Beard Papa's (已結業)

好好味呀! 呍呢拿吉士配上我至愛o既紅豆, 簡直係為我而設呀! 如果可以長期供應就好啦!

尋日行過旺角地鐵站聽到beard papa店員話last day 供應焦糖味puff, 口痕痕就走去買個試下. 可能係last day, 所以店員好慷慨, puff裡面o既牛奶cream好多好足. 至於味道呢, 雖然cream比原味o既深色d, 不過我就唔係好食到焦糖味. anyway, 同原味一樣咁好味^_^

新推出喱條叫做eclair(唔知有冇串錯)o既朱古力棒,外形核突,成舊屎咁.由於表面加左朱古力,食落較硬,中間D cream就同puff o個D一樣.整體口感不俗.但可能由於長條形關係,較易入口,好似好快食晒咁,唔夠喉.推廣期間由$12減到$10,可以一試.

Beard papa出左最新綠茶味, 自己最既口味喎,我一定試,其實質感同普通味無乜分別,都係好軟既餡,好香既酥,不過綠茶味令我覺得好味好多,綠茶味唔重,無苦味,只係有少少綠茶清新感覺,仲有綠茶香,我媽媽對佢無也評價,但我自己就幾鐘意,對於我鐘意綠茶味既人黎講,再多d綠茶味會仲吸引!想試埋雪糕puffs呀!係用TCBY整架!

滑滑忌廉有淡淡抺茶味, 好好味呀>.<...

雖然出左咁多種味，但始終最愛都係原味，而且每間PAPA都係香氣四溢。

新出ga!! $12 一個, 見到, 即買!個puff 好脆, d 紅豆奶油夠凍, 不過唔多feel 有紅豆味, 男staff 有禮貌, 有笑容, service ok。不過我真係唔覺得係有紅豆味lor~

處於旺角站,生意唔錯,行過都聞到陣陣香味;芭夫真係好味道,奶油又凍又甜,好幸福啊!員工都好有禮貌,笑容親切.見到有雪糕芭夫,下次一於試一試.

每次行過都好自然比佢\d香味吸引左埋去…可惜我永遠只會睇唔會食…因為唔鍾意cream…次次都係睇住bf食…<br />佢\gei評語…好香好滑…食過咁多…都係原味最正…<br />不過好似貴左d law…

green tea flavour is greatbut always sold out~~that's why i have tried only onceit's great~~~!!but the promotion has already ended!_!now is chocolate

跟女友到旺角中心辦機票事宜。出地鐵後，即被烤焗香味吸引過去。買了兩枚泡芙（各$10），原味和綠茶各一。泡芙麵糰即食，香脆可口。綠茶餡香濃味美。原味則原始醇厚。各有各好！吃完一枚，絕對有衝動再吃多枚！吸引力歷久不退，有實力！

新出o既忌廉脆筒唔係唔好食，不過比起忌廉puff就差太遠啦~ 無他，佢o既custard唔係好suit個咁硬o既脆筒囉~ 至於rare cheesecake，點解我一ｄ都食唔出cheese味o既? 個人覺得極差....

見新出既忌廉脆筒做promote, 買左一支黎試~d cream真係好好味呀,不過...個筒好硬.....另外之前食過隻rare cheese stick,非常好食~好濃的芝士味

話說我去完朗豪坊八一番之後,經過旺角地鐵站,本來想去睇下有無奶茶味puff,點知俾我見到呢度有新野,叫做rare cheese cake,芝士喎!我又點會放過?而且八蚊一條,平過puff兩蚊,試下啦!一條唔好大,見佢一早放左係度,又有一層膠包住,我估唔係即製,食落好重芝士味,我諗鍾意食芝士既人(好似我咁)會岩,但係唔太鍾意濃芝士既就唔好試喇!原來呢個cheese cake(其實似cheese stick多d!)有餅底架,好在唔係餅乾,唔太硬,係有少少似puff個隻質地架! 都ok啦!不過好可惜,好耐未見奶茶味puff喇!希望會再出啦!

貴...但無辦法... 因實在太過好食.每次經過都忍不住買黎食.其他地方的找不到這種口感!