Amica

营业中

休息中

今日放工去咗旺角行街，之後約咗朋友喺太子市場食飯，佢帶咗我呢間西餐廳，之前下午茶經過，見到佢好多人飲咖啡，第一次嚟食正餐嘢食唔算貴，二人套餐都係講緊$400左右，價錢都合理不過今日我哋唔算好肚餓，都係散叫飲咗個龍蝦湯同埋頭盤嘅薯條，龍蝦湯好夠味，薯條都好好味沙律都幾大份，沙律菜全部都新鮮，呢個生菜可以必點最後呢個都好味，除咗溫度啱啱好之外，瞓得好有韌度，鍾意食意粉嘅電視呢度價錢唔算貴，放工同朋友約會嘅話都唔錯，下次會再聯

最近在始創中心發現了一間意想不到的大餐廳，如果不是朋友帶路，我還真不知道這裡有間咁舒適嘅餐廳！餐廳環境寬敞舒適，還分隔了幾個獨立的場地，特別適合朋友聚餐。二人套餐 $398餐湯：蘑菇湯濃郁的香氣，湯底滑順前菜：黑松露薯條搭配黑松露醬，薯條外脆內軟意粉：野菌意大利粉配牛肝菌醬份量多，醬汁濃郁，吃起來十分滿足主菜：炭燒美國黑安格斯西冷 (300g) (+$28)選擇了5成熟。這款牛肉的肉質非常嫩滑，脂肪分佈均勻，口感豐富，吃起來不油膩是日特飲：荔枝梳打 & 柚子蜜甜品：雜莓窩芙雪糕 (+$38)窩芙外脆內軟，搭配香滑的雪糕，簡直是完美嘅句號😋

估唔到始創中心有間咁高質素嘅西餐廳，餐廳座位好舒服，而且唔限時，同朋友可以慢慢食慢慢傾，最重要係食物質素非常之高，而且價錢非常合理，用呢個價錢食到咁高質素嘅西餐，性價比非常非常高！！西班牙燒春雞個雞好嫩滑，外皮有少少脆，個醃料好好味，唔會太鹹，味道啱啱好，有時喺街食嘅雞都淡而無味，但係呢隻雞做得好出色，半碟嘅蔬菜都精心炮製，烤到焦糖化，好好味😋安格斯牛扒叫咗五成熟，牛扒厚身，有肉味，高質嘅牛，基本上唔使太多配料，食到原味更好味🤤

呢間係太子始創中心3樓Amica西餐廳, 臨近生日, 緊係同朋友一齊食下飯預祝啦! 呢度已經開業多年, 食物一直保持水準, 價錢又算合理。今晚叫咗兩個餐再加個甜品。海鮮意大利飯 - $128 + $15 是日餐湯 (忌廉蘑菇湯) + $20(特飲) 香橙咖啡 套餐有餐包, 亞麻籽芝麻包, 曖曖地, 好鬆軟。忌廉蘑菇湯用新鮮蘑菇製作而成, 一入口有非常豐富嘅蘑菇味, 而且又夠熱, 濃郁蓉蓉蘑菇湯Creamy有口感。海鮮意大利飯用到鮮蕃底精華滲透, 米粒中帶濕潤, 仲有片片蒜香, 好開胃, 味道都唔錯; 有虎蝦, 黑青口, 墨魚, 材料非常豐富, 差唔多每一啖都有海鮮可以食到呀。飲品叫咗香橙咖啡, 呢個特飲都係加$20, 咖啡中帶有橙香味, 又有少少咖啡嘅苦澀味, 唔錯。炭燒美國黑毛豬鞍扒配柚子燒汁 - $198 + $28 法式龍蝦湯 + $20(特飲) 綠茶牛奶 套餐都配有餐包, 龍蝦湯鮮甜而且濃郁, 口感滑溜creamy, 但一啲都唔會覺得膩; 炭燒美國黑毛豬鞍扒相當之鮮嫩, 慢煮再煎香, 口感都唔會好韌, 而且好腍, 塊扒都幾大塊, 又有厚度。配茶有西蘭花同焗薯仔, 柚子燒汁就另上

聖誕假期同屋企人出去太子行街同食晚餐，之前朋友都推介過呢間餐廳，所以一於去試試😊🍽️ 燒蘇格蘭比目魚🐟 $188比目魚煎得好香脆，肉質亦好嫩滑😋🍽️ 炭燒美國黑毛豬鞍扒配柚子燒汁🥩 $198黑毛豬鞍扒🐖以炭燒烹煮但肉質一啲都唔韌，入口仲有啲肉汁🍽️ 黑松露卡邦意大利粉🍝 $98食落啖啖意大利粉都掛上黑松露同卡邦尼汁，味道好夾，好好味🤤🍽️ 海鮮意大利飯🍛 $128海鮮意大利飯好足料👍🏻飯面仲有大大隻青口🦪🥄龍蝦湯🦞 跟餐 +$28龍蝦湯很濃郁，鍾意飲龍蝦湯嘅朋友唔好錯過🍴聖誕木頭朱古力蛋糕🍰 $68蛋糕做成木頭🪵埋相十分有趣，中間亦有朱古力🍫夾心，味道不錯🍴抹茶戚風蛋糕 🍰 $58蛋糕好軟熟，蛋糕上面淋上抹茶醬和紅豆🫘，入口啖啖抹茶🍵香味🥤香橙芒果泡泡梳打 跟餐 +$20🥤牛蒡花茶 跟餐 +$20🥤芒果柚子蝶豆花 跟餐 +$20🥤菠蘿百香果梳打 跟餐 +$20

太子🚇始創中心入面呢間 Amica 裝修採用☘️小清新歐陸風格，營造出舒適溫馨😊嘅氣氛，加上性價比高，所以就算佢地係👌三樓角落位都一樣人氣十足！餐前包🍞細細個不過過都幾香🥰，加上香軟幼滑嘅法式牛油🧈，令人好開胃。主食加$28💰就有龍蝦湯，湯底濃郁🦞香滑，滿滿海鮮味，👍十分之抵。蟹肉🦀三文魚子意大利粉🍝配海膽汁，海膽汁嘅鮮甜連埋蟹肉嘅鮮味同埋🟠三文魚子嘅咸香完美結合，😋口感豐富十分美味。炭燒🇺🇸美國頂級西冷🥩有成300g，牛扒外層燒🔥得香脆入面仲保持😍嫩滑，每一啖都充滿肉汁👏。

呢間餐廳好多人幫襯，我同朋友閒日夜晚嚟食飯，食食下啲人甚至開始要等位，真係好受歡迎！🍲是日餐湯 加$15是日餐湯係蘑菇忌廉湯，味道濃郁，滑口，非常開胃。🍝野菌意大利粉配牛肝菌醬 $98呢碟意粉份量都算多，醬汁濃郁，好掛汁，配搭大量嘅菇同番茄等配菜，增添咗口感同味道，好快就食哂。🍖燒西班牙豬肋骨配自製燒烤醬 $188呢個主菜配有沙律菜，豬肋骨燒得啱啱好，肉質嫩滑，份量都十足，配搭燒烤醬好有風味。🥤凍朱古力 $20 朱古力味道夠濃郁🍨特濃朱古力心太軟配雪糕 $68外脆內軟嘅心太軟，切開有流心效果，配上雪糕一齊食，非常好滿足~

臨近聖誕節當然要同屋企人慶祝一下食下大餐啦😊今晚我哋一行四人就黎到位於太子嘅「Amica」，開業已有多年，一直以優質西餐見稱！咁小編就緊係要帶埋屋企人黎試吓啦😋黑松露卡邦尼意粉 $98 + $15 是日餐湯(忌廉蘑菇湯） + $20 菠蘿百香果梳打呢個黑松露卡邦尼意粉真係十分之出色！香濃嘅黑松露揮之不去，而且仲有卡邦尼嘅香味！兩種味道混合一齊相當之好味😋海鮮意大利飯 $128 + $28 法式龍蝦湯 + $20 芒果柚子蝶豆花泡泡梳打海鮮意大利飯濕濕地都幾易入口👍岩哂我呢啲懶人😂而且材料非常之豐富！差唔多每一啖都有海鮮咁多😋燒蘇格蘭🏴󠁧󠁢󠁳󠁣󠁴󠁿比目魚 $188 + $28 法式龍蝦湯 + $20 香橙芒果泡泡梳打煎得好香脆👍而且啖啖肉又冇魚骨，真係好岩老友記 同 小朋友黎食呀☺️炭燒美國黑毛豬鞍扒配柚子燒汁 $198 + $28 法式龍蝦湯 + $18 牛蒡花茶黑毛豬鞍扒相當之鮮嫩！口感都唔會好韌，好腍😋而且都幾大塊架！😋抹茶戚風蛋糕 $58相當之重抹茶味嘅一個戚風蛋糕！一食完一啖香濃嘅抹茶就即刻包圍住我嘅口腔🤤聖誕木頭🪵朱古力蛋糕 $68呢個木頭蛋糕係店員推介，又幾好味喎！😋

如果大家過嚟太子呢頭想食西餐又冇idea,推介大家試呢間旺角太子超高質西餐，一定唔會失望，因為今日第一次黎覺得好有驚喜！食物水準很高，價錢合理。先說法式龍蝦湯龍蝦味鮮甜濃郁！口感滑溜creamy ,但一啲都唔膩。白酒煮澳洲黑青口令我回想法國的青口，超鮮甜，烹調得非常好，淡淡酒香，配上鹹香嘅海水味。食唔停口！性價比高！燒蘇格蘭比目魚推介必點！食咗真係有幸福嘅味道！比目魚好滑溜Juicy,煎得非常香口，配上特製嘅醬汁，係白色嘅乳酪！原來同比目魚係絕配！有啲sour cream嘅味，總之好好味！

當天32人午餐 party ，人均＄250係包場價價，性價比超高，有5個 course !！店長Carrie很貼心服務，為每人打上名牌。5 courses包括 蘑菇湯；每枱8人有2大盆小食每盆3款；主菜有5款可選，每款都有同事點選，款款味道都很好，西冷扒很厚身， ordered medium 真係做到 medium ，並冇over cooked ；美國豬扒配薯蓉係我一直最喜歡吃的其中一道菜，豬扒煎得很香口，薯蓉配上的香草和汁超好香；烤黃油雞半隻也很香口，雞肉柔嫩又肥美，非常吸引，也配上香草很配搭；另外有素菜 spaghetti ＆香蒜虎蝦 spaghetti 2款意粉；甜品當日升級為 雪糕配waffle ,絕不欺場；同事生日，我要求甜品碟寫字裝飾，還送上生日蠟燭很窩心，我多多要求也一一達成又不用另加費用😝最後包一杯飲品也供八款選擇，冷飲也不用額外加錢。當日同事好開心過了一𠆤平安夜午餐聚餐。很值得推介的一間歺廳，全面平分，以性價比計算，我比85分。👍🏻

今晚去食左間不錯的西餐👍慢煮黃油燒雞（半隻） $178雞肉鮮嫩多汁！搭配黑松露醬口感不同 重點係配菜好好食！蘆筍同埋薯仔😚😚燒西班牙豬肋骨 $188肉質燉到超冧！自制燒烤醬十分入味 連脆骨都食到～份量不錯是日特飲：荔枝梳打 $10套餐加好抵～解膩雜莓窩芙雪糕 $78有莓果醬同水果與雪糕的組合，酸甜平衡 窩芙偏脆口#香港美食 #香港好去處 #甜品控 #拍拖👫#打卡#香港#景點#打卡熱點#香港好去處#打卡#cafe#生活#小記錄#隨心一拍#相機先食#美食 #隱世cafe #hkcoffeeshop #hkbar #西式餐廳 #foodiehk #hkig #hkgirl #食好西 #西餐 #餐廳

諗住搵間方便散水既餐廳，預早幾日訂枱，18/12/2024六點多到，無咩人，全晚都有好多空枱，諗住唔阻外的情況下坐耐些，吹吓水，侍應見食物已食完，就不停執拾，而當時仍有幾枱客。晚餐選擇都多，二人選了2個晚餐，分別是海鮮意大利飯及燒西班牙豬肋骨配自製燒烤醬再配上是日特飲熱柚子茶及茘枝梳打食物美味，海鮮意大利好足料，有4隻青口，當中一隻無肉，三隻大蝦及三件魷魚，豬肋骨好入味，骨肉易分離，燒烤醬就一般。

主菜驚喜，地方寬敞，服務有禮晚市散叫+$少少錢，有湯同飲品🥖餐包～亞麻籽芝麻包，好鬆軟🍄‍🟫+$15蘑菇忌廉湯｜🦞+$28龍蝦湯濃郁蓉蓉蘑菇湯Creamy有口感 🥗牛油果藍蟹沙律配檸檬欖油$78大大盤，清鮮什菜、牛油果、青瓜、味蟹肉等…加上檸檬和欖油，簡單既Sauce微酸清新，健康又豐富，大愛推介🦐海鮮意大利飯$128虎蝦、黑青口、墨魚；用到鮮蕃底精華滲透米粒中帶濕潤，片片蒜香，零舍開胃🐟燒蘇格蘭比目魚驚喜驚喜，大大塊既魚扒，厚身肉嫩配忌廉汁，蔬菜、青瓜苗、薯蓉伴碟冇見過有餐廳用青瓜苗做菜少少辣醮上比目魚，味道獨特+$20跟差所有飲品🌿新鮮熱帶水果冷泡茶🥤Vanilla Latte

朋友之前食過一次，同我分享話環境都幾舒服，上菜又快，嘢食味道唔錯而且價錢都幾實惠。食完之後都覺得幾唔錯，而且都幾好坐。‣ 二人套餐 $398· 精選餐湯餐湯係薯仔湯，入邊仲有啲薯仔蓉，但係都叫咗入口即化，湯嘅濃稠度啱啱好。而餐湯仲有搭配芝麻餐包仔，作為前菜份量啱啱好。· 黑松露薯條我都幾鍾意餐廳嘅黑松露蛋黃醬，黑松露味都算係幾濃郁，而薯條炸到脆卜卜，但係食落去唔會話有油益味，薯條份量又唔少，兩個人食啱啱好。· 蟹肉三文魚籽意大利粉配海膽汁海膽食落去唔會食到腥味，而三文魚籽都食到佢嘅鮮甜味，意粉嘅生熟度啱啱好，整體嚟講都幾滿意，因為有時候啲海膽汁好容易食到腥味，我同朋友好快就清咗碟。· 炭燒美國黑安格斯西冷 ＋$28西冷都俾得幾厚身，啲肥膏都煎得幾香，呢個價錢嚟講，我覺得都幾抵食。就咁食其實塊扒都已經好香，隔離仲有醬汁俾你唔夠味點嚟食。· 是日特飲朋友就嗌咗杯柚子蜜，而我就係飲佢嘅荔枝梳打，雖然都就快冬天，不過我覺得食薯條點樣都飲啲有氣嘅嘢感覺疏爽啲。· 各式窩夫 ＋$38可以揀芒果或者雜莓窩夫，咁我哋今次就揀咗雜莓窩夫，無論芒果又好雜莓都好，其實都係雲呢拿雪糕，不過我覺得雜莓偏酸，比較

第一次來這裡，覺得味道和環境都不錯，所以要給個讚👍。午餐點了意式燴安格斯牛肉意粉及美國豬肉眼配薯蓉雜菜，都很好吃。意式燴安格斯牛肉意粉是用番茄醬汁，也不會太鹹，分量也不太少。見別人點的虎蝦蘆筍意大利粉配忌廉芝士汁，則是用白汁，看來也不錯。美國豬肉眼配薯蓉雜菜，味道豐富，配燒汁和薯蓉一起吃，非常美味。午餐飲品有很多選擇，除了一般的咖啡檸茶，也可選橙汁或蘋果汁，還有很多特別的飲品，不過是要加錢。會下次再來試試其他菜式。