Alba Cafe (已結業)

朋友推介的一間新cafe 。是一間小小的店，同朋友聚餐傾計，幾舒服，又唔會要你限時埋單。估唔到食物都咁有驚喜。我哋叫咗一人一個大蝦意粉。從意粉嘅軟硬度就食得到廚師好有水準，味度適中，最重要係三隻大蝦好彈牙，食得出唔係平價嘢！朋友一面食一面話要下次再嚟。果日仲有款甜品選擇。個咖啡芝士朱古力蛋糕，大家搶住食，唔記得影相。聽聞係店主每日親手做的。瑞士雞翼，個汁又濃又香。極推！平均60幾70一個晚餐，包一杯飲品。我哋仲見個餐牌有下午茶，40蚊左右一個餐，超平，下次放假去試試先得

今次去到新蒲崗搵食，發現商場有新開既cafe，約埋朋友一齊去食個午餐傾下計，環境都舒服、食物精緻、服務殷勤。點餐：蒜辣牛油汁墨魚仔便意粉(本人少食辣嘗試咗蒜辣牛油汁，可接受的辣)、 蕃茄煙肉辣肉腸長通粉(唔辣，好味)、再了一杯mocha和綠茶心太軟(等了15分鐘左右，香濃嘅綠茶配上一個雪葩食既時候感覺好幸福，帶出了雪葩清新味道。

最近發現新蒲崗有間精品cafe, 叫＂alba cafe ＂外觀感覺唔錯。早上已見到有早餐賣，但未有一日停下腳步來試試。。今晚，終於機會到啦⋯⋯我收工約埋個同事來試菜Menus: A-F set dinner 選擇多黑松露大啡菇長通粉送到枱上已經好香松露味道，長通粉的口感唔錯，啡菇味道也配合得好夾。滴漏咖啡☕️咖啡好講果人口味，我只會說，這杯啱我*大杯啲就好，唔夠喉魚柳配扁意粉賣相都唔錯，整體可以，最欣賞係牛油汁飯後甜點：橙皮蛋糕平常我對橙皮麻麻，柚子皮就好喜歡。估不到，今次令我另眼相看⋯⋯好味到不停口份量可以2-4人吃問了店長，可外賣$80（記得係）總結：服務態度親切、食品的味道中上。看得出廚師用心主理👍🏻我個人最為欣賞係，自制黑松露醬配薯條，必食。（忘記留相，已吃哂）

兩個意粉好食，可能有d人會覺得個汁有少少「杰」，但係都好食, 如果餐廳大間d就好，好食既餐廳應該有多d人去食開業初期未有太多野揀，但期待之後既餐牌茶杯好靚，好襯間餐廳

在新蒲崗 Mikiki 逛街已是經常事，夏天也會來嘆冷氣，除了去一田買日常生活食品及用品，也會在商場食吓飯。今天經過這間 Alba Cafe，有種小清新的感覺，駐足看看餐牌，發覺有別於坊間的 Cafe，在空閒時間，嘗試了沙律及港人至愛 - 瑞士雞翼。今天的沙律好新鮮，食起來已知道是有機蔬菜，而且巴馬火腿加上蜜瓜，真是一大絕配；至於雞翼，心思獨到，專為了不想用手抓來食的人，把雞翼中兩條骨中的連接位剪斷，方便用刀叉來品嚐，值得一贊👍🏻

煩惱緊食咩好，四圍行下，見到新開既cafe，裝修好靚，坐下給人舒適既感覺！牆上面既畫好靚！💗食物不錯，幾精美！點左蕃茄什腸長通粉&香草他他汁脆炸魚柳包，食材新鮮！飲品就試左阿華田脆脆好creamy 好有cappuccino feel & 玫瑰花茶好清香！再黎個令人滿足既甜品🍮，焦糖布丁唔會好甜正合我心意，而且好滑，另外試埋朱古力布丁，超濃郁朱古力味，朱古力控岩晒🤩臨走見到佢地有蛋糕非常吸引下次要試埋先得😋