Ask (已搬遷) 新店位置

好高興一試業就可以黎食，新店地址真係非常方便，由地鐵行過去只係三分鐘左右。嘩，店中好多植物！得意，好有森林氣息。今日雖然係試業，但餐廳入面都幾爆，我本身希望食個黑松露意粉、但見到個all day breakfast好似好吸引，於是就叫左啦。另外可以用特價叫杯野飲，見天氣今日凍凍地又落雨、一於叫杯熱馬卡龍拿鐵飲飲先。首先到既係馬卡龍拿鐵，個拉花幾靚，飲落其實唔太似馬卡龍、但係係一陣形容唔到既芳香。呢度店仔細細，我坐個位咁arm仲可以見刑咖啡師沖咖啡添😊。個全日早餐好抵食，真係好抵食。首先，價錢比出面一般all day breakfast平，而且有成半個番 茄！翠玉瓜亦好厚肉，仲無苦澀味、證明係靚瓜。 我最鍾意係個薯餅，炸出黎都幾甘香。神奇既地方係無咩油，感覺健康。令人心情最好莫過於太陽煎雙蛋，煎得靚靚，但如果每張枱上面都有調味料就好，唔洗麻煩侍應幫我攞。