Bhc chicken

营业中

休息中

其實韓國炸雞麵食左好多，大家麵明白，香港炸雞麵係唔及韓國本地食咁好食。所以追求只要雞肉唔好乾身，調味好就已經覺得夠數。之前睇到介紹話呢間韓國連鎖店終於殺入香港，我都擔心今日嚟會好多人。好好彩，剛巧都有一個二人位。最後叫左個芝士炸雞，同炸芝士條，嚟到先醒覺，原來兩隻都係同一種味⋯⋯⋯⋯所以有啲膩。但整體嚟講，我覺得唔錯，首先雞唔乾身，而且調味非常適中。畢竟我無食過韓國個間，唔可以定斷到好唔好食。但食過咁多間炸雞店，呢間口味，算中上，唔錯。環境傾計都舒服！

今晚約左朋友出黎旺角食好西，揀左呢間食韓國野，啲野食幾好味😋😋Cheese Fries：10分呀！🤩🤩呢個各位黎食時我覺得係必叫的！！（雖然我唔好芝士🙈但真係好味）咖哩味炸雞，8分👍🏻Napster 都幾辣下🙈6分另外叫左野飲Merry me, 好令呀，即刻少女心出晒黎，粉紅色，中間有粒圓形既冰粒，巧qq😍😍呢個幾特別，中間係芝士，係可以拉絲的，喜愛芝士既朋友可以試呢款，不過我自己本身就麻麻芝士😂😂Soy barbecue啲雞ok ge，但年糕唔入味，唔好食，6分

Lunch想食炸雞就去左呢間韓國好出名既炸雞店Menu 係全英文諗左一陣 揀左一個set同一碟飯D餐具好可愛 有手套供應先上salad 我覺得好一般 好似無咩味炸雞唔點醬係好食既芝士波ok好食而芝士薯條係入面最好食既值得推薦成個set係338蚊 其實3個女仔都好夠食另外叫左個飯 72蚊薯條好一般 雞同飯都普通最尾想講員工既服務態度真心一般除左幫我地落單同收錢既男職員出面有好多好食同服務態度好既炸雞店真心呢間試一次就ok我就唔會想再去多次

叫左個p1餐 點知原來雞同薯條都係芝士粉 所以食到有點膩，但係係好食既，小小翻甜地。雞都夠juicy! 杯野飲都好好飲 唔太甜 但又有雪糕味！咖啡味既汁加落個甜品到 d綿花就會溶。幾好食！但個churros就好硬唔好食

去到韓國，最鐘意就係食炸雞。喺香港都好難搵到間像樣嘅。呢間嘅味道叫唔錯。我地7個人叫左4盤炸雞BBU-LINKLE x2 : 姐係芝士炸雞。表面佈滿芝士粉，好重芝士味，咸咸甜甜咁，啲雞唔會炸到乾哂又唔會話好油膩MACHO -KING :比起芝士，我更鐘意食呢個，個汁好惹味，有少少辣，朋友話好個豉椒炒蜆個啲味XDBOOMBASTIC : 因為同行有位大肚婆朋友，所以佢就叫左個烤雞，話無咁熱氣。一上到枱，勁似日式照燒雞扒，朋友話味道好，反正我就無試到😚Egg Lol : 韓式芝士蛋卷，感覺一般，相比下另一間炸雞店嘅蛋卷會比較出色。呢度嘅整得唔多嫩，比較鬆散BHC FRIES :芝士,薯條，呢個又係好邪惡，會不經不覺咁食勁多。個味道同芝士炸雞嘅味道相似服務方面：我地預先book左枱，個日去到唔係太旺，唔知係咪職員見到我地有個大肚婆，想我地坐得舒服啲，安排左一張勁大嘅枱俾我地，足足夠坐12個人。服務用心有禮總括：價錢唔貴，味道可口，服務有禮。環境舒服，下次會試埋佢啲特色野飲

在旺角開左一段時間的BHC炸雞店,因為得知韓劇,我來自星星的你,全智賢食的炸雞，就是出自BHC所以朋友一早約好一齊去哩間韓下~~一坐下，有水自助的，另外看到餐具也有哈哈笑的樣子，是唔是食起會開心點?之後我們點了野食牛油果沙律，普通的一個沙律,菜是新鮮的芝士薯條，感覺馬馬，因為他加左蜜糖上去，芝士雞旦卷，芝士唔太多，不過個旦好滑，食下口唔會過熟，仲有旦汁，不過我同朋友覺得如果芝士再多點就好~~其後，主菜上場了~~BHC芝士炸雞--會上埋白色的乳酪汁，芝士味的味粉甜甜的，加上JUICY的雞，熱熱的食真的好香口，但味道會比較有點重，所以都要飲水，蜜糖豉油炸雞--跟埋少少炸好的年榚，都是JUICY，唔會太重口味，豉油加蜜糖幾MATCH不過我都是覺得BHC芝士炸雞會比較合我多點，另外因為BHC無酒牌,所以我同朋友就去左買啤酒飲~但見他有其他比較好美感的飲品~食物方面也OK,好彩當日不太多人，我們可以坐到走~職員也有韓國人，服務都OK，可以有機會再來食BHC芝士炸雞。

係韓國食過bhc，覺得好好食，抱住回味一下既心態入咗香港呢間。餐牌爭得遠，食物質素都差得遠。。啲炸雞好似樹皮咁乾咁韌，晒quota😅到底係咪同一間黎？！樓面人手嚴重不足，但服務質素還可以。

炸雞啤酒癮發作，於是來到BHC食炸雞。BBU-LINKLE炸雞超級推介，味道好香，雞肉鮮嫩多汁，完全有韓國的味道，如果掛住韓國，但又未有得去旅行住，呢個炸雞絕對能夠一解你思鄉之愁。一大盤BBU-LINKLE炸雞唔夠食，於是再叫了一份MACHO-KING 炸雞，不過呢款炸雞完全系比下去，味道有點似中式豉油雞的味。芝士蛋卷賣相好一般，蛋漿太稀以致煎熟都唔夠挺身，變得鬆鬆散散。味道方面也沒有很大驚艷。

開左咁耐終於去食啦！2人套餐，2個人係足夠的！食完真係勁漏，因為全部都係芝士🤦🏻‍♀️2人份量沙律，眼見啦！肉只有2小塊蝦一隻切一半🧐！芝士棒，唔錯的，一上枱食就岩晒，拉絲芝士！最大驚喜係呢個蜜糖芝士著條，食唔停！👍🏻Don’t know why 加錢仲要咁難飲！講起就嬲，套餐送汽水2杯或38蚊樓下野飲，點知成個餐牌得可樂，7喜同芬達 $15其他野飲都要加錢，即係沒有選擇權地🤫服務真係無乜！食過一次做足夠了！

雞都OK，但佢個甜品。。。MAGIC CLOUD，完全係不能接受。。。睇張相，同送上來的，真係來自兩個世界的! 非常失望。The fairy floss is supposed to be nice and fluffy but it was squished and sticky. The ice cream was half melted... I just really am lost for words about this. 你知唔知最難接受係服務態度超差。同個waitress講個甜品同個相有出入，佢竟然話，係咁GA啦。。。Pretty speechless... but at least they refunded my money...$75! 肯定要退錢啦！唔通用75蚊食呢杯野？Highly doubt I would come again....

年初五, 三人行, 在旺角吃韓式炸雞。 送你八字真言, 味道不錯, 服務超錯!与其它食評有所不同, 我點的韓式炸雞, 外脆內嫩, 雖然調味粉畧多, 但韓式就是這樣。 芝士炸薯條, 芝士味不过濃, 薯條香脆, 整体味道是不錯的。问题是衰在服務, 仲系主動式低级錯誤。朋友共三人约了六点半钟先到先等, 我和另一位朋友先到了餐廳, 我们二人经侍應带位入座一張了一張4人枱, 坐下不久, 一位女侍應來勢兇兇跑过來質問我们, , 好像說我们生人霸死地, 兩個人霸4人枱, 真令人氣憤。一不離二, 我上餐廳前在Urban麵包店買了早餐, 麵包裹在纸袋中放在枱上一边, 那同一位年轻女待应在我们下单後又跑过来兇兇訓示我们, , 这回真的被氣绝, 我们又没有從紙袋中拿麵包出来吃, 為什么要恶言相向, 態度不是温馨提示那种, 而是奇兇的, 難怪此餐廳开業已來, 也偏向淡静。真是罪不在戰, 好一盤生意, 衰在最前線的手上。味道不錯, 服務超錯!!

話說旺角真係美食沙漠，同朋友行左好耐都諗唔到有乜好食，路經登打士街，上左呢間韓式炸雞店，都唔抱太大期望。🐥BBU-Lingkle - $168👉🏾炸嘅成分始終比較多，但有重芝士味（芝士粉）👉🏾配搭沙律醬，味道唔差，有驚喜👍🏾👉🏾仲有熱辣辣，感覺新鮮🐮Bulgogi-Deopbap - $68👉🏾係韓式牛肉配牛油飯，牛油飯有新鮮感，但搭牛肉唔算特別好食，唔算特別👉🏾同行友人話吉野家牛肉飯仲好食😅總括黎講，呢間韓式炸雞唔算特別出色，而且服務員亦唔算服務好，性價比低，未必會再回頭🤷🏻‍♂️

喺韓國曾經食過bhc炸雞，到呢一刻仍然記得當日食嘅時候，個味道有幾驚為天人，又平又好食，所以當知道bhc喺香港開咗分店，都一直心癢癢，好想再會一會呢間咁好食嘅炸雞！當日我同友人真係一心一意去叫雞，所以只係專注叫了兩款雞，分別係Bbu-linkle $168同埋Galbi-leo $168，等咗都十幾分鐘先有得食，可能同韓國一樣即叫即整，所以需時耐啲啩。Bbu-linkle係撒有芝士嘅炸雞，再配埋一知醬汁畀你點嘅，雞本身唔太夠味，要單靠個醬汁嚟增添味道，作為一間炸雞店，似乎尚有進步空間。另一款雞Galbi-leo望落非常惹味，見到面層金黃色，睇到都口水流，但係，好可惜地，佢係得個樣，味道完全落唔到雞肉到，味道基本上係淡到無乜味...呢到相比我喺韓國食嘅，真係相差好遠，我諗我都係留返去韓國先再食bhc炸雞了...

韓國炸雞係香港黎講都算係幾受歡迎，開完一間又一次間，而今次過江龍♥BHC♥韓國炸雞都殺到黎香港，即刻CALL齊朋友一齊去食！位於旺角登打士廣場，相信都無人唔識去架啦～**溫馨小提示：大家最好預先BOOK定台**BBU-LINKLE $168芝士控既我又點能錯過芝士炸雞呢🧀佢啲雞真係超大件，有啲分分鐘大過我隻手掌🖐️芝士味真心重，雞肉都好嫩滑，同埋應該係即叫即整，因為一咬落去係脆卜卜同埋熱到辣手！EGG LOL $108上網睇到呢款卷係絕對比佢既賣相吸引左，份量都好大，足夠3-4人食用🍳蛋整到好厚身，入面夾雜住芝士同蔥蔥，不過我就略嫌芝士唔係好夠啦🤔BBU-LING CHEESE STICK $58想同朋友一嘗芝士拉絲既感覺，我地就貪得意叫埋呢款小食。提提大家呢個最好就趁熱食，不然入面既芝士就會有難拉架啦～😙呢個既芝士粉應該同個芝士雞係一樣既，所以佢都係同樣好食，上到台趁佢仲熱就試下玩下拉絲，又真係可以拉到好長！！GRAND MOTHER'S SECRET LATTE $68呢杯LATTE超可愛，上面有一串小丸子🍡丸子本身無咩味，可以試下點下啲LATTE一齊食，好好咬的。LATTE就不過不

我有一件事我不得不說，就是最近三個月以來，已經很少再重臨旺角，以及重臨旺角「登打士街」這一條，雲集大量中外港式食店的平民食街，其中一個原因是我花多了時間在香港島那一邊試食。除此之外，九龍西近年在政治上發生的動蕩，店令我對前往九龍西，亦即是在九龍城、深水埗以及油尖旺區，這三個主要「九龍西」區內的食店覓食，信心有了少許的動搖，將來我可能需要在減少在九龍西戶外街上「掃街」。今次我因為西貢舖位臨時休息，而需要在中午時間出外，在西貢區區外尋找其他適合自己的午餐食店，結果我在旺角茫茫的大量食肆裡面，找到了「BHC」這一間韓國菜炸雞餐廳食午飯。至於「BHC」什麼「全智賢炸雞」這些的稱號，我都是直到今時今日，我現在開始撰寫這篇食評的時候，才剛剛知道這個有關「BHC」的花邊新聞，因為對我來說，我光顧「BHC」純粹為了食炸雞。什麼「全智賢炸雞」的稱號或者賣點，對我來說根本只是可有可無的小事而已，反而「全智賢」又不會無端端現身香港，更加不會無端端出現在「BHC」餐廳範圍裡面。所以當我一個人徒步，行樓梯走上位於一樓位置的「BHC」餐廳門口面前，我只是拍下一張門口照片，就直接推開店舖門口，進入「BHC」餐廳內，