影片
每次都食番茄同芫茜米线 好多番茄粒同好浓 配菜我推荐 猪润 腩肉 墨鱼头 鸡肉需然贵少少但自己钟意食冇计收工去夜晚会比较人多有时都要等一等先入到去场地唔大 如果太多人需要搭台食到店员都认得我同我打招呼😂顺便讲埋个芫茜点解我都钟意食啦因为我试过X仔好似用科技嘢捞出嚟咁但呢个我食系佢全部都系芫茜蓉做出黎成碗都系绿色😂同埋佢会摆好多芫茜上面芫茜控既我受唔住诱惑 下次睇下边个同事系芫茜控捉埋佢黎食 不过第一眼应该会惊吓到 成碗都绿色😏
继续阅读
从来未试过食一碗米线咁嬲餐厅冇冷气 焗到晕都算 赶收工竟然出啲咁嘅嘢俾客食叫咗个中小辣蕃茄汤米线食第一啖完全冇蕃茄味 甚至连味都冇 我怀疑自己条脷有问题叫同行帮手试真系得死辣 完全冇味叫姐姐帮手加返茄膏都系完全冇味见厨房执紧嘢赶收档唔敢再弹返转头 惊俾人加料唯有勉强斋食𩠌 已经嬲嬲地 最嬲系连招牌鸡翼都冇味得皮有盐中间啲肉完全无冇味仲红红地难食到咁仲要畀钱佢赚点解会中伏？观塘𠮶间好好食我先帮衬点知可以咁难食大家切勿中伏
继续阅读
作为米线爱好者，见到旺中地下新开左一间Ben哥米线，成日心思思想试下。上网一睇，原来舖头之前开喺新蒲岗，而家搬咗舖去旺角。而佢哋系观塘海滨道都有一间分店。今日咁啱下午茶时间系旺角揾野食，见佢Ben 哥有做下午茶餐优惠，包冷热饮品，Basic小窝米线加两款$7𩠌，都系$42，所以决定试试佢。叫左一碗沙嗲猪骨汤米线，配冰糖萝卜同腩肉。沙嗲汤有惊喜，香浓得黎唔会太咸，带少少辣，几惹味。萝卜炆得好腍，冇渣，带少少清甜，十分推荐。腩肉都好大块，啖啖肉。另一碗叫左蕃茄酸辣汤配金菇金钱𦟌，小辣。碗面一到，见到个汤底即刻有啲后悔，因为自己唔算好食得辣。完全低估咗米线小辣嘅程度🫣 汤底有用新鲜蕃茄粒调配，但系辣味较重，反而食唔到酸辣。同埋𠮶种辣系马上上头嘅辣，食到半路已经出晒汗🥹 食辣嘅朋友应该会欣赏，但唔食得辣嘅朋友就千祈要留意！ 本身配料想试虾饼，但系卖晒。所以就拣咗都比较受欢迎嘅金钱𦟌。金钱𦟌份量普通，同埋都比较零碎，可咁啱咁跷得返货尾🤔整体米线份量中等，面质偏淋，汤底就有惊喜，偏浓味，食完都会有少少口渴。钟意食米线嘅朋友都值得一试。
继续阅读
晚餐3𩠌米线送热饮：药膳猪骨汤米线+招牌秘制腩肉+甜香白萝卜+通菜 汤底好味！杞子超级入味，第一口食落去食到浓浓既酒味，要浸一浸汤冇咁浓先继续食到😂腩肉半肥瘦适中，好可惜我唔食肥猪肉。白萝卜好入味，食落真系甜甜的。通菜较少，但成碗米线份量都算多👍🏽
继续阅读
趁👧🏻家姐仔未返学捉佢陪刘妈👩🏻行旺中经过新之城嘅Ben哥米线中午时间大排长龙家姐话见到就话想食米线仲话行多阵再落嚟食下午茶餐就啱哂😜今次我哋order咗🍴牛魔王(小锅）家姐仔话懒得谂食咩😆所以叫呢个套餐有金钱展、肥牛、牛丸、糖心蛋全部都啱食金钱展软腍又够入味糖心蛋煮得啱啱好 够哂糖心🍴猪骨药膳汤茶餐配𩠌有鸭血、金钱展、墨鱼头、糖心蛋墨鱼头大粒又够鲜 粒粒都好爽口鸭血略嫌无乜味道薯粉软Q又滑溜 索哂药材味道好正呀👍🏻汤底系猪骨汤味道清淡唔系杰挞挞𠮶种饮落就有阵阵药材味😋啱哂刘妈口味🍴尖椒皮蛋应该要叫糖心皮蛋 件件皮蛋黄都流心加上尖椒更加惹味🥤冻柠碧🥤冻柠乐最衰一坐底就叫咗米线食食吓先见到宣传单张有自家制手工 #菓蔬面呢个系Ben哥自设工场及菜园采用南瓜、紫薯、菠菜榨汁混和面粉嘅纯手工「菓蔬面」最重要系无添加任何色素、防腐剂‼️下次一定要试吓😋Ben哥米线 ( #旺角 ) 📍旺角亚皆老街65号新之城地下G20号舖#lcty食志 #米线 #ben哥米线
继续阅读