After You Dessert Café (已結業)

見冇人排隊入去試吓，失望，冰淡而無味，冇服務，一級收費，九流服務，價錢不合理，$148 芒果冰，名過其實。咁嘅價錢坐得好些都應該可以吧，清潔也是馬馬虎，不會再幫襯或者推介給其他人。

泰國人氣過江龍排隊店🇹🇭|必食芒果糯米飯刨冰🤤|After You Dessert Café「回憶這理想不夠理想，沿途逛世間一趟只有向上」，啱啱開關無耐，終於又可以出走散心，每次去泰國旅行，甜點環節After You都會係我同友人嘅必食之選，曾經試過一日食左七餐之後嚟到AfterYou門口，我地仍然食左榴槤&芒果燸米飯刨冰各一個，可想然知，係封關嘅時候聽到香港終於開咗AfterYou分店我地有幾咁興奮，急不及待已經走咗去試。-芒果糯米飯刨冰 4.1/5⭐️芒果糯米飯刨冰賣相做到同泰國完全一樣，淺黃色芒果雪山冰再加埋椰漿同點點脆米，非常吸睛，令我地食指大動，係友人一輪相機食先之後，正式由上而下開始食起，味道同記憶嘅相差無幾，刨冰透心涼之餘亦有芒果味，刨冰入面仲有芒果粒同糯米飯增加口感，芒果正常水準發揮，不過糯米飯稍微唔夠軟糯，食落口已經硬咗少少，食到底唔夠喉仲會附上嘅芒果醬同椰漿比大家補充。-鹹蛋黃蜜糖吐司 3.8/5⭐️吐司面層鋪滿鹹蛋黃配料，仲有兩球雪糕添，而且仲附上鹹蛋醬比大家補充，用料非常豐富而且打卡度滿分，味道正正常常，似係流沙包嘅味道，鹹甜配搭加埋配料都增添口感層次，不過鹹蛋黃醬

見到After You Dessert Cafe嘅泰式奶茶刨冰心心眼左一段時間，但都比長長嘅人龍嚇怕。今次早左dinner 7:30pm嚟到等左10分鐘成功入座～二話不說要左泰式奶茶刨冰，望到一層厚厚嘅creme 做topping已經好幸福，再嚟一大啖刨冰…嘩！係好香而自身帶雲呢拿味嘅泰式奶茶味啊～面頭嘅烤杏片增添左刨冰嘅口感，就算唔額外添加泰式奶茶醬都已經夠曬味，加完顏色更靚打卡一流！唔怪得咁多人慕名而來，好似飛左轉泰國咁，食完幸福感level up！我地見到seasonal menu有牛油焦糖脆餅吐司就忍唔住order左。嘩！不得了！牛油焦糖香到呢…就係你明知好肥要跑好多個鍾先燒到食落去嘅脂肪但你不能抗拒嘅味道！吐司烤得熱焫焫外層鬆脆，每一寸都沾滿牛油焦糖醬同Lotus餅碎，再加雲呢拿雪糕…WoW完全被佢征服！估唔到手痕加嘅toast比泰式奶茶刨冰更出色～

剛開業嘅時候好多人,但我最近兩次經過都無人排~所以第二次經過時就決定試下~佢嘅產品主要係刨冰,吐司,同埋飲品~而當中最人氣當然係佢嘅泰式奶茶刨冰~影相睇落好大,但其實實物唔算大,兩個人食差不多~賣相係好靚嘅,但個人覺得個刨冰味道偏淡~所以佢有一小兜奶茶俾你淋落去~而個奶茶係好香奶味,又好濃同好甜~食晒面啲冰,中間有一層麵包(怪怪地...),然後下面會有好煙韌嘅仙草一類東東~我覺得個仙草嘢幾煙韌好食~總括而言,都係打卡嘢~味道試過就好,不過不失~不過職員態度一般般~

This is not your regular mango sticky rice dessert - their mango sticky rice kakigori (shaved ice) is a must-try!! Loved the modern idea of eating glutinous sticky rice with mango shaved ice. The coconut milk cream and crispy rice on top elevated the mango flavor and added more dimensions to the dessert. Its on the pricier end as compared as the ones in Thailand but it’s still worth a try! What we ordered:🥭Mango Sticky Rice Kakigori $148

等咗好耐好耐成兩個鐘，終於食到😭想講係真好味既，入面係有芒果，好正！但覺得佢嘅椰漿多咗啲，因為佢本身都已經甜，啲椰漿又甜，就會搞到甜得滯，唔夾椰漿一齊都食都好好味，同埋佢真係好有芒果糯米飯feel，因為食到入面都有糯米飯😂

之前知佢勁多人排隊～所以一直冇黎過咗咁多個月後嚟到竟然唔使排隊直接入！我哋叫咗個泰式奶茶刨冰$138，抹茶鮮奶$45同泰式蜜糖檸檬茶$42個刨冰嚟到比我想像中細好多😂明明喺OpenRice見到好似好大舊咁🤣🤣突然間覺得唔值138。不過我食咗第一啖之後就覺得好好食！食到差唔多尾段仲有麵包同埋涼粉喺入邊～麵包朔晒奶茶幾正！涼粉就唔似平時喺街食嗰啲，係有少少煙靭同埋老老地嘅感覺但都ok!抹茶鮮奶就似正常出邊coffee shop飲嘅款式～唔會話太甜或者太重茶味不過個檸檬茶就怪怪地😂😂可能佢啲蜜糖同啲檸檬唔夾…好在唔係我叫😂😂😂

呢間泰國過江龍刨冰次次都好多人排隊,難得見冇乜人排即刻過黎試下😆 佢最出名係芒果糯米飯刨冰同埋泰式奶茶刨冰🍧,今次叫住一款黎試吓先!《泰式奶茶刨冰 $138》就咁睇個刨冰以為好細個,但係食落其實個份量都幾大碗,兩個人share一碗啱啱好👍🏻首先賣相幾靚,啲cream感覺好治癒😂食落甜甜地好輕盈,加埋杏仁片增加返啲口感👍🏻奶茶刨冰好綿密,奶茶味幾岀,嫌唔夠味仲可以加奶茶醬,不過個醬就偏甜,要就住落🙈個冰唔係成個都係冰,入面有仙草同麵包粒,仙草配冰就幾好食,但係啲麵包粒真係…🤢唔明點解要加,完全唔夾,麵包粒食得岀好重雪味,好難食😵‍💫Overall除左麵包粒之外味道係好食嘅!《香濃朱古力特飲 $45》呢杯朱古力就正常發揮,上面有一大pat cream,建議攪勻一齊飲,會比較偏向朱古力奶feel😌After You Dessert Café銅鑼灣登龍街52號景隆商業大廈地舖[⭐️5分為滿分]味道⭐️⭐️⭐️環境⭐️⭐️⭐️⭐️服務⭐️⭐️⭐️⭐️價錢⭐️⭐️⭐️推薦⭐️⭐️⭐️⭐️

因為有個long weekend ，🐭決定要更新一下，同大家happy share 食好西既喜悅🤭。打頭炮嘅係長期大排長龍，位於銅鑼灣，泰國曼谷過江龍甜品店After You🍧。🐭忙裏偷閑，終於喺平日唔需要排隊既時候，係香港食到啦🥹！🥭🍚芒果糯米飯刨冰 $148完全還原係泰國的味道啊！ 雪花冰夠曬綿密幼滑，粒粒分明，淡淡芒果味，完全食唔停口。食食下就會發現到煙靭嘅糯米飯，同埋一啲都唔孤寒嘅冰凍芒果肉🔥每一啖口感好豐富，每一啖都好感動😹 建議大家食到一半，再加上自家芒果醬同自製奶蓋，將個冰推到更高層次。🍓🍰士多啤梨芝士味刨冰 $138其實呢個味道都好有驚喜！呢個味道之前🐭係泰國冇食過，同樣棉密幼滑嘅冰底，唔知係咪個🍧白雪雪，睇落去軟綿綿，🐭覺得牛奶味個更加突出，做到入口即溶嘅感覺。再淋上滿滿嘅士多啤梨醬，食完一啖咩煩惱都冇晒😂 最有驚喜嘅位係佢嘅芝士蛋糕，芝士味夠曬濃郁， 口感亦好豐富，仲要份量好多，加埋個冰同埋士多啤梨醬好夾，真係要試試佢😏🍫🍞金莎朱古力蜜糖吐司 $128個樣打卡一流，不過味道不過不失，🐭覺得太多糖漿偏甜，可食可唔食🤣

呢間泰式甜品真係長期都多人排隊，今晚9:00去咗排隊唔使一個鐘之後入到去，比想像中快，味道都幾唔錯，不過價錢就比較偏貴！🍴泰式奶茶刨冰 $138 (8/10)刨冰比想像中細個，上面有一層奶蓋，都creamy有奶香，刨冰質感幾細滑，似綿綿冰嗰一種，不過係顆粒狀，奶茶味好香濃，茶味都幾出，完全係泰式奶茶嗰隻味，不過一啲都唔會甜，中間有啲麵包粒同埋涼粉啫喱嘅物體，個麵包濕晒口感好奇怪，啫喱淋中帶煙韌，ok嘅！隔離個泰式奶醬汁比較重煉奶味同埋偏甜就冇乜點食！🍴士多啤梨芝士蛋糕刨冰 $138 (7.5/10)刨冰係一個好淡好淡嘅奶味，上面有四個半粒嘅士多啤梨，一定要倒個士多啤梨醬落去先會有味！士多啤梨醬比較偏酸，士多啤梨味都幾濃郁，入面有芝士蛋糕，比較似日式嗰一種，質感海綿蛋糕，有輕微嘅芝士味，都幾香，如果鍾意比較酸酸地開胃嘅食呢一個就啱晒啦！推薦推數: 7.8/10整體來講味道都幾唔錯，比較推薦泰式奶茶味，感覺比較泰式少少正宗嘅泰式味道，不過如果要排隊排一個鐘以上就唔啦，因為刨冰嘅份量都比較細，價錢都比較偏貴。最衰冇芒果糯米飯嗰隻刨冰，如果有下次都會嘗試下！

銅鑼灣起碼有3間刨冰店，After you算係年資最短，但都係最貴嘅舖頭。3間我都食過，After you嘅刨冰係最綿密，而且唔係水+糖漿嘅刨冰，而係真真正正有味嘅冰，但真係少貴囉🙈*泰式奶茶刨冰 $138份量望落少，但兩個人share啱啱好！泰奶茶味奶味香濃，好似真係飲緊一杯泰奶，少甜但唔會好膩，同表面嘅奶蓋好夾。刨冰好綿密，少少冰渣感都冇，好似食緊一個好鬆軟啲雪糕。入面有麵包粒、黑糖啫喱，麵包粒口感幾得意，似麵包布丁，啫喱似寒天，比較挺身。$140兩個人share都幾貴，但我都係想食😂

✨芒果糯米飯吐司大量芒果肉 有兩大球椰子同芒果雪糕吐司烘得鬆脆 中間有糯米飯 味道都可以 但好飽肚✨芒果糯米飯刨冰份量比相象中細 但都足夠二人分享面層椰奶 稠身 冇乜椰香 有陣奶粉味外層芒果刨冰 輕身綿密 芒果味幾清香中間有香甜芒果肉同煙韌糯米飯 口感幾豐富配外跟左芒果汁同椰奶 整體都唔錯✨薰衣草荔枝梳打紫色好靚 薰衣草冇乜存在感 荔枝味香甜 幾好飲✨粉紅檸檬梳打顏色一樣好靚 味道酸甜 好清爽食物都唔錯 環境普通坐得好迫服務唔錯 價錢可以 但出餐時間好耐難怪成日有人龍😂 好彩今次我唔使排直入可以一試 但如果要排太耐就唔太值

接近20:45, 是時候為生活添一點甜。很多甜品店已接近休息, 見這店收22:00, 門外尚有小量人龍, 即管排隊碰碰運氣。排隊時, 店員告知21:00截單, 有機會未能入座, 我與友人認為只差15分鐘, 一博無妨。最終, 我們有幸於21:00入座, 成為當天最後一枱客人。小店裝潢明亮簡潔, 予人舒適感覺, 略嫌枱與枱之間有點相近。小店設有自助茶區, 方便有需要的客人。近門口位置有零售區, 售賣自家品牌產品如pancake粉, 糖漿, 小食, 布袋等。 小店提供吐司, 刨冰, 蛋糕和飲品, 款式不多, 定價偏高。客人於近門口位置點餐後, 會給予一個號碼牌放在桌上, 店員會奉上食物。是日目標清晰, 只想吃刨冰。士多啤梨芝士蛋糕刨冰 $138小店提供4款刨冰, 芒果糯米飯, 泰式奶茶, 士多啤梨芝士蛋糕和美祿火山口味。由於芒果糯米飯和泰式奶茶已售罄, 只可從士多啤梨芝士蛋糕和美祿火山之間選擇, 見士多啤梨芝士蛋糕為餐廳"Must Try"推介, 而且有芝士蛋糕在內, 即使本人對士多啤梨味道的甜品沒有信心, 怕味道不自然, 但又怕美祿火山只有美祿會單調, 故最後還是選了士多啤梨芝士蛋糕刨冰。

⊶ 泰式奶茶刨冰 $138黎到第一個感覺係超！級！細！$138咁細真無嬲嬲地即刻同個friend講話如果佢唔好食佢死梗會反枱走人食落夠綿綿 頭幾啖未落extra比嘅泰奶獎味道都好夠 係thai tea嘅味道👍🏻 上面嘅cream好味夠實唔會好空氣 食到底有驚喜 有麵包粒 同仙草 煙煙unun幾好食 不過總結性價比都係低 係好食但都寧願食Shari shari~~~~而且個冷氣勁凍 再食冰真係想死 食一次可以⬧︎⧫︎ After You Dessert Café ⧫︎⬧︎銅鑼灣登龍街52號景隆商業大廈地舖味道🌕🌕🌕🌗🌑環境🌕🌕🌑🌑🌑服務🌕🌕🌗🌑🌑

I arrived at 8:45pm and was in the queue. By the time my turn came it was just around 8:59pm. A guest had just left and a table was empty. I tried to get in but one of your staff members (chubby guy with glasses) said last order is at 9pm so I can’t get in. I even tried explaining to him that i know the dessert takes 20 minutes to come so by the time it’s ready, I’ll sit down. But he kept repeating ‘cannot’ like a robot. It’s like the staff can’t wait to kick everyone out and leave the place asa