B‧B 海景餐廳

营业中

休息中

黃昏時間,再次經過此餐廳,終被門外大叔之熱情融化(之前經常行過,門口o既大叔都在硬銷他們之食物).我們坐露天位,叫了:肉醬焗薯皮--外皮焗得好脆,幾好海鮮忌薕芥末汁寬條墨魚汁麵--有好香芥末味,海鮮都幾多這裡有海境,食物款式幾多選擇,下次會再o黎試其他嘢~

見到「海景」兩隻字，又唔太貴就走左入走。叫左兩個set，service好好，可能係做遊客生意吧~ 個view真係好得~ 人都食得開心d~ (不過小心大浪時會拍上黎d野食度)食物quality都ok，overall不過不失~esp近碼頭，去lamma island可以一試~

啱啱Weekday入咗去南丫島relex, 係BB好肚餓食咗個Tea, 幾好味, 薯皮同意粉, 最緊要係平, 買相又靚, 招呼又好!次日Lunch再食. 門口個Uncle極力推......介, 寬條麵, 嘩!好靚又好味, 老公嗌咗個波菜麵, 佢唔太鐘意食白汁都話正!下次我會再試!

Waiter細心，原本訂唔到海景位，但係都安排到俾我地。食物一般，環境舒服。情人節食飯唔錯既選擇。

同"富利薯"點的東西一樣我覺得個闊麵好好味我地夜晚去食,好有情調咁o岩果日落雨天氣比較涼,我地揀左後面o既望海景位置點住蠟燭好浪漫waiter叔叔們好nice,會問番你D野滿唔滿意叫左個熱檸茶,俾左一套杯碟同茶壺俾我自己慢慢斟,茶包仲係用"Lipt*n"添!所以紅茶味特別香如果第日夜晚去的話一定會再去!!

食左一個set dinner + 一個意粉幾好味丫下次如果再去都會食多一次

老闆在門前非常hard sell, 見其食品賣相不錯, 店裡面的格局和設計也挺好, 於是便進去一試了。點了一個set dinner, 西冷, 要五成熟, 友人點了累海鮮墨魚汁芥辣闊麵。餐湯都要了粟米忌廉湯, 夠熱, 味道不錯我的西冷煎得剛剛好是五成熟, 很有牛肉味, 非常的嫩滑, 可能是我吃過最好的一客西冷。友人的闊麵都很不錯, 很香,海鮮份量不少, 有微微的芥辣香味, 我試了少許, 也覺得是很不俗的。頗滿意的一頓飯。

同男友食過2 次,d野食唔錯~tea time時男友食藍帶豬扒($40幾),我地跟薯菜~係吉列豬扒,內層d餡係芝士&火腿,真係好芝咪,d薯菜唔係薯條,係薯角,好味~呢個lunch set包餐飲,唔駛加一!我要左一份香腸熱狗($20),個包等左勁耐,男友食完再吹下佢先黎,個包唔好食,只係一大個法包夾住條腸仔(係普通腸仔,絕唔係司華力0個d大腸),加幾塊仔既蕃茄&好大塊既生菜,最後俾d黃芥末醬,個包好硬,勁難0趙,轉做普通熱狗包會重好law,起碼易食好多law(個包咁求其,又點會等左咁耐呢?Dinner食燒春雞跟飯($40幾),個廚師重介紹點好食法&點食法,好nice架,知道今晚d食物係佢煮既,好好食呀,我男友清哂成碟,個set dinner跟青豆湯&一塊多士&drinks,廚師極力sell呢碗湯,話好正,果然,係超正~Dinner要加一架!

今日同好耐冇見既好姊妹暢遊南丫鳥, 之前都來過.. ok 啦..6點鐘來到呢間餐廳食晚餐, 叫左個美式薯角,煙鴨胸菠菜麵同海鮮墨魚麵,美式薯角等左20分鐘終於出到(經我地催促多次),餐湯同煙鴨胸菠菜麵再等左40分鐘終於出到(又經我地催促多次), 不過好咸, 咸到食唔落, 海鮮墨魚麵出唔倒,唉...好差

中午到達,先來個lunch先,本來想去南島書蟲的,但看書上網好像不太合郊遊的情節,決定到此一試:一進去,環境不錯,很有氣氛,可以選擇露天or冷氣的座位,當天30度, 嘻嘻,你們估測我會坐邊度?點了一個肉眼扒,跟薯菜,一個龍利魚,跟意粉先上一個忌廉湯,不夠熱,比較多粉,沒什味道.心知不妙…肉眼扒跟住上,order了五成熟.點知道到來時是全熟,天啊,肉質不靚,好像是雪藏貨式,韌時又全無肉汁及肉味,好像是去左茶餐廳食緊牛扒飯一樣.蒜汁龍利魚跟意粉接住再上,又一次失望,龍利魚煎得不香時,只有很粉的口感,意粉又冷冷的.另加十元可有一杯coffee or tea,但我決定出去土士多買果汁飲好過.真有少少失望,價錢不是太重要,但收得人錢,比返少少質素客人會比較合理.算啦,這不會影響我們的情緒,我倆離開後又再手拖手周圍遊玩了.

趁放假去了南Y島行山, 行到累見到呢間餐廳環境都ok, 跟住就入左食, order了一個二人餐...忌廉湯- 湯面幾油下, 但入口都算ok炸龍蝦丸- 其實即係普通打邊爐既丸, 有兩粒, 唔ok紐西蘭牛扒- order了五成熟做得剛好, 入口幾嫩滑, 伴菜既份量都唔少, 最特別係薯條, 切得厚厚連皮, 面頭灑上黑椒, 味道幾好龍蝦尾- 龍蝦肉炒得好香口又入味, 好食紅酒兩杯本來可以望住個日落, 埋單二百幾, 價錢唔貴, 而食物又唔錯, 應該都會好滿意, 但服務就真係要改善, 因人手嚴重不足, 成間餐廳得兩個waiter, 叫極都無人, 另外order了啤酒又無來, 唔得

I went there with bf on last thu. We had dinner in this restaurant. We ordered an angel hair. Wah! It's excellent ar!!!!!!And the portion was very larger !!!!!!The price is low too!!Just $58, a set woo!If you go to Lamma, You must visit it!

難得約了一大班朋友到坪洲聚會, 可惜誤了船期, 趕不及晚飯前的一班船, 只好放棄原定的計劃. 心態上已達到離島一遊, 唯有到其他碼頭碰碰運氣, 幸好到榕樹灣的船泊岸, 兩口子不加思索的跑到船上去. 到了榕樹灣, 行了半點鐘, 還是選擇了一間有海景的西餐廳, 兩口子來了一個二人套餐, 看來十分經濟而且豐富, 先來了兩杯紅酒, 味道不錯; 再來海鮮蕃茄忌廉湯, 湯底雖香滑但犯了一個嚴重錯誤, 湯煲燶了; 炸軟殼蟹味道亦不太討好; 前兩個菜式已有點失望, 本來對餘下的亦不抱期望, 怎料喜出望外, 肉眼扒和羊扒肉味道不錯, 五成熟火喉亦準確, 肉眼扒肉質爽口有肉味, 只是羊扒的質感略嚴粗了一點. 主菜過後尚有一點時間, 看著海景夜色, 喝著最後的一啖紅酒, 享受著艘微微海風, 風平浪靜心境平靜, 有點舍不得離開.

今日同女朋友仔黎到南丫島因為肚餓既關係就黎呢間食下ｔｅa啦見倒價錢比其他果d平d同埋間野又ok咪入去試下囉其實我兩年前倒都去過呢間架都幾好tea 既份量就細細地味道不過不失環境就幾有格調既真係~^^服務都過得去~~大家去到南丫島可以一試呀都^^

間餐廳o既食物水準一般啦，價錢又平，環境都唔錯o既，有燭光仲可以有海景，不過海景o既table好唔靚，唔多o岩feel。我反而想讚讚佢o既service呀，ｄwaiter幾友善幾勤力，而且細心。佢留心到我怕凍（我係咁摸個candle杯），於是俾杯暖水我（原本suppose係凍水ga）；由於我地係打電話booking，佢又問我地佢telephone manner好唔好，駛唔駛改進（好上進呀！）；佢見我地叫薯菜，又醒目俾埋蕃茄醬我地；見我地唔係咁開到支新蕃茄醬，又識主動offer help；而且最後我地漏左野，佢係衝出o黎搵我地ga！咁o既服務態度，我地好滿意！整體而言，都值得去一試呀！