BBQ Chicken Premium Chicken (已結業)

呢度既食物係100%以純橄欖油烹調, 令我地食得比較健康!提供一般韓國餐廳有既炸雞, 年糕, 部隊鍋等既野食~ 前菜 【龍蝦汁海鮮鍋飯】HK$75 龍蝦汁唔算好濃, 海鮮有一隻蝦,蟹柳,龍蝦仔肉同埋魚餅, 食到底仲有少少飯焦...如果D汁再多D, 味道會更好!【火焰鐵板棉花糖炸雞(無骨)10件】HK$128 非常吸晴既一款炸雞, 棉花糖係炸雞之上, 送上檯店員用火槍熱溶, 棉花糖溶係炸雞之上, 炸雞炸得脆而不膩, 肉質嫩滑, 而且熱溶既棉花糖係炸雞表面, 帶少少甜~ 呢款係無骨炸雞, 啖啖雞肉, 岩哂我地呢d懶人...而且呢度用100%純橄欖油烹調, 食得比較健康!亦有韓國特色飲品, 大大杯, 可以揀酒精同非酒精成份, 呢杯係熱情果梳打, 一面食炸雞, 一面飲呢杯冰凍飲品簡直一流!! 【紫薯雪山】HK$48 呢度既刨冰唔算刨得好幼細, 略帶少少口感, 頂上仲有一球奶味比較重既雲呢拿雪糕, 紫薯粉除左平均佈係雪山表面, 雪山中層都仲有紫薯粉, 所以食到底都依然食到啖啖紫薯味...整個甜品唔係太甜, 正!!

成日經過尼間韓國餐廳，因為佢個門面同招牌好似快餐店，所以都冇咩意慾去食，但今日終於試左，比我想像中好食！蒜香炸雞（68蚊5件）價錢都幾合理，而且舊舊雞都好有肉，仲好juicy，而且個炸粉唔會好厚，個醬甜甜地，又有d生蒜係面，搞到平時唔食雞皮既我都忍唔住食埋塊皮😂另外仲有個對對碰，58蚊有2樣野食，好抵呀！叫左江南粉絲炒年糕同埋芝士撈拉麵，份量好大，不過味道普通，年糕得4件，粉絲佔大多數，年糕唔夠軟身，而且雖然好深色，但其實冇咩味🙈，但係d粉絲就吸晒d味。而芝士撈拉麵個面有d芝士碎，個味道有d似韓國個隻芝士即食麵😂😂當然尼個芝士味濃好多啦，不過真係愈食愈滯總括黎講尼間餐廳比我想像中好食，價錢又合理，真係唔錯

香濃芝士BB骨 ($115)柚子炸雞($65/5件) and 香脆芝粉雞($65/5件)小型部隊鍋 ($68)好抵食既韓國菜😍而且價錢平得黎 味道都十分好🖖🏻佢既炸雞食得出係新鮮炸起 熱辣辣 而且佢個芝粉雞甜甜地好惹味👍🏻仲有個小型部隊鍋 辣度剛剛好😁入邊嘅材料同平時嘅部隊鍋差唔多都係有午餐肉韓式魚蛋辛辣麵菜等等嘅材料☺️

又係媾女嘅日子 唔使問阿貴 梗係去食韓國嘢食韓國炸雞啦 ! 不過我地冇去尖沙咀嘅韓國街 因為嗰度啲餐廳好貴!!其實紅磡都有好多韓國餐廳 就好似呢間咁都唔錯㗎 而且我諗咗正宗 因為同一般韓國餐廳一樣都係有前菜嘅我哋叫咗個 滑蛋炸雞飯餐 $58再加$6升級要 韓國果汁 梳打一杯柚子梳打味道又甜又有氣 一杯兩份飲 糖分唔會超標我哋一碗飯兩個人分 夠曬sweet 又慳錢所謂炸雞其實唔係炸嘅 而係焗嘅 雞炸得好鬆脆好香口 又唔係好肥膩 雞蛋的而且確係好嫩滑 係名副其實嘅滑蛋 真係好好味泡菜餅 $42泡菜餅煎得好香口 唔太厚又唔太薄 又有蛋香又有泡菜香 鹹鹹辣辣 總之係好好味喺餐廳睇住電視 原來呢一間餐廳 喺韓國 竟然係有一間 炸雞大學嘅!! 炸雞都可以有一間大學 真係不可思議我強烈建議香港開一間 碗仔翅大學

放假拍拖拖，親愛嘅男朋友鬼仔峰請我食雞雞，啜爆佢食完雞雞我要食甜品，男朋友嗌咗份紅餅餵我食，我問男朋友乜野係紅餅，佢好叻叻咁教我，紅餅係韓國傳統小食。紅豆夾心，餅乾嘅質地，查咗好多糖漿喺餅，用手揸住好痴笠笠，好彩雞店有洗手間洗手，痴笠笠咪唔可以拖實我親愛嘅男朋友鬼仔峰，點可以嫁紅豆甜蜜蜜，餵你一啖，餵我一啖，餅乾好脆，好痴牙。

今日同呀仔専程試一下在韓國都食過的炸雞專門店，我地點了一個午餐白汁芝士鷄皇焗飯+$18要了秘製炸雞三件，送汽水一大杯，另叫了柚子炸雞五件，紅餅一份同埋雜莓醋梳打。先講鷄皇焗飯，超多芝士，好味，兩款炸雞，個人比較喜歡柚子味，好開胃，雞也脆身的，但不及韓國那間脆，紅餅非常美味，夾住大量紅豆，新鮮熱熱的，飲品亦大大杯，汽量十足。

今日屋企無飯開 去左樓下搵食～～見無咩人排隊 就打算食炸雞啦五個人坐左係餐廳角落 枱上面有泡菜做前菜 好入味Menu其實唔多選擇 都係炸雞 主菜 甜品 飲品入正題:我地點左1款炸雞~2款前菜~1款飲品滋味甜酸炸雞(10件) $115少少失望 因為外皮炸得唔夠脆 無乜甜酸味 但d肉就幾滑~香濃芝士BB骨(小) $68呢個唔錯好多芝士!! 都幾啖啖肉~~芝士煙肉炒飯 $55不過不失 d芝士都拉到絲 但再咸少少更好~總括黎講~~係香港芸芸炸雞店當中 呢間真係麻麻地但係價錢就十分之親民 尤其係飲品最出色!(但無影低) 鐘意KPOP既食家可以去下 因為店鋪會喪播KPOP

我地得2個女仔,但又乜都想食,所以叫左3樣,仲驚會太多黎到原來都幾細份下,食完都仲有位食甜品 (可能我地比較大食..或者只是我...)個炸雞,有汁唔會乾爭爭,係肉質都幾滑,我覺我係唔錯既。呢碟芝士辣雞就有D失望,其實味道是還好,因為有芝士既野係唔會差得去邊,但係如圖所見,雖然價錢唔係話好貴,但份量真係有D少,而且D雞骨佔左大部份,真正食到既肉真係少之又少。味道正常,幾CREAMY, 好食過紅雞果個多多聲,而且價位適中。不過就少左D傳統年糕有既材料,例如韓國魚片

一行三人，三份野食剛剛好。- 香脆芝粉雞平時多數醬汁類的炸雞，見香脆芝粉雞係餐牌幅圖又幾特別，於是點了5件試下，炸雞仍保持香口並充滿香濃芝士粉味，非常香口惹味。- 秘制炸雞即是平時食開的甜酸味，炸雞外層炸得可口且肉質香嫩，甜酸汁味道是不錯，兩者味道剛好不會偏重一邊。- 泡菜餅 外層少許焦餅底表面口感乾身，但被包著的泡菜仍帶點濕潤，香辣味道濃郁。

一行四人，為了開會，走去一個自己不熟悉的地方─紅磡，之後就一起午餐。然而，我們選擇了一頓比較Heavy的午餐XD 但不打緊，開心就好~ 我們到埗時大概下午一時吧，人流未算多，之後大概下午二時、三時的人候，人就愈來愈多了~ 秘制辣醬炸雞 ($65/5件) 先不評論炸雞，就著辣醬先評論一下。店員說這是「超級無敵辣」，個人來說還可以啦，辣的程度比想像中要少，說它是辣，倒不如說它是惹味會更適合。有時候吃辣會過份刺激胃部而令腸胃不適，這個辣卻令人十分開胃。 韓式香蒜炸雞 ($68/5件) 這個香蒜雞件，感覺上就是直接把生蒜放落雞上面，但吃的時候又吃到雞件上有點點蒜味，兩者並沒看上去般分離，還好吧。 柚子炸雞 ($68/5件) 炸雞予人Heavy的感覺，加上柚子醬以後，反而給人一種新清香甜的感覺。吃多了也不覺油膩啦~XD 香脆芝粉雞 ($68/5件) 「芝粉」這兩個字，感覺就好像是把普通的芝士粉加落去，但食落發現它帶點甜甜的，放在炸雞上面，味道層次也蠻高的。 —————————————————————————————— 炸雞方面，就讓我直接在這裡一次過形容一下吧。炸雞是新鮮炸起的，所以

最近比較忙，終於有時間給這炸雞店送個好評！早兩三個月在公司附近看到有間新開的韓式炸雞店，特意約屋企人一嚐。1）前菜三碟 （免費）到店內一坐下，服務生馬上送上前菜三碟，醃蘿蔔非常開胃2）餐牌品種非常多，想了很久都決定不了3）芝士撈拉麵（HK $ 68）濃濃的芝士搭配拉麵（即公仔麵），是芝士味很濃，而且帶很香的creamy感覺。4）海鮮餅（HK $ 45）這個略為普通，如果海鮮材料再加一點會更好！但以這價錢想說，只可以說性價比高5）香脆芝粉雞5件（HK $ 68）香脆芝粉雞也好味，芝士味很濃，炸雞完全沒有油油的感覺！只是炸雞上菜排盤更加細緻會再加分6）蜂蜜脆片炸雞5件（HK $ 68）一如芝粉雞，沒有炸到很油的感覺，而這蜂蜜脆片炸雞居然沒有太甜膩的感覺，如果可以的話，我還想加甜 （再去真的要跑去馬拉松了）7）花卷雙拼（牛肉及蟹肉各8件，HK $ 58）不知是否之前幾道菜太出色了，這個花卷顯得普通一點，如果炸雞吃不飽，可以點個花卷醫肚8）埋單＄344三人吃晚飯，平均消貴115／人，以這個價錢想說，絕對值得一試

非常超值＠BBQ Chicken Premium Chicken 在黃埔附近學琴後，想好好和老師和師母食個下午茶，路過紅磡灣中心的BBQ Chicken Premium Chicken門口放住的ＭＥＮＵ頗吸引，而且價錢非常超值，便入去試試看 五時左右可能未到餐期，客人不萛很多，餐廳入面的裝潢非常有現代感，加上卡位設計，坐得頗舒適的 電視不停播住Ｋ－ＰＯＰ，加上型男型女服務員，都有點身在韓國的感覺 設計精美的ＭＥＮＵ，圖文並茂， 款式由炸雞到種種小食和甜品，價錢款款幾十蚊有交易，很吸引 不時不食，我們趁在下午茶時間點了一份下午茶，包括了一份海鮮餅＄４０，飲品和醬油花卷 三樣東西才＄４０，而且不用加一，非常抵食，這個醬油牛花卷即是擊式飯卷，非常多料，一啖一口，入面的醬油牛肉比飯更多！本身已經好有味，我覺得不用加醬味道更好 海鮮餅看起來木木獨獨，原本沒有什麼的期望。進知食起來非常好食，口感豐富。雖然料不多，但非常熱辣，食起來有點似兒時食蔥油餅般，好香口，而味道也恰度好處，不會太咸太淡，味道就是比外表好十倍 跟餐飲料，檸樂不用加錢！讚 來炸雞店當然要試一下他們的炸雞啦，這樣

韓流已經在香港吹得很熱了, 特別是韓食, 真的百吃不厭, 我平均一星期都會食一頓韓食, 不理是韓燒又好, 炸雞又好, 年糕窩又好, 總之就是無韓不歡喔~~~這天在黃埔做完training後忽然想吃韓式炸雞, 於是便與同事們行過少少到紅磡那邊找韓式炸雞~走着走着,看到這間名叫BBQ Chicken 旳炸雞店, 裝修不錯, 光線明亮, 座位很舒服, 所以就決定今晚吃這間了~以人氣韓星男團為代言人, 感覺相對好^^另外,坐下後, 原來店子為慶祝銅鑼灣分店開業一周年, 即日起更免收加一, 不錯喔~~又可以慳幾十元用來搭車了~餐廳感覺闊落, 沙發位很多, 坐得舒服, 另外還有大電視播着韓星的精彩表現, 都不錯喲~但唯一挑剔的是 (完全是本人觀感), 這裡的服務生全是香港人, 相比起另一些韓食店來說,感覺就似乎不夠地道呢~ 餐牌上的選擇很多, 大熱的韓式炸雞、雪冰, 芝士牛肋骨全都齊備~朋友點的海特啤酒, 因為啤酒與炸雞是最好的一對吧~~~他說這款啤酒不錯,口味清新又不會太苦,很有清涼解喝的感覺~ 香濃芝士BB骨 - 這款好好味喔!!! 送上來時以鑊子熱着, 條條芝士惹味非常, 把它包在嫩滑多汁的

有睇開我IG或openrice的都大概知道本人之前手機突然壞了當機了，宣告死亡了，所以一切照片、資料都沒了，也哭了好幾天，所有回憶都沒有了唉。慶幸的是，之前來吃這餐廳時，有2張之前sd給朋友的，所以朋友sd返比我，雖然只有2張照片好可惜😫😫但已算是萬幸了。當然，我覺得比起熣燦奪目的照片，真實的食後感更重要，所以，我決定即使只有一張照片下也好，也乖乖的打出我的食後感。此餐廳最好吃的就是香濃芝士BB骨（其實都普通，不過相比其他食物嚟講叫ok姐) 😅😅除此之外，其他的食物都相當普通，未見出色，難以留下深刻印象。而且定價不便宜，但無論食物賣相還是服務態度還是環境都是茶餐廳/快餐店的水準而已一半芝士一半bb骨，bb骨之所以覺得唔錯係因為肉質唔太乾算幾嫩既，食落唔會話鞋，但配菜既薯仔、紅蘿蔔唔知咩事，勁生咁，當然呢啲係可以生食，但我無預到啲配菜係得1-2成熟，食到卡卡聲咁款，公公婆婆們食唔到了😭😭😭我都食到牙累，而且仲要大大舊咁😂哎順便講下最出名嘅炸雞幾句：炸粉偏厚，醬汁普通，雞肉唔夠嫩有點乾紫薯雪山純粹一堆加左多好糖、煉奶整成既甜到爆既刨冰上面再鋪左一層超級無敵甜既厚厚紫薯糖粉，整個甜品除左好甜

記得上次到黃埔時因為吃pizza，而這次就是為了吃韓國菜，說也奇怪，旺中這麼多韓食店，偏偏朋友就是選擇到黃埔吃，原因就是九龍區只得紅磡這一間，而且近期店內正進行慶祝活動，全部惠顧免加一。 天氣熱，就先點飲品解渴，我們各自點了一杯夏日冰爽飲品(薄荷及玫瑰)，全都是不含酒精，說實，兩杯飲品的味道都偏甜，基本上要待杯中的冰粒融化，令甜品轉淡，才可以安心喝下，而我的薄荷飲，薄荷味道不算濃郁，若能加重一點薄荷味會更好。 就來到頭盤，我們點了蟹肉沙律，個人認為挺抵食，大大碟也只是HK$45，內裏的蟹肉份量不少，配合香甜粟米粒、蕃茄及芝士碎，令味道變得更有層次，非常醒胃。 海鮮炒年糕以正方形的鐡鑊送上，份量偏少，而且鐡鑊不能保溫，所以年糕很快便冷卻了，海鮮份量偏少，只得少量魷魚及一隻青口，感覺不化算，而醬汁一點都不辣，味道有點像泡菜蕃茄汁，酸酸甜甜，而年糕口感煙煙韌韌，非常有咬口，整體來說有點失望。 海鮮拉麵的味道不錯，有點像BB牌的辛辣麵，非常惹味，而拉麵原來是公仔麵，感覺有點像家煮的宵夜，不過，就加了青口、大蝦及魷魚圈等海鮮。 惹味芝士泡菜煙肉炒飯賣相不俗，炒飯上放了大量芝士碎，趁炒飯還是熱