BB雞蛋仔 (已結業)

經常掃街都要食雞蛋仔既我今日又要試食新雞蛋仔店，尼間BB款式都幾多，但見佢最出名既反而係格仔餅夾雪糕🍦，所以兩樣都叫左尼到最欣賞佢即叫即整樣樣新鮮出爐，都吾會等太耐同埋大年夾抵食，雞蛋仔係平時食既雞蛋仔1.5倍，格仔餅個雪糕厚到好似佢個名咁字典咁厚雪糕口味都好多，雞蛋仔口味也新穎最後揀左《珍珠奶茶雪糕格仔餅》$20雪糕超級厚，一分為二見到佢既珍奶流出黎，格仔餅無特別同偏硬身可能因為要夾住雪糕🍦，個珍珠奶茶雪糕真係好好味仲要珍珠好有口感超級抵食另外雞蛋仔揀左最新出《栗子🌰粒雞蛋仔》$26價錢吾想話平，但就即做拎上手熱燙燙仲要超級大份，入而有內餡栗子，但就吾多同吾太食得出味，味道同口感都一般般。只能說夠新鮮夠大底要返頭食都係揀佢既雪糕格仔餅

返返下工好肚餓🤪😝，最後都忍唔住去左 bb 雞蛋仔度買野食，成日都唔知食咩嘅我，又有選擇恐懼症啊😅😅嘻嘻😁😁，最後我係揀咗原味雞蛋仔同傳統格仔餅🙊🙊🙈🙈2樣野加埋都係$32 ，超抵👍🏿👍🏿不過傳統格仔餅比較甜，雞蛋仔就熱辣辣👍🏿👍🏿，大滿足

放工經過呢間鋪已第三次幫襯, 價錢對於我來講真係幾化算又大份, 雞蛋仔味道算係同區數一數二, 今次試左比利時雞蛋仔加杯港式珍珠奶茶比利時雞蛋仔夠曬朱古力味, 勁香又熱, 個friend都忍唔住拎左我幾粒食😂下次會試埋隻香橙港式珍珠奶茶12蚊咁我梗係試埋啦, 有紅茶味同幾重花奶味道, 唔錯下次可叫小奶更好

放工經過呢間店, 天氣熱叫左巨𡶶提子爽飲, 12蚊點知咁大杯仲好好飲😂😂見好似賺左再點多個香橙雞蛋仔, 等左5-6分鐘終於到我, 件野真係好香橙味, 味道配得剛好又夠曬熱, 20蚊貨仔夠曬大件, 下次等佢無咁多人試埋個雪糕夾餅😀😀

琴日去完阿媽度飲湯，走果時見到條街幾多人下，阿妹同我講原來有間新的雞蛋仔開左係度，即刻過去望下。門口睇過去又幾多人，最重要個價錢非常吸引！！大熱天時係街度行，真係最想食的梗係冰涼的雪糕同凍飲啦，睇真個價，一件雪糕夾餅先至20元，一杯巨峰堤子先12元，性價比奇高！一於試下。叫左個VANILLA味的雪糕夾餅，拎上手，比想像中以大，店面的相片完全反映唔到原來咁大份，個老闆話每份足足係用3大球雪糕砌出黎，所以好重手下。老闆見我面有難色，即刻幫我切成2半，可以同外甥開心SHARE。雪糕好好食，好大件，2個人食都係好飽，仲食到溶埋係手都未食完。我妹食左個拖肥味的雞蛋仔，我拎左幾粒食，好食！好香好脆。鐘意甜食的唔好錯過，真心推介！即整即食，HKD20 換黎好大的滿足！仲有杯巨峰堤子，三十幾度係街飲住杯冰凍的飲品，果種爽真係好想分享比所有人，酸甜適中，又有D椰果加強返咬感，好正！三樣野夾埋52元，真係好抵，味道亦絕對可以！真正香港風味，行過的一定要試下。

最近朋友圈經常會聽到朋友提起雪糕雞蛋仔和字典咁厚的雪糕格仔餅，講到津津有味。 前日剛好經過北角順道走到附近的BB雞蛋仔。 哇！ 果然門庭若市門口排滿了人。 看了看 menu 都幾多選擇， 最後點了個 薄荷雪糕格仔餅，拿到手嚇一跳，真的有字典咁厚，吃落口有格仔餅的口感，表層微脆，內裏軟塾，加上蛋香味十足，甜而不膩，咬落去仲有薄荷雪糕的清爽可口，真系十分有創意，令人驚艷。吃一個格仔餅已經夠曬飽， 下次一定要試埋個雞蛋仔和特色飲料。 雖然北角不是很就腳還是很值得推薦。諗返都回味無窮。

很少到香港區，咁啱公事出到去又提早做完嘢. 醒起Youtube 有段clip介紹嘅雞蛋仔店就響附近, 一於試下其實我都鐘意格仔餅, 到門口見到原來有雪糕格仔餅仲要有好多雪糕味道, 天氣咁熱, 我就order 左熱情果雪糕格仔餅 + 凍港式珍珠奶茶個雪糕格仔餅簡直係怪獸size! 員工遞畀我時我嚇咗一跳! 個manu 完全表達唔到個尺寸, 餅皮夠趣嚿雪糕又凍, 好好食😋好飽, 都係$26, 普通味道都係$20 超抵!杯港式珍珠奶茶就唔會好似台式咁甜, 有奶味, 岩曬我, 賣$12都真係幾抵.下次要同老婆來試埋雞蛋仔😋

聽同事介紹今日到呢間店試下我最鐘意既小食雞蛋仔, 到門口見到原來有雪糕格仔餅仲要有咁多雪糕味道, 因為天氣太熱我忍唔住都係點左個熱情果雪糕格仔餅 + 凍港式珍珠奶茶個雪糕餅皮暖內凍好好食😃😃 杯港式珍珠奶茶就唔會好似台式咁甜, 有奶味, 岩曬我, 賣12蚊其實真係幾抵, 老實d野幾大件值得比個like本來想再試其他野， 但係已經好飽下次先再試埋雞蛋仔，果款比利時朱古力雞蛋仔好似都好足料， 下次叫埋女朋友黎可以食多一兩款

唔覺意睇到一份“大台“嘅雜誌， 呢間格仔店賣廣告主要講 格仔餅同雞蛋仔有咩特別 兩者除咗有傳統嘅款式外，仲會溝珍珠，或者唔同口味嘅雪糕，雪糕甚至有榴槤，冧酒嘅味道。 另外一個賣點係港式珍珠奶茶，聲稱唔用奶精去沖茶。 12蚊呢個價錢比起一啲連鎖嘅 珍珠奶茶店平成一半，所以睇完呢個報導之後，專登去北角呢間小店，試一下珍珠奶茶。因為本人係珍珠奶茶控，點之一試中伏 奶茶只有紅茶味，甜到好似煉奶溝水，珍珠簡直 似食緊 bear Gummy 。好彩淨係賣十二蚊。。。雖然服務態度唔錯，又唔使排隊，但係味道實在強差人意，有點失望

比利時朱古力雞蛋仔 $20.上次食完珍珠奶茶格餅覺得ok 今次試其他就出事了🌝.份量係多既 好大底 仲有朱古力味真係好抵 不過味道認真麻麻🙈朱古力味唔夠濃同均勻 不過重點係雞蛋仔做唔到內軟既感覺 又冇乜蛋味 好乾身咁 冇水飲真係好難塞落口 不過就好脆既 加雪糕應該會好食d.其實我都幾欣賞佢有咁多口味揀 又唔係貴 又大件 不過認真建議改良下配方先夠鬥🙈建議大家試珍珠奶茶格仔餅先.

珍珠奶茶格仔餅 $26.想試呢間新店已有兩個禮拜 終於有機會"特登路過"一嘗吹返兩句背境 雞蛋仔係我心入面諗到少數具代表性既香港地道美食 近年雪糕雞蛋仔既創意組合湧現都經已試過幾間 雪糕格餅都係第一次試..是次目標早已鎖定 就係珍奶糕格餅 聽名都feel到夠創意 食落亦都係抵讚既 睇賣相經已oo地咀 格餅大大塊大家一向都知 落既雪糕量完全填滿夾心層且相當有厚度 真係大食者既福音細食朋友既開心share之選 雪糕方面奶茶味辨識度高 珍珠量都唔算少無欺場(有啲俾雪糕遮住) ...第一次食雪糕珍珠配真心覺得有得做 預測跟風之作續續有黎 格餅好脆身下 因為雪糕夠厚身每啖至多咬到單邊格餅同雪糕 個人想像淋身d咁配雪糕可能更加夾 格餅蛋味唔係好食得出 只能話雪糕珍珠鏡已搶..時下格餅我諗不均都要市價$15 約加$10就有大份特色雪糕(另有平少少既普通雪糕選擇) 確實性價比幾高 而且餐牌上都有如半份雞蛋仔兩球雪糕之類既配搭 口味選擇多 夠彈性同user-friendly ..最後溫馨提示一下 如果閣下既選擇同在下一樣 請小心拎好避免跌哂啲珠落底 唔係就要似我咁食完先淨倒係底既剩珠落口不浪費

柴灣出名抵食既BB雞蛋仔黎到北角啦 • 試左 #港式珍珠奶茶半底雞蛋仔雙球雪糕杯 $24 而雪糕就選擇 #薑汁撞奶味 (+$4) 竟然超正 撞奶味好突出 奶茶味就淡左d 而珍珠都好煙韌 甜度剛好 雞蛋仔外脆內軟 不過 蛋味唔夠 無想像中咁好食 整體都係性價比高 值得再去‼️ ————————————————*NEW* I’m proud to say I’m a big fan of egg egglet! • Tried Half puff with $24 HK style boba tea and ginger milking pudding (+$4) ice cream 🥚🥞• surprisingly the ginger milking pudding stands out a lot and tasted exactly the same 😂 pearls are also quite chewyyyy • the smooth, creamy ice cream is perfectly with a bite of the crispy and fluffy egg

今晚經過見到呢間新開嘅雞蛋仔，門外排住好多人，好受歡迎，所以立即試試。雞蛋仔同雪糕都有極多味道選擇。我地首先叫左朱古力雪糕格仔餅同港式珍奶，格仔餅$20，但拎嘅時候，份量大得難以置信，雪糕勁足料。朱古力雪糕軟香滑濃郁，甜度適中，配合香脆格仔餅，一冷一熱，一軟一脆，我地一家三口爭住食，幾乎開拖咁濟。港式珍奶幼滑香濃，奶味十足，珍珠咬勁十足！睇返價錢只係$12，抵到爛！因為兩樣都遠超我地預期，唔知幾時再黎，所以再試埋雞蛋仔，我地叫左一底比利時朱古力雞蛋仔。新鮮熱辣，蛋味十足，配合香濃朱古力，大滿足！等緊嘅時候，見門外寫住無用奶精，椰子精，色素。咁好味，又健康，仲咁抵，難怪咁受歡迎，下次經過一定再試多啲其他味！仲有差啲唔記得講，老細超nice！

今次第一次試了菠蘿雪糕窩夫，雪糕有粒粒菠蘿肉，食落又不是過甜，酸酸的好香菠蘿味，窩夫夠脆。好好味$26元，抵食過不少餐廳的類似甜品。如果有埋蒸漏咖啡賣，配埋一齊食就無得頂喇。