Bingo & Cook (港匯廣場)

营业中

休息中

話說見到IG好多人推介呢間嘢，所以過咗嚟食。一嚟到就嗌咗一個海鮮鍋同醬油蟹首先講吓醬油蟹，其實醬油蟹係好食的，但係喺我哋食到一半嘅時候個侍應突然之間收走咗我哋份醬油蟹，原因係因為比錯咗。之後佢再補返畀我哋，但係我哋唔知道佢最後點樣處理我哋食過醬油蟹💀 其實如果叫我加錢補返個差額都是可以的，但咁突然收走人哋食緊嘅嘢，我覺得有啲嚇人，同埋唔知道佢最後點樣處理隻蟹，會唔會係俾個另一台客？或者係再醃過？然後個海鮮鍋先頂癮，啲嘢食係好多，但係好多嘅海鮮都係好霉，勁唔新鮮。湯底係死辣，冇任何味道可以？開頭睇落去以為好多海鮮，但其實底嗰度全部都係芽菜冬菇同埋啲蝦仁仔。仲有，佢哋啲海鮮勁大份，又冇鉸剪俾客人剪，成隻蟹喺中間斬一刀就放落個鍋度煮😅 魷魚又係一嚿勁大嚿咁樣抌落去，完全係無從入手。總結就係冇下次🙏🏻 食一次影吓相就可以了，即使喺出邊嗰啲好似韓國路邊攤嘅枱都係超細張😁 同隔籬枱嘅距離係半隻手都冇。

一入座，就食到甜辣&香腸年糕串，味道真係正到爆！年糕Q彈得黎唔衰稔，香腸又夠味，得個"撈"字。甜辣醬汁咬落去既甜辣撞擊，令雞皮喺我口裡邊酥脆邊跳舞。簡單嚟講，酥到彈牙，仲有種"咔咔"既口感。轉戰50 cm韓式海鮮鍋，講真，第一見到個海鮮鍋就震撼到咁大個！湯底帶咗啲辣辣哋，食落去鍋裡既海鮮都好入味，扇貝、蜆都叫得出’鮮‘字頭。想食海鮮又怕腥？呢個鍋絕對幫到你！牛肉炒粉絲呢度亦都好受歡迎，粉絲幻化成"麻香超人"，係咁喺我舌尖上跳舞，牛肉又係另類風味，一啖口尼尼哋，彈牙而口水直流。飲品方面，柚子茶同青檸梳打都好啱夏天飲，柚子茶咕嚕咕嚕嘅香甜，反而青檸梳打就"醒神晒"。最後，想講下喺呢到，你完全唔洗擔心會食到"硬淨"，因為每一樣嘢食都爽口得嚟，味道亦都正！要形容就"過癮"同"過爽"二字已足夠！ 🍢🦪🍲

見到大部分食評都係晚餐，今次利是午餐其實選擇都好多，價錢介乎喺78至到98之間，我哋三個都叫左湯飯首先講下我自己嘅排骨湯，有兩大舊脊骨，都好多肉嘅，同埋個湯飲落去有少少辣，好惹味，仲有薯仔，而重點係飲完之後唔會覺得好口渴或者成個嘴唔舒服，所以呢一點值得一讚另外朋友叫咗血腸湯，血腸就麻麻地，因為個腸衣好厚，不過個湯就好好飲，但係因為個湯入面又有大量嘅肥肉，所以成個湯好油膩另一個朋友叫咗牛骨湯，係奶白色嘅，味道好濃郁，同樣係飲落去好舒服

一去到餐廳，便以為自己去咗韓國路邊攤，氣氛有做到😎開頭食兩個涼拌菜都ok。涼拌生牛肉正常。涼拌蔥沙律值得一讚但可惜之後啲熱食，令人好失望😞1.海鮮鍋啲青口唔新鮮，蝦蟹肉都梅2.炸雞嘅味粉，好化學味，食一啖已經令人唔想再食3.炸醬麵味道唔正宗，麵烚得太腍，炸醬仲有油益味，又只可以食一啖成間舖頭，只係見到帶位一個係韓國人，其他樓面、傳餐、收銀，全部係菲律賓藉人士只能夠講食物個樣係做到似，但味道難以令人相信係韓國人主理⋯⋯以「偽韓風」嚟形容呢個地方貼切不過原本想叫其他食物，可能只係我哋叫咗唔啱口味嘅食物，希望俾個機會平反但90分鐘用餐時間好快過去店舖催趕我哋離場原本已經交代要喺餐廳切嘅生日蛋糕，我哋都決定唔切最終轉場去另外一間餐廳食嘢再切

星期五晚一行4人食晚餐，幫友人慶祝生日。餐廳有切餅費$100 ，已經預先將蛋糕放喺餐廳度。電話訂枱嘅時候無講有時限90分鐘。入座嘅時候亦都冇講有90分鐘要還枱。我們食左：生牛肉他他青蔥沙律蜜糖炸雞半份海鮮鍋韓式炸醬麵食評：生牛肉他他同埋青蔥沙律最好食。生牛肉新鮮。蔥是好新鮮的，調味清新。遠睇好似一碟櫻花蝦。😂海鮮鍋內的海鮮唔算太新鮮，份量還可以啦。有好多大豆芽菜好好味。 但有食到臭的青口，蟹都梅梅地。有兩個朋友有飲到海鮮湯，事後都肚痛同肚痾。炸雞就好似麥當勞炸雞加shak shak味粉，味道不似預期。（我諗麥當勞原味炸雞仲好食）最精彩係個韓式炸醬麵，完全冇味道嘅。反而有中式嘅感覺。 仲要有少少壓味，懷疑佢啲肉碎放得太耐，開始變臭。因為冇人同我哋講90分鐘要還枱，我哋都未食完嘅時候就已經有人叫我哋買單要走，但係我哋個蛋糕係未食嘅，佢唔記得我哋仲有蛋糕。結果我哋都唔想再逗留，直接攞個蛋糕走，轉場再食第二餐晚餐+蛋糕。好彩餐廳都冇收我嗰$100切餅費因為味道一般，坐得好迫，所以都冇覺得食到一餐正常嘅晚餐。覺得感覺食到一半就俾人迫走咗，我哋都唔再願意留低。個肚好唔滿足，心靈更加係覺得唔OK。餐

韓國餐廳好多都會請番韓國人打理 但呢間餐廳嘅男服務員態度真係奇差 掂行掂過完全唔理客但好彩女服務員雖然唔識中文 但都會好落力講解 又有禮貌對比真係好大講番野食 叫左玫瑰醬炒年糕： 超大份 有埋拉麵魚糕真係好好食吞拿魚/炸蝦飯卷：正常發揮海鮮煎餅：少油 + 半邊燶左手但都算幾好食總括而言 價錢偏貴 服務態度真心要改善下 如果唔係啲野幾好食都無用

由韓國人主理嘅正宗韓國菜，餐廳無論室內定室外都充滿韓國特色，室外環境仲模仿左韓國嘅路邊攤唔講以為去左韓國添🥘［醬油蟹(連飯)2隻] $380蟹膏鮮味十足，口感creamy ，味道恰到好處唔會過鹹，仲有淡淡酒香。我食親醬油蟹都好鍾意將啲紫菜飯撈落個蟹蓋到再加少少蟹肉同汁連蟹膏一齊食😋真係一試難忘🍗炸雞+香腸年糕串(半份)]$140炸雞入口嫩滑多汁，內層炸得好香脆，配埋惹味嘅甜辣醬汁令雞肉鮮味更突出。年糕串經油炸後外層脆脆地，內裡軟糯煙韌配埋香腸一齊食又係一個完美配搭🍚 ［Bingo特製紫菜包飯] $80紫菜包飯配料豐富：有芝士、青瓜、小黃瓜、甘筍、菜、牛肉等等，食落仲有陣陣麻油香味，口感豐富，值得一試👍🏻🍸 ［Grapefruit Ricewine] $93西柚米酒味道酸酸甜甜，米酒味都濃但加左西柚就口感偏甜比較易入口環境⭐️⭐️ ⭐️ ⭐️性價比⭐️⭐️推薦度⭐️⭐️⭐️人均消費:$346.5 （另加一）整體分數:88.63分

細妹去左韓國過聖誕🎄，家姐表示好羨慕🥹，所以我係香港搵左間由韓國人主理嘅人氣韓式餐廳感受下熱鬧氣氛😆❤️餐廳分為室內室外兩部分🤣，室內佈置得好似海邊小酒館🍶，室外就完美還原韓國布帳馬車風貌😈，帳篷表面仲掛滿星星燈💫，相當浪漫🥰，感覺就好似去左韓國旅行咁chill🤩- 韓國泡菜🤣 (前菜)- 豆腐😎 (前菜)- 醃青瓜🥒 (前菜)- 醬油蟹🦀（連飯）1隻 $270餐廳已細心地將蟹蓋、蟹腳分開😝，方便進食，醬油蟹肉肉質嫩滑🦀，味道鮮甜😋，完全不會有腥味🤩，醬汁不會過份濃郁以搶走醬油蟹鮮味😙，✨強烈建議大家將金黃蟹膏撈埋麻油紫菜飯🍚一齊食，味道即時昇華，變得十分惹味❤️- 蜂蜜黃油炸雞(半份)🍗 $130炸雞炸得金黃酥脆🍗，炸衣不會過份厚重😝，外層包裹著濃郁甜甜蜂蜜黃油香味🍯🧈，味道偏甜，雞肉肉質滑嫩多汁😎，即使雞胸肉部位肉質依然香嫩滑溜😳，不乾不柴，值得一試👍🏻- 韓式石頭鍋飯🥘 $145呢個石頭鍋飯好足料🤣，內有大量芽菜、紅蘿蔔絲🥕、翠肉瓜、豬肉碎🐷等配料，與流心雞蛋🍳配上韓式辣醬撈埋一齊食，鹹香味十足😼，辣醬味道較甜，不會太過辛辣，每啖都食到不同配料，口感豐富😳，食到最後仲有飯焦，真係大大

第一次來臨，不會有下次，亦都不會介紹朋友來，一坐低就同我講1個鐘頭30分鐘，都不緊要，因為香港是這樣，我們未食完就立刻給我們收據及收錢，同我們講只有5分鐘，要離開。雖然今日星期五，但Service不是這樣的。令到我不想再叫食物。

今次係第一次喺香港食醬油蟹🦀但呢間餐廳嘅韓國醬油蟹真係幾唔錯👍🏻食到淡淡海水味😂感覺好新鮮！醬油汁應該都係經過特別嘅調配，同個蟹肉好夾。餐廳嘅環境都好有韓國地道嘅風味🇰🇷佢除咗醬油蟹仲有好多唔同嘅韓式地道小食下次要再試埋😆

早前見到OpenRice有多個好評，亦有foodie介紹，所以就滿心歡喜預訂了此餐廳與朋友慶祝生日。當日一行人一早預訂了室外位置，但餐廳只預留室內位置，我們等了足足45分鐘，職員完全沒有歉意或補償，整個餐廳由入座開始安排都十分混亂，部份職員的態度欠佳，服務十分一般，甚至是差，但餐廳是有收服務費，但並無服務所提供。另外，食物味道一般 ，我們叫了年糕、海鮮煎餅、海鮮鍋、飯卷及炸雞，除了炸雞，其他食物都一般，海鮮煎餅的底是燶底，而且上菜速度十分慢，而衛生狀況亦係一般，整間餐廳性價比極低，完全不建議此餐廳。

💮熊妹放親假都同豬朋狗友們出街食飯，俾阿豬媽投訴左好多次，今日特登預留時間揀間佢喜歡的韓國菜食個夠本喇。📌7，8年前，韓風襲港，《Bingo & Cook》當時係銅鑼灣風靡一時，相信都無邊個年青一代唔認識。📌近排熊妹發現《Bingo & Cook》過江龍，開左新分店過咗去九龍，熊妹當然拉埋阿豬媽去捧場喇！ 🎊📌尖沙咀分店位於麼地道港匯廣場地下，即係K11行過少少就到。📌餐廳有分室內同室外，室外的擺設竟然係韓國傳統路邊攤檔的大帳篷⛺️，冬天的時候係帳篷入面圍爐取暖♨️，吃著暖笠笠的部隊鍋🍲、辣炒年糕🍢，再飲杯韓國燒酒🍶，成個韓劇情景真係出哂黎。📌室內餐廳空間感都好大下，好多張四至六人大枱甚至八人長枱，緊係喇，韓國菜包羅萬有，仲有韓燒🔥，樣樣都想試盡佢，好岩一班人黎聚聚食大餐！用電子點餐的，餐牌各款韓國美食都有，真係花多眼亂，樣樣都想食！前菜一坐低，店員就會奉上餐前前菜。熊妹最愛韓國前菜，一小碟一小碟，食下食下開哂個胃。醬油蟹（連飯）1隻，$270📌阿豬媽鐘意食韓國菜，最愛就係醬油蟹🦀。原隻醬油蟹整齊地放在碟上面，蟹腳、蟹殼、蟹膏盡現眼前，真係令人垂涎三尺。醬油蟹係用上特製的醬油、酒、生蒜頭、

放工同朋友飯聚，一齊食韓國菜🇰🇷鋪頭距離地鐵站十分近，雖然有啲隱蔽喺巷仔入面，但鋪頭好貼心，喺街口位置放咗指示器，唔使怕盪失路！鋪頭分室內同室外，室外100%還原🇰🇷布帳馬車，設計得超級用心🫶🏻室內伴隨大家熟悉嘅KPOP🥰🌼前菜一坐低待應就送上四款前菜: 炒菇/翠玉瓜/炒洋蔥+椒/泡菜。坦白講，款式同平時去韓國餐廳食開嘅前菜有啲出入😅中間嘅洋蔥+椒無論賣相定味道都有啲似糖醋肉嘅配菜😅😅🌼海鮮煎餅 ($148)個人認為呢個煎餅必試‼️熱辣辣之餘煎得厚薄適中，十分酥脆😋 另外佢都唔會好厚粉漿，超足料❕每一啖都係滿滿葱/洋葱, 仲有蝦仁同魷魚。入鋪頭都好細心，會將煎餅剪好上碟，方便同朋友開心Share🥳🌼牛肉炒飯 ($128)食完就知道呢碟唔係鋪頭嘅招牌菜啦😝珍珠米粒粒分明，但略嫌調味唔夠，淨食飯味道會較淡。有驚喜嘅係牛肉係預先醃過再加入飯到炒，幫咗個炒飯挽回些少分數🤫 🌼微辣豬肋骨鍋 ($350)製作時間需時，我哋都等咗好一陣先上鍋佢超大一鍋，等滾起嗰陣已經聞到超香嘅排骨湯味啦😝食落口都好貼近韓國排骨湯嘅味道。入面嘅湯料份量全部巨大化：薯仔大大舊，好粉👍🏼豬肋骨同朋友一人分到一舊大豬肋骨，煲

尖沙咀除咗韓國街有韓國餐廳之外 仲有呢間隱世韓國餐廳🇰🇷 餐廳匿藏喺大廈中間 但係一啲都唔屈質 除咗室內仲有室外位置㗎蒜香醬油炸雞+香腸年糕串(半份) 食韓國野點少得食韓式炸雞🐥 雖然只係得半份 但係入面都仲有六件 炸雞只有一層薄薄嘅炸粉 喺入面嘅雞肉仲好嫩滑 好鍾意佢外層有炸蒜片 同埋韓式醬油味道甜甜令人引唔住一口接一口🙈 側邊仲有串香腸年糕 冇諗過燒過嘅年糕都可以咁外脆內軟 入面仲係煙韌軟綿綿✌🏻燉煮豬腳呢個份量好多🐷 每片都切到好薄 好考廚師嘅刀工 豬腳炆得幾入味 肉質都幾實淨 但唔會好硬 怕太多肉嘅朋友都唔洗擔心 因為原來呢個價錢係包咗一個蔬菜籃㗎🥬 有各款新鮮蔬菜喺入面 包住豬腳嚟食就冇咁肥膩🥰 店員好貼心 呢個菜式仲附上Gas爐助熱 即使冬天同埋食到尾聲 都仲係熱㗎🤣牛肉炒粉絲呢個炒粉絲味道唔會好鹹 仲有好多牛肉片 同埋有同蘿蔔絲 菠菜 洋蔥 冬菇 芝麻等等嘅配料🫢 粉絲係有質感嗰種韓國粉絲 粗幼度似麵條多啲 絕對夠晒飽肚 呢一兜同朋友分享食就啱晒Tangerine Ade呢個造型已經夠晒特別 又成個橙喺飲品嘅頂頭 入面嘅飲品柑橘嘅梳打 飲落幾清甜 仲見到隔離枱連個橙都食埋

[✨尖沙咀Bingo & Cook·韓國人主理高質韓國菜餐廳❤️‍🔥]#bingoncook #尖沙咀 🔸韓式部隊鍋 $233部隊鍋熱辣辣，邊滾邊食。勁足料而且唔會太辣，入面嘅五花腩望落去已經令人食指大動🤤仲有午餐肉、芝士腸、年糕、芝士等等配料，好適合一班人share食🥰💞🔸辣炒豬肉 $200豬肉炒得勁惹味，用甜甜辣辣嘅韓式辣醬炒香半肥瘦五花腩片，非常開胃好食，用嚟餸飯真係食唔停口😆👍🏻🔸吞拿魚紫菜包飯 $65好足料嘅紫菜包飯，有滿滿嘅吞拿魚，仲有紅蘿蔔🥕、青瓜🥒、黃蘿蔔，口感清爽，食材配搭完美💯👍🏻🍹Oreo奶昔 $78賣相吸引，濃郁嘅oreo味，亦唔會太甜。🍹乳酪奶昔 $78上面有一層奶蓋，乳酪味好重之餘都飲到香濃嘅奶味，同樣唔會話太甜，好飲🤤💕🍹柑橘碳酸水 $56上枱成個橘子係杯上面，好特別吸引😍味道清新又解渴，滿分啊💯————————♡♡♡♡♡♡————————✨總結韓國人主理嘅韓國菜餐廳，餐廳裝潢得好有心思，好有韓國風貌，而且店員大多都係韓國人，係呢度食野就好似去左韓國咁😆食物份量好足，菜式正宗地道，鐘意食韓式嘢嘅朋友真係可以嚟呢度一試啊😊💫📍Bingo & Cook🏠尖沙咀麼