Arte by Padaria (已結業)

之前同大家介紹過Arte by Padaria嘅撻，自從上次試完之後一路都好想試佢哋首創嘅「鹹甜點藝術品」法式可頌夾心球，今次嚟到尖沙咀都專程嚟到K11 art mall買返兩個返去試吓伯爵茶芒果牛角波 牛角波嘅造型超級可愛，圓轆轆真係成粒波咁🤣搣開之後見到裏面嘅內餡好豐富，聞到伯爵茶嘅茶香味，牛角波嘅口感同想像中有啲唔同，估唔到外皮好煙靭，搭配馬德蓮蛋糕綿密嘅口感，感覺好得意，而且入面仲有芒果粒令成個味道層次更豐富👍🏻馬德蓮菠蘿牛角波本身仲想試埋佢哋鹹味嘅牛角波，可惜嗰日去到已經冇晒，但見到呢個菠蘿味就一於試埋佢啦，呢款用上原味嘅馬德蓮蛋糕同酸酸甜甜嘅菠蘿果醬，幾清新，感覺隻味有啲似食緊鳳梨酥🤣法式可頌夾心球

上次有朋友買咗呢間嘅法式反烤蘋果杏仁撻比我食，之後就一直都念念不忘，因為真係覺得勁好食，於是今日約咗人喺k11食飯，就特等先來買返一個。本身我一枝箭咁樣走咗去mtr 入口個層嘅kiosk位，見唔到，都有啲唔開心，點知原來佢哋係搬咗入地面kiosk嗰度，舖位唔係好大，但係佢哋嘅蛋糕款式同產品都保持到一樣嘅種類。可能今日係萬聖節，所以佢哋啲萬聖節產品大部份都已經賣晒，不過唔緊要，我主打都係想食tart。今次要埋strawberry tart，兩個都超好食，冇話太甜，tart底夠crumbly！

今次又再一次到訪Arte by Padaria，見到佢出咗好多Halloween蛋糕🎃同曲奇，見到個南瓜蛋糕🎃以為係南瓜味，原來睇真啲係芒果椰子奶凍配紫薯慕斯蛋糕😵‼️完全諗唔到嘅味道🤣造型已經加晒分👍‼️內裏有芒果醬，整體唔會好甜，幾特別另外，佢出名啲撻好食，所以買咗個焦糖合桃慕斯撻😋最中意係佢中間有大量嘅合桃同果仁，感覺有啲似食緊金莎🤣佢仲有最出名係球體法式可頌夾心球🟡🟠，好有創意😍下次可以試埋呢款🥰佢除咗K11分店外，近日仲係海港城開埋分店添‼️

行經K11 Art Mall見到有間蛋糕店都幾多人圍住所以行咗過去睇吓原來係Arta by Padaria今次我地試左熱情果杏仁慕斯撻同經典香蕉太妃批佢既慕斯撻有不同款式既生果和堅果以浪漫既法式甜點風格裝飾真係有晒視覺同味覺同步享受講返兩款嘢食先熱情果杏仁慕斯撻佢嘅外型幾靚熱情果味道酸酸甜甜啱啱好加埋個杏仁餅底成件事都好夾經典香蕉太妃批一睇個樣已經好吸睛外層係香滑綿密馬斯卡彭奶油包住香甜嘅香蕉令到甜味啱啱好感覺不錯佢仲有啲唔同款嘅曲奇同埋可頌球揀下次可以再試下！

次次經過K11 Art mall，都俾佢地精緻既甜品吸引住，今次更加推出全新創意慕絲撻系列用上多種極受歡迎的水果及堅果作主調，當然，唔少得主打香港首創「鹹甜點藝術品」法式可頌夾心球、各款造型或迷你蛋糕 ，我就揀咗其中兩款試吓先。✨經典香蕉太妃批 $58對於所有關於香蕉嘅甜品我都情有獨鍾，所以一見到呢個甜品就即刻買咗黎試，裡面有美味嘅香蕉配上自家製焦糖拖肥醬，加埋手工朱古力撻底，食落有層次感同香甜美。✨芒果椰子奶凍會紫薯慕絲蛋糕 $65就黎Halloween當然揀過南瓜造型嘅試吓先，南瓜嘅軀殼裡面配上芒果醬同奶凍，唔會太甜，match得幾岩。

Arte by Padaria 創意藝術甜品，再登陸K11 Art Mall！今次試試香港首創鹹甜法式可頌夾心球更有其他造型或迷你蛋糕及全手工曲奇（萬聖節款式！！）🎃🎃😈👿👻多樣化的甜品中必定可找到一些新玩「味」！-✳️伯爵茶芒果牛角波 👍🏻伯爵茶獨特清幽茶香，配搭酸甜芒果，濃郁而清新，味道香口，中間的馬德蓮蛋糕柔軟綿密，外層酥皮略有韌度，感覺新鮮-✳️玉桂蘋果牛角波濃郁玉桂香氣，和蘋果肉的果酸甜味完美融合-創意曲奇系列亦有8款口味，各加入2至3種不同口感的餡料，特厚特浮誇的造型亦非常吸引-慕絲撻系列以「浪漫」的法式甜點風格裝飾，外賣獨特精緻誘人，打卡絕配😍特大手工曲奇帶有不同口感的餡料，最「邪惡」之味蕾誘惑🥹--位於扶手電梯後面

之前聽朋友介紹而家人氣的法式可頌夾心球已經登陸K11 Art Mall藝術館，位置方便，我當然要即刻去試下啦! 一去到見到除左可頌夾心球和好得意既曲奇, 仲有創意慕絲撻系列，有6款口味以「浪漫」的法式甜點風格裝飾，十分吸引, 就決定可頌夾心球和慕絲撻各一, 咁麻可以同時間試哂兩種味道囉, 真係視覺和味覺一齊享受, 哈哈哈!香港首創「鹹甜點藝術品」法式可頌夾心球 ~*伯爵茶芒果牛角波 首先食和聞到伯爵茶的味道, 再加埋芒果粒和鬆軟的麵包, 味道很有層次, 好食又特別*法式反烤蘋果杏仁撻 外型真係好靚又浪漫, 也是我很喜歡的玫瑰花蛋糕, 吸引了我眼球, 必定要試, 食落有清香的蘋果味，加埋透明啫喱和杏仁慕絲, 餅底又脆, 口感層次豐富！

甜品控注意🤩創意人氣甜品店 Arte by Padaria 已經登陸左係尖沙咀藝術館K-11 Art Mall啦！❤️全新推出創意慕絲撻系列用上多種極受歡迎既水果及堅果作主調，6款口味以「浪漫」既法式甜點風格裝飾，各有其獨特美感，令視覺、味覺獲得同步享受😋仲有唔同造型既迷你蛋糕🍰總有一款啱你心水！今次就試下呢2款啦😆：🌈士多啤梨杏仁慕絲撻好新鮮既士多啤梨🍓🤩果然鮮紅色既士多啤梨最好食！慕絲撻既餅底咬落去好脆口，食落去冇得彈✌🏻✌🏻🌈咖啡朱古力歌劇蛋糕食落有好濃厚既黑朱古力🍫味簡直係我至愛🤪最驚喜既係，咬落去仲有Tiramisu既味係入面！估唔到3種味道一齊係咁夾既！

經過呢度先知道是首創「鹹甜點藝術品」法式可頌夾心球，外型像一個冷球好得意，要買個來吃，見到有很多款口味。可頌球口味：--朱古力榛子脆脆醬/卡邦尼/原味馬德蓮蛋糕配菠蘿/蝦醬馬德蓮蛋糕配肉/流心紅桑子 等。好多款都想吃，最後選擇流心紅桑子，甜甜酸酸，連我的貓貓都想食🤣可頌球看上去像是硬身，原來全個都是軟身的，內裡包含着餡料，是一款很特別的甜品。還有曲奇餅好大塊又特厚，回家用間尺度過有9cm大😳 數下都有8款口味，每款都有不同口感的餡料，價錢又不貴，買多款做甜品。曲奇餅口味：-三重可可/朱古力香橙片/開心果抹茶白朱古力/草莓夏威夷果仁曲奇 等。開心果抹茶白朱古力，大量開心果鋪滿在曲奇餅之上，整個曲奇餅都有朱古力味，開心果脆卜卜。怕甜的朋友都可以吃，因為有抹茶中和甜味。

今日喺K11見到一間蛋糕超多款～款款賣相都好靚，之前好似食過，印象中都唔錯，而家仲出咗期間限定嘅萬聖節蛋糕，造型超可愛😍😍朋友話買兩件返去俾小朋友，再買多咗兩件一齊食😙就揀咗藍莓杏仁撻，同埋咖啡朱古力歌劇蛋糕🤎藍莓撻上面嘅藍莓酸酸甜甜，配合慕絲撻一齊食，唔會太膩，非常之夾🙂‍↕️🙂‍↕️至於咖啡朱古力歌劇蛋糕，無論係咖啡味定係朱古力味都非常突出，令人有好滿足嘅感覺😍下次經過可以再試吓其他款，感覺上呢間嘅蛋糕都幾高質😊

溫書溫到攰! 所以去K11 Art Mall買下午茶！見到幾多人買水果慕絲撻! 我跟! 😎😎😎🧁法式反烤蘋果杏仁慕絲撻(店員推介!)🥧士多啤梨杏仁慕斯撻蘋果撻個造型真係好靚! 😍😍😍朱古力玫瑰花係上面！成件藝術品咁! 📸📸蘋果啫喱食落好清新! 唔會太甜！士多啤梨撻造型都好靚! 睇落去已經知道好新鮮！大大粒士多啤梨仲好甜添🤤🤤士多啤梨嘅慕絲亦都唔會太甜! 配合杏仁餅底!飲多啖熱茶! 又有氣力繼續溫書啦!📚📚📚

📢 **甜品控注意！Arte by Padaria又有新搞作啦！**🎨 **甜品藝術家登陸K-11 Art Mall**：一向以打破傳統、破格大膽而聞名嘅Arte by Padaria，將於2024年3月份登陸藝術館K-11 Art Mall，全新面貌加上大量新元素，絕對係甜品迷嘅天堂！🍪 **曲奇、慕絲撻大革新**：一眾甜品控有福了！Arte by Padaria嘅曲奇、慕絲撻經過精心改造，即使係最挑剔嘅味蕾都無法抗拒。全新推出嘅創意慕絲撻系列，選用多種極受歡迎嘅水果及堅果作主調，帶有浪漫法式甜點風格，每一款都擁有獨特美感，令視覺同味覺同步享受。🌰 **創意慕絲撻系列**：售價$58起，每款7厘米嘅慕絲撻載滿豐盛嘅水果、堅果同空氣感慕絲，再咬到酥脆嘅餅皮，真係超治癒！包括：焦糖合桃、香橙朱古力、熱情果杏仁、藍莓杏仁、士多啤梨杏仁及青檸慕斯達克瓦兹撻。🍫 **創意曲奇系列**：售價$45起，手工曲奇最重要係特厚口感，質感介乎脆餅與蛋糕之間，係最高級嘅味覺享受！推出特大9厘米創意曲奇系列，共有7款口味，包括三重可可、朱古力香橙片、開心果抹茶白朱古力、草莓夏威夷果仁、草莓忌廉芝士紅絲絨、抺

之前在K11Musea買過它的法式可頌夾心球，原來現在登陸K11 Art Mall藝術館，位置更易找，就在G/F Kiosk No.23!我被店舖櫥窗內的創意慕絲撻系列所吸引，有6款口味以「浪漫」的法式甜點風格裝飾，其中甜品上的玫瑰花，以假亂真！忍不住買了一個名為咖啡朱古力歌劇蛋糕。咖啡味好香，朱古力味亦都濃郁，這個蛋糕不但有視覺享受，更有味覺享受！另外作為朱古力控，同時也買了榛子朱古力迷你蛋糕，係馬德蓮蛋糕配榛子朱古力醬，超級好味！好滿足！

最近k11開左好多新食店一出地鐵就見到Arte by Padaria登陸藝術館K-11 Art Mall 法式甜點點少得croissant 同精致小蛋糕一見到Arte by Padaria就比佢啲水果撻吸引住件件都好靚好想食 全新推出創意慕絲撻系列用上多種極受歡迎的水果及堅果作主調，6款口味以「浪漫」的法式甜點風格裝飾，各有其獨特美感，令視覺、味覺獲得同步享受最後揀咗士多啤梨杏仁慕斯撻，紅色朱古力脆皮好搶眼 士多啤梨慕絲好香滑 酸酸甜甜唔會膩 撻底好香脆好好食仲有香港首創「鹹甜點藝術品」法式可頌夾心球波波造型好特別 我揀咗伯爵茶芒果牛角波 入面勁多餡 可頌鬆軟有層次 牛油香同芒果又好夾 配埋伯爵茶香好有層次下次經過要試埋其他口味🤤Arte by Padaria (尖沙咀)尖沙咀河內道18號K11購物藝術館B2樓Kiosk 5

上次食過創意蛋糕界代表Arte By Pandaria嘅两款蛋糕念念不忘，咁啱同我媽去開尖沙咀順路去睇下買咩返屋企好，見到萬聖節主題嘅蛋糕造型好吸引，就揀咗呢两個蛋糕啦黑蝙蝠(檸檬辣椒朱古力軟心慕絲蛋糕)柔軟嘅鏡面朱古力外層包裹住朱古力慕絲，仲有係超驚喜嘅辣椒朱古力同檸檬軟心，估唔到辣椒嘅輕微火辣口感同香濃朱古力味係咁夾，加上檸檬少少嘅酸味整體配搭出色小南瓜(芒果椰子奶凍配紫薯慕絲蛋糕)小南瓜戴咗頂好可愛嘅Witch hat面層係脆皮橙色朱古力皮慢慢品嚐就食到淡淡嘅紫薯味同奶凍嘅椰奶味，中間係香甜芒果醬，口感比黑蝙蝠輕盈少少