alfafa (康怡廣場北座)

营业中

休息中

在康山廣場內的食肆, 每逢平日的午飯時間, 都顯得人頭湧湧, Alfafa也不是例外, 今次我等了約廿分鐘才有枱。我點了一客肉醬千層麵伴薯條, 千層麵無論在味道或麵質方法, 也只是中規中矩, 沒有甚麼驚喜。但伴碟的薯條出奇地好吃, 粗身的薯條, 外面被炸至薄脆, 但又沒有過多的油份剩餘在內, 十分出色!

在太古那邊, 其實都有不少餐廳.在下午茶的時間, 都有很多選擇的.不想去一般香港茶餐廳的話, 就可以去這些西式餐廳試試看.先說餐廳的門面, 裝潢不錯, 設計富時代感, 讓人感覺到心情可以放鬆.所以不用多想就走進去.內部坐位挺舒適, 不會讓人覺得好擁擠, 而且又有空間感. 在梳化的一排, 更有cushion(靠墊). 還有, 想坐幾個小時也沒問題. 沒有時間限制.我就點了一份炸魚薯條配熱奶茶, 54元, 會收加一服務費的.炸魚做得不錯, 而且還配上醬料, 類似芥末醬, 我就不太喜歡這個醬.純粹個人口味習慣, 不是指不好吃啊.如果有更多選擇就更好, 例如有沙律醬等等.而薯條的味道就正常, 只不過有些就炸得太硬, 大約有10%是太硬.希望下次再去, 會有改善.職員的服務態度很好, 值得讚賞.因為我坐了好久, 而且多次要求加水, 她們都沒有黑面.最後, 這餐廳是一個跟朋友聊天休息的好地方.

星期一晚上喺太古附近同男朋友辨完點事，就決定喺附近食埋嘢先返九龍。因為今日平日關係，商場非常少人，睇到呢間餐廳人少、食物又幾吸引，就決定食呢間。喺門口等咗一小陣就有職員帶位。我哋叫咗個2人餐 $368，有湯/salad+頭盤，有一人一個主菜，有嘢飲同一人一個甜品。不錯！湯同salad冇咩特別。頭盤我哋叫咗香辣雞翼配薯條，雖然個雞翼唔辣，但個醬汁好好食，薯條係熱熱地，唔會太咸，好食！主菜方面，叫咗帆立貝香菌(?!)扁意粉同埋豬仔骨。個意粉煮得岩岩好，菇味幾香，汁岩岩好、夠creamy。豬仔骨就煮得唔夠淋，不過個醬汁Ok，而且好大舊，旁邊嘅薯條都係一樣好食。最後甜品係一人一個，可自己簡vanilla/chocolate/mango ice cream配brownie。份量細但食咗咁多嘢之後覺得細細舊岩岩好。嘢飲我加錢叫咗杯荔枝梳打，好飲。男朋友叫咗杯iced lemon tea，冇咩特別。值得一讚嘅係服務好好，主動收碟、主動問洗唔洗出菜、有禮貌。不過以呢個價錢嚟講，食物質素可以更加進步

环境差，小苍蝇飞来飞去，食物素质麻麻，setlunch的量小朋友能食完。盘是破边的，奇怪为什么还有不少人食。感觉很多打工客也是没什么选择，价钱OK的话，好也是坏也是，就是食饱一餐了

之前在這裏吃過早餐，用了也不錯，今天在和老公來吃午餐，價錢一般，叫了一個西冷牛扒和意粉，跟個粟米忌廉湯，忌廉湯很好吃，還有他們的餐包，也不錯，外脆內軟。沙律菜麻麻，略嫌芝士太多，不過是我個人不喜歡吃芝士，但我叫牛扒時店員沒有問我要幾成熟，牛扒來都是我大概猜猜是半成熟，牛扒肉非常難咬，有很多筋，不好吃但薯條很脆，磨菇反而好味意粉一點味道也沒有，之前早餐喝過咖啡，還不錯。但今天喝很苦，加了很多奶也不好味，水準好像不及之前

見今早早左到公司附近，所以可以坐低食個早餐😁懶得周圍搵，見呢間門口個餐牌有牛角酥食所以就一於食呢間啦。我揀左牛角酥加炒蛋，牛角酥夠鬆，都好香，但個炒蛋無味的👀 塊蕃茄有輕輕煎過下，呢樣我幾like。

今日同朋友又去Alfafa食lunch, 呢到最好就係不用等位，近窗的位置幾舒服！我叫了一碟豬扒天使麵，豬扒煎得非常燶，口感差因爲太韌！雞肉有機鮮蘑菇亞麻籽燴紅米飯，很健康的選擇，但飯比較粘，味道ok! 這裏的飲品很大杯，要求少甜少冰餐廳確實做到！最有心思就係加了＄25的飯後甜品，一件很好味的Tiramisu, 很有心思地上碟！總括來說，有湯有麵包，三個人食了$294.80, 價錢合理！

日日出街食飯，星期五，特別難搵位，而且無定向，完全唔知食咩好，都是在太古城周圍搵，見到這餐廳唔錯，套餐都可以，要等位，但又唔想行，算啦。試試看。店舖環境唔錯，服務態度都可以我們兩個人，點選了焗芝士野菌雞肉扁意粉和肉醬千層麵伴薯條套餐兩個餐湯鮮蕃茄忌廉湯，配上一個法式豬仔包。蕃茄湯很濃郁，不會太酸，而個麵包配上牛油，很美味飲品有點失敗，有待改善，因為現在很多餐廳也會配上一瓶糖漿，留待客人自己下糖份量，而這間餐廳就沒有這服務，所以有點失敗這個焗芝士野菌雞肉扁意粉，芝士味很濃郁，而且好多不同種類野菌，很好味肉醬千層麵伴薯條，芝士很多，千層皮不會太厚，加上酸酸肉醬很開謂，而且肉醬不會太多或太酸，剛好適合，而且還有很多薯條伴碟兩個套餐，食物質素味道唔差，而且好漏好飽，因足夠芝士份量，所以比很多餐廳的特別好食，所以值得一試和繼續光顧

喺康怡太古搵食，真係愈來愈難，好多食肆都走高檔路線。原本想去食翔龍點知開唔到3年就關門大吉，明明生意不俗都要比業主趕走。見到呢間門口個餐牌幾吸引，又唔洗等位，即刻入去坐。揀左2個餐，1個跟沙律，1個跟湯。忌廉湯中規中矩，個包外貌普通，但好好食，外脆內軟，簡直想食多個。我仲諗住食完買返幾個走，但望下廚窗唔見有麵包售賣。芝士野菌雞肉扁意粉，焗得好香，個汁幾好味，但就好少雞肉。雞扒香草醬炒意粉，塊雞扒好大，個炒意粉好香，呢個套餐仲有飲品同甜品送。總括黎講，味道不俗，份量都算正常，環境都坐得好舒適，食滿150蚊仲有餐劵送返下次再食。

難得唔帶飯 同同事出黎食lunch 點知中伏了...本身係諗住黎康怡Teawood 但由於人龍太長了..改去正對面的Alfafa見到門外大大張仿舊式英式報紙既menu 都幾吸引呀!雖然價錢都唔平 但黎得康怡食都預左... (係呢頭返工好可憐T__T)lunch set 附送湯或沙律~ 忌廉湯味道同口感都還可以~但係沙律味道就有點怪怪的... 食左兩啖都無食落去....麵包無香味.... 一定要塗牛油食焗芝士野菌雞肉扁意粉 $72又唔係難食...但係食落去個醬汁既味道同質感硬係有少少怪....不過雞肉同野菌既份量都唔少焗夏威夷鮮蝦蟹柳飯配拿坡里汁 $84呢個比上面個扁意粉好味D 起碼食到鮮茄既甜味但係今次到鮮蝦同蟹柳份量好少.... 蝦好似得1-2隻 蟹柳得1條.......美國牛肉漢堡 (牛肉,煙肉,芝士,黑松露醬薯條) $118好少可食到個漢堡係可以令人咁失望... 基本上成份都無乜味道可言...除左塊煙肉好有味道芝士 似係一個裝飾多d 芝士味完全唔突出牛肉都偏向淡味.... 麵包更加無包香 亦都偏乾身..$118... 仲貴過burgeroom.....=____= 品質唔值呢個價

成日中餐得閒都要食下鬼佬野今次來左一餐好平凡但又好似好好食既餐廳點解 因為早上9點幾就要排隊一定有d野有雞腸好彩有番d中文有d親切感左選有選都唔知食mud 最後同老細叫左兩個唔同既餐面前這份早餐已經吸引左d眼球我全部ko 左連Orange juice 都好新鮮值得一試

原本諗住求求其其填飽肚就算，結果頗驚喜呀八點，正值晚餐高峰期，想搵個可以即刻食到飯嘅地方真係唔簡單，康怡廣場內素有耳聞又唔錯嘅餐廳幾乎都要排隊，人潮湧湧呀飢腸轆轆，飢不擇食見到呢間餐廳排隊人潮少D，喇喇聲行去拿飛等位。同fd兩個人一人一份餐。嗱！肚餓得滯，冇咩影相，得呢一張呀sor...每份套餐包括：餐湯-羅宋湯、黃油餐包、沙律、飲品、主食。羅宋湯酸酸甜甜，好喝又開胃；沙律幾新鮮，如果醬能再多點更好；餐包配上黃油，味道都算ok。先講我嘅天使麵牛扒（圖中上方）啦。牛扒比想像中大得多，易咬且完全沒有筋，配上醬汁，很喜歡至於天使麵，軟硬度亦剛好，拌入醬汁，鹹淡適中。再來是fd點的牛排薯條（圖中下方），牛扒味道和我的差不多；薯條大於平日西式快餐店可見的，卻又比simple life cafe的小。趁還熱氣騰騰的時候嚐一嚐薯條，滿滿的薯仔瞬間填滿口腔，不過，吃多了可會覺得薯條味道偏鹹哦--------------------意料之外的美味，舒緩一日的疲勞。牛排薯條套餐稍稍超過一百元；而天使麵加牛扒餐則不到百元，但牛扒比fd那份大很多個人對牛排質量沒有太多研究，只覺味道不相上下，因此覺得非常之划算

呢間餐廳經常經過，但都無機會試，因為趕工作。今天做完義工後，突然想試一試這附近的餐廳，所以創新的試一試。但那時其實已經接近午餐時段，所以我都問一問還有沒有早餐才進去。佢話還有不過要11點前點選，我都係想食個快餐，所以都可以。睇一睇個餐單，呢間餐廳都唔算平，沒有一些包左粉麵的套餐，如果要加粉麵就要加錢，但其實原價都唔平，點解我這樣不滿，因為我覺得份早餐太細。以上就是我今日的選擇，本人討厭煙肉，所以沒有選擇，不過其實服務生差點落錯單。好彩佢重覆再問一次，所以我覺得呢個步驟好好。我點了三樣東西，分別係蘑菇、香腸、火腿，牛角酥是我選擇的餐包，粟米和蕃茄本身附送的。碟那麼大，蘑菇個個細細粒，我好反感。牛角酥都保持很香，但香腸真是很細，還有這個早餐沒有醬汁，很乾。餐飲我點選了凍檸茶，但都要加4蚊，算係加得最少的飲品了。老實說我唔會再試，因為唔夠食。

我係第一次去太古食alfafa,但真係估唔到係咁差!!首先係服務的態度真係需要好大改善,明明見到我地舉起手同我地對望左一眼,都唔黎幫我地落單,我舉住個餐牌結果等左大概5分鐘先有人幫我地落單,呢5分鐘見到D員工兩個人執緊一張枱,仲要不停咁傾偈!!!我地叫左個套餐SET,套餐SET有豬扒焗飯同豬肋骨,個豬扒焗飯D豬扒原全係無任何味道,個豬肋骨D西蘭花連裝飾都不如囉!!!個豬肋骨足足等左45分鐘由我食完個飯開始等!!到底係咪需要咁來呀!!!定係唔記得左整,到豬肋骨上枱時,個員工見到枱上有4-5隻空碟疊起左都無收到,但係個員工去收係我地後面枱D碟,等左5-10分鐘都係我地叫人收左D空碟先有人收,我由14:00食到16:00足足食左兩個鐘!!!真係未去過咁差的地方食野!!!特別係個員工服務態度真係勁差囉!!!!

食早餐湯通粉食到最尾發現到有隻野係到同staff講完 佢拎走左之後返黎 佢問我你係咪想換過一碗我話 下我食完啦喎之後 佢地就冇左回事。。。。。。。。。。就係咁 好無奈 就比左錢食小強湯通粉。