年優惠 - 任食醬油蟹，梗係要試吓❣️ 首輪醬油蟹有分蟹公同蟹乸，之後就係蟹公，可以仼食，真係超幸福，超滿足💖 💰$298蟹公/ $348 蟹乸蟹乸既蟹膏都幾多，鮮甜濃郁蟹公就啖啖都係滑捋捋軟腍腍既蟹肉 ✅就咁食醬油蟹，就係啖啖肉既快感✅配紫菜飯食，鮮得黎又冇咁鹹✅蟹蓋蟹膏+紫菜飯，唔知點解就係好食啲✨ 辣炒年糕年糕煙韌有咬口，韓式辣醬夠濃郁，不過對我黎講有啲啲辣，但好爽🤣 韓式炸雞外皮酥脆，唔太油膩，正正常常 炸年糕香腸串炸年糕外脆肉軟，煙煙韌韌，口感豐富炸香腸外皮爽脆👍🏻 韓式士多啤梨米酒入口輕盈，冇乜酒味，米酒溫潤又帶點士多啤梨酸甜，平衡好好，女仔飲啱晒 .__. .__. .__.🐥🐥🐥.__. .__. .__. 環境：🐥🐥🐥🐥🐥/5服務態度：🐥🐥🐥🐥🐥/5 食物質素：🐥🐥🐥🐥🐥/5 性價比：🐥🐥🐥🐥🐣/5 回頭率：🐥🐥🐥🐥🐥/5

太耐無去韓國，心掛掛好想食醬油蟹，同朋友約食飯，我就提議去食醬油蟹😆上網見到呢間Bingo & Cook有 10周年限定一小時任食醬油蟹，即刻book位試下先。雖然係得1小時任食，但服務員上菜速度好爽快，落左單5分鐘就已經上左菜👍👍餐單有分298蟹公/ $348 蟹乸 任食醬油蟹餐，我揀咗蟹乸，啲肉爆多又鮮甜，蟹膏仲要勁多，撈埋個紫菜飯食真係無得頂，蟹膏加埋紫菜飯同生醃醬汁，真係可以encore食多碗飯🤩🤩雖然蟹乸貴過蟹公（$298）少少，但蟹膏多啲，絕對值回票價～👍而公蟹可以任食的，好大隻啖淡肉，好果凍口感，醬油鹹甜適中，完全冇腥味，鍾意食醬油蟹既我真係食到停唔到口😂😆🔶仲有其他韓式小食都係任食1.炒年糕：辣辣哋夠惹味，年糕好煙韌2.炸雞：脆皮唔油膩，大大舊點埋醬汁好夾 3.年糕香腸串：香腸juicy，年糕外脆內軟，小食之選～4.飯：紫菜飯，撈蟹膏蟹汁簡直係靈魂！5.罐裝飲品：有汽水解辣，唔使另外加錢。環境勁有韓國feel，播住K-POP歌，真係好似係韓國食緊野🤩

因韓流曾經迷上韓國料理🦀而醬油蟹喺韓國🇰🇷食過一試難忘🤤估唔到喺尖沙咀都俾我哋搵到間優質嘅醬油蟹放題😝即刻約埋Daddy放工去試一試～任飲任食，夠晒滿足！🦀 韓式醬油蟹我哋見到呢度一個價錢就可以任食韓式醬油蟹仲可以揀公或者乸嘅醬油蟹，分別之處就係公嘅醬油蟹啲肉比較結實🦀而乸嘅醬油蟹有好多膏，所以我哋就各叫咗一款套餐咩都試吓😝最正嘅係佢哋60分鐘無限任食高質醬油蟹，每件長蟹已經切得齊整一眼就開，啖啖肉，方便食之餘仲好有質感！而且隻隻蟹蟹身都大隻，又有蟹嘅鮮甜🦀不得了！🍖 紫菜飯、炸雞、甜辣年糕、炸年糕腸仔而且呢個放題套餐仲可以任叫紫菜飯、炸雞、甜辣年糕、炸年糕腸仔串等等美食🤤真係夠晒飽肚！炸雞🍗炸到脆卜卜、冇骨啖啖肉，食到韓國味道，而我就最鍾意食炸年糕腸仔煙煙韌韌😋罐裝汽水仲可以任飲添🥤🧃明明係平日，估唔到七點就爆曬場，如果想試大家記得要book位啦！

最近開始多人講任食醬油蟹，講得多當然心郁郁。其中呢間做緊10周年限定，一小時任食醬油蟹。除咗醬油蟹，基本上，大路韓食，烏冬炒年糕、炸雞、年糕香腸串同罐裝飲品都係無限供應。再者，比好多款你都未必食得落。醬油蟹可以揀雌或雄蟹，雌蟹食膏，雄蟹多肉。另外，點可以冇紫菜飯，蟹膏蟹肉撈紫菜飯，醬油蟹既鹹鮮味加埋紫菜飯香，真係好難唔添飯，保證食到你飽。香脆炸雞同年糕香腸串，食完醬油蟹紫菜飯可以過渡下，烏冬炒年糕煙靭又惹味。