alfafa (樂富廣場A區)

营业中

休息中

前幾日做嘢落咗去咗樂富商場，發現商場入面既餐廳好多都裝修得好靚，就是但入咗一間西餐廳試一試🌝前菜套餐跟前菜，可以選擇沙律或者餐湯。沙律入面有羽衣甘藍、果乾、亞麻籽 等配料而湯選擇左蘑菇湯，食落去有啖啖蘑菇粒，充滿香濃蘑菇味，我覺得揀湯好過揀沙律🤣🌝烤雞腿香草蕃茄天使麵 $98雞腿大隻得嚟肉質都幾鮮嫩，配上香濃蕃茄醬天使麵，唔錯🌝烤肉醬千層麵配薯蓉 $98食到肉醬充滿牛肉味，而薯蓉用唧花嘅方法呈現，睇落視覺效果更佳，而薯蓉帶有香濃牛油香味，但略為唔夠creamy , 質感較為乾身跟餐奉送一杯嘢飲我揀咗凍錫蘭奶茶，茶味充足👍總結：餐廳行健康風格為主，所以見到menu 菜式選材有Superfood及素食，店內以QR code落單，店員服務態度都唔錯，價錢亦都係唔貴，可以一試

餐廳配色柔和，座位非常多，提供多款西式餐點，dinner亦有set供應。平日晚市7點左右，已經有唔少客人食緊。焗肉醬千層麵配薯蓉($92)，肉醬量多，麵層唔會焗得過淋/硬，切既時候，仲見到層層狀態。旁邊2側既薯蓉幼滑，但唔會覺得膩。個人覺得味道清淡ok，唔會好重味，如果覺得唔夠味，可以加入肉醬稍作調味，效果亦唔錯。即焗關係，食個陣要小心。烤雞腿番茄香草天使麵($92)，雞腿超大隻，個皮已燒焦脆，雞肉嫩唔‘鞋’，好易就撕得開。而天使麵份量超多，男仔食一定夠飽甚至太多。麵身偏硬，有番茄、洋蔥粒等一齊炒香。不過略微油左dd。每個dinner set都附有是日餐湯或沙律，及飲品一杯。餐湯係有機蘑菇湯，蘑菇打成碎粒，超濃郁及香。原來仲人有埋餐包附送，麵包微微烘過，浸湯食就冇咁硬身。唔知係味唔同set既麵包會唔一樣，見有d食客係類似蒜蓉多士樣。餐飲選擇眾多，除左常見檸茶檸水咖啡，仲有公平交易既蘋果茶、雜莓茶等，味道聞落香，飲落味道就淡。整體，環境大及舒服，適合聚會，無論係情侶、朋友，又或係家庭聚會都好岩。食物份量多，價錢正常。

in Lok FuCafeFood: 💛💛💛🤍🤍Décor: 💛💛💛🤍🤍Service:💛💛💛💛🤍Price Value: 💛💛💛💛💛Price Range:💰 $80-150Favourite: 💖 Egg benedict with avocado and cheddar cheese ------------------------------- It's good value with friendly and attentive staff - Good option for a quick meal- Fresh and premium ingredients - Nice coffee - The food was excellent and so was the service

拍完車見到樂富廣場送咗$50 coupon夠$150就可以用就諗住試吓呢間lunch set見到一個意粉都要成舊水已經覺得唔太抵最後叫咗海鮮意大利飯 + 燒雞午餐附送餐湯及飲品先嚟咗兩個蕃茄雜菜湯完全係茄膏加水 好酸好難飲之後上飲品凍檸蜜同凍啡杯凍檸蜜係糖漿加水 （連最平嘅百花蜜都唔係）飲咗一啖乸喉已經在飲唔到老公個杯凍啡仲難飲過普通茶餐廳感覺好似雀巢咖啡粉開水 極度難飲最後我哋兩個 兩杯野完全冇飲過寧願飲清水講返主菜 個意大利粉完全冇味真係一啲味都冇 隻蝦非常之霉青口啲肉仲細過一毫子個燒雞好鞋冇味 街市買$30燒春雞都好食過佢最勁係連薯仔都係一浸酸味啲薯仔一咬係完全散開 西蘭花非常唔新鮮減完$50 Coupon 埋單都要二百幾寧願去7-Eleven買叮叮飯仲好食過佢永冇下次 超級失望加上咁樣嘅價錢性價比真係超低

Dinner Set for 2 $318🍲Mixed Veg Bouillon🥗alfafa Salad🥩Grain-Fed Tenderloin🥘Seafood Sizzlelini🍫Baked Chocolate Lava / Coconut Ice Cream🍨Sweet Garden (brownie) / Coconut Ice Cream.Delicious food with reasonable price!Will definitely come again!#Alfafa #alfafahk

用QR CODE落單好方便，不過時代變遷，又係代表佢可以請少啲侍應。燒春雞＄118有D生，配菜OK.海鮮飯＄128，有青口，魷魚，急凍蝦……份量都算多，餐包竟然係凍。女仔食完個餐都好飽。繁忙時間都坐唔滿，係A區地庫。埸內放左幾部空氣清新機。扒餐至少都要二百以上。仲有cookie賣。門口就能搞free parking手續好方便。Service就好好，有好細心提你嗰啲盤好熱。上菜又會幫你分去邊一邊。我個人比較著重呢啲服務。

因為工作，星期六係呢到快快食咗個全日早餐，個lunch set 有沙律或者湯，我要咗沙津，有少量沙津醬，幼切萍果，整體淸淡。可能多人叫外賣，食完沙律都等咗兩個字先上個全日早餐，煎鱈魚，超級好食，係啱啱煎好，金黃色，外脆內邊魚肉厚身而且一瓣一瓣，係新鮮貨。炒蛋夠嫩，蛋上有黑從露，蛋下面有牛油果醬和多士，除咗蛋，個多士我冇食⋯。唔係因為佢差，係我偏食啫🙈。沙津，煙肉同火腿，正常水準。可能疫情，堂食人好少，待應服務好好，因為我趕住返工，我一吹單，佢哋即刻同我跟。埋單大約120，抵！

今日太多野做，到3:30 先叫食到個Lunch ... 其實即係下午茶.. 🥲見佢唔駛等就快快脆入去坐低，話哂係下午茶時間，唔多選擇都正常既，我地叫咗蕃茄蜆肉意粉同燒汁雞肉天使麵，分別都係$56包杯飲品,係好抵食既✅✅燒汁雞肉天使麵味道都濃，不過雞肉有少少雪藏味，只要你加多𝓓辣椒仔就問題不大既可接受🤭但蕃茄蜆肉意粉🍝就差了，沒有蕃茄味，個汁好淡口，要自己加茄汁及芝士粉先至可以叫做有味.. 😵‍💫

我點了烤雞天使麵，醬汁味道不錯，麵身還是濕潤的，是用心的美食。價格平民，服務很不錯，以下午茶來說份量可以。我們5時左右抵達，雖說疫情下6時禁堂食，吃完後也沒有催迫感，很樂意再去光顧。☺️

Alfafa 🌼黑松露白汁薯條🍟($34.8) 6.5/10薯條雖然唔係粗身，但炸得夠外脆內軟。上面灑咗黑松露鹽，食落少少鹹，唔算好香黑松露味，加埋個黑松露白汁醬，甜咸撈一撈平衡翻。如果講黑松露香濃就冇佢份，不過過下口癮又okay 🙆🏻‍♀️烤加拿大穀飼牛柳配烤新薯及紅酒燒汁🥩($118.8) 7/10牛柳好重牛味，內裏都夠嫩，但明顯烤過咗火喉，出面個層少少韌，食落滋味少三分，傷心🥲另外，個烤薯🥔冇乜調味，比較單調，紅酒燒汁份量都少加紅酒味道唔出🍷，如果多啲燒汁配牛同薯仔就好了。焗卡邦尼海鮮煙肉有機鮮磨菇亞麻籽飯🍚($70.8) 7/10讚下個海鮮係足料嘅，又有蝦又有蜆又有魷魚圈🦐，唔係出面街迷你雜錦海鮮個種。揀咗紅米飯，但其實紅米份量好少，不過食落都幾有咬口，唯獨個卡邦尼食落芝士味🧀唔出，加上有種油膩感，食幾啖好易會滯嘅感覺。烤美國有骨豬柳天使麵🍖($55.2) 7.5/10天使麵幾有彈性🍝，塊豬柳唔算juicy，但嫩滑有肉味，唔鞋口。汁嘅味道適中，同樣嘅問題就係啲汁偏少同偏杰身，要有多啲汁配天使麵先搞得掂。 有機芒果茶+沙律🥗($27.5) 7/10個沙律幾豐富，又有羽衣甘藍又有蘋果

#fafafoodblog樂富 #fafafoodblog西餐🍴日式照燒雞汁烤雞有機鮮蘑菇天使麵 64 蚊🐥紅椒 洋葱 葱花一齊炒 個照燒雞汁幾香甜 雞肉幾彈牙 👍🏻 天使麵 幼身爽口 同照燒汁幾 match🍴Alfafa公司三文治配薯條 64 蚊🥪足料公司三文治 個皮焊得幾脆 雞肉 煎蛋 燒肉 生菜 🥬🐷 食落夠層次感 薯條似係平時食薯角既味道 帶 d沙沙口感#蘑菇 #天使麵 #照燒雞 #煙肉 #公司三文治 #薯條 Score 平均分 <7.6/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#alfafa樂富聯合道198 號樂富廣場 1 期ugL 226~~~~~~~~~~~~#fafafoodblog #為食花太郎 #fafafoodblog樂富====================

今天我和Honey很早就完成上午工作，所以打算悠閒地吃一個late breakfast，一想就想到Alfafa，因為這裏吃午飯和下午茶，質素都不錯 。Honey選G6餐牛角包、煙肉、香腸、雞蛋、粟米……賣相好吸引。而且，雖然是精製肉類，但是質素好好。牛角包又脆又香，配以牛油和果醬，一流。我點G9Benedict egg和超級沙律 等了很久……也值得。兩隻蛋烚得很嫩，蛋黃還是水流流的。而且，配以芝士和芝麻包，好好味！還有牛油果呢！ 超級沙律有：羽衣甘藍、杏仁、車厘茄、蘋果、杏脯……好健康！因為當午飯吃，怕不飽，所以+$12，加了蘑菇湯火腿長通粉。雖然不大碗，但是那磨菇湯非常濃，而且有新鮮蘑菇。長通粉的軟硬度也適中，製作認真。Honey飲即磨咖啡，我飲錫蘭紅茶。兩杯都好味。人不多，環境好，服務也好。平民化收費，酒店式早餐……Very Good Morning

—————————————————————🍴美食資訊🍴烤殼飼牛有機鮮蘑菇及亞麻籽燴紅米飯（$106)整體味道中規中矩，配料都足好多蘑菇🍄唔算話好好食，但都唔差。如果個牛肉冇咁韌嘅話，相信會加返少少分。烤雞腿蕃茄香草天使面（$92)呢個面最搶眼就係個隻大大嘅雞脾😋🍗雞脾夠嫩好食，天使面都唔錯，但個人覺得個汁濃味多少少，咁嘅話就會吸引好多🥴香烤雞翼4隻配燒烤醬（+$32,跟餐價）正常嘅烤雞翼，夠熱辣辣。作為一個跟餐小食嚟講算唔錯了👍👍————————————————————👑評分味道：3/5環境：3/5價錢：3/5份量：3/5服務：3.5/5會否推薦：會，但唔洗專登去位於樂富廣場嘅一間西餐廳。食物質素普通，唔會話好驚艷。店員服務都nice而且座位坐得都舒服，價錢都唔算話好貴。如果唔想食商場嘅一啲大型連鎖食肆，呢間係唔錯嘅選擇👍————————————————————

2021.12.28 Tuesday breakfast呢一天放假，走咗嚟呢度食早餐😁 一入去，感覺超良好，又早晨又笑容😃 客戶服務態度真係好，要讚👍🏼👍🏼手機點餐，正！仲要有埋餐牌，可以慢慢揀。都幾多選擇，包都兩、三款揀😀 女友當然揀佢至愛嘅奄列：G7-三文魚鮮菠菜芝士奄列，佢有一個叫 G4-Pick’N Choose，有六款揀三，我揀蛋、煙肉、蘑菇，要芝麻包。飲品可以遲上，真係好，真細心🥰 我倆都好鐘意差唔多食晒嘢先飲，因為又只飲熱飲，唔想放到凍哂😁有得食喇！都唔錯吖！係女友個三文魚奄列細咗啲又冇咩餡料😏 個牛角包都幾靚，又算大個。而我個份，多咗兜粟米添，個芝麻包就細個啲，好想有兩個，好味㗎😋餐茶女友要錫蘭奶茶，我要即磨咖啡。 奶茶好飲啲，我個人就麻麻哋呢種咖啡，濃咗啲又唔夠香。

同家人去試未來漢堡，兩個人份，剛剛好，味道同真牛差不多，好味，不覺是食緊素菜，薯條都幾好食😋，套餐有湯或沙律，叫了雜菜湯，有一個小小的包一齊上，還有一杯飲品。另外還叫了一個千層麵加薯蓉，同樣跟餐，千層麵ok,但薯蓉就無味😞