BBQ Chicken (已結業)

新都城BBQ chicken 的炸鸡都保持著炸鸡专门店的基本水凖。晚上门口等位的情况更保持著更高的水准，想食就要早一点。炸鸡有很多不同款式，不同名字，换个角度，其实包括韩式原味丶辣味丶糖面丶橄榄油面等，见到menu 都有选择障碍。㸃了柚子炸鸡同黄金橄榄炸鸡，感觉好像内面的🐔肉的质感和味道差不多。分别主要系鸡皮。脆脆的鸡皮加香甜鸡肉，闲来一餐都不错。不过想试试不同做法既味道，最好饮多淡汽水或汤隔吓味。然后点了炒拉面，这个芝士拉面比较一般，我更喜欢茶餐室既炒公仔面，当然这道韩式面正气一点。整体来说是👌，偶尔帮衬也不错，menu 也提供不少新选择。不过吃完比较口dry，难道以此鼓励食客 order 多杯 special drink? 🤔…查看更多

见BBQ chicken喺将军澳开咗，所以专试黎试下，我见佢新出左韩星八重奏炸鸡，所以身为炸鸡粉丝嘅我就黎试吓。韩星八重奏＄148 7.5/10🐥里面我最钟意食嘅系香脆芝粉鸡，好惹味，炸粉亦都唔厚。芝士粉配上啱啱乍起嘅脆鸡，味道一流！另外仲有蜂蜜脆片炸鸡、甜辣炸鸡、香蒜炸鸡等等。真系一次试晒八款口味！🍖🐤另外都叫咗佢新出嘅甜品吐司，柚子雪糕配蜜糖吐司，不过方包比较薄，唔厚身，好似食紧烘面包，价钱四十几，普普通通。…查看更多

由土耳其人开嘅炸鸡餐厅，食物种类多，每个种类都约有5款味道，满足哂唔同人需要。位置方便，所以今次系外卖，带到屋企食，外卖包装卫生，炸鸡都能保持热力同脆，可以选5只或10只，试到唔同味，可惜外卖炸鸡酱分开，唔知边款炸鸡跟咩味，如果有dish 名贴住就好。牛肉炒年糕就卖相就差点点，味道就好，年糕唔会太chewy以为泡菜饼系好似pizza 脆边，但系软身的，感觉唔够热。部队锅很辣，但汤很少，返到屋企煲热再加料，如果多一啲绿色食材，视觉上会靓啲。…查看更多

这间以韩式食品挂帅的餐厅在开张的时间人头涌涌， 事隔多月，星期六的中午到这间餐厅午膳，已经没有那么多人了，未知是否韩式食品热潮已过? 还是晚市才旺呢? 我们一行七人不用等便就坐了，看看餐牌先点一客棉花糖炸鸡，其实只是在炸鸡上放上棉花糖，侍应再在棉花糖上用火枪点火，让棉花糖融入鸡表面，论鸡肉味道香口松脆，味道不错，但棉花糖只是一个噱头吧，对味道没有什么提升可言。另外一道菜是龙虾汁海鲜焗饭，材料丰富，味道浓郁，是一贯的韩式食品风格。至于韩式芝士午餐肉薄饼味道一般，没有太大的感觉。整体上只有炸鸡给我良好的印象，我想需要在菜式上增加一点心思和新意，才能有吸引我再食的兴趣。…查看更多

今次去到将军澳「新港城商场」行完街，就周围揾下啲嘢食，见到有间韩国食炸鸡嘅餐厅，入面仲有韩国MTV睇，搞到我系出面都比啲韩国歌曲吸引左，两个人就入咗去试吓。入到去几乎满座了，好彩门口仲有两个座位，我哋急不及待叫咗餐厅推介嘅炸鸡「韩星八重奏」。等左一阵已经有得食了，炸鸡非常吸引，真系冇改错名，鸡髀有八只唔同嘅味道，我哋一人可以试四只味道。我试咗「柚子」、「香脆芝粉」、「韩式香蒜」同埋「甜辣」味道嘅炸鸡。我最钟意就系「柚子炸鸡」，鸡髀炸到好香脆，上面铺满左好多柚子酱汁，咬落去鸡髀爽口香脆，而且肉质鲜嫩，一啖已经有不同口感同味道，真系好想再encore。除咗呢只味道，其他三只都好正，但系紧记每次食完一只味道嘅鸡髀之后，要饮啖清水清下口入面的味道，咁就可以试真啲其他味道的鸡髀。之后想叫返个汤面湿下个喉咙，我哋就叫咗一碗「海鲜汤面」，呢碗热辣辣嘅海鲜汤面有少少辣，但系食落去几滋味，而且面质好爽口唔会太「林」，汤面入面仲有好多唔同嘅海鲜配料，包括有鱿鱼、虾同埋蚬等等，再加埋爽口嘅萝卜条，同埋咁惹味嘅芝麻辣汤底，咁样match几好食。饮品方面我哋叫咗冻「韩式抽子梳打」，夏日炎炎饮杯清凉嘅饮品落肚好舒畅，而且味道好浓郁，呢杯梳打真系落足料啊。我朋友就叫咗一杯有酒精嘅「韩式凉浸浸饮品之芒果味道」，呢杯饮品好大杯而且好特别，有支樽倒转插入大杯入面，味道唔算太甜，好有新鲜嘅芒果味道，好韩式Feel啊。除此之外，餐牌上仲有好多唔同系列嘅韩式饮品选择，饮品多元化而且特别，一定要叫一杯来试吓！最后叫咗个甜品系「柚子多士配雪糕球」，卖相好吸引，有三块多士系底，旁边仲有士多啤梨，上面有个云呢拿雪糕球，全部野连埋一齐食落去好满足，而且有我最钟意嘅浓郁柚子味道，食完之后都觉得好饱啊。食咗咁多嘢＄400都唔使，简直系超值，而且可以食到我最钟意嘅韩式新鲜炸鸡，值得一试嘅韩式炸鸡餐厅。…查看更多