ASOK THAI CAKE

营业中

休息中

嘩,一入中環街市就俾依間 THAI CAKE 吸引左啦,超得意既造型,好有特色~有士多啤梨款,又有好多細細件既 cake 仔,有榴槤造型、又有 mango 造型,好得意。THAI COFFEE BAASQUE BURNT CHEESECAKE  朋友最愛就係 cheese cake同埋 cofffee~所以就買依個 cheese cake 試下,真係完全好開心,無失望,真係好濃郁既芝士味,仲加上好有泰國風味既 coffee,正呀~佢另一款係有 double榴槤味經過有好香既榴槤,仲有 THAAI COFFEE TIRAMISU真係不得了,超正~下次再試埋~另外,成個市集都好好,好多好得意既小手作,LUNCH之後行下都好開心,真係番工既壓力都會小d呀~

之前幫襯過尖沙咀嘅pop up store, 今次黎到中環街市再試依間超有特色嘅泰式食品造型蛋糕店🤩🌟 今次分店有提供堂食坐位，採用了木樁造型嘅坐桌和舖上毛毯嘅石椅，風味十足👍👍 今次無㨂小型精緻嘅特色蛋糕，反而貪心地㨂咗個大少少嘅蛋糕🤭 俾佢個泰式咖啡提拉米蘇吸引咗🥰 正方型嘅蛋糕造型簡約美觀，表面潵上點點金箔更添貴氣🥰 食落質感比預期的挺身實心，忌廉不多不會太漏，當中夾雜著一顆顆細粒朱古力，口感頗有驚喜😋 味道方面，蛋糕朱古力味道出眾，兼具備醇香的咖啡香氣，滋味層次頗為豐富，甜度不高，怕甜人士可以一試👍

2024年3月15日 星期五呢日突然間早咗收工，所以就係中環街市行下，因為翻新咗之後都無乜機會嚟過，同以前真係好唔同，多咗好多舖頭同餐廳，而且有冷氣行得好舒服咁岩見到有呢一間泰國甜品餐廳，之前已經試過佢其他分店，不過冇諗到原來仲開埋甜品，見到裏面嘅裝修好有特色，一枱一凳都好似去咗泰北嘅感覺咁，而且燈光好柔和餐廳嘅門面已經放咗凍櫃，裏面放滿咗形形色色嘅甜品，全部賣相都好吸引，有原裝同一個咁賣，價錢唔算太貴最後我選擇咗呢一個香芒熱情果香茅忌廉蛋糕返屋企同屋企人分享，賣相好特別，好似以前嘅中式糕點咁，買嘅時候店員仲好貼心提醒我記得要一個鐘頭內拎返到屋企，因為蛋糕冇落防腐劑，驚佢既忌廉外層會慢慢開始溶返到屋企食完飯已經急不及待由雪櫃拎出嚟食用，一切開就見到裏面嘅蛋糕分開一層層，整得好出色，味道酸酸甜甜，唔會太過膩，而且冇諗過百香果同香茅會咁夾，香茅味慢慢喺口中散發開，同時間都食到芒果同百香果嘅味道，互相配合，完全顛覆咗我對蛋糕嘅印象，竟然可以用香茅作為配料！！

This cake shop has a lot of eye-catchy confectioneries on display, and they are Thai/ fruity flavours-inspired. We tried two of them, one durian and one strawberry, both shaped like the real fruits. The durian smelt really strong, but our durian lovers said it’s not quite one of the best as the taste wasn’t fragrant enough. I tried the strawberry and it’s a mousse cake stuffed with strawberry jam, it’s pretty sweet so it’s better shared. I’d say the packaging was safe and sound, and the cakes we

同朋友喺中環食完飯走入中環街市見到呢間主打泰國甜品嘅蛋糕好吸引除咗泰式小蛋糕嘅造型別緻仲見到推出唔同口味嘅生日蛋糕我地揀咗款新口味返公司開心Share✨泰國青柑檸杏仁甜撻市面好少見呢種口味酸酸甜甜嘅味道好清新口感比一般蛋糕更幼滑細膩又香又滑賣相同色澤好特別蛋糕比例佔少量，而且唔會太甜配上黑朱古力脆皮同小花作點缀真係好好食下個月可以買嚟慶祝生日喇Asok Thai Cake 📍中環皇后大道中93號中環街市1樓121號舖

最近愛上左泰國🇹🇭既我，今次決定...將自己鍾意既，分享俾親愛既𝐌𝐚𝐦𝐢🤗店家主打 - 泰國野食🇹🇭造型既𝟑𝐃立體蛋糕🤲🏻榴槤 • 芒果糯米飯🍚 • 椰青 • 士多啤梨🍓 • 芒果肉🥭 • 青柑檸...，真係泰精緻 • 泰得意😍不過我地屋企人少少，我就揀個細𝐒𝐢𝐳𝐞泰味道既款式👨‍👩‍👧‍👧~•~•~•~•~•~•~•~•~•~•~•~•~•~•~•~•~•~•~• 店家既蛋糕🎂分左𝟑個類別 / 𝐒𝐢𝐳𝐞▫️泰式造型生日蛋糕 (𝟒 - 𝟖人份量) ▫️泰式經典生日蛋糕 (𝟑 - 𝟏𝟐人份量 - 𝟒” / 𝟔” / 𝟖” ) ▫️迷你蛋糕 (𝟏人份量) .▪泰式經典生日蛋糕 • 香芒熱情果香茅忌廉蛋糕 ($218/4”)(香茅 • 忌廉 • 白朱古力 • 熱情果果泥 • 芒果果泥 • 蛋 • 糖霜 • 杏仁粉)依個款式簡約風中帶小小心機，加左金箔✨ • 小花🌼點綴，係咪可以叫低調奢華？💎味道方面 ：一次過有多種味道， 香甜芒果🥭 • 酸酸甜甜既熱情果❤️‍🔥，配埋清新既香茅💚，加少少幻想💭，成個渡假感覺出晒黎🏝食落唔會太甜，熱情果味最突出🧡.~•~•~•~•~•~•~•~•~•~•~•~•~•

🐷話拍拖紀念都要買個蛋糕賀一賀，就揀左👦🏻至愛既strawberry 🍓 Thai lime and strawberry mousse cake 4吋的$238～蛋糕融合了泰國青檸和草莓的獨特風味,每一口蛋糕都散發出清新的青檸香氣，令到mousse唔膩。再搭配的甜美草莓，酸酸甜甜但又同青檸既果香，為蛋糕帶來味道上的層次感。蛋糕上兩粒士多啤梨，我開頭也認為是白朱古力，但原來也是mousse加士多啤梨蓉，食落天然甜🍓朱古力脆脆令口感加強。餐廳外有位置可以坐，不同造型蛋糕選擇是慶生的好地方❤️

前兩日食過呢間店舖尖沙咀嘅泰菜後對佢食物質素好有信心，今日響中環街市見到原來佢有蛋糕店專賣甜品，款款都好似好吸引，襯今日同朋友慶祝生日，一於買個四吋嘅蛋糕試吓❤️蛋糕款式有好多琳瑯滿目，朋友鍾意食熱情果，但坊間好少有熱情果蛋糕🍰一切開果然冇令我失望，首先面頭有新鮮熱情果，而切開入邊個餅底入邊係酸酸甜甜，質感夠厚實，面頭嘅忌廉食落去好似雪糕嘅感覺，淡淡地平衡返味蕾，所以一啲都唔漏，呢個蛋糕有心思👍🏻有好多件裝蛋糕，下次可以散買幾件嚟試吓唔同嘅味道😄

⭐️評分：4.5/5-✳️泰國青檸士多啤梨慕絲蛋糕 👍👍👍網紅打卡必買‼️趣味設計猶如藝術品一樣，一直在拍照-▶️士多啤梨外層朱古力，內裡是真士多啤梨蓉，而且冷藏得冰凍如沙冰😍🍓超級香甜，好吃🍓-▶️🎂蛋糕外圍的白朱古力，更是奶香味濃郁，幼滑香甜-▶️花花和葉亦是朱古力-內裡，蛋糕底+🍓蓉+慕絲▶️慕絲並非軟滑質地，較硬身偏沙冰感😍-甜而不膩淡淡香氣散發愈吃愈上癮🤤🤤-在店的旁邊有長椅，裝修氛圍感滿滿🌸超適合打卡🌸--⭐味道 4.5/5⭐️特色 5/5⭐️環境 4/5⭐️性價比 3.5/5 ⭐️服務 3.5/5

餅店：Asok Thai Cake地點：中環街市菜式：泰式蛋糕，特別造型蛋糕餐牌：招牌原個蛋糕，切餅，飲品等香芒熱情果香茅忌廉蛋糕 $218第一次幫襯，揀左個香芒熱情果香茅忌廉蛋糕，寫明4吋，的的適適好可愛。造型係白色忌廉外圍加上金箔，蛋糕頂層有橙色熱情果醬加熱情果籽，再加上白色小花點綴。切開入面原來大部分係香滑香茅忌廉，入面下底係梅花間竹芒果jelly同海綿蛋糕。忌廉帶濃濃香茅味，仲有少少香茅皮，配芒果jelly同海綿蛋糕味道輕盈唔會太膩，好食呀。份量方面應該3人分就啱啱好。外賣盒係透明膠盒，俾你清楚見到蛋糕，附上膠刀一把。

嚟間蛋糕專門店想食好耐，無論賣相，造型好特別，另人唾涎。充滿東南亞風情。今日去朋友屋企茶聚，想買一個四吋蛋糕與大家一齊分享。花多眼亂之際，一時決定唔到，好彩店員推介了。泰國青檸士多啤梨慕絲蛋糕粉紅色系列非常有少女情懷。士多啤梨造型可愛至極。慕絲部份甜而不膩，因為有青檸原素。士多啤梨嘅甜香味特出，喜歡吃草莓必選。蛋糕底鬆軟，還有一層士多啤梨夾心醬。整體來說，酸酸甜甜嘅口味，勁開胃，多吃也不怕……嘻哈！

喺Asok Thai Cake諗住買個細細個嘅4吋蛋糕同朋友慶祝生日，款款都好吸引咁，最後我揀左個好sharp色嘅泰國青柑檸慕絲蛋糕，夠晒特別，一聽就知應該幾清新唔會膩！🎂Mousse質地好細滑易切，見到入面幾有層次感~食到青柑檸味嘅果蓉同好鬆軟嘅海棉蛋糕，白色嘅就係mousse，清清地帶點甘香，唔會太甜😁細細地幾有儀式感，我地最後分左8份，朋友們都好喜歡！下次會想買佢d切餅自私食😂造型好特別咁！

座落在中環街市裡頭的一間耀眼的蛋糕店蛋糕外型大多數都很獨特能把真實生果形態呈現出來榴槤 芒果 士多啤梨 啤梨 等等但今天要慶祝同事生日所以想買了一個完整蛋糕🛎️Thai coffee Tiramisu 4” $258外型高貴 很適合我高貴的同事還有少許金箔味道質感方面跟我想像中的完全不一樣先講質感 這是比較硬實的質感亮點是蛋糕夾雜着一顆一顆細細粒的朱古力味道方面 吃不出一般tiramisu 有的冧酒味咖啡味道不算很出當作是一個朱古力蛋糕會比較適合...服務👨🏻‍🍳 員工態度良好 衛生🛁 感覺乾淨 沒發現明顯污糟環境🏡 裝修具特色 印第安人風格 適合打卡

Asok Thai Cake 地址: 中環皇后大道中93號中環街市1樓121號舖=====================呢間蛋糕店一直留意很久，因我返三在中環，成日去中環街市食飯經過都會望多幾眼，每個蛋糕造型精緻兼吸引，今日有朋友生日，買了個來慶祝。蛋糕口味混入了泰國風味原素，今次買了個 4吋 $238 thai lime and strawberry mousse cake ，兩粒士多啤梨好可愛搶眼。青檸的酸味令到人唔會覺得只有甜味覆蓋，淡淡青檸酸香平均，清新朱古力脆脆同mouser 細滑！

每件蛋糕價錢都唔平不過勝在夠精緻食落去都幾感受到設計蛋糕果一個人應該有好細心嘅每個蛋糕都對應返佢哋本身個片果樣食物嘅味道食落佢口感都唔錯不過好可惜價錢唔平 想試多一兩個都買唔落手😂😂😂