Be Leaf (已結業)

期待已久終於去倒BE leaf了，平時番工搭車經過已看見此餐廳美美很有外國風情，捉咗朋友一齊過來食野打卡鋪位是非常open的任何一個角落都係打卡影相📸️位，非常之美麗 此鋪好有心不只由踏入門口起到上菜食物的擺盤也很美又細心，真的好值得一讚食物質素亦比跟預期一樣的好今天點了三款菜式頭盤有溫泉蛋蘆筍伴西班牙黑豚火腿沙律基本上蔬菜類新鮮已很足夠再配上特別的汁醬非常之好味泰式冬陰功煮菲律賓活蜆配蒜蓉包由於本人本身不好冬陰功但是此款的確合我口味非常之開胃又不太辣，蜆肉亦有很多份量慢煮西班牙伊比利亞黑豚安配蜜桃牛油果莎莎慢煮效果非常之好，入口鬆軟剛剛好，師傅擺盤得色彩斑蘭，真的很用心最後配上熱黑糖焙茶鮮奶同埋椰子芒果豆腐凍飲連嘢飲都不會馬虎，我真的非常欣賞此店🌟🌟🌟🌟🌟

朋友介紹呢間餐廳話好適合打卡又坐得舒服，咁我就同幾個朋友去試吓。講真，間餐廳真係好靚，食物都好適合打咭，岀黎個賣相係好吸引嘅！但係佢份量偏小而且都幾貴，而且真係唔算做得好岀色。特別想講楊枝甘露梳夫厘班戟($128未加一)，無楊枝甘露嘅感覺，只係好似獨立咁加咗小小芒果，柚子同西米上去，但其實唔係太有楊枝甘露本身嘅味道。只係食到配料同班戟本身嘅味道，如果賣到呢個價錢我就未必會食佢。如果想打咭，呢到真係可以一去，但性價比就唔高。

-🔸香煎八爪魚焗薯蕃茄意大利黑醋沙律 $88🔸香煎北海道刺身帶子蟹肉忌廉意大利飯 $128🔸香烤露絲瑪利法式春雞配燒汁（半隻） $168🔸White Peach Red Dragon Fruit Smoothie $52🔸Ocean Paradise $46-收工帶男朋友去打卡cafe食晚飯，依間Be Leaf以乾花做主題，而且臨近哈囉喂仲有相應嘅飾物，睇裝修已經覺得好有心思呢！除咗裝修之外，連食物都裝飾得好靚，好有花花世界嘅感覺。沙律夠新鮮又色彩繽紛，再加埋好粗又好有海洋味嘅八爪魚。Risotto粒粒都被忌廉汁包裹住，口感煙韌又好香好入味，大大粒嘅帶子都有預先煎香～最後燒春雞皮薄得嚟脆脆哋，裡面雞肉雖然偏細隻但係都做到好juicy。再配埋兩杯打卡專用嘅靚靚嘢飲，打卡打得好開心吖！

今次生日飯，朋友安排左黎呢間打卡Cafe慶祝，一黎到見到個裝修咁靚 已經心心眼 超打卡able食物方面，我哋嗌咗前菜沙律、小食拼盤、意粉、牛扒～每碟嘅份量都好多，亦都有靚靚嘅擺盤，好滿意！如果大家想慶祝生日，都好建議黎到Be leaf 試下

Cafe嘅凳係門外放左草藤椅入面就有拱門同鳥巢椅好靚打卡不停.🌟香煎白鱈魚柳配杏仁醬 $248鱈魚好厚肉好嫩🤩魚油逼晒出黎好香😍配埋自家製杏仁醬好夾配菜有紅蘿蔔同冰菜🥕冰菜好爽口調味唔錯.🌟香煎北海道帶子蟹肉忌廉意大利飯 $128帶子好厚肉🥰味道鮮甜仲食到一絲絲肉💕蟹肉份量唔多意大利飯 好creamy🍚每粒都包住忌廉汁.🌟黃金廣島蠔櫻花蝦蕃紅魚湯意大利麵 $138廣島蠔好有鮮味🤩不過擺得耐就出晒水建議盡快食魚湯好清淡🙈而且好少湯呢碟算不上湯意粉🍝撈埋意粉只食到簡單鹽味都係靠蠔加下味🦪.🌟香蒜白酒牛油黑皮雞緃菌炒雜野菜$98用蒜蓉周牛油炒到好香🧈有少少雞絲雜菌同菜都好爽口🥕用黎做前菜好啱👍🏻.📍Be Leaf觀塘敬業街55號皇廷廣場地下2號舖

Be Leaf (觀塘)♡︎𝗦𝗣𝗘𝗖𝗜𝗔𝗟 𝗥𝗘𝗦𝗧𝗔𝗨𝗥𝗔𝗡𝗧♡︎$78 香煎北海道帶子南瓜芝士慕絲(9/10🌟)❤️ᴘᴀɴ-ꜰʀɪᴇᴅ ʜᴏᴋᴋᴀɪᴅᴏ sᴄᴀʟʟᴏᴘ/ᴘᴜᴍᴘᴋɪɴ ᴄʜᴇᴇsᴇ ᴍᴏᴜssᴇ❤️好鍾意呢味前菜，底下嘅慕絲味道酸酸甜甜好特別💕。配上兩粒大大粒嘅冰鮮帶子🧊，帶子表面有粒粒爆汁三文魚籽🍣，一啖食落去好多汁好冰鮮好夾！成道菜都好中意，✨好推薦～$338 招牌波士頓龍蝦生蠔海鮮凍盤(8/10🌟)❤️ᴘʀᴇᴍɪᴜᴍ ʙᴏsᴛᴏɴ ʟᴏʙsᴛᴇʀ sᴇᴀꜰᴏᴏᴅ ᴘʟᴀᴛᴛᴇʀ(ᴄᴏʟᴅ)❤️海鮮拼盤有蝦🦐、帶子、生蠔🦪、龍蝦🦞、青口同埋赤貝。生蠔新鮮多汁，🌊海水味特出，size就中等。帶子大粒配三文魚籽好中意✨，鮮蝦可以再爽脆啲🦐。青口細細粒，但好鮮甜，海水味都係好特出。龍蝦肉同龍蝦殼好易分離，肉質結實。$148 香煎虎蝦意式番茄芝士意大利飯(8/10🌟)❤️ᴘᴀɴ-ꜰʀɪᴇᴅ ᴛɪɢᴇʀ ᴘʀᴀᴡɴs/ɪᴛᴀʟɪᴀɴ ᴛᴏᴍᴀᴛᴏ ᴄʜᴇᴇsᴇ ʀɪsᴏᴛᴛᴏ❤️意大利飯係好creamy既番茄味🍅，蕃茄味唔會太酸，好食😋。飯嘅表面亦都有芝士🧀，間唔中會食到濃郁嘅芝士味。

對上一次黎排長龍食唔成，呢次過左中午rush hour再黎就有位直入✌🏻波希米亞風嘅裝橫令人不其然有種渡假嘅感覺，relax~望住對喺對面枱嘅狗狗真係一大樂事🤣-🔸招牌花膠手撕口水雞配日式珍珠飯 $140第一次食擺得咁靚嘅手撕雞飯，味道其實同出面幾十蚊差唔多都係咁好食，價錢係食環境同擺盤，仲有兩嚿大花膠😆-🔸香酥金莎蛋蛋黃雞翼 $42熱辣辣再加脆卜卜再加鹹蛋黃，簡直邪惡之選🤩-🔸Tiramisu梳乎厘班戟 $128Qr code落單有驚喜😆 有得tick寫碟選項!!繼續瘋狂慶祝生日傳統，tick咗個happy birthday😂祝定2024年生日快樂🤪---🍽️ Be Leaf @beleaf_cafe {2人共$310}#sis觀塘 #觀塘美食 #打卡 #cafe#hkfood #hkfoodie #eat #food #dessert #美食 #香港美食 #相機食先 #香港 #平民美食 #sisterfoodcourt

📸環境:10月頭餐廳已經佈滿萬聖節主題佈置，連食物都有萬聖節氣氛，好應節。仲有餐廳內外都有好多度假Feel打卡位，打卡一流。.🍴食物用QR code落單[👍🏻Be leaf小食拼盤 $108]4隻水牛城雞翼+4隻泰式魚餅冇腥味辣辣地彈牙+6個超鬆脆洋蔥圈，仲有兩款醬汁點，鐘意食炸物唔好錯過！[👌🏻糖漬青芒伴溫煮阿根廷天使蝦配熱帶水果醬$88]青芒偏甜，切到一片片方便入口，天使蝦鮮甜原汁原味，開胃菜一流。[👍🏻香煎焗波士頓龍蝦 龍蝦汁燴撒丁珍珠麵$138]好少見嘅珍珠麵，似扭扭粉同長通粉既味道，但賣相係一粒粒，口感特別，龍蝦汁煮到入曬味！龍蝦第一口咬落脆口，鉗位鮮甜彈牙。[👌🏻宇治抹茶鮮奶 $42]拉花拉得好靚打卡一流，採用全脂奶，香濃抹茶味。[👍🏻Coconut Mango Tofu Smoothie $52]椰子+芒果 +嫩滑豆腐沙冰，似重椰汁西米露，忌廉上加咗芒果醬添，仲有一粒粒椰果食，附上環保紙飲管。.📍Be Leaf (觀塘)📍觀塘敬業街55號皇廷廣場地下2號舖

超靚打卡Cafe🤩有好多個打卡位，最矚目梗係門口旁邊的搖籃，依家仲要好有氣氛咁放咗萬聖節裝飾🤣淨係打卡都已經回本🤤午市套餐有好多款揀，七味香烤魚柳配泰式紅咖喱汁（$113）微辣好開胃，飲品Grapefruit Summer(+$25)好吸睛😍.Finally had a chance to go to this ig-able cafe in Kwun Tong😍 The most signature seat are with halloween deco now 😚 Try their Red Curry with fish lunch set with the prettiest drink, grapefruit summer.

成間舖裝修靚就靚，估唔到食物可以同想像差咁遠。好彩唔係專登排隊食姐一定要講個意大利飯賣相好靚，但估唔到啲飯會硬。唔知咩口感，好似係用普通米煮又硬硬地。完全唔似用意大利米，又好遲先上個飯，整咁耐都嘛嘛哋。最好食應該係薯條啦😌

📍 Be Leaf 觀塘敬業街55號皇廷廣場地下2號舖 🦔⸒⸒香煎慢煮西班牙伊比利亞黑豚鞍配蜜桃牛油果莎莎 $288黑豚鞍都幾大塊 有咬口🥰下面有南瓜蓉 上面有蜜桃牛油果粒粒 食落酸酸甜甜 夾埋一齊幾好味！龍蝦湯煮海參蝦膠燴撒丁珍珠意粉 $138好得意 第一次食珍珠意粉🍝 口感有啲似食飯仲有唔少配料增添口感👍🏻 上面仲有龍蝦😍 好滿足！be leaf 小食拼盤 $108選擇困難症嘅話可以叫呢款😌 有齊水牛城雞翼、泰式魚餅同炸洋蔥圈水牛城雞翼食落好惹味 洋蔥圈外脆內軟 魚餅食落彈牙黑糖焙茶鮮奶 $48飲落去焙茶味濃郁 苦苦地甜甜地咁 奶味都香紅火龍果smoothie $52飲落去甜甜地 上面有火龍乾做裝飾 幾解渴🤍🔖 @beleaf_cafe

聞名已久觀塘打卡文青必嚟Cafe餐廳◉‿◉整間餐廳都行峇里清邁度假Resort風，周圍都係打卡點，實在係鍾意影相嘅女性必到之處，去唔到旅行，喺度打下卡都好呀，以為淨係做Gimmick，估唔到食物質素都有返咁上下。☆香煎八爪魚焗薯蕃茄意大利黑醋沙律☆ $88呢款前菜都貫徹度假風，探探咁用啊橄欖油同黑醋調味，食得到食材嘅新鮮，蕃茄夠爽清甜、焗薯焗過後更加香口、主角八爪魚肉質夠鮮、仲有唔同嘅配菜，加埋擺盤令人食慾大增。☆ 香煎慢煮西班牙伊比利亞黑豚鞍配蜜糖牛油果莎莎☆ $288呢一款又係令我刮目相看嘅菜式，黑豚鞍肉質非常嫩，果然係慢煮，配埋烤過嘅蘿蔔、紅菜頭、秋葵，最估唔到係有一條皇帝菜，配上牛油果莎莎，真係正。☆ 龍蝦湯煮龍蝦燴撒丁珍珠意粉☆ $138食啲飽肚啲嘅嘢，珍珠意粉夠晒特別，有咬口，吸收晒龍蝦湯嘅濃郁，仲有呢度非常慷慨，有買半隻龍蝦，仲有鋪到成層嘅膏，嘩嘩嘩不得了。☆ 桂花龍眼冷泡茶☆ $48 冷泡茶，落咗桂花龍眼，飲落舒喉，又唔太甜，唔會搶咗菜式嘅味道，給一個讚。

放工即使好攰嚟到都會有一種放假嘅感覺，因為個環境裝修到太似 on holiday😆🔎 溫泉蛋蘆筍伴西班牙黑豚火腿沙律 $88 沙律份量好足夠，兩個人share啱啱好，呢個配搭好開胃，比較特別嘅係嗰個南瓜醬意外地圖啲沙律菜同埋鹹鹹地嘅Ham都好match，加埋啲蕃茄仔酸酸甜甜，再配埋一個咁舒服嘅環境一流😀🔎香煎北海道刺身帶子蟹肉忌廉意大利飯 $128個意大利飯嘅軟硬度適中，配埋明太子同埋帶子蟹肉食落去個Texture好豐富，帶子煎落好香口，鍾意食海鮮意大利飯嘅朋友可以試吓😋🔎 香煎白鱈魚柳配自家製橄欖杏仁醬 $248個魚柳食落好軟林，食落去唔會有骨，比較驚喜嘅係佢用冰菜做配菜，嗰個汁滲到落去同個菜好match，另外個魚柳點嗰個橄欖杏仁醬令到魚嘅鮮味更加出咗嚟，最後個配菜竟然係紫薯同埋甜薯，而唔係普通嘅薯仔，識落甜甜地，打卡影相有更加靚😃🔎 Iced chocolate 🍫 $46🔎 Ice Thai Milk Tea $42捉緊夏天嘅尾巴，喺觀塘海邊附近飲啲小清新嘅凍嘢令到成個晚餐更加完美😆-📍 Be Leaf (觀塘)觀塘敬業街55號皇廷廣場地下2號舖

今次黎到觀塘呢間充滿峇里風既打卡cafe📸門口既座位已經好有渡假feel🤩加埋佢個張鳥巢設計既藤椅🪹非常igable😍店內以植物同木為主🌿猶如置身大自然一樣餐廳都仲係keep住咁多人 所以記得要book位🫢食物選擇都偏向大路 款式都會特別少少👍🏼➷🔹 糖漬青芒伴溫煮阿根廷天使蝦配熱帶水果醬呢個食法都算係第一次🤔前菜黎講佢係幾開胃青芒果切成片狀 帶點微酸 (🌞鍾意食青芒果既程度係痴線)而天使蝦就帶有少少咸 口感上有啲似甜蝦🦐水果醬係用上芒果醬汁🥭香而不甜 同個蝦都夾得到🔹 黃金廣島蠔櫻花蝦蕃紅魚湯意大利麵意粉唔算十分大碟🍝但配料都幾多 好多色彩🫢蠔先經過煎香之後🦪仍然留有鮮味 唔需要擔心有腥氣👍🏼呢個意粉雖然唔會有太多醬汁 但味道上都調得足夠🧂無太多既油份淨低 亦都唔覺得佢乾身 呢個位都做得唔錯😋🔹 香烤露絲瑪利法式春雞配燒汁首先要讚佢用冰菜做底🤩灑上少少鹽調味我好耐無食過喇😆比較少見餐廳會用佢做配菜🤤將雞皮烤到有啲脆身 無咩油膩感 食起上黎係舒服既🐓肉質唔會太嚡身 我會建議配個紫薯蓉食 比起配燒汁特別😋🔹 黑糖焙茶鮮奶🔹 抹茶鮮奶呢兩杯鮮奶都有同一個特點 就係茶底都係好濃厚😍鮮奶中和咗

最近朋友話觀塘開左間環境唔錯既西餐廳，好岩打卡。於是今日就同朋友黎左試dinner, 我地點左2個main course, 同一個side dishes. 香煎虎蝦意式蕃茄芝士意大利飯：虎蝦好大隻，意大利飯非常之creamy, 而且擺碟都幾有心思，加分！香煎白鱈魚柳配自家製橄欖杏仁醬：魚柳火候煎得剛好，表皮脆卜卜，魚柳魚夠滑，一啲都無雪藏味！佢而家都係咁諗杏仁醬好香，魚柳點黎食味道非常好！泰式冬陰功煮菲律賓活蜆陪蒜蓉包：蜆肉好新鮮，仲有鮮甜味，雖然有泰式冬蔭公，但無搶到蜆既鮮甜味，推介！二杯特式飲品都一樣甘出色！