ASAP As Simple As Possible

营业中

休息中

100蚊的brunch，waffle淋的，咬都咬唔斷。雞扒蛋包咖哩飯，咖哩鹹到…食唔到，雞扒又柴！唯一的優點係咖啡夠熱。大X樂的質素，收咁的價錢..極度唔推薦！

Lunch通常要等位冇得book枱有時有special menu今日同朋友嚟試咗special menu嘅花生醬burger 同pesto sauce spaghettiBurger好創新原來同花生醬都夾倒值得一試Pesto spaghetti份量超大但味道唔濃未必適合鍾意重口味嘅人

相隔兩年再一食評，好耐冇見大家了。很懶惰，沒有一個很想很想寫食評既心，就擺底了 …..試吓慢慢重拾先，你會鼓勵我嗎？一個人的早餐並不沉悶。很享受。之前都嚟過呢間食午餐，今次係第二次嚟，睇完Menu之後點左一個炒蛋腸仔多士，加咗錢要埋煙肉通粉。然後飲咗杯熱洋甘菊茶。話說點完餐啲嘢食都上得好快，好有效率。我一個人，佢俾左窗口位可以睇吓風景？（其實都冇野睇，因為隔籬就係大廈。😂😂）起碼唔使左右都係人先😀如果細食嘅話，唔加通粉都OK ，只不過今次唔想食飽啲🤭🤭不過不失啦，正正常常早餐😌 唔知係咪因為啲煙肉擺左通粉到所以好林，食落去唔熱氣。多士牛油份量幾好我鍾意（有啲餐廳好少㗎，我本身鍾意食牛油）環境影咗幾張，自己睇啦，我坐嘅係木凳，sofa 應該舒服啲嘅。冇特別要求啫，如果有位我諗都應該可以。至於服務員嘅態度，幾好啊，我企門口嘅時候唔會特別刻sale，亦都留意到你企咗喺門口睇吓有冇需要招呼你。落單方面都係qp code 了，都電子化。呢個趨勢應該都好普遍。未去到特別好食又唔係唔好食，會唔會返頭？都可以啊（因為近工作地方🤭🤭🤭）

We, altogether have 5 people ordered 5 sets of breakfast. However, the dishes are coming in different time. We have been sitting in the restaurant, from Sunny to rainy and then back sunny again. Took us more than an hour to have all dishes on the table. My daughter finished up her Orange juice without any food…it’s a bit crowded but only have 3 staffs taking care of everything which is definitely under-staffed. I hope the group has to take care of the responsibility to take care of its employees

今天生日、晨早想relax下，於是去了這裡嘗個早餐😎這裡走文青路線，地方大環境舒適，早餐款式多👍🏻，雖然價錢比一般茶餐廳貴，但味道很好，滑蛋抄得超滑😋，特色腸吸睛！它的熱咖啡亦十分香濃，味道特別，會令人一試難忘🤣。我就在這𥚃一邊聽音樂一邊享受了個美味早餐，慢活了一個上午🌹

☞ 沙田 ASAP As Simple As Possible ☜———————————————可一不可再🫠———————————————◊ 鹽燒牛脷香辣蕃茄煙肉意大利粉 ◊牛脷燒到好乾好韌，係咬唔開。蕃茄味好淡，個意粉係近乎冇味🫨美味程度: ㊣/5 ◊ 炭燒牛肩扒配露絲瑪莉燒汁意大利粉 ◊牛扒唔會煎過熟，但就冇咩肉香。燒汁同樣好淡😶美味程度: ㊣/5———————————————📍:ASAP As Simple As Possible沙田銀城街1-2 號置富第一城·樂薈地下G15-G20, G108號舖

同朋友一齊叫左兩個餐，其中一個意粉等左一個鐘都未黎，催左四次，比我們遲入嚟嘅食客都食完走埋。最後全部野食都已經食曬，嘢飲都飲完，但係都仲未黎，以後唔會再幫襯😠

第一城都好多餐廳，諗黎諗去都唔知食乜好，最後都係想試下特別野，就揀左呢間試試。呢間餐廳嘅菜感覺有D中西Mix fusion。入到餐廳，座位都闊落，坐得都幾舒服，雖然係中午時間，但人流中規中矩，落單好快，上菜都好快，成個流程約十分鐘。雞肉蕃茄意大利粉意粉係熱辣辣，但意粉有D乾，份量算正常，但食完唔算太飽。醬汁味道可以，係預期中既味道，不過係好味嘅羅宋湯味道唔錯，都幾香濃，但無乜驚喜。整體感覺尚可，但價錢有些貴。

沙田ASAP餐廳設計簡潔，陽光充沛，餐飲選擇多，配搭得宜，最重要是食物質素高，份量足。各樣食物都比我想像之中出乎意料之外好，令我最意想不到的就是他的黑松露忌廉野菌湯，雖然一杯細細但真係好香濃，必點👍🏻🌟黑松露忌廉野菌湯好香濃，好滑，正，滋味🤤🌟鹽燒牛脷香辣蕃茄煙肉意大利粉蕃茄味好濃，酸酸甜甜，加上辣辣哋；意粉偏硬，係我鍾意食嘅硬度啦。牛脷好軟腍多汁，加埋啲香料很好吃😋。🌟香燒西班牙豚肉拼配脆羽衣甘藍配牛油果芝士醬豚肉一啲都唔韌，但就好薄身，蔬菜都好新鮮清甜，但份量就一般。

見到OpenRice 咁多負評都驚驚地 但因為無其他選擇又一大班人 所以揀左呢間～係要讚下一大班人 空間係大 坐得幾舒服既～我叫左碟西班牙炒飯 ～d飯勁淋～無味～仲要係配魚柳 原諒我真係未食過配魚柳既西班牙海鮮飯 同埋 真係好難食 基本上成碟我都無食～男朋友叫左碟牛扒意粉 牛扒比我想像中好～但意粉都係好淋 可能迎合返香港人口味？！以後都唔會再黎呢間野食😓

和同事外賣午餐，今次選了ASAP As Simple As Possible。ASAP與一般西餐廳一樣供應飯、意粉及漢堡包等餐點，但見到餐牌有一欄目為「自選醬汁蛋蓋飯」，便被這類吸引了！點了份鹽燒牛脷蛋蓋飯配凍檸茶，透過第三方外送平台預訂，折實後價錢為$66.4。鹽燒牛脷蛋蓋飯，可選配日式咖喱汁/燒汁/蕃茄汁，我選了燒汁，感覺與牛脷的味道比較匹配！送餐來的時候，醬汁用另外的紙杯裝載，可於食用前才澆上醬汁，不怕醬汁於送餐過程中被白飯盡吸。牛脷的大小不太均一，只有4-5件左右，煮得未夠軟稔，稍為硬身。鹽燒牛舌帶淡淡鹹味，調味剛好。蛋蓋飯的滑蛋份量充足，完全覆蓋白飯，而且嫩滑帶蛋汁。在蛋蓋飯澆上燒汁來吃，燒汁香而不鹹，味道不錯。附有紅薑片，可清一清口腔，減輕一下醬汁的濃味。凍檸茶的茶底勉強合格，酸甜回甘度一般。蛋蓋飯的質素著實不錯，如配菜再好吃一點會有更高評價啊～～～

咖啡熱度永遠不夠熱，從來未見過咖啡只是暖的！你試過Starbucks  的熱咖啡只是暖的嗎？冲調水準必須改善！天氣冷更令人失望！服務態度合格，說話技巧需要大力改善，以配合價單水平。

話等3個字，等左9個字，最後仲要漏，要再等多陣；番到屋企，一打開，啲野食又凍，又難食，擺明一早整好又攤左好耐，好失望，完全唔想再幫襯呢間野，原本見裝修幾靚，點知完全唔成正比。

以往在此餐廳吃過几次，食物不錯，週六經過，不用等位，來個悠閒午餐。点了廚師推介——白酒忌廉煮青口配酸種包（$117），另加$14，轉黑松露忌廉湯。先來忌廉湯，夠熱，味道正常，不過不失，只是杯上份量較少。再來主菜青口——-實在挺失望的，青口与忌廉汁微暖，一点也不夠熱，像是放了一段時間才送上来似的。好吃嗎？青口麻麻，汁液稀淡，似超市白汁包裝青口貨色，實在不願置評。草草不浪費，囫圇吞棗吃過了，趕快埋單走人。至於餐飲那橙汁，不提也罷。回家路上，我認真思考下次是否會再光顧呢…..

今天又去了探朋友, 由於外面大風大雨, 所以朋友就在附近商場買外賣回家吃了粟米忌廉餐湯前菜有湯飲，粟米忌廉餐湯香甜可口又夠creamy，好快成杯飲哂，好彩係細細杯飲完都不會太飽吉列西班牙豚肉滑蛋蓋飯豚肉肉質好嫩滑醃得好入味，吉列豚外層又炸得好脆，外脆內軟，熱辣辣，上層再鋪上滑蛋，好嫩好滑，入口即溶; 點埋咖哩汁，簡直完美配搭，好快就食晒