Add Some Thai Restaurant

营业中

休息中

觀塘雖然多人，但真係好多好嘢食嘅地方😝店內環境都幾好，中間仲有啲design🤣叫咗個2人set係$388，不過再加$80多個主菜同埋加$48升級咗芒果糯米飯~~整體份量都幾多~· 泰式特飲 +$25🔺西貢少女呢杯就係最愛嘅熱情果😍加咗啲薄荷葉，成件事再fresh啲~🔺桑格妮亞飲落唔特別正正常常似利賓納加雜果(新鮮水果粒)，但偏甜嘅· 頭盤🔺酸辣鳳爪沙律首先份量幾多，我覺得個汁唔太辣又帶少少甜，酸味都有係幾好食嘅，啲無骨鳳爪唔會太淋夠爽脆🔺鮮蜆海鮮冬蔭功湯個湯係好足料！有蜆有蝦有青口，海鮮唔會有沙，冬蔭功味道都好夠，酸同辣都啱啱好，每人仲可以飲到2碗~· 小食🔺沙爹雞肉串，招牌手打蝦餅，沙爹豬肉串，泰式素春卷個人覺得小食就正正常常，蝦餅都彈牙味道都OK，其他就正常發揮啦😂😂· 主菜🔺酥炸軟殼蟹炒黃咖喱配手抓餅軟殼蟹比想像中大隻，一開二咁放中間係幾吸引嘅，個咖哩唔會太稀味道都香，咖喱裏面除左蟹仲有啲蔬菜例如薯仔矮瓜三色椒等令到個咖喱豐富咗，不過我對個手抓餅有少少失望，因為唔夠酥脆，但份量夠二人份🔺泰式炒金邊粉配鹹蛋黃酥炸海蝦炒金邊粉我覺得少咗啲泰式嘅味道，可能未夠酸？🧐應該少咗啲菜脯隻蝦好

最近陪屋企人嚟左呢間觀塘嘅泰國餐廳add some thai食飯。首先嚟緊嘅就係柚子海蝦沙律，啲海蝦新鮮爽脆，配上柚子汁同沙律醬混合，酸酸甜甜嘅味道好開胃。之後，炒金邊粉配鹹蛋蝦，啲金邊粉炒得恰到好處，唔會太軟亦唔會太硬，而啲蝦肉好鮮甜，鹹蛋味令味道更加突出。然後就係燒豬頸肉啦，啲豬肉燒得啱啱好，入口即溶，肉質好嫩，仲有微微嘅燒味，好好食！最後一款菜式係黃咖喱蛋炒軟殼蟹，啲軟殼蟹肉質鮮美，配上香濃嘅咖喱同滑嫩嘅蛋，味道好香濃，好食到停唔到口。總括而言，呢間add some thai嘅泰菜真係值得一試，食物質素高，服務亦好到爆，下次一定會再黎食。

帶家人來到位於官塘的「Add Some Thai Restaurant」，讓他嚐嚐泰西融合菜。先點椰青來解解渴，才慢慢再點食物吧。🥥 椰青清凉的椰青水甘甜可口，生津解熱。 二人套餐只需$388，包含頭盤(4選2)、小食(8選4)、主菜(5選1)、自選小炒和甜品。❣️ 泰式鮮蝦青木瓜沙律青木瓜沙律口感爽脆，鮮蝦鮮味。酸酸辣辣的泰式沙津，令人開胃。❣️ 椰皇椰青雞湯椰皇椰青味道芬芳濃郁，加上鮮嫩的雞肉，鮮甜清香，鮮美非常。❣️ 小食： 紐西蘭牛柳粒串、香燒菠蘿串、泰式素春卷、招牌手打蝦餅紐西蘭牛柳粒串牛肉味道濃郁，肉汁豐盈，肉質嫩而不柴。香燒菠蘿串香甜清爽。泰式素春卷外皮酥脆，內裏是薯肉和蘿蔔絲，口感不油膩。招牌手打蝦餅是必點小食，厚身蝦餅酥香可口，蝦滑爽彈。還有脆口蝦片，非常豐富。❣️ 酥炸軟殼蟹炒黃咖喱配手抓餅炸至金黃色的軟殼蟹，飽滿酥香，見到已垂涎欲滴。泰式黃咖喱香滑濃郁，以手抓餅蘸點黃咖喱來吃，非常惹味。❣️ 馬拉盏炒通菜新鮮通菜，脆綠鮮嫩，以馬拉盏炒起來，香口爽脆。❣️ 芒果糯米飯配是日雪糕 (2人份)芒果味道香甜，配上口感軟糯的糯米飯，滋味。濃郁椰子味的椰子雪糕，椰香飄飄。家人非常喜歡「A

炎炎夏日 朋友叫我去觀塘晚餐 穿過人潮去到 駱駝漆大廈 已經融化了好彩Add Some Thai 涼浸浸 又有流水。 即刻心情好返曬我地叫二人餐 好多菜式都係 蝦蝦蝦 全餐都充滿蝦好surprise 頭盤的salad 都有4隻蝦 都好新鮮的 本身好猶豫 要不要冬陰功 因為好怕有d 整到好甜呢個ok 酸辣為主 好濃。 同樣好多蝦如果有埋 金邊粉就正爆 小食 就特登唔要蝦 雞翼脆卜卜 有蝦片伴碟菜菜係 馬拉盞椰菜苗 好夠份量 菜葉唔老 軟殼蟹咖哩 發達了 有兩隻手抓餅 好似食極都仲有 點咖哩一流菠蘿炒飯 配料多過飯 滿滿海鮮 肉鬆成座山咁升級要 芒果糯米飯 和雪糕雪糕超凍 不怕溶朋友話 芒果糯米飯 好似巨型壽司咁 超大真心兩個人都飽飽的二人餐add some thai 服務又好 無得頂

之前黎食lunch覺得野食都幾好所以今次黎食晚餐我地叫左個蒜蓉炒椰菜苗點知係白烚椰菜苗，碟上面仲有烚菜嘅水，同個夥計講佢換一碟俾我地，味道依然係烚菜味。另外有個明爐青斑，魚有魚味，無其他味。雜錦海鮮金邊粉，啲金邊粉唔乾身~仲有個最過分既係泰式酥炸鹹蛋釀墨魚餅 ，無論係外表定係食入口完全冇鹹蛋，淨係食到芫荽朋友叫咗個芒果益力多沙冰，一樣係冇益力多味！！嘢食質素差咗好多！菜式名同出到黎嘅餸貨不對辦。冇下次

天氣熱辣辣，最適合就係清涼嘅東西。朋友話駱駝漆，有一間泰式餐廳叫Add Some Thai唔錯，就約咗我去食。呢間餐廳唔係最多人嗰幢，所以等lift就唔會等到熱辣辣。一見到門口已經有泰式風情！入咗去坐見到座位都好寬敞，而且裝修亦都好似置身係一個泰國嘅草屋一樣。見到隔籬枱好多都係2人餐，我哋都一於叫埋一份！Add Some Thai 二人餐選擇都好豐富，有前菜，小食，主菜去到飲品都可以有好多元化嘅選擇，仲可以加錢要埋甜品！前菜叫咗青木瓜沙律，除咗有青瓜絲之外，亦都有唔同嘅蔬菜，以及白灼蝦做配料，分量充足。蔬菜以及木瓜亦都非常鮮甜，配上少少酸辣嘅醬汁，每一啖都好refreshing。白灼蝦亦都爽口彈牙，餐廳好貼心咁樣剝埋學，所以一咬落去就已經係蝦肉。湯就叫咗椰子雞湯，味道鮮甜，表面非常清澈，見到入邊都有唔同嘅材料除咗雞之外仲有椰子，唔同嘅菇菌類等等，雞湯嘅味道亦都非常之香甜，雞肉十分之嫩滑，唔會話煲到老晒，亦帶有椰子嘅香味，生津解渴。佢哋以一個鐵煲咁樣嘅方式去上枱，所以去到食到中段嘅時候碗湯都仍然保持暖笠笠。小食拼盤可以揀唔同嘅串燒，我就揀咗手打蝦餅、牛柳串、沙嗲雞肉串、同豬肉串，一碟拼盤

今日過嚟食呢間泰國嘢，係同事們介紹嘅，佢哋食過幾次都讚好，今日特登同朋友過嚟幫襯一下，間餐廳真係佈置得好靚，好多打卡位，燈光好柔和，地方闊落，坐得好舒服，睇menu花多眼亂，好多選擇，到最後同朋友揀咗個二人餐，酸辣鳳爪沙律（二人餐頭盤）鳳爪爽口啖啖肉，沙律菜新鮮爽脆，配上酸辣嘅醬汁，係一個好開胃嘅頭盤，鮮蜆海鮮冬蔭功湯（二人餐頭盤）冬蔭功湯辣辣哋，裡面除咗有好多蜆肉之外，仲有蝦，個湯辣之餘仲好鮮甜，馬拉盞炒通菜（二人餐自選小炒）廚房炒得好夠鑊氣，通菜新鮮爽脆，份量足，好惹味，經典炭燒豬頸肉（二人餐追加小食） - $65豬頸肉份量好多，好抵食，而且上枱時有炭燒嘅香味，但又唔會太乾身，頗嫰滑，自家製手打蝦餅（二人餐追加小食） - $45手打蝦餅外皮香脆，內裡好彈牙，大大粒，啖啖肉，一支骨雞翼（4支）&沙爹雞肉串&沙爹豬肉串&紐西蘭牛柳粒串（二人餐小食拼盤）一支骨雞翼正常好食，而沙爹雞肉串&沙爹豬肉串&紐西蘭牛柳粒串則在水準之上，不會燒得太乾，蘸上沙嗲醬食，超惹味超夾，而且牛柳粒很軟嫰，泰式香烤豬手配薯條（二人餐主菜）主角出場喇！泰式香烤豬手，份量好多，好大隻，烤得剛剛好，外皮脆卜卜，裡面嘅

所有食物完全同泰菜冇關係。所有菜式都無泰國香料，非泰菜。只要你朝住食泰菜方向去食，你會對所有食物都好失望。食物質素極度求其，根本就係港式茶記冠以泰國餐廳。超級不推薦！肉碎生菜包：一大堆生菜碎上面鋪薄薄嘅極乾滷肉碎，準備定大生菜🥬包生菜碎🥗！明爐青斑：激乾滷肉碎再出現！🫘快餐店火鍋加條魚，清湯，韭黃芽菜調味。所有泰式香料都唔會出現。你食緊清湯魚🐟你清蒸佢好過🙃泰式蝦餅： 蝦餅襯沙律醬🍦你當呢度Neway啊？😂

今晚同朋友收工去左觀塘駱駝漆Add Some Thai食泰菜，位置好方便，觀塘站行5分鐘就到！個人比較鐘意去呢類上樓食肆，因為通常地方都夠寛敞，又唔會好嘈，好適合三五知己或二人世界慢慢食😋去到門口，裝修好靚，好有泰國風，地方大，枱同枱之間重維持緊當年防疫既距離🤭傾計唔洗怕隔離聽到😜打開餐牌，選擇都好多；另外Add Some Thai 有個二人套餐好豐富，$388包前菜，小食，主菜，炒菜同甜品，岩曬選擇困難既我地！▶️椰清雞湯好清甜，有雞肉同菇，啖啖椰青清甜味😋▶️自選四款小食拼盤，蝦餅結實彈牙😋▶️海鮮菠蘿炒飯，有蝦同青口，肉鬆量超多，每啖飯口感都非常豐富😋▶️蒜蓉炒椰菜苗，非常香蒜味，份量亦多▶️＋$48升級芒果糯米飯配雪糕，賣相吸引，味道亦充滿泰式風味😋另外重加左非常香脆既蒜蓉包同啖啖肉，扎實嫩滑既豬仔脾😋泰式奶茶同龍眼冰二人餐份量已相當豐富，味道好，坐得舒舒服服，唔洗逼又唔洗趕住走

今次真係嬲到第一次寫食評, 因為實在太失望！ 希望可以警惕其他人唔好中大伏！話說壽星公想食泰菜, 就係觀塘搵間評語唔錯又近壽星公返工嘅餐廳。一行6人慶祝生日聚會, 叫左一個4 人餐, 同2 人餐,再加小食咁樣。先黎兩個湯, 冬蔭同椰青.....一飲咸到癲左！ 完全飲唔到！！ 就算之後有侍應收野, 表達左兩個湯都太咸飲唔到, 回應都只係 「喔」 就再無下文！！！！！之後主食陸續地上, 每一樣都係差, 差, 差, 差, 差！ 串燒可以係無燒過咁係凍上枱, 雞肉豬肉全部都係嚡口, 咖喱可以係水咁淡味, 軟殻蟹可以係淋到發脹, 蒜蓉椰菜苗可以係淋嘅, 馬拉盞通菜可以係超咸, 豬腩肉係仲有酥味, 其他都不能盡錄.......我只係好奇點解仲有咁多好評？係D人真心覺得好食, 定係我地不幸？ 因為係朋友生日都唔想太掃慶, 當時正常埋單, 快快食完就算。但係總覺不吐不快, 點解而家咁多競爭仲可以比D 咁嘅食物質素客人？ 係因為唔自在有回頭客人定係覺得點都有願者上釣？咁係飲食業者嘅應有態度嗎？不過呢間餐廳我地都肯定無下次！！！我寫呢篇食評係希望警惕想去呢間餐廳嘅人, 我諗呢個價位肯定可以食D更值得你去比

今晚去左觀塘工廈一間叫Add some Thai食泰菜。呢排天氣悶熱唔係就落大雨，最啱就係食啲東南亞嘢。一入到門口，泰國氣氛好濃，寬敞坐得舒服，喺餐廳中央有個小小的流水池，繽紛的發光波波游嚟游去好得意。見餐牌都好抵食，尤其是二人餐，款式配搭多，加錢再多啲選擇。套餐已包括嘢飲、頭盤（沙律+湯），小食，自選小炒，主菜同甜品。特飲（+$25 )桑格妮亞，材料有芒果，蔓越莓，橙，菠蘿，檸檬。沙灘小子，材料有荔枝，薄荷菜，青檸。兩杯賣相好靚，好有夏日色彩，我個杯沙灘小子甜甜酸酸，有青檸同薄荷好清新。泰式鮮蝦青木瓜沙律好醒胃，有少少辣，鮮蝦好鮮味，加上木瓜感覺清新。椰青雞湯材料足，有雞、菌類和椰青肉，飲落好舒服清新。自選小食拼盤(8選4)紐西蘭牛柳粒串沙嗲雞肉串沙嗲豬肉串招牌手打蝦餅串燒燒得不錯，特別係牛柳粒好嫩滑必叫，加上特製沙嗲醬。招牌手打蝦餅好鬆化，外面炸得好脆，果然係招牌菜。金邊粉配黃金蝦份量好足，唔會太乾身，黃金蝦一上枱已聞到陣陣香味，蝦好大隻，黃金即係鹹蛋黃好惹味。蒜蓉炒椰菜苗鑊氣夠，椰菜苗出邊比較少食，份量足，炒得比較爽身，幾啱我口味。芒果糯米飯（+$48升級）芒果好新鮮，糯米飯煙煙

觀塘工廠大廈呢一間餐廳第一次去 晚市比較早入坐冇乜人 見住坐滿晒人 場地都幾大 上一個中央水池仔 開住唔同顏色閃閃吓嘅波波燈天花有好多麻繩造嘅吊燈 窗邊有竹簾 好有泰國氣氛見2人餐 $388 啲嘢食都幾好叫咗有湯 + salad + appetisers + main course + 菜 另外我都加咗special drink & dessert 前菜🤍泰式鮮蝦青木瓜沙律賣相吸引 份量剛好🤍椰皇椰青雞湯份量都幾多 又甜 雞香味重 估唔到咁多肉 小食（8選4）整體好正 一碟過上配埋蝦片🤍一支骨雞翼(4支）食得方便🤍香燒菠蘿串有3舊 juice 又香甜 必點🤍招牌手打蝦餅好大舊 有預期中的好吃 每人半件🤍泰式素春卷幼幼一條 充滿蔬菜 脆卜卜 每人一條主菜 （⑤選1）🤍招牌海鮮菠蘿炒飯好大個上 仲有鮮味青口 好多肉鬆 好好食自選小炒🤍馬拉盞炒豆苗係用上好幼身嘅豆苗仔 鑊氣好夠 甜品🤍芒果糯米飯配是日雪糕（2人份）可加＄48升級2片mango + 2舊細細個嘅椰汁糯米飯 甜度剛好 Drink 🤍椰林風光 $46椰子菠蘿汁 味道都幾得意 🤍芒果益力多沙冰 $48 好香芒果味

:/📍Add Some Thai Restaurants 觀塘繼續尋找美味泰國菜🇨🇷今次揾到觀塘區嘅一間性價比不錯的餐廳😀為慶祝父親節👨🏻🥳父親要求食泰國菜就揀咗一間方便就腳嘅泰菜😎無可否認, 入面裝修幾有氣氛( ̀⌄ ́)好有泰國風情 最特別係中間位置有條水流河🌊上面有好多波波燈流動🌌地方舒適✨唔會食完就好快要趕你走🤣✅打開餐牌見promotion 有二人套餐 (hkd 388) 套餐包括: 前菜, 湯, 小食, 主菜, 炒菜以及甜品 (+ hkd 48)🕯️酸辣鳳爪沙律開胃前菜🥗 鳳爪都有5 6隻 整得不錯又入味 不會過酸加上酸辣汁和沙律菜一齊食😋🕯️自選四款小食拼盤揀選咗👉🏻炸素春卷, 酥炸蝦餅🦐, 沙嗲雞肉串🐓, 紐西蘭牛柳粒串🐂肉串不好食、不夠熱🔥食得岀醬汁唔夠味，味道一般伴碟啲蝦片最差🥸食落就知唔係新鮮即炸🕯️原隻海蝦雜錦海鮮冬䕃公湯味道都可以 唔太酸湯汁散發岀泰式香料氣料 入面都有不同海鮮一齊去煮 包括👉🏻青口,蜆和魷魚🦑可以加多少少辣🌶️味🕯️酥炸軟殻蟹黃咖哩 配手抓餅因為軟殼蟹OK入味 都有兩隻蟹配咖哩🦀🦀不過咖哩味道正正常常 一啲都唔辣🫠有小小失望手抓餅煎得不夠香脆 食入口仲有點

觀塘Add Some Thai Restaurant 癮身於工廈之中嘅泰國菜感覺置身河邊嘅佈置佈置好有心思環境仲好舒適下午茶超抵食食物有水準．擺盤都好精緻✨迷你海南雞飯海南雞無骨啖啖肉一個人 份量剛剛好✨泰式迷你菠蘿炒飯爽口嘅沙律菜．菠蘿嘅造型粒粒金黃色嘅米飯加上海鮮同新鮮菠蘿粒．香甜美味✨精選泰式小食拼盤即炸熱辣辣雞翼：外皮香脆，單骨方便進食春卷：脆卜卜 唔會好油膩手打蝦餅：口感爽彈✨泰式奶茶必飲泰式奶茶茶底比港式奶茶 更香 更濃 更幼滑✨荔枝冰大大粒荔枝肉味道清甜．賣相精緻✨沙灘小子加入荔枝肉．新鮮青檸 同 薄荷葉酸酸甜甜．味道清新原來仲可以包房打麻雀 / Karaoke / 掟飛鏢下次收工可以成班同事一齊上嚟玩