【沙田区】【bakehouse】难得约到中学同学食晚饭，几条佬又开始烦食乜。跟住有人提出呢间，咦，我都几好奇，原来呢间烘焙店竟然有做埋餐厅。门口整埋餐厅区域自助排队机方便排队，的确，睇返啲报道，之前都真系几多人排队。不过我哋去𠮶晚就好彩啲，排三张就到我哋喇。间嘢系食西餐嘅，系少少精致𠮶只，唔系一份质饱你𠮶啲，所以都要谂吓点配搭。不过呢度都有照顾呢啲选择困难症顾客嘅需要，直接以 $360 一位嘅价钱食「All In! 套餐」，厨师发办，面包、前菜、主菜、配菜、甜品乜都有啲，只系需要讲低唔食乜就可以。我哋就有遵守佢哋「全枱参与」嘅规则，要食一齐食。要两位或以上先可以叫呢个，我哋亦都够人。而佢哋个餐应该唔算好多肉食，所以可以每位加 $80 转一款主菜做「M4和牛西冷」，成件事就滋味啲。不过我哋比较想食佢原本嘅套餐，加上穷，就唔转喇。叫完呢个套餐之后，大家嘅心情都舒畅咗好多，因为唔使谂食乜。侍应妹妹都好用心讲解个餐有咩食，四位嘅话就会提供十四样食物，包括两款面包、四款前菜、四款主菜、两款配菜，同埋两个甜品。亦都可以另外叫嘢饮，不过我哋冇叫到嘢饮，净系饮水。面包方面，有各 $68 嘅「乡村酸种面包配蒜香海藻味噌牛油」同「意式鳀鱼茄子芝士面包」，我觉得个酸种面包吸引啲，𠮶款牛油亦都有种好特别嘅咸香。而后者就似啲蕃茄包咁，我唔太热衷呢个味，属于口味问题，本身佢落埋鳀鱼落去，都算系有诚意嘅。前菜有四款，各 $128 嘅「蜜糖白桃布袋芝士」同「松露生牛肉他他」就比较出色，前者为芝士加上甜味，好特别。后者就几浓香牛味，够晒邪恶。令到 $98 嘅「辣蕃茄酱猪牛肉丸」同 $88 嘅「蕃茄蜜瓜沙律」相形见绌，冇特别，加上个人唔好蕃茄味。主菜最出色系各 $248 嘅「黑松露烟肉芝士通心粉」同「Bakehouse 酥皮肉批」，前者嘅松露味唔会太抢，烟肉芝士味够香，后者个馅系牛脸颊肉，都有牛味出到嘅。而 $268 嘅「脆炸酿芝士猪扒」系厚粉薄切猪扒，都几油几肥腻，有啲似喺南美食到𠮶啲。主菜仲有 $268 嘅「招牌辣酱烤春鸡」，都几细份，但系个辣酱系惹味嘅。配菜就有各 $48 嘅「蒜香脆炸薯条」同「鳀鱼酱宝石生菜沙律」，前者炸得几好，热辣辣，外脆内软，有个好似 mayonnaise 咁嘅酱点吓，肥仔咗。后者嘅生菜几够味，个咸香系正嘅。最后系甜品，有 $88 嘅「酸种酥皮苹果挞配冧酒意式雪糕」同埋 $58 嘅「甜粟米软雪糕」，前者个苹果味唔系太浓，但够甜够邪恶。后者系夏日限定产品，粟米味雪糕配牛油粟米粒喺层次上已经够特别，加埋海盐焦糖同埋粟米片，有少少食爆谷咁嘅感觉。我自己计佢哋本身加埋系 $1852，不过由于系餐厅发办套餐，最后加埋一埋单先 $1584，每人 $396，都真系食到我哋饱嘅。而呢个加一都系值得收嘅，每位侍应上菜都有稍为讲解𠮶道菜，负责我哋𠮶边嘅侍应妹妹亦都勤于帮我哋嘅水杯加水，大家都好满意。。。（地址：沙田沙田正街18-19号新城市广场一期2楼247号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am沙田区 #沙田 #bakehouse #GrégoireMichaud #AllIn套餐 #M4和牛西冷 #乡村酸种面包配蒜香海藻味噌牛油 #意式鳀鱼茄子芝士面包 #蜜糖白桃布袋芝士 #松露生牛肉他他 #辣蕃茄酱猪牛肉丸 #蕃茄蜜瓜沙律 #黑松露烟肉芝士通心粉 #脆炸酿芝士猪扒 #招牌辣酱烤春鸡 #Bakehouse酥皮肉批 #蒜香脆炸薯条 #鳀鱼酱宝石生菜沙律 #酸种酥皮苹果挞配冧酒意式雪糕 #甜粟米软雪糕 #1am1808 #1ambackup…查看更多
不过服务都系几贴心， Staff会攞个篮俾我哋放袋同埋会主动帮我哋斟水嚟到Menu环节，入去前的确系自己冇睇清楚，俾啲YouTuber呃咗， Menu选择十分之少， $138沙律或者汤加个主食再加杯茶….呢个都唔系重点，重点系main course得五六个选择，然之后有一半以上都系要再加钱…朋友唔食牛，煮食只有三文治沙律同埋burger拣
都真系有少少冲动，想起身走人…讲吓个蘑菇汤，我觉得OK嘅几好味，口感都唔错然后我哋拣咗辣鸡扒burger，我个人就几钟意，个Sauce balance得几好，然后啲鸡肉都几Juicy，包就正正常常如果我冇记错，好似加咗$38拣咗佢嘅古巴三文治，入面就有啲猪肉同埋咸，整体呢个三文治偏咸偏酸，唯一值得赞嘅就系个包好脆最后加咗$60要咗杯matchalatte ，好靓嘅上面仲有薰衣草装饰，但杯latte就有啲一言难尽，饮落去第一啖就俾啲粉浊亲
买单加一$470 ，值唔值就真系见仁见智啦，我就觉得好唔食啦同埋沙田呢间应该唔会再有第二次，成个座位空间太压迫，咁嘅价钱我食美心好过啦，起码我坐得舒服，学斋朋友话加少少钱酒店buffet都食到啦
