BACI Trattoria · Bar

钟意食Pizza🍕嘅朋友要留意啦！曾经夺得全港Pizza第2️⃣位嘅"BACI"以家系系中环兰桂坊开左啦!BACI 一直以招牌窑烤烘获奖手工薄饼见称!每一块Pizza都烤得皮薄又脆身！而且材料十足，味道又特别！我同朋友今日就专登嚟食lunch：🍕South of Asia- Pizza皮脆内软,将辣肉酱制成蓉,仲有自家制风干嘅菠萝脆片,香脆鲜甜再加埋水牛芝士、烟肉圈、菠萝蓉、烟肉忌廉、辣椒等，口感丰富，层次十足！🍕Royal Tartufo- 有水牛芝士、牛肝菌、牛奶芝士、黑松露芝士、新鲜黑松露，每啖都有香浓嘅芝士味！配上黑松露，口味出奇咁配搭！除咗Pizza真系超正之外，饮品亦都非常有特色！🍵Yum Cha!!- 以中国传统嘅茶杯，入边混合咗玄米茶伏特加、斑兰聪浆、椰子水、茉莉花茶、椰子酒，茶面上仲配上玫瑰花瓣，饮落好清新！🍹El Grape- 用左自家制伯爵茶毡酒、巨峰紫葡萄香甜酒、接骨木花糖浆、柠檬汁、汤力水，好味，酒味唔算太浓，而且酸酸甜甜，好容易入口！无论食物甚至饮品卖相都非常有心思，好精美！打卡一流！📸而且餐厅嘅环境阔落够开阳，坐得好舒服！最啱同friend一齐嚟倾下计，过一个悠闲茶！💕…查看更多

曾夺全球Top 50 Pizza🍕亚太区第12位，全港Pizza第2位嘅BACI，Weekend Brunch可以任食佢哋嘅Pizza🥹😍 仲有劲多高质沙律、海鲜、烤肉等等，星期六日早起身出中环都值！环境外国风，开扬亦坐得舒服，拎野食唔会有压迫感。 Weekend Brunch $528+10% 冷盘冷盘选择非常多🥗😍 每款健康得嚟又唔会觉得款式乏味，例如红菜头沙律、鸡肉沙律、茄子、蕃茄水牛芝士、芦荀等等，全部都好新鲜，重点系我个人怕食落太重橄榄油嘅沙律(香港好多正宗西餐厅跟返外国人口味都好重手🥲)，呢到完全无呢个问题，我呢个亚洲胃食均全部款式都无负担😆 仲有鱼生！三文鱼、吞拿鱼及意式腌制嘅鱼，就咁食/配面包都得。Brunch已经有龙虾供应🦞🙈 仲有虾、蟹钳、海螺、青口，质素正常，不过海螺🐚就失色少少有沙。 热盘专区 到热盘专区，多款意式烹调手法菜式🇮🇹，例如经典意大利肉丸、香柠三文鱼、意式猎人炖鸡翼、Salamella（莎乐美肠）、巴马臣芝士茄子、西西里炖杂菜等等。烤肉专区有3款选择，香烤猪腩肉、烤牛臀肉及烤羊肉，见到厨师即煮即切！食自助餐嘅烧牛肉好易食到好柴好干⋯⋯呢到3款肉都好有惊喜🩷肉质十分柔软而且肉味浓郁，可以encore！到主角一定系获奖Pizza任食😍🍕全部即叫即制，是日精选款式有4款，包括Margaritas, Four cheese, Ham & Mushroom, Pepperoni。无得叫一半一半，我哋特意留肚 ，就叫2款，叫无馅料嘅Four cheese🧀及有肉馅嘅Ham & Mushroom, 一般Four Cheese 系用mozzarella, fontina, gorgonzola, and parmesan，呢到用咗贵价Blue cheese！但Blue cheese真系唔系人人接受到，我自己系唔抗拒亦enjoy嘅，但如果你唔钟意Blue cheese就唔好叫呢款，而Ham & Mushroom就湿润度高，手工pizza用传统窑炉高温烤焗，食起嚟外脆内烟韧，佢地嘅Dough 好soft带有面粉香气，唔怪之得上全球Top 50 pizza!!主角之二有即煮意粉🍝，可以好似车仔面咁自选，有Penne, Spaghetti, Cavatelli, Gnocchi，再拣埋酱汁Arrabbiata, Bolognese, Carbonara, AOP，跟住我哋自己系热盘区夹咗肉丸落去做𩠌🤣 我想讲意粉都好有惊喜😍 我哋拣Carbonara配Penne，啲白汁煮得超级入味又唔会太咸，意粉烟韧度亦恰到好处，必食之一！ 甜品甜品都有5款以上，连开心果蛋糕都有！我哋每款试匀哂🤪 一定要食Tiramisu，好smooth又唔会太湿太甜！朱古力蛋糕加咗脆脆亦唔浆口，连炖蛋都好好食🥹🥹 …查看更多

♡全港第二好食嘅pizza👑. ݁₊ ⊹ . ݁ ⟡ ݁ . ⊹ ₊ ݁. . ݁₊ ⊹ . ݁ ⟡ ݁ . ⊹ ₊ ݁. . ݁₊ ⊹ . ݁ ⟡ ݁ . ⊹ ₊ ݁.✩⡱ 𝑺𝒕𝒆𝒍𝒍𝒂 🍕⭐️ $𝟐𝟖𝟖第一次试星型Pizza，完全唔系得个样.ᐟ‪.ᐟ Parma ham + 火箭菜铺系酸甜平衡嘅蕃茄酱上，仲有大大够水牛芝士系中间，已经好吸引，近Pizza边仲有浓郁嘅黑松露酱，劲丰富◝☆ 松软嘅Pizza边配上黑松露酱，真系好食到停唔到口，绝对系会想encore嘅质素૮ ᴗ͈ˬᴗ͈ෆა ✩⡱𝑲𝒂𝒍𝒆 𝑺𝒂𝒍𝒂𝒅 🥗 $𝟏𝟔𝟖一向对kale嘅草青味无感，但依个沙律醋汁完全盖过咗啲草青味，令我觉得kale都几好食.ᐟ原本以为依度净系得Pizza值得一试，估唔到沙律都咁高水准*͈ᴗ͈ˬᴗ͈ෆ ୨୧ 环境 位于lkf中心位置，餐厅系开放式设计，虽然有啲热，但几适合庆生或聚餐.ᐟ当晚见到唔少人嗌tiramisu庆生，气氛唔错( ˘ᵕ˘ )♡♡ …查看更多

同朋友喺星期日中午去食佢哋嘅brunch semi buffet。出面自助攞嘅嘢食全部都好合理，salad bar、冻海鲜同埋肉全部都好合理。但系，佢本行做嘅pasta同pizza都好一般。rigatoni完全唔烟韧，bolognese好淡味。carbonara尚可接受，不过冇蛋黄同芝士香味。pizza𠮶个厚薄好奇怪，又唔系传统意大利pizza嘅薄，个底淋晒，仲要厚嘅位唔系好咬得郁。我哋觉得最差系甜品，全部都系好浓好腻好甜，乜都有阵金莎嘅hazelnut味。食物质素中规中矩，但系服务完全唔可以接受。pizza漏咗单，等咗半个钟都未有。收碟都算快，不过完全唔识帮人哋换餐具同加纸巾。另外，如果唔想俾钱饮水嘅话要小心，一坐低就问我哋水要still定sparkling，咁我哋谂住香港水喉水唔似得喺外国餐厅咁饮得，所以叫still water。点知埋单先知原来still water都要收钱，$38一支，但系其他台系饮紧普通嘅水。如果有普通水但系佢冇同我哋讲，然后仲要系咁帮我哋斟水所以开咗两支，咁就好似有啲老土啰，估唔到呢个年代仲有餐厅呢个位会做得咁尴尬，仲有只乌蝇飞来飞去！嘢食唔系特别标青，但系服务真系好一般，唔会再返嚟😓…查看更多

我已经好耐无写食评，今次真系忍唔住要提醒一下想试既朋友。我系经openrice订枱，享有75折优惠。家姐毕业离开香港前谂住一家人食返一餐好既当庆祝。点知后悔到爆，折后人均4XX，但食物质素一啲都唔值。佢有沙律bar、海鲜、甜品同热食。首先沙律正常发挥，不过不失，但食落食物质素一般。我平时好钟意食红菜头，一般红菜头都会好甜，佢无咩味之余带草青味。海鲜区有龙虾、螺、蟹钳同虾，除虾以外，其他都好难食，特别系龙虾同蟹钳，无味不得止，成只干争争，好实好难咬。真系可以用垃圾级别黎形容。熟食有烧牛、五花腩同鸡，烧牛稍微好一点点，另外两种都系好干好柴。另有鸡翼、肉丸、三文鱼、杂菜等，鸡翼看似正常，食落咸到爆炸。甜品有4款蛋糕，Tiramisu, cheesecake,朱古力慕丝、唔知咩布丁。一系太甜，一系无味。雪糕柜唔多冻，啲雪糕好似溶溶地，西瓜有沙但完全唔甜成餐唯一可取系pizza，可能因为即叫即整。后尾有员工问我哋意见，我照直讲。连个staff都同意我既comment，佢都系咁觉得。真系失望到爆，完全唔值得试。 …查看更多