A Bowl Of (已結業)

朋友介绍话有间好正嘅手工panini店🥪今日去开果边就梗系去食下嘢除左Panini外仲有汤、茶、松饼等一入门口就睇到有有机饮品同好多🍖睇落已经好吸引系一间几有格调啲店，中西合璧融合得好好👍order好之后，马上制作材料新鲜睇住整好似睇紧外国饮食节目咁:)叫左呢2款Panini肉同菜嘅比例，啱啱好食落口唔会干啲肉好正拿，我就唔开估系咩款式名等大家每款都试吓发掘惊喜（当然如果想知嘅可以由上边啲菜或者直接问老板）仲叫咗一个汤呢个汤真系不得了你睇吓啲料几满简直就系一比一啊完全唔怕食唔够菜最后仲嗌咗啲茶健康，养生一下先呢间可以encore试晒佢𠮶啲Panini店主都好Nice会介绍菜式同茶可以多多交流…查看更多

同朋友黎上环还完机顶盒, 系街上刻意留意有无小店可以帮衬, 行上小小斜路就发现依间楼上小店我同朋友睇完MENU已经流哂口水, 每一样都想试小店气氛温馨, 老板态度热情, 我地黎到既时候正系到同其他客人闲聊, 同街外商业急速生活完全系两个世界. 小店入面几张高枱, 厨房整洁企理, 加上独特古色古香既家俱, 第一次去已经觉得一定要介绍俾朋友. 你无睇错, 依个系中药百子柜, 老板同我地细数店内古董既历史, 如果唔系仲有野要做, 我地都唔舍得咁快走烤猪波罗伏洛芝士意式三文治 $88落左单之后老板就即时落手制作, 由切包到切肉, 再切左芝士落去, 个包愈来愈厚, 愈来愈丰富, 整好之后差D唔记得影相就放落口. 包身厚, 味道同猪肉既咸味好夹, 加上溶左既芝士, 我就最中意大大啖咬落去.巴马火腿水牛芝士意式三文治 $98老板同另外客人提起今日试紧一只新既包做三文治, 我地胆粗粗都提出可唔可以俾我地试下依款三文治用依只新包. 依只包无上一种咁厚, 有D似中东果边既烤饼, 风味当然完全唔一样. 老板续样材料加入去, 令份三文治充满层次, 材料新鲜, 饱得黎绝唔会漏.杂菜汤 ADD $20我第一次尝试咁多材料既杂菜汤, 好浓郁, 好好味有机有汽血橙$26有机有汽蜜桃茶$26见到玻璃樽装野饮就好似为成间小店锦上添花, 开左两枝有汽果汁味汽水, 一边饮一边睇住老板即场制作三文治整体黎讲, 男人都会够饱, 必定推介同再帮衬. 睇得出老板对食物既热诚, 希望更加多人都去试下…查看更多

好中意呢间野,第一次来,但好有家既感觉,好唔似一般既食店。呢度好多摆设同用具都好得意,连墙都好色彩缤纷,令人好开心。我系饮品柜选了一枝意大利制造既血橙梳打,非常好饮,仲好特别。饮得出有新鲜血橙汁,加埋梳打好FIZZY,正!是日餐汤系薯仔汤,饮得出系真材实料既薯仔,味道好浓,仲配埋餐包,可以点汤食。主菜系个意大利SMOKED BEEF包,个包有好重既橄榄油味,SMOKED BEEF都好香,而且份量好多,加埋火箭菜同CHERRY TOMATOES,相当美味。平时唔算好中意食意式包,但今次觉得好好味,可能系即叫即整既关系吧!好新鲜。另外叫左杯中式茶,好多茶叶。见佢好多冲茶既器皿,冇谂过食到咁正宗既意式野又饮到咁正宗既茶。同老板倾多几句,佢仲请我食水果杯添,里面有新鲜既RASBERRY,STRAWBERRY同埋迷你蓝莓,好味!我最中意就系莓味水果。…查看更多

听人讲九如坊有间几有特色的Panini外卖店。去左意大利无耐已经有啲挂住意大利美食所以就黎左A Bowl Of。铺头的位置有少少隐蔽，因为佢笠左少少入去。虽然出面睇铺面不大，但原来店内都几一应俱全。摆放左个几得意的中式药材柜，同埋好多老板系台湾买回来的茶具，营造了一种中西合壁的气氛。A Bowl Of的特色是自家烘焙Panini面包，倾谈下发现老板原来有多年的饮食经验，之前系茶艺师，仲曾在酒店整意大利餐失敬失敬。唔怪得呢度啲野食用料宁舍丰富，仲几好吃。我地嗌左个招牌熏牛肉青瓜意式三文治($98)：馅料丰富，牛肉咸香且味道浓郁，芝士溶在火箭菜和牛肉间，让人惊喜连连。不过因为青瓜卖晒用左蕃茄代替，如果用番青瓜，就更可以平衡到青瓜的爽甜同牛肉的咸香风味，更加美味烤猪波罗伏洛芝士意式三文治($88)：又一爆料之选非常好吃，猪肉片份量劲多，真抵食！而且伏洛芝士香浓，同猪肉好夹，每一啖都好满足。欣赏每款Panini馅料配搭都略有不同，为突出番每款食材而有变化除左Panini，见呢度啲饮品都几特别。例如即刻嗌左2枝意大利有机有汽血橙汽水($26)和有机蜜桃茶($26):两枝都系有汽汽水，但入口舒服顺滑，而且不会太甜，带有独特的口感和风味。食到咁上下都几饱下，就试埋他们的白牡丹热茶($38)和红茶($38)，白牡丹味道清香，红茶相对浓郁，非常消腻。仲可以近距离观赏老板认真泡茶专业专业~最后，老公仲忍唔住试多杯Latte咖啡($38)。呢度的咖啡用明治奶制成，咖啡豆颇香浓，奶滑，值得一试。总结，如果你喜欢品尝正宗意大利美食，想揾个地方饮杯野叹个包Chill下，咁A Bowl Of绝对是一个不错的选择。餐厅给人一种好温馨和舒适的感觉，老板的热情和亲切更会令人倍感贴心。…查看更多

巴马火腿水牛芝士意式三文治呢款三文治夹咗浓郁嘅巴马火腿同浓郁嘅水牛芝士，三文治嘅面包烤得啱啱好，外脆内软。🥪烤猪波萝伏洛芝士意式三文治烤猪肉肉质鲜嫩，菠萝新鲜又香甜得来带少少酸，而波籍伏洛芝士系意大利南部嘅特产，但有少少烟熏嘅香气，呢个配搭非常之夹。🤤意式熟火腿开心果肠水牛芝士意式三文治开心果唱好特别，真系第一次见，火腿嘅咸味同开心果嘅甜味好般配，而且芝士味好香浓，食落非常之有层次。😆有机有汽血橙啦口感清新，橙汁好新鲜，再加上气泡水嘅微妙气味，饮咗好舒服好解渴，而且仲好健康。🍹鲜奶咖啡咖啡味好浓郁，口感好滑顺，香味四溢，心形嘅拉花好靓，好有心思。☕️提拉米苏咖啡味蛋糕同奶油嘅完美组合。😁…查看更多