Amazing

营业中

休息中

泰國菜一向都受香港人歡迎， 生日月家人請我到油麻地九龍窩打老道23號的Amazing慶祝生日， 上年來過一次吃泰菜， 印象非常好。 原來今次是放題形式， 每位$200， 兩個鐘頭任食， 枱上有一份餐牌已經包括所有任食的菜式， 跟店員落單就可以。先來一碟頭盤按人頭計， 頭盤有泰式生蝦刺身， 煙燻三文魚牛油果沙律， 金不換芝士焗蟹蓋和糯米釀雞翼。 生蝦鮮甜爽口， 三文魚牛油果沙律新鮮開胃， 焗蟹蓋質感太散， 糯米釀雞翼帶點微辣夠惹味。食完頭盤之後， 試了不同種類的泰菜， 泰式花膠蟹肉羹， 冬陰功， 肉骨茶， 柚子沙律， 炸蝦餅， 豚肉碎生菜包， 板燒原隻魷魚， 燒原條龍利魚， 串燒有機海虎蝦， 串燒菠蘿， 黃咖哩雪花蟹腳， 和風蒜片炒黑毛和牛粒， 泰粉絲原隻有幾大虎蝦煲， 炭燒薄牛扒， 泰式鹹豬手， 蛋包雜錦海鮮炒金邊粉， 蒜蓉包，煎薄餅。 最後甜品有金箔榴槤冰皮卷， 芒果糯米飯， 椰皇鮮奶布甸杯和 彩虹千層糕。 泰式花膠蟹肉羹～ 偏鹹， 花膠有幾粒都算真材實料。冬陰功～ 不太辣， 酸酸辣辣的幾開胃。肉骨茶～ 味道普通， 肉骨茶味太淡。柚子沙律～ 柚子酸酸甜甜幫助消化。炸蝦餅～ 炸得香脆好

得知呢間泰式餐廳首次做放題兩小時, 而且價錢亦好吸引所以就一於網上booking 嚟朝聖!未夠鍾都可以安排入座睇住 menu嘆住杯香茅茶, 夠鐘落order 急不及待地揀食乜,但每次只可 叫五款食住先 咁就先嚟糯米雞翼 生蝦 炸蝦餅 等等。不過餐廳都幾細心,每位入座後都會有一碟大會指定食品畀大家食住先。包括有糯米雞翼煙三文魚卷 釀蟹蓋 及泰式生蝦! 不過個人覺得糯米雞翼啲糯米有些少失望因為我個人鍾意食煙韌的,但欠奉。之後陸續都嗌得好多款式： 有 燒海蝦 粉絲蝦煲 雜菜煲 蝦春捲 海南雞 粒粒牛柳 咖哩蟹腳 數之不盡!不過我個人唔會推介咖哩蟹腳因為我食落有些少鹼水味 ,希望大會下次有改善啦! 最後就 叫埋 甜品合共四款都嗌齊曬 ：包括有三色糕 芒果糯米飯 冰皮榴槤pancake 燉奶布丁! 但係三色糕 及芒果糯米飯都係有少少失色 ,食落糊口 ,問題都係唔煙韌!總括每位＄200連加一都有差不多五十多款任君選擇尚算抵食,另外每位加＄59蚊就可以任飲紅白 啤酒及汽水!

間唔時都會同姊妹去tea下但係英式下午茶多數好漏 甜品又太甜今次就試下泰式價錢上其實唔算貴 $308 一個2人set 每一人杯飲品 不過麻麻地就係呢杯飲品只可以係普通咖啡或茶想飲特飲要比返正價😑講講食物先咸點甜點各5款最好食反而係中間用葉包住嘅雞肉米紙卷不過不失其實味道還好但又未去到好好食甜品方面個朱古力cupcake有驚喜 好濃味其他都普普通通椰汁糕質地唔夠煙韌😫😫我個人就覺得雖然價錢唔叫貴但性價比不高寧願普通食返間泰菜好過

唔係打手文，唔會嘥時間寫去食飯的心路歷程，冇起承轉合。簡單一句，唔好食，冇特別，唔係正宗泰菜。環境還可以啦，畢竟係酒店大堂。服務係OK嘅，上菜快，態度好。所以唔係好明點解咁高分？唔會再來，亦唔會介紹朋友。

雖然餐廳係話泰式，不過餐牌上有星馬食物，所以應該話係東南亞餐廳會比較貼切。餐廳位於酒店大堂，無一個特定出入口，所以去到果刻有d唔知自己坐定搵人帶位好。因為今日客人唔算多，侍應都好快過左黎帶我地去卡位。星期六都有供應午巿套餐，四個人分別嗌左肉骨茶、大蝦青咖哩、粉絲炒魷魚、燒魚同小食拼盤。整體食物味道ok，係有d偏咸或甜。如果係約朋友吹水，相信係唔錯選擇，無時間限制可以坐幾耐都得。下次會想試佢地個下午茶，走果見突然之間多左人，應該大家都係為下午茶而黎。

4個人，散叫好像不太化算。然後2人餐有7折，叫了两set，總數好像1000埋單。。。分量很足，唯獨不包飲品有點失色。味道是好的，只是泰味不太正宗。全頓最好的是甜品。。。100分。

今日約左幾個姊妹傾計　揀左個近大家地傾下計咁ARM 見到哩間餐廳個位置好方便 OPENRICE 訂又有20%OFF 所以試下去到城景國際 原來間餐廳就係LOBBY一行4日坐卡位都好舒服　又無乜人　又唔會有人趕好適合姊妹淘傾計傾到天荒地老見個地方咁少人　仲以為一定唔會好食　點知D野食真心唔差　串燒個沙嗲醬幾好食　雞肉同豬肉都食到個味黎到仲熱既 D肉都仲有肉汁既炸蝦餅不過不失 又熱又惹味哩個冬陰公認真係好麻麻本人覺得有臭腳味(其實應該係唔新鮮既蝦腥味)我地同侍應反映左佢都即刻換過個雞湯比我地 雖然個雞湯都好一般 但個態度幾好 加分PAD THAI個粉係好食既 夠味又夠煙韌鹽焗烏頭好大條 4個人都食唔哂個味都正常 一試無防哩個地方個地點就腳 環境夠靜 服務幾好 野食都唔差最緊要係人少 又唔駛同人迫幾個人傾下計又無人趕都會再黎既~

相隔左差唔多成年，今次同同事再黎食呢間油麻地酒店裏面嘅泰國菜呢度中午套餐有$88至到$200不等，因為響酒店裏面，所以價錢偏貴～每個套餐都包含一碗湯或沙律、主菜同埋飲品～等左差唔多半個鐘，終於上菜。今次我就叫咗燒豬頸肉大蝦炒飯，份量比想像中少，大蝦有兩隻，都算幾新鮮，而豬頸肉亦只得兩片，明顯偷工減料整體來講，以呢個價錢食一個午市套餐，個人認為不太值，味道唔算好有驚喜，而且食完得半成飽，質素明顯比以前下降

交通方便地方寬敞食物質素佳如樓上有party，聲浪會傳到樓下，比較嘈今次吃了六人餐，質量及份量都好足1. 小食拼盆（青胡椒燒脆鱔，泰式炸雞鎚，金不換芝士焗蟹蓋，燒菠蘿）2. 泰式赤蝦刺身3. 鴛鴦胡椒炒鮮乳龍蝦4. 泰式海鹽焗烏頭5. 扒羊仔鞍馬沙文6. 金不換青胡椒燒雞7. 原椰盅海鮮焗飯8. 泰式火焰空心菜9. 甜品拼盆（芒果糯米飯，椰拉千層糕，榴槤pancake）每碟食品逐一送上，適合知已邊傾邊吃生日朋友更獲送美味 cheese cake，為聚會劃上完美句號

平時同屋企人都很喜歡到城景閣食自助餐， 經過大堂的Amazing很多次， 今次終於都有機會試下了。 朋友一早已經在openrice訂了枱， 真是非常貼心。 餐廳以園林風格為主題， 採用開放式設計， 環境寬闊舒適。 餐廳有散叫和套餐， 我們點了一個Amazing Set Dinner 原價$698，套餐已經 有秋葵，柚子&豬肉丸沙律，軟殼蟹芒果米紙卷，蝦肉春捲 & 串燒雞肉沙爹，冬陰功湯，泰式海南雞，馬沙文咖哩羊仔鞍，泰式鹹豬手，上湯金邊粉， 椰皇鮮奶布甸, 還有驚喜的生日甜品。秋葵，柚子＆豬肉丸沙律～ 味道清新突出， 柚子沙律酸酸甜甜， 用作前菜非常開胃。泰式海南雞～ 海南雞肉鮮嫩夠滑， 配雞油飯一起吃特別好味。軟殼蟹芒果米紙卷，蝦肉春捲 & 串燒雞肉沙爹～ 三款小食每樣兩件， 我試了軟殼蟹芒果米紙卷， 味道普通不算突出。 反而雞肉串燒的沙嗲味香濃，好味。冬陰功湯～ 兩隻份量十足的大蝦， 肥美的蝦肉和豐富的蝦膏。 湯底酸酸辣辣， 非常惹味。馬沙文咖哩羊仔鞍～ 我沒有試到羊仔鞍， 朋友說肉質新鮮。上湯金邊粉～ 上湯的味道偏鹹， 如果可以淡返少少比較好。椰皇鮮奶布甸～ 這款甜品必食推介，

餐廳位於油麻地酒店大堂旁邊，環境不錯，但員工人手明顯不足，即使座位未坐滿，員工也像忙得無法回應客人問題。食物質素不錯，但訂座有 85 折後價錢仍略貴，性價比不高。生蝦一份只有 4 隻，平均每隻約 hk$20，而且醬汁不甚特別，不過不失；蝦餅味道普通，與其他普通泰國餐廳的蝦餅一樣；軟殻蟹米紙卷與芒果配對清新，但軟殻蟹份量偏少。炒金邊粉上的蛋裝飾出色，不過味道普通；菠蘿炒飯有美極鼓油味，勝在菠蘿份量剛好。整體食物沒大驚喜，優點在於環境及位置方便，六人吃飯平均每人 250up，不求食好西，但求與朋友安靜食飯傾計慶祝生日，也是不錯的選擇。順帶一提，替朋友慶祝生日，餐廳也安排了小蛋糕及「Happy Birthday」畫盤，不過蛋糕內餡是薄荷，未必人人可以接受。

月前和老公到Amazing 吃晩飯,其實近年時不時到城景酒店的宴會廳出席活動,也在這家餐廳喝過下午茶,但晚餐還是第ㄧ次!Amazing 是泰式Fusion 菜館,供應的菜式包括即製燒烤、特色咖喱及精緻小炒等。清邁青咖喱 配香煎有機虎蝦 伴鴛鴦麵~ $228 第ㄧ次來晚膳,點了虎蝦、燒雞及甜品。虎蝦香口而肉質鮮味。鴛鴦麵煎香後,ㄧ半浸在青咖喱汁中,乾身部份脆脆的,濕的麵條渗滿咖喱汁,很入味!芭堤雅香草燒全雞 ~$178 皮香肉嫩, 泰式醬汁惹味!椰皇鮮奶布甸 ~$68椰奶香濃,布甸滑不溜口,甜度恰到好處!印象最深刻的是服務非常好,侍應招呼殷勤,經理很熱誠,主動與客人溝通! 以Open Rice 訂座有八折,很優惠!由於食物、環境、服務都很好,之後再光顧了幾次!最特别ㄧ次是家傭Ana的生日飯。Ana 已在我家工作多年,以前照顧年長的奶奶,盡心盡力! 適逢生辰正日要到油麻地,晩上我們就來Amazing 晩膳,為她慶祝生日!上次來已是ㄧ星期前,但經理還記得我們,再次熱誠招呼,很驚喜!今次他推介二人晚餐,因菜式相當豐富,三人吃都足夠,八折後更優惠!蛋糕可到餐廳的餅店挑選,與晚餐ㄧ併結賬。餅店就在

-🦄Amazing-沖繩紫薯x燕窩下午茶自助餐 Hkd188Rating🌕🌕🌕🌑🌑-近排有好多酒店都出左主題下午茶🤔有好幾間出既士多啤梨都勁吸引🤤🤤但唯一呢間Amazing既係比較平係佢個官網預訂仲有9折架🖥所以折完再加一都係188一個人💸💸而佢既主題係紫薯+燕窩都叫吸引既😼😼-準時3:30入座啲人已經坐低曬 可以即刻出去拎野食喇佢係我食過咁多間下午茶最少野食既一間😹😹真係Surprise到我野食都係得個3張檯🙀少到完完全全數得曬🤥🤥不過唔緊要😭講返啲食物既質素先啦😌😌-🔹沙律方面個人比較中意食涼拌雲耳👍🏻入面有秋葵同車厘茄🍅酸酸辣辣咁幾開胃既🌶🔸然後仲有蔬菜米紙卷 食左18件🙈🙈🙈就係貪佢夠清淡食落唔Heavy💕而且充滿蔬菜真係好岩我口味🥬😆🔹到最後30分鐘佢竟然出左盤新款既八爪魚冷盤🐙雖然都係平時爭鮮個個八爪魚小食😂但都冇諗過佢臨尾都會出新野 唔錯！🤭🤭-🔸壽司方面普普通通咁🍣三文魚經常比人夾曬等左好幾round先夾到幾件😕冇咩特別🤫🔹熟食方面 食左好幾粒蝦餃🦐蝦餃既皮好黏😰好難夾得起😨唔煙韌😥🔸炒雜菜個人略嫌有些少油🥗但加左魚露好香🔹然後我就好中意佢個烏頭魚🐟🐟完全唔會油淋淋而且

一大班好朋友聚餐食泰國菜，餐廳位置又方便，食物質素食材又好。 我地點餐時，侍應主動介紹我地食抵食套餐。套餐已包了我地想食的食物。 套好了。價錢又合理。 所有食物上枱時，分量比我地想像中大份。大家食到好飽。甜品拼盤亦都好豐富。

之前睇過文章關於下午茶介紹，其中一間就係城景國際嘅Amazing ，見到係以泰式為主，本來都想試吓，不過未夾到朋友時間一齊去試。咁啱另一班朋友好想食吓lunch buffet或者tea buffet,就即刻諗起Amazing,而家做緊蜜桃主題， $188一位，openrice訂位提早落訂有9折，即係唔駛加一，抵啦…Amazing 環境唔錯，地方唔算大，但坐得舒服，而職員服務都唔錯，收碟都快㗎，而食物雖然款式唔算好多，但下午茶自助餐嚟講夠晒食，整體味道唔錯，仲有Dreyers雪糕三個味-朱古力，開心果同芒果，食番杯滿足晒