Big John (已結業)

睇完Open rice介紹, 專登試下big john ! 叫了個鯪魚球米線餐! 嘩! 好大粒鯪魚球呀! 成個乒乓球咁大,好好味tim! 而格仔餅亦都熱辣辣, 脆卜卜! 食完之後好飽..真係超值!

放假遲起身成日都無食過野, 七點鐘先黎食d野打定底再去HH. 無鹵水雞翼所以要咗炸雞翼麵, 無湯所以要咗糖水, 再加格仔餅. 炸雞翼麵雞翼另碟上, 麵夠熱有大量椰菜, 幾好wow, 但椰菜太大塊, 難食d, 而且送菜蟲一條, 要扣少少分, 麵係白滑麵(總之唔係公仔麵啦), 都啱我口味. 雞翼唔夠熱亦太油(可能因為油唔夠熱), 炸漿太厚, 麻麻. 糖水係竹庶茅根, 甜咗少少, 但夠味. 食完晒等一陣先有格仔餅, 望落去ok, 都叫多奶醬, 食落, 外面脆但中間仲有一層(薄薄啫)未熟0既粉漿, 花生醬夠多但以呢個份量要多番d煉奶牛油先啱味, 食食吓有人入嚟, 似乎係熟客, 話格仔餅要多奶多醬, 如果下次食都要記住咁叫至得. 以$32嚟講叫多野揀, 份量又夠, 都幾抵.

朋友快放完大假, 於是再約佢出o黎. 佢o係美麗華做完gym, 就一齊o黎o呢度, 叫左兩個麵餐. 我要魚蓉餃子麵, 餃子幾大隻, 味道亦唔錯, 但唔係好食倒d魚蓉; 朋友o既炸豬扒麵, 豬扒皮脆肉嫩. 我覺得麵條似壽桃牌擔擔麵, 爽滑程度一般, 唔過稔, 都okay. 我最鐘意個湯夠清, 又有唔少爽口椰菜, 好健康. 我個餐有格仔餅, 格仔餅暖暖的, 擺入口唔算好脆但煙煙韌韌, 加埋久違o既花生醬同煉奶- 美好o既童年回憶~ - 口感味道都令人印象深刻. 朋友o既餐加兩蚊要細藍莓芝士餅, 芝士餅身非常非常軟滑, 加埋粒粒藍莓同藍莓醬, 食落唔滯. 不過餅底唔夠香有d失望. (講到尾, 我點都o係鐘意硬身美國芝士餅!)環境嘛, 冇大x樂快餐之流o既繁囂, 小店風味, 有雜誌睇, 有狗仔裝飾, 一個人要食飯冇人陪, o黎呢度o岩晒. 八點未夠就收鋪, 想坐耐d都唔得- well, 老闆都要食飯o架!

呢排要蓄Quota, 無論錢或脂肪都係啦，所以如果唔係OR既麻甩Lunch，Lunch都食少好多野喇，尖咀午餐系列都寫少左。趁住今日冇帶野去消卡，Lunch就去搵搵野食，叫做同今晚的啤酒活動打小小底先啦。見有食家網友不斷推介這裡，身為尖咀上班一族，點都要黎試下。這裡所有的座位都是對牆的，坐的亦是高椅，如果是情侶拍拖就未必岩了。較適合Lunch 或tea time去，唔諗住坐好耐的時間。如果同我太座去，實俾佢丙(講笑)！叫左個牛展麵+ 熱奶茶，當然唔少得還有格仔餅啦。牛展麵先到，湯是淡淡的，自己加點辣油調下味，牛展食落有點不對勁，用的雖然是金錢展，但失去了牛肉的彈性，毫不煙韌，咬落帶點黏口，牛展本身亦偏乾身，肉汁不夠，相對毓民的牛展麵，還差一段距離。麵是扁身較幼拉麵，不甚彈牙，不過不失。食完個麵，格仔餅等了差不多十五分鐘才有，賣相唔錯，花生醬加練奶塗於略金黃的格仔餅上，但女士見到可能會嫌有點溜。格仔餅食落雖然熱辣辣，但並不算脆口，卻帶點硬身，比我想象中差。而花生醬比例亦太多，如果將練奶比例略為調高會好d，更香滑。由於花生醬裡額外放了粒粒花生，花生醬本身是鞋，額外加上花生粒就鞋加鞋，如果連

一連三晚，辣椒女都約了朋友食飯；又得一個人食，忽然想起這裏，所以今晚便來了。我叫了一個白灼鯪魚蓉麵、格仔餅和例湯(竹芋馬蹄煲排骨)。白灼鯪魚蓉麵- 很香鯪魚肉味，口感又好，很新鮮；麵很有口感，值得一試。格仔餅- 今次焗得剛剛好，外皮脆脆，醬也好好味。例湯(竹芋馬蹄煲排骨) - 來過幾次，每次也說賣完，今次終於都試到了，味道清甜又香濃，相信都沒有落味精(之後都無口喝)，難怪每次很早便賣完，真係真材實料，正！

今晚約了幾個朋友去Happy Hours，因未夠鐘早到，忽然想起這裏的格仔餅，便來打打底先。我們叫了二個下午茶餐(已經晚上六時半，想不到還可以叫)，包括有格仔餅和紅豆冰、香煎豬扒鬆餅和咸檸七。格仔餅- 今次焗得好硬，有點像返丁一樣，雖然味道還是幾好，可惜就太韌了。紅豆冰- 紅豆唔夠，比較上甜了點。香煎豬扒鬆餅- 初初以為係分開二件食物，原來係同一件，豬扒好脆，鬆餅也唔錯，值得一試。咸檸七- 味道一般，都幾解喝。

白灼鯪魚蓉麵: 上海麵?唔似wor...鯪魚肉好味=)唔知有乜料呢?個shape好長有d怪格仔餅:冇相中咁厚,太多花生醬,太少煉奶,只有花生粒唔錯,可能係多人standard下降糖水:佢寫"馬蹄露"唔為意係蛋花,更加唔為意係熱0既。普通到唔普通,馬蹄太少...甜囉因為冰糖足~主食幾好....下次唔食格仔餅

早前食過一次之後，便心思思想再來食，早幾晚便約了朋友及辣椒女再來食。我們叫了菜肉餃子麵加招牌炸豬扒、菜肉餃子麵加白灼鯪魚蓉、白灼鯪魚蓉麵、籃苺芝士餅及格仔餅。菜肉餃子麵加招牌炸豬扒- 餃子的肉很新鮮，味道也很好；炸豬扒就更加好味，炸到金黃色，剛剛好，肉質鮮嫩，很有咬口，真係唔錯。菜肉餃子麵加白灼鯪魚蓉- 鯪魚肉非常之鮮味，實在不可多得。白灼鯪魚蓉麵- 朋友食完就話得一個字"好"。籃苺芝士餅- 籃苺味很好，芝士味也不會太濃。格仔餅- 最難忘那些粗粒的花生醬，味道真係幾好。無食一段時間，就心思思又想來食，看來這裡已經成為我，其中一間喜歡的食店了。今次好肚餓，叫了加大d麵，本來加錢也是正常的，點知老闆娘話不用加錢，這樣有誠意的小店，現在真係唔多見了，實在值得推介給大家。

這是最近的一個驚喜小發現, 平時行街都經過這店子, 但並無入去試過; 直至早前朋友提議話去試吓, 一試之下果然無介紹錯!強力推薦它的白灼鯪魚蓉麵, 其實即是鯪魚滑, 魚肉非常之鮮味足料, 無溝到粉, size 剛剛好一啖一口. 店子的麵不是平時食開的蛋麵或生麵, 麵身呈白色, 質地爽口幼滑, 吃著吃著有種似曾相識的感覺出現, 細想之下才憶起是兒時吃過的味道. 這種麵現時坊間已不多見, 不可不說是個意外的小驚喜呢! 香煎雞扒麵也是個不錯的選擇, 而且有幾款醬汁供選擇; 包括沙嗲汁, 黑椒汁, 豉油及咖哩汁等. 當日我就試了沙嗲雞扒, 雞扒煎得很香口, 肉質卻仍可保持嫩滑, 再配埋香濃的沙嗲汁, 一個字"正".店子裡有很多種不同款式的麵食套餐以供選擇, 任何一種麵食配小食及飲品, 而飲品亦可選擇是日例湯或糖水. 通常我都會要湯或糖水, 皆因是真材實料煲的, 並非是味精水或"甜水", 亦因為太正的關係, 通常好快就賣晒! 另格仔及餅藍苺芝士餅亦是不容錯過的美食呢! 我幾鐘意佢ga 格仔餅厚薄適中, 食起黎有咬口, 而且仲用了粗粒花生醬; 好掂呀!

昨日假期，約了朋友去尖沙咀捐血；而辣椒女最近和朋友來過這裡食，認為幾好，所以便來了。我們各叫了一個特式麵食套餐。我們叫了一個<白灼鯪魚蓉麵>和一個<香煎雞扒麵>。白灼鯪魚蓉麵- 鯪魚肉很新鮮，又嫩滑，味道又好；魚蓉麵，味道很熟識，好像很久以前食過，但現在已很久沒有再食過的感覺，味道很好，而且也好有口感，真係唔錯，值得再來食過。(多了一份親切感)香煎雞扒麵- 雞扒唔會韌，但味道好像鹹了少少，比起魚蓉麵就明顯差了一點。我們配了格仔餅和細號芝士餅。格仔餅- 用了粗粒的花生醬，令口感增加了很多，而加上煉奶的香滑，又真係幾好。但感覺餅底就厚了一點，令咬起上來韌了少少；如能薄回少少就更加好了。細號芝士餅- 今次係籃苺芝士餅，籃苺很香，芝士餅很鬆軟，味道很好。辣椒女叫了竹蔗糖水，竹蔗味很香濃，又唔會太甜，感覺非常出色。而我叫了咖啡，咖啡味太淡，口感也不大好，今次最差的一樣。回到家才知這小店已開了很久，現在才知道，真係要去多幾次才得。可惜是這裡比較細，多人來都是一個問題，而且坐得都唔係好舒服。還有這裡沒有洗手間(或者在店外)，都幾唔方便。好在這裡有不少雜誌可以看，總算補

琴日下晏第1次同朋友黎呢間食..第1個感覺係間shop 好少坐位*雖然係咁,但係有好多雜誌比客人睇=]同個fd order兩客番茄牛肉飯+格仔餅嘩!d番茄汁好香..好開胃*(可建議1個飯兩個女仔SHARE)下次會再去食過^^

終於試左大獲好評Big John o既格仔餅啦!果然, 粉漿調得好好, 而且用左粗粒花生醬, 比坊間o既更有口感!

今晚黎左試格仔餅要左兩個特價麵餐每個麵餐包括一碗麵,一碟小食加一杯熱飲兩個人叫左咖哩雞扒麵,魚蓉餃子麵,菠蘿梳打冰,凍檸茶,格仔餅同油菜麵係上海麵,一般貨色但湯底好清咖啡館雞扒用細碟另上炸得唔油,味道都夠,幾好食魚蓉餃子入面食到係魚肉加蝦肉加d甘筍絲幾清新好味菠蘿梳打冰同凍檸茶一般貨色,ok咁啦油菜係菜心,夠新鮮,加左少少蠔油都唔錯格仔餅係我黎食既主因,佢會等你食晒先上餅身暖暖地,又有d脆花生醬用左粗粒,加埋煉奶食好味道一份大概有一個女仔手板咁長一份餐有咁多野食都只係32蚊(唔改野飲做凍飲or特飲)都幾抵食

this is a best-kept secret in TST where offers high quality food at the most reasonable price. I specially like the port chop and waffle. But the curry also seems nice, want to try next time.though the place is small, think it's really clean and tidy.

有d 食品真係好味同抵食.. 但everytime 去食完後.. d 衫都會有佢d 油煙味...仲要係好濃烈o個種,要馬上回家洗衫~ ~>_< 怕怕~