Bamboo Thai (如心廣場一期)

营业中

休息中

🌟馬沙文咖喱豬肋骨$178 （9/10）依個唔講笑 真係好好食 俾九分真係值得🥹個咖喱超級creamy 豬肋骨超級淋😋忍唔住第二日想食多次 但係依個冇得外賣cryyyyyy🥺 最後叫咗紅咖哩醬燒牛肋骨 都好好食啲牛好淋 但係個咖喱汁唔夠馬沙文咖喱豬肋骨好食🌟泰式肉碎生菜包$88 （7.5/10）會話係正常幾好食嘅生菜包 同其他泰國菜嘅生菜包差唔多 🌟招牌蟹肉臘腸炒飯(辣) $138 （7.5/10）依個招牌蟹肉臘腸炒飯都幾特別 未落醬汁之前就係普通味道😳之後落埋魚露同埋 青檸就會變成酸酸甜甜鹹鹹😋 本身就覺得普普通通 點知越食就停口☺️🌟蒜香炒泰國椰菜苗 $78 (7/10)最近諗住食得健康啲 點都嗌個菜食吓🤣 小編好鍾意食好淋嘅菜 椰菜苗又本身有少少硬🥺所以就覺得還好 不過個味都係好食嘅🤣🌟蒜蓉包 $38 （7/10）個蒜蓉包配埋馬莎文咖喱豬肋骨真係冇得頂😋但係個蒜蓉包太脆😳脆到成塊多士咁 會鍾意入邊淋淋地多啲🤣總分：8/10個環境幾靚 又要再講多次個咖喱豬肋骨真係好好食 喺如心商場入邊食dinner算係唔貴 人均$143

📍Bamboo Thai​💬軟殼蟹米紙卷🦀軟殼蟹炸得好香脆，入面包住芒果、牛油果、青瓜同胡蘿蔔絲，好足料。​💬火山排骨🌋必點！餐廳招牌菜，賣相好吸睛👀嗌咗小份量都有好多排骨，肉質好嫩，點埋泰式酸辣汁，好開胃，口感一流！​💬泰式火車頭和牛炒飯🍛和牛份量都多，炒飯炒到粒粒分明，好有鑊氣，好好味！​💬泰式肉碎生菜包🥗食泰菜必點～肉碎同埋香料味香道適中，不過不失​💬飲品嗌咗椰林飄香🥥同熱帶風情🥭兩杯都好好飲！分別係椰子同埋芒果味沙冰～​

相信普遍人們都係俾排骨山吸引而黎食，本身如心廣場都好少人，而架因為多了食店多返人流，但我地無book台，等了35分鐘😭😭😭好少3人桌子，明明我地就係下一張！小排骨山個汁好食，但蒸排骨唔係人人鐘意，我比較喜歡骨肉分離的煲湯排骨，但見到妹妹和好友大吃特吃，應該真係好味的，我食了2小塊，都接受到（平時唔點食蒸排骨，好硬，又有筋）。我特別喜歡酸甜的柚子大蝦沙律，好健康！相反，馬拉盞通菜、生菜包豬肉碎份量太少，而且太spicy，唔推薦。如果想食雞翼，唔好叫冬蔭公雞翼，都係牛油雞翼好食些。飲品方面，真係鮮榨，菠蘿汁夠酸，士多啤梨香蕉smoothie 好多士多啤梨🍓埋單$700/3人，每人約$233，應可以有其他更好選擇。

叫左個辣火山排骨，細既送到黎都好大份！$159係抵食，但同我想像中既火山排骨有些少出入，以為好辣，實際係有d蕃茄蓉配小辣醬，而肉唔會太淋，亦都唔太入味。唔知普遍係咁咁，不過整體黎講唔難食！

平時見呢間餐廳都有長長人龍等位，所以有預先book位。7:30去到門口已見貼左告示火山排骨售罄，都有啲失望，因為專登想食呢款招牌菜，不過打俾既然book左，都照食啦。入坐後侍應生非常有禮貌，同我地講話留起左幾份火山排骨俾預先book位即客人，問我地需唔需要落左單先。我哋當然話好啦，當日仲有另一款期間限定嘅活火山排骨，問左侍應生話係蕃茄味，辣味適中，因為我本身都好鍾意番茄，所以就揀左佢雖然賣相好辣咁，但係實際都唔算太辣，味道偏酸，個人鍾意食酸野，就覺得好好味。餐廳貼心地提供埋手套，可以豪邁咁拎住成舊食，大快朵頤。雖然係小份，個都有6-7舊，3人食都夠。肉質方面夠淋又香肉味，非常之唔錯。餐廳都有提供一個碟放骨同職員會主動過嚟換碟，服務值得一讚青咖哩大蝦炒糙米飯，香料味十足，都重椰香味，但唔會太咸，唔辣，個人覺得如果辣少少就好。有3隻大蝦，都爽口。糙米飯有少少似意大利飯，個人幾好鍾意佢硬硬地嘅口感。整體來講都好滿意，坐得舒服，服務又好，下次會再嚟試下原味火山排骨。

今日去咗荃灣西嗰邊探朋友，之後就喺附近搵吓有啲咩簡單嘅嘢食，食完再返屋企，忽發奇想想食泰國嘢，就去咗食如心廣場嘅呢一間bamboo Thai 。去到即係可以入座，唔使等位非常好。我哋今日就叫咗泰式燒豬頸肉，馬拉盞通菜同埋招牌蟹肉臘腸炒飯。店員亦都好貼心咁為我哋拎上兩杯水。食物好快就送上，先食泰式豬頸肉，本身諗住冇乜期望，但豬頸肉非常好食，份量亦都唔細，比預期中有喜出望外嘅感覺。招牌蟹肉臘腸炒飯嘅炒飯做得非常乾身，每一粒飯炒得非常分明，唔會有太濕嘅感覺，蟹肉臘腸嘅配搭，雖然係第一次嘗試，但係有驚喜。馬拉盞通菜我就覺得太辣，沒有太大特色結帳大概$300

餐廳環境寬敞乾淨，食物質素不錯。當中比較吸引的是‘’火山排骨‘’，大大件的排骨配上清新的湯汁，真的很美味，餐廳更細心的奉上膠手套和濕紙巾，方便顧客用手撕開排骨，品嚐其地道風味。‘’柚子蝦沙律‘’也很美味，泰國柚子甜甜酸酸的，並沒有一絲苦澀味，令人十分開胃。另外“泰式生蝦刺身”也很新鮮、鮮甜。其他的菜式也不錯，上枱速度正常，熱度也足夠。

2023年第一餐外食就揀咗呢間泰菜好彩開咗個靚頭！😎🥬泰式肉碎生菜包 $88食泰菜必點生菜包thanks🙏🏻大約係小辣嘅辣度巧惹味啊～～～～～又係配咗大大棵金不換lol伴碟嘅炸豬皮都好食 無揸流攤食落去仲係熱嘅 香脆嘅🍜香茅牛肉撈檬 $82牛肉好食！好香香茅味肉質軟滑 無筋 數量都多呢間餐廳配嘅檬汁偏甜可以話係完全唔辣仲要配咗極多 係極多大大塊嘅金不換 好加分！！！金不換嘅份量大概係其他餐廳嘅2-3倍配埋檬粉食真係好有風味😍🍲椰子雞湯 $62估佢唔到係咁咁咁重椰味嘅雞湯感覺好似落左成罐椰漿落去煮咁偏濃稠嘅口感 飲落去好順滑呢個湯好好飲🫶🏻🥭芒果糯米飯 $72估唔到冬天都仲有咁甜嘅芒果配上熱辣辣嘅椰漿飯 再加多啖雪糕係幸福嘅感覺用呢個甜品黎埋尾就完滿曬 ❤️🥤泰式Mojito $40無酒精 輕鬆當汽水咁飲酸酸甜甜 勁多薄荷葉好清新🍃好可惜得2個人去 叫唔到太多野食我仲好想試下佢個火山排骨TTT下次要搵多D人一齊去食！😌

上次係外賣返屋企食，今次終於可以再次堂食佢個招牌火山排骨唔駛講個排骨一如既往水準咁正，特製酸汁配上靚靚排骨山真係無得輸另外叫左個飛天通菜，泰國香料炒菜不嬲夠惹味，啲通菜好嫩，成件事真係感覺非常良好

小朋友同行，見唔需要等位就決定一試！🔸泰式大蝦炒金邊粉頗為失望，擺盤大但份量少，只有平常外賣盒的半份量。如果同朋友share 一定唔足夠～🔸青木瓜蝦沙律青木瓜沙律份量適中，木瓜清爽，大蝦亦都爽口彈牙🔸蒜香炒泰國椰菜苗炸蒜味道香濃，椰菜苗炒得幾有鑊氣總括🔹餐廳環境寬敞，但性價比一般，食物質素中規中矩

🏠Bamboo Thai 🍤大蝦米紙卷 $72 米紙卷嘅皮好煙韌，包住嘅蝦肉同埋菜都好新鮮，點沾埋旁邊嘅酸汁食就更加好食，幾開胃👍🏻 🔥火山排骨 (小) $138 唔知點解最近成日都見到有人post呢一個火山排骨，佢嘅賣相真係好正成座山咁。所以話我為左呢道菜嚟食都唔過分🤣 識落就比較普通，一碟細嘅火山排骨大概有五至六件好大嘅骨，黐住啲肉同筋， 肉嘅部份有一啲就可能有一啲就比較難咬。而佢隻汁我就唔係好鍾意，食落有啲似泰式沙律嗰隻汁不過係熱嘅🙃  🍚青咖喱大蝦炒有機糙米飯 $118 呢個我會比較推薦鍾意食泰式香料嘅人叫， 因為佢真係超級重，同埋好多種唔同嘅香料喺呢個飯入邊， 個飯嘅感覺有啲似Risotto，份量比較少，而且比想像中辣... 可能真係要口味唔啱，我食食下仲有啲反胃，可能我真係唔算好喜歡太多泰式香料...☹️ 🍜越式生生肉湯河 $86 呢個係正常嘅越式生生肉湯河，都幾好味，只係份量比較少🤣 🥤自選沙冰(Mango + Coconut Water) $44 呢個幾好， 唔會太甜，而且芒果味幾自然👍🏻🥤青檸荔枝 $44 荔枝味比青檸味重好多，同埋呢杯沙冰嘅顏色好特別🤣 

.荃灣🏘Bamboo Thai🤩和牛炒飯💰138味道係唔錯嘅，不過偏油，和牛粒亦好好食！全餐飯最好食係喱樣！🙂清新柚子蝦沙律💰78蝦都尚算新鮮，柚子汁都幾多，唔錯！👍🏼🙂香茅雞肉撈檬💰76雞肉偏乾，無咩味，唔係好食到香茅味！🙈🙂火山排骨（大）💰208本身我最期待喱個排骨，但佢啲肉有啲散，好似有啲over cook咗咁，但個汁都唔錯嘅！🙂馬沙文咖喱豬肋骨💰168勁普通嘅唔辣嘅咖喱，豬肋骨一啲都唔入味，有啲失望！🙂油酥餅 💰30喱個幾好食，唔錯！五星⭐️為最高食物：⭐️⭐️抵食：⭐️⭐️環境：⭐️⭐️⭐️⭐️服務：⭐️⭐️⭐️⭐️#yummy_sumsin #火山排骨 #火山排骨🔥🌶️ #火山排骨🔥 #咖喱 #和牛 #泰國菜

早前端午節 Staycation，為了媽咪可以游水，我 Book 了荃灣如心酒店兩日一夜，就算疫情下，她無機會到海灘游龍舟水，也有機會在酒店舒服游水吧！下午等輪籌 Check in，我們在附近的商場逛逛；端午節前一晚，我們走到附近的如心廣場一期食晚餐，媽咪建議食 <Bamboo Thai > ！入座前，問清楚男店員幾點收舖，9:55，我們 9:00 前是最後一枱入座，約晚上 9:00 last order！尚算食得切！服務都好好！Menu媽咪想食的排骨山已經售罄！泰式大蝦炒金邊粉 $112本身酸咪咪，炒得算乾身！混合辣粉及花生碎，香口又變得香辣！酸子醬慢煮豬肋骨 $148一客5件，熟透之餘，肉質炆得夠鬆化又入味，酸中帶鹹，配上淡味的配菜，恰到好處！朱古力心太軟配泰式自家製雪糕 $68泰式自家製雪糕看起來似雪葩，夾雜香蕉粒，入口香甜的朱古力味濃郁！朱古力心太軟勉強流心，兩者對比，各有各獨特口味！

餐廳環境ok，衛生不錯，但係野食真係搞唔掂，本人真係好失望所以第一次出post。叫咗3個菜，牛肉湯檬粉，冬陰功，黃金蝦餅1，檬粉入面只有2塊牛肉，成碗都係湯咁劑，真係用4-5啖就食晒，價錢$88。2，冬陰功用好細個碗，入面都無咩材料 得一隻蝦同草菇，兩粒蕃茄仔，價錢$70，唔跟飯，加飯$183，蝦餅只可以叫蝦球，都係好細舊，肉質偏冧唔夠彈性，味道還好，$80要加一埋單都成三百幾蚊，總括而言，以後都應該唔會再去，感覺同價錢絕對有更好更抵食選擇

兩個人中午，叫咗一個咖喱，一個小食，一碗飯、一個蒜蓉麵包，埋單$3xx，商場來講，呢個價錢都算合理！馬沙文咖喱豬肋骨可能因為我平時少食咖喱，好少見會有豬肋骨，一碟咖喱入面都有五至六舊豬肋骨，仲有滿滿嘅咖喱溫泉。一定要叫飯或者麵包吸埋啲咖喱汁，唔好嘥！個咖喱唔算辣，都唔會話好重味道，好啱一啲唔識碳水化合物就咁食小菜嘅人。泰式檳榔葉包 一口分量葉包小食呢個特色小食原來已經歷史悠久！有蝦粒、芫荽、柚子肉、花生粒、、薑等食材，廚師會預備將材料好似沙律咁拌勻，再置於葉上。食落去好清新，好似自己去咗泰國咁呀！餐廳坐得好舒服，服務員態度都好好，價錢合理，好適合一家大細有小朋友咁樣一齊去食！